|
ليه الاتنين الاسود 24 اغسطس 2015
ليه يوم الاتنين 24 اغسطس كان يوم اسود ليه كان فى تحركات سعرية غير عادية بالذات الساعة الثالثة ظهرا و عشرة دقائق بتوقيت مصر
ليه شارت الباوند نيوزلندي تصعد 1800 نقطة وشارت اليورو استرالى تصعد 1000 نقطة وشارت اليورو دولار تصعد 300 نقطة وشارت الدولار النيوزلندي امام الدولار الامريكى تهبط 500 نقطة طبعا التحليل الاساسي حيقولك ان الصين خفضت قيمة اليوان ماشى الكلام ده مضبوط وان المستثمرين كانوا خايفين من الاضطرابات الاقتصادية فى الصين وعشان استراليا و نيوزلندا والصين شركاء النيوزلندي نزل و الاسترالى نزل اوكيه ماشى ولكن سيظل السؤال قائما ليه يوم الاتين 24 اغسطس حدثت هذه الحركات السعرية الغير عادية لان الصين لم تخفض قيمة اليوان يوم 24 اغسطس لاء الصين خفضت قيمة اليوان يوم 11 اغسطس طاب ليه الحركات السعرية الجبارة دي حصلت بعد 11 اغسطس ب 13 يوم يعنى ايه يوم 24 اغسطس عموما فى كل سنة وايه اللى بيحصل فى اليوم ده ناهيك عن سنة 2015 انا كنت اتحذرت من التداول فى يوم قريب من هذا التاريخ بالذات يوم 23 اغسطس لكن للاسف سنة 2013 و سنة 2014 ما كانش فيهم حاجة تخوف وعلشان كده انا نسيت التحذير فى الفوركس الوقت مهم جدا انك تعرف السعر طالع ولا نازل ده بيساوي نصف الاجابة والنصف التانى هو امتى السعر حينزل و امتى السعر حيطلع وعلشان تفهم اللي بيحصل النهاردة ليه بيحصل النهاردة و ليه محصلش امبارح مثلا او عموما لي محصلش قبل كده يعنى ماشى الصين خفضت عملتها يوم 11 اغسطس طاب و المستثمرين استنوا 13 يوم علشان يعملوا عمليات بيع للعملات الشريكة لليوان الصينى اللى هى تالدولار الاسترالى و الدولار النيوزلندي وعلشان تعرف الاجابة ليه يوم الاتنين 24 اغسطس 2015 ليه التاريخ ده بالذات كان يوم اسود طبعا انا حافسرلكم يوم الاتنين اسود فى عدة مشاركات متلاحقة مش فى مشاركة واحدة |
رد: ليه الاتنين الاسود 24 اغسطس 2015
انا خسرت كتير فى يوم 24 اغسطس 2015 وتجنبت الفوركس لبعض الوقت بعد هذا اليوم الاسود وكان كل همى انى افهم ليه كده وقعدت ادخل مواقع جديدة عليا كتير لغاية ما شوفت تاريخ يوم 24 اغسطس مذكور فى موقع لا علاقة له بالفوركس اصلا واول ماشوفت الصورة اللى متاخدة فى هذا اليوم ااظاهرة الغريبة اللى حدثت فى يوم 24 اغسطس تذكرت التحذير الخاص بالابتعاد عن التداول يوم 23 اغسطس فى كل عام وفهمت واستريحت ومن ساعتها وانا عايز اكتبلكم المقال ده وكنت متردد لاني عارف ان كتير منكم مش حيعجبهم تفسيري ليوم الاتنين الاسود 24 اغسطس 2015
ولكن انا باكتب الوضوع حتى يرتاح الخاسرون فى هذا اليوم لان الانسان لما بيكون عنده تفسير منطقى لاي حاجة غريبة حصلت معاه بيرتاح نفسيا لما الواحد بيفه بيرتاح طبعا انا عراف ان تفسير سيقابل بوابل من الهجوم و الاستنكار لذا اطلب من كل من يقرأ هذا الموضوع ان يلزم الصمت ولا داعى لاي عضو لعمل مداخلة فى هذا الموضوع وياريت تفتكروا تحذيري لكم يوم 9 مايو 2013 لما قولتكم ان الدولار سوف يكسر الرقم 100 امام الين اليابانى وارجعوا لمشاركتى القديمة واقروها يوم 9 مايو 2013 كل الناس اللى قريت المقال هاجمتنى وان ما فى حد فكر يوم 10 مايو حتى يقولى كان معاك حق |
رد: ليه الاتنين الاسود 24 اغسطس 2015
التفسير فلكي وان يوم 24 اغسطس 2015 اجتمعت فيه ثلاثة ظواهر فلكية غريبة ونادرة الحدوث الا وهى
اولا فى بداية معرفتى بالفوركس قرأت مقالا عن التحليل الفلكى للفوركس وكان هناك تحذير من التداول فى يوم 23 اغسطس ليه لان الشمس تدخل برج العذراء فى هذا اليوم لكن ليه التحذير ده و ايه سببه انا ماعرفش واحد حيقولى ان الاتنين الاسود كان يوم 24 مش يوم 23 اغسطس ولكن حاقوله ان يوم 23 اغسطس كان يوم احد ولا يوجد تداول يوم الاحد وان التحذير كان بيقول لما الشمس تدخل برج العذراء ابتعد عن التداول لعدة ايام واحد حيقولى طيب ما 23 اغسطس 2013 و 2014 ماحصلش فيهم زي ما حصل فى 2015 حاقوله انت معاك الان ثلث التفسير ولسة فى حاجتين تانيين حصلوا فى نفس توقيت دخول الشمس لبرج العذراء ودول السبب فى اننا نشوف يوم اسود زي يوم 24 اغسطس 2015 |
رد: ليه الاتنين الاسود 24 اغسطس 2015
ثانيا دخول كوكب المشتري لبرج العذراء وده حصل يوم 12 اغسطس كوكب المشتري هو اكبر الكواكب حجما وتواجده فى برج العذراء ثم دخول الشمس لبرج العذراء يوم 23 اغسطس هو ده اللى كبر من حجم الظاهرة النادرة التى حدثت يوم 24 اغسطس
|
رد: ليه الاتنين الاسود 24 اغسطس 2015
1 مرفق
ثالثا الحدث الفلكى الاخطر والاكبر فى 2015 الذي حدث يوم 24 اغسطس 2015 وفى ناس ملهاش علاقة بالفوركس كانت بتطالب انه لازم يكون فى تحذير من تلك الظاهرة قبل حدوثها لانها ظاهرة خطيرة وتتطلب اعلان حظر التجول فى مثل هذا التوقيت والظاهرة هى التوهج الشمسي و التوهج الشمسي درجات والدرجة التى حدث بها يوم 24 اغسطس 2015 كانت اكبر درجة فى سنة 2015
فى اللى حصل يوم 24 اغسطس يساوي توهج شمسي كبير و الشمس فى برج العذراء و كمان كوكب المشتري اللى هو اكبر الكواكب حجما موجود فى برج العذراء فى نفس توقيت التوهج الشمسى الاكبر فى 2015 |
رد: ليه الاتنين الاسود 24 اغسطس 2015
والله مابعرف يا اخي مو استعراض والله يشهد اني بشوف حالي اصغر حدا بالمجال بس يعني بالمجال رح قلك انو الحركة كانت طبيعية بس نحنا متعودين نقرٱ الشارت بالعكس مع احترامي للجميع.. صحيح في حركة جنونية بس كـ مسار اتجاه كانت الحركات طبيعية .. بقصد بالمسار يعني لو كنت داخل على اغلب الازواج اللي ذكرتهن حضرتك كان ممكن تدخل بشكل صحيح بس لو قريت الشارت بشكل صحيح وانا مالي من متابعين التحليل الاساسي عم احكي تحليل فني سادة...
واكيد ماعم احكي فلسفة بس بتفهم الشارت صح رح يمشي السعر معك صح.. لو فهمت الشارت غلط رح تشوف اللون الاحمر معبي الدنيا (ان شاء الله مابتشوفو ابدا وتبقى صفقاتك خضر) النقطة التانية اخي باعتبار كم شخص بمحيطي المجتمعي بيتعاطى مع موضوع النجوم على اساس انها حقيقة فانا بلاقي كلامك تابع لواقع كتير اشخاص سواء بمصر الحبيبة او بسوريا بلدي او بكل مكان في ناس ممكن تصدق الابراج والنجوم وهيك امور... بس اخي ؛ مخلوق من مخلوقات الله ماشي على مساره الكوني.. خليه بحاله لا هو بأثر عليك ولا انتا بتأثر عليه خلينا نشوف الدنيا عقلانية اكتر رح نستفيد اكتر .. اكيد كلامك على عيني وراسي وفي ناس مقتنعة بكلامك لانو بطبيعة الحال مقتنعة بمبدأ كلامك ..ولكن يعني افترض اذا صار خطأ بمواقع النجوم وقلك المنجم اقعد ببيتك ..رح تقعد؟ ..وقيسها في كل المراحل على كل المستويات ولو حتى تجارة صغيرة وخسرت فيها على عيني وراسي.. دور على سبب خسارتك وااله رح يكرمك ... بينما لو سكرت محلك التجاري كرمال العذراء والمريخ ومابعرف مين ..يعني اكيد مارح تعرف وين اغلاطك.. طبعا انا ماعم قلك روح افتح صفقات يمين بشمال.. لا مختصر كلامي **اعقلها وتوكل** وبعدين عندك رب تعتمد عليه ..اكيد مارح يضرك استخير ربك وهو رح يدلك للطريق الاقرب والاسهل والاحسن باذن الله |
رد: ليه الاتنين الاسود 24 اغسطس 2015
والله انا ليا تفسير مختلف شويه بس نابع من الخبره بهذا السوق وان كان كلامى بلا دليل بس هو الاقرب من ناحيه المنطق الحركات المريبه دى هتسمع فيها جهابذه بيفتو وناس بقالها سنين فى الماركت هتسمع كلامهم بس مش هتقتنع يعنى هتلاقى واحد يقولك دى عمليات بيع وشراء مكثفه بفعل الخبر الفلانى والخبر العلانى طيب تخلى السعر يطلع 400 نقطه فى دقيقه امتى ناس دى اتفقت ع الشرا بهذا الشكل طبعا مبررات خايبه لاانهم مش لاقيين دليل على كلامهم غير الخبر فى مفكره فوركس فاكتورى بس احنا ربنا خلق لينا عقل وبرده موضوع الفلك مش منطقى لاان خالق النجوم والكواكب هو ايلى بيقدر الغيب وليس هذه الاشياء انا صرت مقتنع تمام الاقتناع ان هناك اتفاقات سريه تتم بسوق الفوركس بين البنوك فقط او صناع السوق حسب مابنحب نسميهم ليرتفع العمله فى وقت محدد وبسيوله معلومه قبلها بيوم على الاقل واكيد شارتات مختلفه عن ايلى بنشوفها وطبعا الحركه دى بيكسب فيها البنوك والاغلبيه من المتداولين هما ايلى بيخسرو خساير فادحه بس غير كده مفيش تفسير
|
رد: ليه الاتنين الاسود 24 اغسطس 2015
السلام عليكم ورحمه الله وبركاته صراحة لا أعترف بهذا الكلام اطلاقا والفوركس بالنسبة لى ما هو الا تحليل فنى واساسى تحياتى |
رد: ليه الاتنين الاسود 24 اغسطس 2015
صراحة سمعت كثير من هذة القصص و لكن لا يوجد دليل قاطع وكذلك لا يمكن تكذيبها
جملة و تفصيلا فاسواق المال ليست البيئة المثالية بل يوجد بها كثير من الحيل و الخداع صحيح ان سلاح المتداول هو التحليل الفنى و الاساسى ولكن فى كثير من الاحيان نرى اشياء يعجز عن تفسيرها التحليل الفنى و الاساسى و العقل و المنطق ولكن افضل طريقة للتعامل مع اسواق المال بجميع انواعها هو الحذر الشديد من اى تقلبات غير متوقعة |
رد: ليه الاتنين الاسود 24 اغسطس 2015
اقتباس:
فضلا فسر لي هذه الجمله / أشياء يعجز عن تفسيرها التحليل الفني والاساسي والعقل والمنطق مع ذكر مثال ... |
| الساعة الآن 01:38 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com