|
الايداع بالفيزا اصبح اسهل و السحب يكون على حسابك البنكى فقط للمصريين
السلام عليكم و رحمة الله و بركاته.
وصلنا اخيرا الصيغة القانونية التى تتيح للعملاء المصريين الايداع بالفيزا و السحب على الحساب البنكى بكل سهولة ان شاء الله.. الرسالة التالية هو نص الرسالة التى وصلتنى من الاخ امجد عطية مدير قسم الدعم العربى للشركة و الذى حصل على الرد من القسم القانونى للشركة بما يفيد امكانية تحويل المال ما بين الفيزا و الحساب البنكى بكل سهولة و هذه هى الشروط المطلوبة لاتمام الطلب حرصاً من شركة أف أكس دي دي على تسهيل الامور على عملائها في كل مكان و خاصة في الوطن العربي و إستجابة مننا لرغبات العملاء في مصر على وجه التحديد و التي أشارت الى صعوبة تلقي المال على بعض كروت الفيزا التي يتم استعمالها عند الايداع في الحسابات الحقيقية فقد قمنا في القسم العربي بالاجتماع مع إدارة الشركة و القسم القانوني و تم التوصل الى صيغة حل يرضي جميع الأطراف ويستوفي الشروط القانونية التي تفرضها الجهات الرقابية و يمكن تلخيص الحل في النقاط التالية: 1- يحق للعملاء المصريين فقط الإيداع عن طريق كارد الفيزا و السحب عن طريق التحويل البنكي المباشر في الوقت الحالي فقط و حتى إنفراج الامور هناك. هذا الأمر يعد إستثناء و ليس قاعدة عامة و سوف يحق لشركة أف أكس دي دي مراجعة الأمر بصورة دورية و تغيره أن أقتضت الظروف و تحديد أحقية كل عميل من الاستفادة من هذا الاستثناء. 2- بالنسبة لأي إيداع جاء عن طريق كارد الفيزا في مصر وسوف يتم سحبه عن طريق التحويل البنكي المباشر فسوف يتحتم علي العميل إبقاء هذا الايداع لمدة لا تقل على 30 يوم قبل سحب المال عن طريق التحويل البنكي المباشر. 3- على العميل أن يرسل لنا معلومات التحويل البنكي المباشر و سوف يتم مطابقتها بمعلومات البنك الموجودة في إستمارة فتح الحساب و لذلك نرجو توخي الدقة في تعبئة إستمارات الحساب بصورة صحيحة ومعلومات دقيقة . في حالة عدم تطابق المعلومات البنكية في إستمارة السحب عن المعلومات البنكية الموجودة على إستمارة فتح الحساب فيحق لشركة اف اكس دي دي طلب صورة من كشف الحساب البنكي الخاص بالعميل للـتأكد من هويته . هذا الشرط مقصود به التأكد من شخصية العميل و منع أي سحوبات غير قانونية من حسابه . 4- على العميل مراسلة القسم العربي بأي سحب حيث علينا المصادقة على طلب السحب الخاص به و إرساله لقسم المحاسبة . في حالة مخاطبة العميل للدعم الانجليزي فيما يتعلق بهذا الامر فنحن غير مسؤولين عن تأخر السحب حيث ان القسم الوحيد المنوط به هذا الأمر هو القسم العربي فقط. يمكنكم مراسلة القسم العربي على العنوان البريدي التالي sales.ar@fxdd.com.mt. أرجو ان تكون هذه المعلومات واضحة و يسعدنا الاجابة عن أي أستفسار او تساؤل من العملاء الكرام مع تحياتي أمجد عطيه مدير القسم العربي أف أكس دي دي aattia@fxdd.com شكرا ليكم اهتمامكم و سعة الصدر.. بالتوفيق للجميع |
رد: الايداع بالفيزا اصبح اسهل و السحب يكون على حسابك البنكى فقط للمصريين
شكراً يا دكتور علي الاخبار الجميلة و الحمد لله بالشكل دة بقي الايداع أسهل كتير من سابقة
|
رد: الايداع بالفيزا اصبح اسهل و السحب يكون على حسابك البنكى فقط للمصريين
جزاك الله خيرا
يا دكتورنا الغالى اسامه باشا على هذا الخبر الرائع وجزاه الله خيرا أمجد باشا مدير القسم العربي بشركة FXDD على مجهوده الكبير بفضل الله لخدمة عملاء شركة FXDD وفقكما الله وايانا جميعا لما يحبه ويرضاه ( آمين ) |
رد: الايداع بالفيزا اصبح اسهل و السحب يكون على حسابك البنكى فقط للمصريين
تمام جدا وشكرا لكل من ساهم للوصول الي هذه النتيجه الرائعه
وهنا لي استفسار مرتبط وخارج الموضوع ما هو افضل بنك في مصر يتم فتح الحساب فيه والعمل وفق هذه المعايير بكل سهوله ويسر؟؟ |
رد: الايداع بالفيزا اصبح اسهل و السحب يكون على حسابك البنكى فقط للمصريين
بالتوفيق للجميع ان شاء الله وشكرا يا دكتور علي المجهود المتميز
|
رد: الايداع بالفيزا اصبح اسهل و السحب يكون على حسابك البنكى فقط للمصريين
الله ينور يادكتور أسامه ,
بجد كانت مشكله بتقابل معظم العملاء , والحمد لله ان اف اكس اربيا كانت لديها يد فى حل هذا القضيه ,, |
رد: الايداع بالفيزا اصبح اسهل و السحب يكون على حسابك البنكى فقط للمصريين
اقتباس:
بشهاده أكثر من شخص ,, البنك الاهلى المصرى من أفضل البنوك كتعاملات وأقلها بالنسبه للمصاريف ,, بالتوفيق لك |
رد: الايداع بالفيزا اصبح اسهل و السحب يكون على حسابك البنكى فقط للمصريين
اقتباس:
بالتوفيق ان شاء الله |
رد: الايداع بالفيزا اصبح اسهل و السحب يكون على حسابك البنكى فقط للمصريين
تحياتي لك يا دكتور وإن شاء الله مش هنكون مضطرين للاستثناءات القانونية دي ولا هنحتاجها في حاجة لأن الناس عرفت وفهمت أيه هي الفيزا اللي يقدروا يعملوا بيها إيداع وسحب بكل سهولة وسرعة وبدون أي مشاكل والناس اللي هتكون محتاجة للقرار ده هما نوع واحد مالوش تاني وهما الناس اللي عملوا إيداع بفيزا نت في الشركة وعايزين يسحبوا المبلغ اللي في الحساب كله علشان يسيبوا الشركة http://www.fx-arabia.com/vb/images/s...20%2847%29.gif عموما حصل خير وكل الاحترام والتقدير لجهودكم العظيمة |
رد: الايداع بالفيزا اصبح اسهل و السحب يكون على حسابك البنكى فقط للمصريين
اقتباس:
بارك الله فيك يا أحمد باشا فعلا والله انا عن نفسى استفدت من خبرتك بفضل الله فى معاملات وقوانين البنوك مع شركات الفوركس |
رد: الايداع بالفيزا اصبح اسهل و السحب يكون على حسابك البنكى فقط للمصريين
اقتباس:
ربنا يخليك يا استاذ ممدوح واتمنى بجد الناس تكون فهمت كلامي ويعرفوا إنهم لما يمشوا صح بالقوانين مش هيلاقوا أي مشاكل او صعوبات تواجهم وحتى الشركة لما فكرت تعمل استثناءات قانونية طلعت قرارات مافيش منها أي فايدة بالعكس أنا حاسس إن الدكتور اسامة فهم طلبات الأعضاء غلط أو الشركة فهمت طلب الدكتور أسامة غلط وكانت النتيجة هي القرارات دي اللي انا مش شايف سبب ليها المهم حضرتك قولي أحنا هنستمر في الموضوع الأساسي ولا هنكمل هنا علشان مايحصلش تشتيت :1: وإن كنت أفضل الموضوع الأساسي باعتبار هذا الموضوع اللي احنا فيه ده تنويه او إعلان فقط تحياتي لك وبالتوفيق للجميع |
رد: الايداع بالفيزا اصبح اسهل و السحب يكون على حسابك البنكى فقط للمصريين
شكرا يا دكتور على الاخبار الجميله وان شاءالله تسهل على الكل |
رد: الايداع بالفيزا اصبح اسهل و السحب يكون على حسابك البنكى فقط للمصريين
اقتباس:
مام يابو حميد انا عندى حساب في البنك ده وسحبت اكثر من مره من شركه دى دى وخصمو فقط 15 دولار مصاريف تحويل عندى بقى سؤال هام جدا ايه اخبار البطاقه مسبوقه الدفع بالنسبه للبنك ده؟ الى ممكن اعمل بيها ايداع فى الشركه عشان حسابى فى البنك بالدولار مش عايز اسحب واروح اعمل بطاقه مسبوقه الدفع من بنك تانى بطاقه الاهلى المصرى مسبوقه الدفع شغاله مع دى دى عادى؟ |
رد: الايداع بالفيزا اصبح اسهل و السحب يكون على حسابك البنكى فقط للمصريين
اه بطاقة الديبيت شغال عادى مع اف اكس دى دى ..
المهم انك لا تحاول اكثر من 3 مرات حتى لا تغلق.. بالتوفيق يا غالى ان شاء الله |
رد: الايداع بالفيزا اصبح اسهل و السحب يكون على حسابك البنكى فقط للمصريين
للرفع ،،،،،،،،،،،
|
رد: الايداع بالفيزا اصبح اسهل و السحب يكون على حسابك البنكى فقط للمصريين
يا دكتور والله كان نفسي ادخل المسابقه
وعملت ايداع اليوم عن طريق الفيزا وكان الاول كنت اعمل ايداع عن طريق الفيزا العاديه وبعدين الدعم قالي حول الفلوس الي الانترنت كارد وبعد لما حولت بعمل الايداع بردو رفض كلمت الدعم قالي لازم تحويل بنكي عشان انتا كده الكارت بتاعك مينفعش تعمل منوا ايداع مش عارف ايه حل المشكله دي كنت عايز الحق انهارده المسابقه |
رد: الايداع بالفيزا اصبح اسهل و السحب يكون على حسابك البنكى فقط للمصريين
اقتباس:
|
رد: الايداع بالفيزا اصبح اسهل و السحب يكون على حسابك البنكى فقط للمصريين
بامانه انا عملت ايداع بالكارت مجرد لما دوست اوكى لقيت ايميل جى فتحت الحساب لقيت الايداع وصل سبحان الله
امال عمالين يقولوا 3 واربع ايام ليه ده مكملش خمس دقائيق بس يا هل ترا السحب هيبقى بالسرعه دى ؟ |
رد: الايداع بالفيزا اصبح اسهل و السحب يكون على حسابك البنكى فقط للمصريين
اقتباس:
ياريت يا باشا تقولنا ايه هو نوع الكارت بتاعك وتبع بنك ايه ؟ |
رد: الايداع بالفيزا اصبح اسهل و السحب يكون على حسابك البنكى فقط للمصريين
اقتباس:
فروحت عملت حساب توفير بالجنيه المصرى وطلبت بطاقه دايبت كارت وعملت كل الاجراءات بالبطاقه بس وانا بعمل الكارت قولت للموظف وخلى بالك منها قولتلوا مش تكتب اسمى بالانجلش علشان انا ليا اسبلينج معين وكتبت اسمى بنفس النطق اللى كتبتوا فى الحساب بس مش اكتر ولا اقل بس خلى بالك علشان انا قلولى الحد الادنى لفتح الحساب 1050 جنيه وليس 500 جنيه زى ما مكتوب فى الموضوع واتمنى انى اكون قدرت افيدك |
رد: الايداع بالفيزا اصبح اسهل و السحب يكون على حسابك البنكى فقط للمصريين
اقتباس:
ايوه ماشي بس اعرف ده بنك ايه ؟ |
رد: الايداع بالفيزا اصبح اسهل و السحب يكون على حسابك البنكى فقط للمصريين
اقتباس:
بس اعمل زى ما قولتلك وبلاش تسال الموظفين علشان مش فاهمين حاجه كلهم هنا بيعقدوا يفتوا ويالفوا كلام من عندهم ولو عايز اى حاجه اتصل بالكول سنتر هو بيفتى بردوا بس تحس انى هو فاهم علشان انا روحت اول مره وقالى مش ينفع تعمل ايداع على النت واتصل بالكول سنتر وروحت تانى وعملتها وعملت الايداع هما حمير وربنا يوافقك يارب |
رد: الايداع بالفيزا اصبح اسهل و السحب يكون على حسابك البنكى فقط للمصريين
اقتباس:
اقتباس:
اقتباس:
أهلا اخي المصري اعتقد إنه مافيش وقت نناقش فيه أسباب حدوث هذه الاخطاء لكن لو حابب تلحق المسابقة تقدر بكره تفتح حساب توفير بالجنية المصري في بنك بيريوس مصر وهتستلم الفيزا وانت قاعد وإن شاء الله يتم الإيداع بكل سهولة وسرعة كما حدث مع حسيني لسه بيقولي خلاص عملت إيداع لقى الرصيد في حسابه على الميتاتريدر ولكن يجب ان يكون أسمك في البنك مشابه لأسمك في الشركة حتى لا يحدث تأخير أو رفض بالنسبة لكلام حسيني عن الحد الأدنى لفتح الحساب فهو بصفة عامة وبشكل افتراضي هو 500 جنية بالاضافة لمصاريف الفيزا ولكن الموظفين في الفرع اللي هو راحه كانوا بيستهبلوا شوية عموما أعمل حسابك في أي فلوس احتياطي معاك علشان ماترجعش وتتأخر وده الموضوع الأساسي الخاص باستفسارات الفيزا والبنوك الى كل من يواجة مشكلة فى التحويلات البنكية الان خطوات الايداع بالفيزا وأي حاجة عايز تستفسر عنها انا متابع هناك باستمرار لأن نادرا لما بتابع أي مواضيع أخرى تحياتي لك وبالتوفيق للجميع |
رد: الايداع بالفيزا اصبح اسهل و السحب يكون على حسابك البنكى فقط للمصريين
الله ينور يا دكتور وربنا يعينك علينا علي طلباتنا .............. وابو احميد دائم الابداع اللي منطلق في خدمة الاعضاء في كافة الاستفسارات البنكيه .... ربنا يجزيكم خير جميعا .... وبالنسبالي انا قررت التعامل مع بلوم مصر بناء علي توصيات ابو حميد
|
| الساعة الآن 11:18 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com