اف اكس ارابيا..الموقع الرائد فى تعليم فوركس Forex - !~¤§¦ *خدمات بنكية بدون حساب*¦§¤~!

!~¤§¦ *خدمات بنكية بدون حساب*¦§¤~!

http://brandirons.com/TrailRiding/wp...k-Cash-Bag.jpg

“روكيت بانك” هو تطبيق اي فون روسي بأمن خدمات بنكية بدون حساب بنكي. بس كيف؟
الفكرة انو الشركة اللي عملت التطبيق متعاقدة مع بنوك موجودة فعلاً لتأمين البنية اللازمة لإجراء العمليات البنكية. مستخدم البرنامج بيدير حسابو البنكي من خلال البرنامج فقط (بنك افتراضي) مقابل مبلغ شهري بدون اي تعامل مباشر مع البنك الحقيقي.
الحلو بالموضوع انو التطبيق بيمكن المستخدم من تحويل الأموال لأي شخص بمجرد اختيار اسمو من دفتر العناوين او من خلال البريد الالكتروني، بدون حاجة اي من الطرفين لمعرفة رقم حساب البنك بشكل مباشر!
لما بتحول عن طريق هالتطبيق، بتوصل رسالة للمستلم انو تحول لألو مبلغ من المال، وهو بيختار انو يحطها بحسابو او يضيفها على رصيد موبايلو او على محفظتو الإلكترونية.
بمجرد ما تحمل التطبيق وتسجل بالخدمة، بيحصل مستخدم التطبيق على بطاقة دفع مباشر (فيزا) بتمكن المستخدم من تحويل وسحب الاموال من أي جهاز صراف بالعالم وبدون كلفة إضافية
التطبيق كمان بيعمل تحليل للنفقات مع تقارير بتصنّف المصاريف ضمن فئات الشي للي بسهل التحكم فيها وبيغني عن جداول اكسل اللي منعملها من فترة لفترة لنعرف وين عبتطير مصرياتنا!

الجدير بالذكر انو البرنامج حالياً مستخدم من بضعة آلاف من المستخدمين في موسكو، والشركة عبتخطط لتتوسع في أوروبا وحصلت مؤخراً على تمويل 2 مليون دولار كبداية.