|
مهارات الفوركس
السلام عليكم اخواني الاعزاء ، كثير منا دخل الى عالم الفوركس تائها ، تاخذه الامواج الى حيث يدري ولا يدري ، هل من طريقة للعوم في هذا البحر الهائج ، هذا الموضوع لتبدال الاراء والتجارب ، وليس ورشة توصيات او اي طريقة محددة في الفوركس تحياتي للجميع وبانتظار التعليقات |
رد: حوار للمبتدئين ومهارات الفوركس
اهلا بك اخى الكريم
انا بقالى سنة تقريبا او اقل مش لاقى الطريقة المناسبة برغم من تعلمى لحاجات كتير و تجريبى لاستراتيجيات كتير جدا انا بحاول اتعلم الهارمونيك حاليا |
رد: حوار للمبتدئين ومهارات الفوركس
اهلا يا بشمهندس ، منور بمرورك ، انا متاكد انك سمعت كثير عن كيفية البداية بالفوركس واسباب النجاح واسباب الفشل ، ومتاكد انك جربت طرق كثيرة ومفيش حاجة ناجحة ، انا جربت كل ده ، الفوركس اللي حينجح فيه هو انت لا طريقة ولا اسلوب تحليل ، ولانه الورشة لتبادل التجارب ممكن حضرتك تقول لنا ايه الطرق اللي جربتها ، وليه شايف انها مش كويسه يعني اذا سمحت طبعا احنا عاوزين نستفيد من بعض يمكن انت شفت حاجة احنا مش شايفينها ، ليه انا بقول الكلام ده لانه بالفوركس كثير ناس بستخدم طرق مختلفة وناجحة فيها بس لما اجنا نجربها نقول منفعتش صح كده ولا لا
تحياتي |
رد: حوار للمبتدئين ومهارات الفوركس
لااستطيع اضافة اي مؤشر او استراتيجيه للميتاتريدر...ويحدث هذا منذ شهر..اما قبل ذلك فيمكنني اضافة اي شئ.؟
اي منصه اقوم بتحميلها الان ارى الاعدادات قد تغيرت فلاوجود لاكسبيرت او انديكيتر.... ولني اجدها داخل ملف اسمه MQL4 وعند فتحه لايتقبل اي اضافه رغم وجود الاكسبيرت والاندكيترز بداخله....افيدونا بالحل رحمكم الله.... |
رد: حوار للمبتدئين ومهارات الفوركس
اقتباس:
تحياتي |
رد: حوار للمبتدئين ومهارات الفوركس
اهلا بيك
شوف مبدايا انا جربت كتير من الاستراتيجيات و فشلت فشل ذريع الهارمونيك كل ما اجى اتعلمه بقرف اوى اوى ههههههه طبعا الناس اللى بتشتغل بيه بتشكر فى النوع ده من التحليل الكلاسيكى و البرايس اكشن بتعلمه من زمان و بيحقق نتايج كويسة الصراحه فمركز عليه حاليا و قررت انى مركزش فى غيره ايه رايك |
رد: حوار للمبتدئين ومهارات الفوركس
اقتباس:
مع التقدير |
رد: حوار للمبتدئين ومهارات الفوركس
اقتباس:
اقتباس:
مساء الخير الاخوة يرجى متابعة الورشتين ادناه بالقسم التعليمي ستجدون ضالتكم باذن الله .. |
رد: مهارات الفوركس
السلام عليكم
احلى لايك على الموضوع الشيئء الاول الضروري التعليم بطريقة ممنهجة حتى لا يكون تشتوش في التقاط الافكار و الموضوع اعلاه الدي ارفقه الاستاد نادر ممكن يكون غني و متكامل و يفيد الاخوة الجدد |
رد: مهارات الفوركس
نقول بسم الله
كل منا دخل الفوركس لهدف معين ، واذا قلنا احنا داخلين عشان نربح حيكون طبيعي غير كده ، ممكن يكون اسباب اخرى لكن نطاقها ضيق ، طيب احنا عاوزين نربح واخترنا الفوركس لانه مش محتاج امكانيات كبيرة طيب نشوف مع بعض ميزات الفوركس : لو واحد فينا عاوز يفتح اي مشروع تجاري مهما كان صغير ، بالتاكيد يحتاج الاساسيات التالية : 1- يحتاج راس مال حسب طبيعة المشروع . 2- يحتاج مكان ليمارس فيه النشاط . 3- يحتاج لاختيار سلع معينة للاتجار فيها . 4- يحتاج لايجاد مصادر للمواد المطلوب المتاجرة فيها . 5- يحتاج لخبرة في نوع المتاجرة التي يرغب بها . 6- وليس اخيراً يحتاج الى سوق او فئة مستهدفة لبيع المواد لها . طيب احنا عاوزين نتاجر ، نفتح مشروع ، واخترنا الفوركس ، ياترى ده اختيار صحيح ولا مغامرة غير محسوبة خلينا نشوف اساسيات المتاجرة السابقة موجودة في الفوركس ولا لا : 1- رأس المال : يمكن في الفوركس البداية باي مبلغ بسيط ، يعني مشروع غير مكلف على الاطلاق . 2- المكان : يمكن ممارسة الاتجار بالفوركس من اي مكان وبابسط الادوات المتوفرة للجميع ( الموبايل مثلا ). 3- السلع : حدث ولا حرج العديد من ازواج العملات والسلع التي يمكن المتاجره فيها . 4- مصادر المواد ( البضاعة ) : العملات متوفرة بدون سقف وفي اي وقت والحصول عليها ممكن في اي لحظة . 5- الخبرة : ده عامل مهم لازم نتناقش فيه على مهل في الصفحات القادمة . 6- السوق : يمكن بيع اي زوج في الفوركس باي لحظة ، يعني كساد وتلف غير ممكن . طيب ليه الكل بيقول الفوركس وحش ، ده مفيش تجارة او مشروع اسهل من كده ، ياترى المشكلة فين ان الغالبية بتخسر نتابع ، واي تعليق انا جاهز تحياتي |
رد: مهارات الفوركس
المشكلة ان الفوركس يحتاج الى خبرة و تعلم كبير جدا
حضرتك تعلمت الهارمونيك و هل الكلاسيكى يفشل معك |
رد: مهارات الفوركس
طب حضرتك شغال بطريقة ايه ؟؟
|
رد: مهارات الفوركس
صباح الخير
طيب الفوركس مشروع رائع ، وممكن يخليك انسان ثري جداً ، زي التجارة بالضبط التاجر الشاطر اهو عنده فيلل وسيارات وارصدة بالبنوك مش كده ، يا هل ترى انت تاجر شاطر ، طيب انت عارف نفسك كويس ، هل سبق وان كنت تاجر في اي تجارة ...؟ اذا الجواب لا ، معلش يا صديقي الشغلة عاوزلها طولة بال . مش كده ما هو انت مش حتصير تاجر بيوم وليله ، والفوركس حاجة من اثنين ، ياتجارة يا قمار ( او عشان نلطف الكلمة لعبة حظ ) ، ياما ناس ملهمش بالتجارة واشتروا حاجة وربحوا فيها بس ياترى قدرو يكملو ولا دي كانت صدفة . * احنا عارفين التجارة عاوزة ايه وعندنا كل حاجة ، راس مال حتى لو صغير ، عندنا سلع نتاجر فيها ، عندنا اروع سوق نقدر نبيع ونشتري وقت ما احنا عايزين ، وبضاعتنا ما بتخربش ملهاش مدة صلاحية يعني ، وعندنا وقت ومكان ، باقي انو احنا نشتغل شوي على اننا نكون تجار صح كده ، طيب نكون تجار ازاي ، خلينا نفكر هو التاجر الشاطر عنده ايه : 1- عقلية متاجر 2- خبرة في مجال التجارة . كده كويس ، طيب ايه يعني عقلية تاجر ؟؟ نشتريها منين دي ، ماهو احنا ممكن نتعلم اساسيات التجارة وممكن ناخذ شهادة من الجامعه ، وده مايخليناش تجار ؟؟؟ تحياتي ونتابع |
رد: مهارات الفوركس
متابع معك شكله موضوع شيق
|
رد: مهارات الفوركس
وانا صغير ، والدي هو راجل بسيط وعايش على الراتب ، وعندنا جار بيشتغل بالتجارة ، والكل بينصح والدي متشتغل بالتجارة ياراجل دي حاجة ممتازة وتكسب ذهب ، حاول والدي كثير ومنفعتش معاه التجارة ( ده اللي بيتقال ) ، بس الصحيح انه هو منفعش مع التجارة ، طالما التجارة شغالة من اول ما انخلقت البشرية ، اذا العيب مش في التجارة العيب فينا ، لما كبرت شويه كنت اروح لسوق السيارات مع عمي ( وهو تاجر سيارات ناجح ) ، كنت اشوفه ازاي بيشتري وازاي ببيع ، معجبنيش شغله خالص ، ده غالبا ما بيشتريش السيارات الحلوة ، ويقول عنها متنفعش هههههه ، ويشتري سيارات متوسطة ، وكمان في حاجة كان بيشتري بس من الناس يعني مابيشتريش من التجار ، الله هو بيعمل كده ليه .
طيب ايه دخل الفوركس بده ، خلينا نشوف ، الغالبية بتخسر ليه في الفوركس : 1- لما تنزل اشاعة في البلد انه السكر حيرتفع سعره ، هوب الكل ينزل يشتري ويلحق حاله ، ويتصل فيك جارك وقرايبينك ياراجل اشتري ده فرصة ، دي اول غلطة في الفوركس ، ما تشتريش ولا تبعش بالطريقة دي ، امال اعمل ايه ، خلينا نشوف سلوك التجار - يعني حقول سيبكم من الاخبار والكلام ده على الاقل الفترة دي - : * لما تاجر بيشتغل في التجارة وتساله ايه سر النجاح يقولك " الوقت والسعر " ، انا بشتري الحاجة وانا عارف ومتاكد انها بسعر كويس واقدر ابيعها ببساطة ، وكان تجار زمان يقعدوا فترات مش بسيطة ، محلاتهم مفيهاش بضاعة ، وتساله " ايه يا عم انت معندكش حاجة " يقول " مفيش حاجة نافعة اليومين دول " ، طيب خلينا نشوف شارت عملة ونفكر فيها مع بعض : http://www.fx-arabia.com/vb/uploaded...1393664641.png طيب يا عم ده السوق طالع نازل ، طيب احنا بنخسر ليه ، السعر باين وبنشوفو كلنا بنفس الوقت ، طيب ايه المشكلة " المشكلة الوقت اللي احنا بنخش فيه السوق ، احنا عادة بنخش لما الناس بتقول عن عملةانها رايح تطلع او تنزل " صح كده " يعني احنا مش بنختار الوقت اللي احنا عاوزينه ، طيب احنا كلنا سامعين عن " وقف الخسارة " حنتكلم عنها بعدين بس خليكم فاكرينها نتابع ، وارجو المشاركة من الجميع لان الموضوع ليس تعليمي ، وانا عاوز استفيد منكم كمان يعني بلاش بخل هههههه |
رد: مهارات الفوركس
خلينا نوقف شويه ، واحكياكم تجربتي مع الفوركس ، وياريت تشاركونا بتجاربكم ، قبل ثلاث سنوات ، قرأت اعلان يقول " هل دخلك لا يكفيك ، ضاعف دخلك من خلال ساعة واحدة في اليوم " ، يا خبر ابيض ، قلت اشوف ايه ده طلع الفوركس ، طيب انا اسمع عن تجارة العملات بس مكنتش اعرف انه ممكن اتاجر من اي مكان وفي اي وقت ، وكنت فاكر اني محتاج رأس مال ، سجلت وتدربت شوية اقل من اسبوعين ودخلت السوق ، ما انا عاوز اضاعف دخلي ولا ايه ااجل ليه اليوم احسن من بكرة ، يا سلام اول اسبوع ربحت 1000 دولار ، مش مصدق نفسي ، دي حاجة سهلة امال الناس مش شايفينها ليه ، خلال شهر طار رأس المال ، طيب انا صار عندي ادمان ومقدرش اسيب الفوركس ، ده حاجة حلوة زي العاب الكمبيوتر ولا ايه ، خلاصة سنة ونص اخسر واودع بدون فايدة طيب ايه اللي كان بيحصل معي :
1- استخدمت الفايبوناتشي . 2- استخدمت التحليل الاساسي ( على قدي طبعاً ). 3- تعلمت هارمونيك . 4- انا اصلا محاسب ، استخدمت التحليل المالي ومتابعة الاخبار . 5- درست موجات اليوت . الله ومع كده خسران ، هو ايه الحكاية وليه انا ربحت اول مرة وبعدين لما تعلمت خسرت ، طيب مفيه ناس بستخدم طريقة وحدة وبتربح ، وبالفعل ناس صارت مليونيرية وربنا يديهم كمان ، يا ترى هو الفوركس نصب واحتيال ولا ايه ، واللي يخطر على بالكم ومايخطرش خطر على بالي ، طيب ايه اللي حصل ، تعرفت على راجل كبير في السن وكان تاجر عملة مشهور ، قلتله حكايتي : قللي بص يابني " هو مش في حسابات تجريبية " قلتله " نعم " قللي "طيب ماتجرب عليها يا سيدي وشوف نفسك " ، وقللي حاجة غيرت طريقة تفكيري خالص ، قللي ياسيدي على الحساب التجريبي متفكرش بالربح ، حط اهداف خسارة . ايه ده الراجل ده يمكن مش تاجر اهداف خسارة ياعمي انا عاوز اربح ، قللي اذا قدرت تخسر بكيفك تقدر تربح بيكفيك ، بس على شرط ، تفضل ياسيدي ، قللي ادخل بتحليل محسوب وبادارة رأس مال كانك شغال حقيقي ، لما تخسر فلوسك على التجريبي تعال مرة ثانية ونحكي ، سهلة جدا ده انا دايما خسران ، وفعلا هات ياحساب تجريبي ، وبإدارة راس مال صارمة ، وباهداف واستوبات وكل حاجة وتحليل ، ثلاث شهور مقدرتش اخسر راس المال ، ايه ده ، طيب يا ناس انا عاوز اربح ما اربحش عاوز اخسر كمان مقدرش ، ايه رائيكم ، ايشرائيكم نجرب الفكرة دي تحياتي ونتابع |
رد: مهارات الفوركس
شكرا استاذ امجد على الموضوع وانا من المعجبين بتحليلاتك التي كانت في الموضوع الاخر وكذلك مشاركاتك وكلامك في هذا الموضوع أثار اهتمامي.
ممكن ألخص سبب خسائري شخصيا في ادارة راس المال واعتقد هو سبب خسارة المتداولين العرب خصوص ذوي الارصدة الضعيفة. فالواحد منا يريد ان يربح الفين او 3 الاف دولار شهريا على الاقل انطلاقا من راس مال صغير الف دولار او أقل وهذا مستحيل لأنه يطلب بذلك نسبة ربح 200 ف المية او اكثر شهريا، لو كل واحد قديم ومتعلم شوية في الفوركس وضع هدفه الشهري 20 ف المية فقط سيصلها بالالتزام بما تعلمه وبالدخول بعقود صغيرة، وسيحافظ على هذه النسبة شهريا. يعني صاحب الالف سيحقق 200 دولار شهريا بسهولة، لكن 200 دولار لن تكفيه خصوصا انه يمضي اوقاتا امام الشارت فتجده يلجأ بعدها لتكبير اللوت للزيادة في الربح وهنا تقع المصيبة، لو أتت 3 خسارات متتابعة تجده بره السوق، إذن الحل ليس تكبير اللوت ولكن تكبير الرصيد، يعني لو رصيدك 10 الاف تضمن الفين في الشهر ولو رصيدك 20 الف تضمن 4 الاف وهكذا.. واذا بحثتم عن المتداولين الناجحين والمستمرين في السوق تجدونهم يتاجرون بمحافظ قيمتها 100 الف او اكثر وهدفهم بالكثير 20 ف المية في الشهر. عيبنا اننا نريد ربح الكثير من القليل وبشكل دائم... قليل دائم افضل من كثير منقطع |
رد: مهارات الفوركس
اقتباس:
اقبلوا التقدير |
رد: مهارات الفوركس
حد يقدر باي تجارة يصير مليونير ب 8 سنوات براس مال 100 دولار ، صعبة صحيح : مرفق جدول بسيط لتحقيق مليون دولار من 100 خلال 8 سنوات
http://www.fx-arabia.com/vb/uploaded...1393684786.jpg طبعا احنا بنقول 10% فقط يعني لو عندك 100 دولار عاوز تربح 10 دولار في الشهر الاول يعني لوت ميكرو 10 سنت ب 100 نقطة ، صفقة واحدة في الشهر 8 سنوات انت مليونير ، طبعا اذا قلنا انه احنا هدفنا 100 نقطة بالشهر فقط ، يعني 3 نقاط يومياً ، غريبة صحيح ثلاث نقاط بس كل يوم ، بالتاكيد حنزيد اللوت كل ما يزيد راس المال ، طيب دي استراتيجية راس مال بالتاكيد لا يعني انا لو قلت راس المال 100 دولار وحادخل ب 10 سنت للنقطة ، هدف 100 نقطة مكسب 10 دولار ووقف خسارة 40 نقطة يعني اربع دولار ، ايه ده ادارة راس مال ولا استراتيجية ، مش حقول هذه ادارة خسارة راس مال ورايح اوافق انها ادارة راس مال بس بالتاكيد مش استراتيجية ادارة راس مال طيب ايه الموضوع ، نستكمل بعد قليل . مع التقدير |
رد: مهارات الفوركس
نكمل ، بالمناسبة عمي تاجر السيارات صار مليونير ، وانا مفهمتش هو كان بيعمل ايه الا بعد اكثر من 15 سنة ، طيب احنا عاوزين استراتيجية إدارة راس مال ، ادارة راس مال وحدها موجودة الجدول فوق مليونير خلال 8 سنوات وممكن اقل بالتاكيد ، بس انا قلت 10% في الشهر او 100 نقطة بالشهر حلوين اوي ، طالما بيعملوني مليونير .
أول حاجة في اي استراتيجية هي الهدف ، طيب احنا هدفنا ايه وليه عاوزين نعمل استراتيجية ، اللي عاوز يعمل مليونير او يربح فلوس كثير ، يترك الفوركس لانه بيفكر غلط . ايه يعني احنا عاوزين نربح ومش لازم يكون هدفنا نصير مليونيرية او نربح كثير ، ايه التناقض ده ؟؟!!!!! هو مش تناقض الهدف لاي استراتيجية يجب ان يتعلق بموضوع الاستراتيجية ، لاني لو فكرت بالربح وركزت عليه ده يخليني اتخذ قرارات خاطئة ، طيب نعمل ايه وايه هدفنا . الهدف هو استخدام راس المال الموجود لتحقيق اكبر تنمية ممكنة بالتجارة بالفوركس . فزورة دي ، انت لو فكرت تلعب رياضة وتصير بطل دولي ، يا ترى تفكر بالميداليات والاعلام ، ولا بالتمارين ومقدرتك البدنية والذهنية ، ده مثال صغير بالرياضة انت تطور قوة جسدية وذهنية . طيب ليه ميكونش الفوركس وسيلة لتطوير امكانياتنا الذهنية والنفسية في التجارة ، طيب ممكن احنا ننجح بالفوركس وميصيرش معنا فلوس يعني نربح ، اذا جوابكم لا اذا مفيش داعي نفكر بالفلوس وخلينا نفكر بالنجاح ، احنا عاوزين نكون متاجرين ناجحين ، اي تعليق وبعدين نشوف ايه يعني استراتيجية إدارة رأس المال . مع التقدير |
رد: مهارات الفوركس
الله ينور استاذ امجد بدأت توصل للطريق الصحيح
بالتوفيق 10 نقط يومياً سهلة بس الاهم هل يمسك المتاجر العربي نفسه بعد تحقيقهم هل يغلق الجهاز و المنصة طبعاً لا النفس البشريه صعب التحكم فيها هيقولك ليه انتظر 8 سنوات ما ممكن اعملهم في 4 او في سنتين و هيبتدي يعلي في اللوت حتي تخرب منه الحسبة تماما ويبدأ بحساب جديد ليخسرة من جديد الالتزام التام بالاهداف و بوقف الخسارة تحياتي |
رد: مهارات الفوركس
اقتباس:
يعني انا بقول اي واحد عاوز يصير متاجر شاطر مش مهم طريقة التحليل ( مع اننا انشاء الله حنستخدم طريقة تحليل مميزة ) ومش مهم هو عنده كام رأس مال ، ولا خبرة كام ، المهم انه يكون عنده ذهنية ونفسية متاجر ناجح ، الباقي سهل جداً انشاء الله مع التقدير |
رد: مهارات الفوركس
الفوركس عالم جديد على كل واحد وخصوصا من ليس لديه اي سابق تجربة بالتجارة، لايمكن فهمه والنجاح فيه بواسطة استراتيجيات وتحليل فني واساسي فقط بل هو يحتاج اولا طريقة تفكير جديدة تماما لن يكتسبها إلا من لديه ملكة الخيال، الخيال الذي هو قوة العقل كما قال معظم عباقرة العصر.
اي انسان عادي اذا عرفته على الفوركس وبدأ في التجربة سيقول لك انه مجرد قمار يعتمد على الحظ وهذا ماعانيته مع بعض اصدقائي المقربين الذين اردت ان اعرفهم بهذا المجال الجديد عليهم لأنهم يفكرون بعقلية عادية وبنفسية عادية وعندما يفشلون يلومون الفوركس ولايحاولون لوم انفسهم لأنهم وضعوه في غير محله. |
رد: مهارات الفوركس
اقتباس:
التجارة اسسها واحدة وما ينطبق على التجارة في كل انواعها ينطبق على الفوركس ، الفرق بالفوركس انت مع منافسيين كبار ، بنوك مركزية وبنوك كبرى وتجار عمالقة ...... الخ ، عاوز تغلبهم بالساهل ، تمام زي اللي عنده فندق صغير وعاوز ينافس الموفنبيك مثلاً طيب مادام الوضع كده مفيش داعي نتاجر ونترك السوق لهم ، برضو نرجع للمثل السابق انت لو عندك فندق صغير مش ضروري تسكر لانه في فنادق كبيرة ، يكفي تعرف حجمك وامكانياتك ونوعية الزبون اللي انت حتتعامل معه وحتنجح وممكن يصير عندك فنادق اشهر واقوى من غيرك ..... في امثلة كثير على ده صحيح |
رد: مهارات الفوركس
هل احد يتاجر يوم السبت و الاحد
أعرف ناس تتاجر يوم السبت و الاحد فقط و الساعة 00.05 بيعلقوا اوامر باي ليمت و سل ليمت و اتنهي التجارة لهم و باقي الاسبوع مثل التجار الناجحين الشاطرين هستخدم مصطلحك انت شاطريين يعني ايه شاطر يعني لا يتابع شارتات لا يضيع حياته في التحليل و متابعة الاخبار يضع استوب لخسارته 1.2 اقل شئ بمعدل ربح 2 الاستوب 1 انت شخص شاطر يا استاذ أمجد حضرتك واضع هدف 100 و استوب 40 اي 1 الي 2.50 و ممكن بشء من التمكن يكون ا الي 5 اكمل بارك الله فيك دا انت واحشني من ايام كاوبوي الله يمسيه بالخير |
رد: مهارات الفوركس
طيب نكمل انشاء الله ، ما هي عقلية المتاجرالناجح احنا متفقناش لسه ، طيب نقول النقاط الاساسية لنجاح اي متاجر :
1- متى : وهاي اهم نقطة وقبل اي نقطة ، يعني مش معقول السوق عاكس من خمس ايام مثلا وكان طالع لمدة عشرين يوم ونسمع انه طالع نقوم نشتري ، لازم نعرف انه في وقت محدد لدخول السوق وفتح صفقة ناجحة . 2- كم : على اي سعر سادخل السوق ، يعني اعتبر حالك داخل مزاد علني ، لو المزايده مش متفقة مع تقييمك يفتح الله . 3- لماذا : لماذا ساختار هذه العملة دون غيرها ، على اي اساس استندت ، اخبار تحليل طيب عملت مقارنة مع باقي العملات والفرص حتى اقول دي الفرصة افضل من غيرها . 4- مالعمل : انت داخل صفقة وعندك تحليلك والشارت بتاعك ، والسعر خالفك ، تعمل ايه لازم عندك خطة بديلة تتصرف فيها 5- المدة : لو انا فاتح صفقة وحاطط هدف ياترى كم من الوقت عاوز السوق حتى احقق الهدف ومتى انسحب . النقاط الخمسة هما اساس اي متاجر ناجح ، لو مش محددهم خليك متفرج ، طيب ايه علاقة ده باستراتيجية ادارة راس المال ، هي دي استراتيجية ادارة راس المال ، احنا حددنا بالجدول إدارة راس المال ، انا عارف حربح كم وحخسر كم ، كل شهر مش كده ، لكن ممكن يكون عندي حل في النقطة رقم 4 مالعمل ، حنتاقش فيها بعد شوية نتابع مع التقدير |
رد: مهارات الفوركس
اقتباس:
|
رد: مهارات الفوركس
طبعاً اول حاجة احنا حندرس العملات ونختار عملة وحدة ، ونطبق عليها استراتيجية رأس المال المذكورة ، وعشان يكون الموضوع اوضح ، حنفترض اننا اخترنا الدولار / الكندي ( طبعا ده لغرض الشرح ) يعني مش حقيقي - هههههههه ، خلينا نفتح شارت نظيف بدون مؤشرات :
http://www.fx-arabia.com/vb/uploaded...1393700536.png طيب نطبق الاستراتيجية عاوزين نعرف متى ، وباي سعر ، ولماذا ، ومالعمل ، وما هي مدة الصفقة |
رد: مهارات الفوركس
5- المدة : لو انا فاتح صفقة وحاطط هدف ياترى كم من الوقت عاوز السوق حتى احقق الهدف ومتى انسحب .
النقطة الخامسة دي جديدة يا استاذ امجد منتظرين شرحها بس من غير ورشة شرح خفيف |
رد: مهارات الفوركس
طيب جنستخدم مؤشر واحد وترند واحد ، نشوف كده :
http://www.fx-arabia.com/vb/uploaded...1393700988.png شايفين ايه ، احنا بالاسبوعي صحيح لاننا في نهاية الاسبوع وممكن نروح للشهري لاننا في نهاية الشهر حنفحص الشارت كده : هو وصل ل 50 فايبو ، كسر ترند هابط ، كسر مقاومة قوية ، طيب احنا عرفنا ازاي انه كسر مقاومة هي فين المقاومة ، ده حاجة انا ارسمها بطريقة مختلفة شوية حشرحها بعد شوية مع التقدير |
رد: مهارات الفوركس
طبعاً افضل طريقة لرسم الدعوم والمقاومات ، هي الدروس المشروحة في المنتدى من قبل الاساتذة الافاضل ، انا ممكن ضايف حاجة بسيطة ، لكن ارجو اعتماد طريقة المنتدى ، مش عاوزين حد يزعل ههههههههه
انتو تعرفو ان المقاومة من خط واحد صحيح ، انا عندي المقاومة من خطين ، نشوف كده : http://www.fx-arabia.com/vb/uploaded...1393702224.png طيب ليه كده وتنعمل ازاي ، احنا نحدد منطقة فيها ارتداد ، المنطقة فيها اجسام شموع وذيول شموع ، نحط خط عند الاجسام وخط عند الذيول ، بعدين نفحص المقاومة قوية ولا لا نتابع |
رد: مهارات الفوركس
اولا لازم المقاومة تكون ردت السعر قبل كده ، وكانت دعم قبل كده ، يعني مفيش الكلام ده دي مش مقاومة ، نشوف كده :
http://www.fx-arabia.com/vb/uploaded...1393702546.png http://www.fx-arabia.com/vb/uploaded...1393702589.png طيب بس كده لا ، ده مناطق كانت دعم وكانت مقاومة قبل كده صحيح ، ايه كمان نتابع |
رد: مهارات الفوركس
ولازم يكون المنطقة بتنكسر بشموع قوية وطويلة ، يعني شموع صغيرة لا ، نشوف كده :
http://www.fx-arabia.com/vb/uploaded...1393702589.png http://www.fx-arabia.com/vb/uploaded...1393702854.png يعني كسر للاعلى بشمعة قوية ، وكسر للاسفل بشمعة قوية ، انا صحيح انا بالشارت الاول اعتمدت على الفايبو بس ده لوحده ميكفيش اي تعليق ، استفسار ، اعتراض اكون شاكر |
رد: مهارات الفوركس
اقتباس:
|
رد: مهارات الفوركس
طيب نظيف مؤشرات بسيطة ، مؤشر البيفوت ( يجب اختبار المؤشر مع المواقع لمعرفة نوع ودقة المؤشر ) وموفينج 20 ، نشوف :
http://www.fx-arabia.com/vb/uploaded...1393703575.png طيب احنا صرنا متاكدين انه فعلا كسر منطقة قوية ، اعتمدنا على كم طريقة : 1- فايبو . 2- قراءات سابقة . 3- بيفوت 4- موفينج . 5 ترند كما في الشارت التالي http://www.fx-arabia.com/vb/uploaded...1393703735.png طيب ندخل صفقة ونتوكل على الله ، بالتاكيد لا احنا دلوقت جمعنا معلومات ولازم ندرسها نشوفكم على خير |
رد: مهارات الفوركس
شكرا استاذ امجد
المرجو توضيح بعض الاشياء في مثال الدولار كندي هل السعر الان كسر دعم ام اخترق مقاومة لأني اتلخبطت خصوصا انك تكلمت على كسر ترند هابط على الويكلي وكسر ترند صاعد على 4س البايفوت المستعمل هل هو البايفوت الاسبوعي؟؟ السعر هل اخترق البايفوت لأعلى أم لأسفل؟؟؟ |
رد: مهارات الفوركس
اقتباس:
هو كسر ترند صاعد على الويكلي ، راجع الشارت ، بعدين كسر هبط وكسر دعم وترند على الاربع ساعات ، البيفوت يومي بس خلي بالك الشارت بتاع الاسبوع اللي راح ، يعني البيفوت مع افتتاح السوق حتيغيير ، والف شكر على السؤال بالفعل انا مرتكب اخطاء بالوصف . مع التقدير |
رد: مهارات الفوركس
اولا احب ان اشكر الاستاذ امجد لطرحه هذا الموضوع
ثانيا من وجهة نظرى المتواضعه من اراد النجاح فى مجال الفوركس لابد وان يتوفر فيه : 1 _ الاتزان النفسى وده اهم شيئ لان سوق الفوركس انا بمثله يشخص متزن نفسيا وعقليا لدرجه كبيره جدا ولا يعرف ما هى العاطفه اذا أردت التعامل معه لا بد وان تتمتع بقدر كافى من الاتزان النفسى والعقلى دون اللجوء الى أى مشاعر 2 _ ان تعرف جيد ماذا تريد من هذا السوق ( دخل مناسب شهريا ) 3 _ ان تتعلم التحليل الفنى والاساسى جيدا وده شيئ لا غنى عنه فى هذا السوق 4 _ ان تبحث عن استراتيجيات وتختار استراتيجيه واحده وأكرر واحده ترتاح للعمل بها وتقوم بتطويرها واذا أخفقت تقوم بتطويرها ثانيا وثالثا ورابعا حتى تفى بالغرض ولا تتنقل من استراتيجيه الى اخرى بمجرد اخفاقها فى بعض الصفقات لا بد وان يكون لك بصمتك الخاصه عليها حتى تتناسب معك 5 _ ادارة رأس المال وده الدروس عنه كثيره فى المنتدى |
رد: مهارات الفوركس
اقتباس:
كلام رائع في اشخاص بتدخل الفوركس واول شي بتبحث عن استراتجيه تشتغل عليها وبفشل وشخص اخر بنجح مع الاستراتجيه والسبب بسيط جدا الشخص الاول لا يوجد لديه خبره بالتحليل والشخص الثاني لديه خبره بالتحليل بنصح كل شخص فشل بالفوركس يتعلم التحليل الفني الاستراتجيات مثل القمار بتدخل وبتطلع وانتا مش عارف شو بصير بالسوق ونصيحه تتعلم التحليل الكلاسيكي لأنه بعتمد على تحليل السعر وما تضيع وقت خلف استراتجيات فاشله مع كل الاحترام لأصحاب الاستراتجيات .... انا بس حاب افيدكم والله يوفقكم ;) |
رد: مهارات الفوركس
شكرا للاصدقاء سايكو والعورتاني على المداخلة الجميلة .
نتابع - لاحظت انني ارتكبت بعض الاخطاء في الكتابة ، سيتم التعامل معها في السياق ، بالاساس سنعتمد على الرسم لتفادي اي اخطاء ، نحن وصلنا للتالي بخصوص الكندي : http://www.fx-arabia.com/vb/uploaded...1393753162.png السعر كسر الترند الهابط وارتفع من النقطة 1.08521 ووصل الى النقطة 1.12239 عند مستو الفيبو 50 وارتد بعد الاختبار هذا على الفريم الشهري لنشاهد على فريم 4 ساعات : http://www.fx-arabia.com/vb/uploaded...1393753778.png الزوج على الاربع ساعات صعد الى النقطة 1.11938 وارتد كاسرا الترند الصاعد المؤقت الصغير ثم كسر مستوى دعم قوي بشمع طويلة وارتد وهو الان يقف عند الدعم او المقاومة الجديدة تقريبا نحن نريد ان نحدد استراتيجية لإدارة راس المال نحدد من خلالها نقطة الدخول ووقت الدخول ، المؤشرات تشير الى ان الزوج في مرحلة هبوط على الاقل لغاية الترند الصاعد الاساسي كما هو مبين في السهم الاصفر الموضوع للمناقشة مع التقدير |
| الساعة الآن 10:58 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com