|
موضوع لأفضل فكرة تفيد الأعضاء - المسابقة 14
بسم الله الرحمن الرحيم انا أخترت رقم 10 :1 (31): عشان ان شاء الله حتجوز شهر 10 اللى جاى فيارب يكون الرقم وشه حلو على يعنى المفروض تديلى الجائزة عشان حتجوز مش عشان الفكره حلوه :1 (82): بالنسبه للفكره انا شايف ان فيه مكتبه فيديو عندنا ايه رأيكم لو يكون عندنا مكتبه للموضوعات يعنى نشوف الموضوعات المهمه و نعملها فى شكل كتاب الكترونى و نحطها فى المكتبه ده حيوفر على الأعضاء جهد كبير يعنى ممكن اى عضو يحمل الموضوع فى شكل كتاب و يقراه فى اى مكان و مش حيحتاج ساعتها للنت و كمان ممكن يطبعه انا عن نفسى عملت كده فى بعض المواضيع فكره تانيه مقتبسه من منتدى تانى - المشاركه فى ارباح المنتدى على حسب متاجرة كل واحد- أعتقد يا دكتور انت فاهم فكرتى هى يمكن تكون مكرره بس حتفيد المنتدى كتير و رمضان كريم صوما مقبولا و إفطارا شهيا |
رد: موضوع لأفضل فكرة تفيد الأعضاء - المسابقة 14
أولاً ألف مبروووووووك الجواز .. وربنا يتمم بخير .. ثانياً : فهمت الفكرة الأولى لكن التانية مفهمتهاش ..، |
رد: موضوع لأفضل فكرة تفيد الأعضاء - المسابقة 14
ربنا يخليك يا نوارج
بص يا سيدى الفكره التانيه انه اى وسيط بينك و بين الشركه بيكسب منك صح زى ما الشركه بتكسب منك السبيريد ايه رأيك بقى لو انت كمان كسبت من الوسيط على كل عمليه متاجره تدخلها ؟ طبعا نسبتك حتكون قليله اوى بس بكده حتحس انك بتعمل حاجه حتى لو مكسبتش فى الصفقه بتاعتك |
رد: موضوع لأفضل فكرة تفيد الأعضاء - المسابقة 14
الف مليون مبروك الجواز
انا زى محمد مش فاهم التانية:) تحياتى يا غالى :) |
رد: موضوع لأفضل فكرة تفيد الأعضاء - المسابقة 14
بالتوفيق يا ريس و مكتبة الموضوعات فكرة توضع تحت المنظار و بالنسبه للفكرة الثانيه اسمح لى اولاً : اوضح شيئاً هاماً لحضرتك كتعديل بسيط فى ردك على اخونا نوارج ............... ما يأتى للوسيط من ريبيت فإنما يأتيه من الشركه و لا يخصم من رصيد العميل و لا من ارباحه و لا يزيد من خسائره هذا أولاً فمكسب الوسيط يأتيه من الشركه و إن كان مرتبط بما يقوم العميل فإذا ما قام العميل مثلا بفتح عقد مينى ربح منه 10 نقاط فقط لاغير فيكون ربح 10 دولار و لو ربح منه 50 نقطه فيكون ربح 50 دولار و لو ربح منها 100 نقطه يكون ربح 100 دولار انظر استاذى لما يمكن ان يتحصل عليه الوسيط فى هذه الحاله 0.50 ( خمسون سنتاً ) فقط لاغير تدفعها له الشركه و لا يتحملها العميل !!!!!!!!! و الوسيط عليه اعباء تجاه العميل منوط به القيام بها من عون و دعم و مساعده و حل مشاكل و كما ترى هنا دعم فنى متعدد و منه اكسبيرت هائل يوفر للعميل نسب ارباح معقوله بدرو داون قليل وارباحه كامله للعميل دونما اقتطاع نسبة من الارباح نظير تشغيل الحساب لأن المبدأ و الاساس ارباح العميل للعميل و ارباح الوسيط للوسيط ......................................... هناك بالفعل وكلاء و منتديات توفر للعميل جزء من الريبيت الخاص بها و هذا فكرها لجذب عملاء انما الامر هنا و القرار هنا اعتقد د / اسامه هو الجدير بالرد على حضرتك فى هذه الفكره انما هذا رأيى الشخصى |
رد: موضوع لأفضل فكرة تفيد الأعضاء - المسابقة 14
شكرا لك على الاقتراحات
بالتوفيق |
رد: موضوع لأفضل فكرة تفيد الأعضاء - المسابقة 14
اقتباس:
على كده حقكم منقوص يا أستاذ سامي الريبيت بيكون نقطتين من كل صفقة وبنفس حجم النقطة التي يفتحها العميل ...هذا والله أعلم . |
رد: موضوع لأفضل فكرة تفيد الأعضاء - المسابقة 14
طيب انا مش مشارك فى المسابقةو او فى الرقم دة يعنى بس عندى فكرة يا رب تعجبكم بصوا انتو هتعملوا موضوع واحد يضع فيه كل من هو قادر على تقديم توصيه للاخوة المبتدئين وكل واحد بيفتح حساب تجريبى ينفذ عليه الصفقات عشان الشفافية وخد عندك توصيات اشكال والوان بقى اسكالبينج وسوينج وتوصيات اساسية وكلاسيكية وشهباوية ... الخ الخ واخر الشهر او اخر بعدي شهرين زى متحدد ادارة المنتدى يتم حصر نتائج توصيات كل موصى او كل موصى يقدم كشف حسابه التجريبى اللى نفذ عليه الفرص لادارة المنتدى + اقامة تصويت يضع فيه المتابعون تصويت لافضل توصيات تابعها من عضو وعليه يتم اختيار افضل موصى لهذا الشهر ويتم تقديم جايزة رمزية اما من المتابعين او من الادارة ييبقى احنا ضربنا عصافير كتير بحجر واحد عملنا ما يشبه ب مول التوصيات وحدنا الفرص فموضوع واحد عشان سهولة المتابعة + زيادة تفاعل وصييت للمنتدى ارباح ان شاء الله للجميع وجايزة تشجيعية للموصين عشان يحسوا ان تعبهم مش عالفاضى ولو ان احسن من الجايزة دعوة من اى شخص على نقطة ربحها من خلال توصيتو + خلق روح المنافسة بين الموصين ودة هيخليهم يقدموا اداء محدش شافوا منهم قبل كدة + جذب الانتباه من قبل موصين كسلانين انهم ينزلوا توصياتهم وممكن الادارة تكسب اعضاء جدد من موصين ومتابعين كمان ايه رايكو فى الفكرة دى يا جدعان ! :1 (77): |
رد: موضوع لأفضل فكرة تفيد الأعضاء - المسابقة 14
اهلا محمد باشا و الف مبروك على الجواز يا باشا و...
ربنا يقويك :1 (72): فكرة الموضوعات المجمعة هى فكرة ممتازة و نحن بالفعل سنقوم بها و لكن كنا منتظرين ان يتجمع عدد هائل من المواضيع لنفتح لها قسما خاصا باسم المواضيع المميزة لكن المشكلة ان نقل المواضيع لاقسام اخرى يقتلها لان كل الضغط على القسم العام فمثلا لدينا 80 زائر الان فى القسم العام و اقل من 10% من الزوار موزعين فى باقى الاقسام., النقل او النسخ سيكون تكريما للموضوع ليس اكثر و نحن بالفعل سنقوم بعدة اعمال قوية بهذا الشان منها مكتبة كاملة للمؤشرات يقوم بها الاخ نادر فيليب و ايضا لدينا مكتبة عملاقة للكتب منقولة بيد الاخ الرائع عبد اللطيف و ايضا مكتبة الفيديو, اعتقد ان نقل المواضيع الهامة الى اماكن اخرى يقتلها و لا يفيدها و يمكن ذلك مع عودة الموضوع الى الوراء ان ننقله الى قسم خاص. ايضا الاستراتيجيات يمكننا عمل قسم خاص للاستراتيجيات و لكن برضه نخشى ان نقتلها لان النقل اثبت فشله فى اغلب المنتديات., النقطة الثانية و هى اعطاء نسبة من عمولات الصفقات الى صاحب الحساب نحن نعترض عليها لسببين: 1- الاول اننا نحصل على نقطة واحدة من الشركة و لا نضع اى عمولات اضافية او كوميشين على العميل. 2- العميل الذى يحصل على نسبة من الريبيت يصبح خصما و حكما فى حسابه و هو امر خطير جدا للعميل فالعميل يفكر انذاك فى العمولة و يفكر فى فتح صفقات كثيرة ليحصل على نسبة و هذا ضار جدا بالحسابات و صدقنى اخرته خسارة. 3-نحن نقدم خدمات هائلة لم يقدمها اى وكيل اخر مثل تصميم الاكسبيرتات مجانا و تشغيل الاكسبيرتات الخاصة بالمنتدى مجانا و خدمة الصفقات المتعثرة و قريبا الرسائل القصيرة ان شاء الله و هى خدمات قوية نحن نقدمها و تحتاج الى دعما و مالا من اجور مشرفين و جوائز و مصاريف تشغيل سيرفرات و خلافه. غالبا تجد من يعطى نسبة من العمولات للعميل لا يقدم له شيئا اخر بخلاف ذلك و اعتقد ان العميل يهمه ان يربح مالا و خدمات افضل من ان يربح عدة سنتات قليلة., اقتراحات جيدة يا غالى و المتاح فيه سننفذه ان شاء الله و الف مبروك على الزفاف يا غالى, عايز اشوفك فى الفوركسندرانية القادم قبل ما تضيع :) تحياتى يا مان. الله كريم., |
رد: موضوع لأفضل فكرة تفيد الأعضاء - المسابقة 14
اقتباس:
الفكرة منفذة بالفعل و مكتوبة فى موضوع اعرف منتداك فى توقيعى و هى احد اساسيات عمل ارابيا التوصيات هنا لها عداد خاص بها يكشف مزود التوصيات امام الجميع من خلال نتائجه و مع الحصول على 100 توصية ناجحة اجمالا يحصل العضو على 100$ هدية فى حسابه الشخصى. نحن نقوم بذلك لافادة مزودى التوصيات و ايضا الاعضاء و لكن التوصيات غالبا ما تذهب بالاعضاء الى الخسارة نظرا لاعتمادهم عليها من اكثر من مزود لذا هذه الفكرة لفلترة من يعطى التوصية و تصبح نتائجه واضحة دائما و ليس لشهر و لكن للابد :) شكرا يا باشا على الاقتراحات و فى انتظار المزيد منك تحياتى يا غالى., الله كريم., |
| الساعة الآن 05:04 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com