استفسار عن كيفية الايداع والسحب فى FXCM داخل مصر
السلام عليكم شباب المنتدى
انا عندى مشكله فى الايداع من داخل مصر فى شركة FXCM انا خلصت اجراءات فتح الحساب الحمد لله, بس اتصدمت انى مش حعرف اعمل ايداع للشركه بتحويل بنكى من مصر !! رحت الى 3 بنوك وكلهم والحمد لله مانعين تحويل الفلوس لخارج مصر؟ والمشكله اللى مقابلانى انى لو عملت ايداع عن طريق الفيزا FXCM بتشترط انى وقتها اسحب برده بنفس الطريقه وده مش مناسبنى عشان انا عايز لما اسحب ارباحى باذن الله تجيلى دولار فى حسابى فى البنك مش بالمصرى فى فيزا وكمان عشان اسحبها فيها حوار طويل عشان ده فيزا انترنت !! سؤالى لاهل الخبره اللى عرفو يفتحو ويسحبوا فلوس من FXCM ازاى اعرف اعمل كده من مصر؟ عن طريق بنك ايه؟ ولو مينفعش عشان ده شروط بنوك يبقى ايه الحل؟ شكرا |
رد: استفسار عن كيفية الايداع والسحب فى FXCM داخل مصر
وعليكم السلام اخي الفاضل
حتي تستطيع ان تحول اموال خارج البلد يجب ان يكون لديك حساب دولاري ومر عليه 6 اشهر وقتها تستطيع ان تحول اما الحل الذي يتبعه الجميع هو الايداع عبر انترنت كارد او عبر فيزا مربوطة بحساب بالجنية المصري والمفروض ان الفيزا او الانترنت كارد لا يقبل السحب عليه الا الاموال التي اودعت من خلاله يعني لو اودعت 250 دولار مثلا واصبحوا 500 لن تستطيع سحب الا 250 فقط وال 250 الاخري تسحبهم علي حسابك البنكي راجع هذه النقطة مع الشركة ووضح لهم هذا غير هذا لا يوجد حلول صراحة الا لو الشركة عندها طرق ايداع اخري |
رد: استفسار عن كيفية الايداع والسحب فى FXCM داخل مصر
انا عمرى ما عملت ايداع غير بالفيزا
وبرغم كده اشتغلت مع fxcm وكسبت وخسر وبعدين طلبت السحب وصفرت الحساب وتم التحويل على حسابى البنكى بس بصراحة مش فاكر المدة كانت كام بين الايداع والسحب على فكرة كمان fxcm uk |
رد: استفسار عن كيفية الايداع والسحب فى FXCM داخل مصر
انا كلمت الشركه وعرفت منهم ان المبلغ اللى بيتم ايداعه فى الاول فقط هو اللى بيتسحب بنفس طريقة الايداع اما الارباح او اى مبالغ زياده عن راس المال بيتعملها تحويل بنكى عادى مفيش مشكله.
يعنى اللى بتواجهه صعوبه فى الايداع ممكن يستخدم الفيزا عادى فى الاول ويسحب ارباحه عن طريق التحويل البنكى |
رد: استفسار عن كيفية الايداع والسحب فى FXCM داخل مصر
يعني القيود فقط علي التحويل وليس الاستلام صح ؟
|
رد: استفسار عن كيفية الايداع والسحب فى FXCM داخل مصر
بالظبط, من بعد الثوره فى مصر وفى قيود على التحويلات للخارج لازم يكون فى سبب للتحويل للخارج كالدفع لشركه بتصدرلك بضاعه.
لكن تحويل لاى شركه بتتعامل فى الفوركس ممنوع واول ما بيسألك موظف البنك عن سبب التحويل او اسم الشركه فى الخارج ويعرف انها فوركس يقولك ممنوع !! |
رد: استفسار عن كيفية الايداع والسحب فى FXCM داخل مصر
لو انا اشتركت وفتحت حساب حقيقي عن طريق الفيزا عند سحب الاموال عن طريق الفيزا ايضا ولا ازاي --- يعني انا فتحت حساب ب 100 دولار مثلا وبعدين اصبح الحساب 350 وعاوز اسحب 200 دولار يبقي عن طريق الفيزا سحب 200 دولار عادي
|
رد: استفسار عن كيفية الايداع والسحب فى FXCM داخل مصر
اقتباس:
نعم يمكنك سحب المال 200$ على الفيزا |
رد: استفسار عن كيفية الايداع والسحب فى FXCM داخل مصر
لو اودعت 100$ وبقو 350 ممكن تسحبهم عن طريق الفيزا اللى اودعت بيها
وايضا ممكن تعمل تحويل بنكى باى مبلغ عايز تسحبه على حسابك البنكى بالدولار بس فى التحويل البنكى حيخصم منك 35$ رسوم تحويل وفى خلال 5 ايام بتكون دخلت حسابك |
رد: استفسار عن كيفية الايداع والسحب فى FXCM داخل مصر
انا كان عندي استفسار عن شركة fxxd بخصوص الترخيص انة انتهي في 2013 وان كمان الشركة تقدر تتحكم في حسابات العملاء بدون الرجوع الي العملاء بناء علي البند الثالث في الترخيص
|
الساعة الآن 02:53 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com