اف اكس ارابيا..الموقع الرائد فى تعليم فوركس Forex - هل ربح الفوركس حقيقي أم خيال !!!

- - هل ربح الفوركس حقيقي أم خيال !!! (https://fx-arabia.com/vb/showthread.php?t=55674)

هل ربح الفوركس حقيقي أم خيال !!!

السلام عليكم ورحمة الله وبركاته ،،
كنت أحب أن أقول قصتي مع الفوركس يعني من زاويتين
الأولى : من ناحية الشفافية اللي شايفها صارت قليلة اوي الفترة الحالية
الثانية : من ناحية الأمل وحابب الناس تستبشر خير برضه
أنا بدأت مع الفوركس سنة 2013 مكنتش أعرف عنه حاجه خالص ، واحد صاحبي مرة اتكلم على الفوركس معايا وطبعا مكنتش فاهم حاجه اللهم إلا أن في تجارة للعملات وفكرتها حاجه زي السوق السوداء ، بس لما عرفت إنها بشكل إلكتروني وعلى الإنترنت بدأت أبحث عليها وأشوف المواقع والمنتديات واتصدمت إني لاقيتها حاجه كبيرة وضخمة أوي وفيها الكويس وفيها النصب كعادة أي حاجه منتشرة ، المهم لقيت فديوهات كتيرة جدا بتشرح الموضوع بتفاصيل كتيرة ، واتكعبلت في منتدي اف اكس أرابيا بصراحه لقيته منظم وعارض موضوع الفوركس بشكل جميل ، ولقيت فيديوهات أ. أسامة عادل وسمعتها يعني وكونت فكرة مبدئية عن الفوركس وإزاي تشتغل وتجيب أرباح مع مراعاة الحالة النفسية وادارة رأس المال ، وكالعادة مشكلة التسرع في الحياة إني لازم أبدأ وأجيب أرباح بسرعة ، وفعلا فتحت حساب حقيقي بعد ما كنت عامل حساب تجريبي حوالي أربع شهور ، والصدمة اتمرجن الحساب في أقل من شهرين ، طبعا كلنا عارفين شكل الصدمة بيبقى شكلها ازاي عليك ، وللأسف كنت لوحدي لأن معظم أصحابي مكنوش بيهتموا بالمواضيع ديه ناس طيبة كده مش متطلعين أوي لحاية أفضل يعني ، تعدي الشهور وأقول لأ العيب كان فيا أنا ، ولازم أبدأ تاني وهوووب الصدمة الثانية يتمرجن الحساب في خلال شهر ، لأ بقى في حاجه غلط ، ومع كثرة الكلام على الفوركس شوية من النت وشوية من أصاحبي أنه عملية نصب على نظرية المؤامرة ، مع قلة المواضيع عن سحب الأرباح وغالبا الناس مبتكلمش أوي عن سحب الأرباح ومعظم كلامها عن الاستراتيجيات وطريقة العمل ، طبعا حسيت أن مفيش أرباح ومعظمها على الأمل الزائف ،،،
المهم عدة فترة طويلة كده بدأت أراجع نفسي وأشوف ايه المشاكل والسلبيات وبدأت أعالج الموضوع بشكل منطقي ومع عرض بونص السنة الجديدة مع شركة أف أكس دي دي أستعنت بالله عز وجل ، وفتحت الحساب وفأقل من شهر دبلت الحساب ـ وهنا اللحظة الحاسمة في حياتي علشان أتكلم عن الشفافية والأمل في أرباح حمسكها بأيدي ولا لأ - وفعلا قفلت كل العقود وبعت استمارة سحب الودائع ، (( وإيدي على قلبي وعقلي بيقول حيعملوا إيه حيبعتوا الأرباح على طول ولا شغل روتيني بقى والختم في الدرج ومدام سعاد أجازة وأستاذ فتحي بيصيف أو بيشتي مش حتفرق ، وشغل نظرية المؤامرة ))
وإذ فجأة رسالة على الموبايل من البنك تم تحويل 1000 دولار لحسابك البنكي ...............
طبعا خلاص كده ،، (( كل شيئ أنكشفن وبان ))
الخلاصة ،،
أنا آمنت بالفوركس (والإيمان هنا هو التصديق ) واستعنت بالله عز وجل ، واشتغلت وخسرت مرة وكسبت مرة زي أي حاجه في الدنيا ، ومسكت الأرباح بأيدي ، وكتبت الموضوع اللي كان نفسي أشوف أي حد كتبه قبل كده ، ( الشفافية والأمل )
وعذرا على الإطالة ..