بسم الله الرحمن الرحيم
انا عايز اوضح نقطتين مهمتين جدا للاعضاء المجادلين :
اولا : انا لم ادعوا احد ان يرشح الاخوان او السلفيين
ولم اقول اننى شخصيا سوف ارشح الاخوان او السلفيين
لماذا تركتوا الموضوع كله وماسكيين فى موضوع الانتخابات !!!!
واظن ان الموضوع امامكم وموجود فيه ما كتبته بالظبط
انا دافعت عن شىء واحد وهو منطق الناس فى عدم ترشيح الاسلاميين لانى لا حظت انا كلهم لهم سبب واحد وهو ان الاخوان او السلفيين ليسوا همهم الاسلام وانما الحكم !!! وانهم منافقين
والغريبة ان كلهم مجتمعين على ذلك وعلى نفس السبب بالحرف الواحد وهذا اعتقد من حملة الاعلان الموجهة
لان ايام استفتاء الدستور كل لما اسأل واحد هتقول لاء ليه كان يقول نفس الاجابة بالحرف وهى مش عايزين دستور مرقع مع العلم انى قلت برضه لاء بس كان ليا اسباب اخرى غير الاجابة المحفوظة
ثانيا : وهى النقطة الاهم
انا لن اتجادل مع احد الا بالقرءان والسنة
بمعنى الذى سيجادلنى بالعقل ولمجرد الجدال فى الامور الواضحة فانا لن اجادله
فالجدال يكون فى امر لم يذكر فى الدين
يعنى مش هينفع اتجادل مع واحد بيقول انا شايف ان الربا مفهوش حاجة غلط
لانى لو تجادلت مع كل واحد من الذين لايفقهون شىء فى الدين او التاريخ الاسلامى هفضل اتجادل معاه للسنة القادمة
ملحوظة : لمن لايعرف من هم علماء الاسلام والعرب القدماء
ادخل على جوجل واكتب علماء الاسلام القدماء واقرأ واشعر بالفخر وانت تقرأ
واخيرا لى نقطة اخيرة احب ان اوضحها
اخوان زمان كانوا حاجة كانوا همه الاصل وكانوا الدين كله من غير اى اطماع سياسية
اخوان دلوقت حاجة تانية انا معرفهاش لكن اكيد همه مش زى بتوع زمان فى التدين
السلفيين وانصار السنة حاجة
الدعوة السلفية وحزب النور حاجة
الفرق بينهم ان الدعوة السلفية وحزب النور لهم مبدأ تكفير الحاكم
وهذه من الامور التى فيها جدال كبير فى الاسلام وهى تكفير الحاكم والخروج عليه ام لا
والامثلة كثيرة زمان فى هذا الموضوع سواء بالخروج على الحاكم او عدم الجواز بذلك
وشكرا لمن تابع الموضوع او قام بالرد مكانى على بعض الاشياء