بسم الله الرحمن الرحيم
انا اسمي خالد طالب ب هندسة اسكندرية و لسه جديييييييد في الفوركس
بجد انا عمري ما كنت اتخيل اني ممكن اقدر افهم يعني ايه فوركس بالشكل دا
بجد لو ان شاء الله اصبحت متاجر شاطر في هذا السوق العجيب ف دا بفضل ربنا ثم بفضل هذا المنتدي و القائمين عليه و علي الاخص د/اسامه اللي من شرحه بالفيديو و موضوعاته للمبتدئين و اصراره علي مساعدتهم انا حبيت المجال دا بغض النظر عن المكسب و الخساره.
بجد انتوا بهذا المجهود بتغيروا حياة ناس كتير للاحسن و بتعلموا الناس ازاي يكون ليها هدف في حياتها و ان مفيش حاجه صعبة طالما في ناس زيكوا بتساعد الناس و خاصة المبتدئين واللي بتحطوهم علي اول الطريق و مش بتسبوهم غير و هما محترفين.
انا موجود معظم الوقت هنا علي المنتدي و مش بسأل كتير عشان بفضل اخواني اللي سألوا قبل كده انا بلاقي اجابات للاسئلة بتاعتي من اول صفحة في هذا الموضوع.
تحياتي لهذا المنتدي العظيم و القائمين عليه و ايضا اعضاء المنتدي اللي انا استفدت منهم كتير قوي.