بسم الله الرحمن الرحيم
أولا استأذن الادراه فى طرح هذا الموضوع
إخوانى وأحبابى أعضاء ومشرفين وإدارة هذا المنتدى الرائع منتدى اف اكس ارابيا
السلام عليكم ورحمة الله وبركاتة
طبعا الموضوع باين من عنوانه أنا عارف ان هلاقى انتقادات كتير جدا
اللى هيقولى كان غيرك اشطر
واللى هيقولى انتا بتقول ايه ياعم
واللى هيقولى عملوها مرة وراحت لحالها ومش هتتكرر تانى
لاكن ومع كل الانتقادات دى بقول وبصوت عالى مافيش حد هيقدر يمنعنى احلم انى احقق المليون ان شاء الله
وإنتا كمان.................... وإنتـــــــــــــا ............... وإنتــــــــــــــــــــــــــــــا ......... وإنتـــــــــــــــــــــــــــــــــا
ولأنى اؤمن بأن المصرين لما بيحطوا حاجه فى تفكيرهم (راسهم يعنى) بيحققوها بإذن الله طبعا وبعونه وتوفيقة
فكرت إننا نعمل رحلة للمليون دولار
طيب انا حابب ادردش معاكم شوية وأخد رائيكم
لو فية منتج عاوز ينتج فيلم اول حاجه عاوز قصة (فكره يعنى) وبعد القصة عاوز سيناريست يعمله سيناريو وحوار وحبكة درامية عشان يبين كل صغيرة وكبيرة
وبعد كدة بيحتاج ممثلين عشان يقوموا ببطولة الفيلم
وبعد كدة بنحتاج مكان عشان نعمل فية الفيلم
وبعدين يجى دور الخرج
ماطولش عليكم وقولوا طول
اول حاجه ان شاء الله
طبعا بعد ماكلمتك على القصة (الفكرة يعنى) وهى عمل رحلة للمليون دولار مطلوب رأى الاعضاء فى الفكرة وابداء ارائهم للأهمية لان على قدر استجابت الاعضاء للفكرة ان شاء الله هنقدر نحدد اذا كنا نستمر فى تنفيذها او لأ وياريت اللى يعجبه الموضوع يعمل لايك لتقيم الموضوع ويكتب لنا تعليقة واذا نال الموضوع استحسانكم واعجابكم بعد ذالك ننتقل الى لعمل السيناريو والحوار والحبكة الدراميه للرحلة
وبعد ذاللك نأتى للمرحلة التاليه وهى ابطال الفيلم
طبعا لازم نختار مجموعة على اعلى مستوى لتقود الرحلة وتقدر المسئولية وتقوم بالسهر والتعب والتحليل لتقدم اقوى الفرص للرحلة
طبعا فية مسابقة فى المنتدى للورش المختارة والمنتدى هيختار منها اقوى المزودين للتوصيات ممكن نستعين بيهم
او ممكن يتعمل مسابقة اخرى المنتدى يختار منها مزودين توصيات للرحلة
ولازم طبعا يكون فيه نسبة من ارباح الرحلة للمزودين ولأدارة المنتدى
وبعد كده نيجى للخطوة التالية وهى مهمة جدا
المرحلة التالية وهى المكان والاخراج طبعا المكان هو المنتدى وهيقوم بالاخراج كمان يعنى المنتدى وإدارة الكريمة هتشارك فى الرحلة ويكونوا مسئولين عن اى عقبات تواجه الرحلة لان طبعا كل المشتركين فى الرحلة هيفتحوا حسابات عن طريق المنتدى
وممكن كمان المنتدى يساعد الاعضاء فى اختيار الشركة عشان يزلل اى عقبات تواجه الرحلة فى السحب والايداع واى اشياء اخرى
اخوانى واخواتى كل اعضاء هذا المنتدى طبعا الموضوع لسه عاوز شرح اكتر من كده لاكن انا حبيت اكتب الفكره مبدئا
واوعدكم ان شاء الله عند اعجابكم بها واقتناعكم سوف نقوم ان شاء الله بالمتابعة مع الادراء ودراسة كل كبيره وصغيرة لنسير فى الرحلة على اكمل وجه ان شاء الله
اخيرا وليس اخيرا
اتمنى من الله ان نقوم بهذه الرحله وسوف يكون الربح حليفنا ان شاء الله طالما نحن موجودين فى هذا المكان الذى رأيت فيه كل الاعضاء تحب الخير لبعضهم
اخوانى اذا اعجبكم الموضوع فأتمنى ان تقوموا بعدم الموضوع بعمل لايك
وكتابة كل تعليقاتكم
وشكرا
والله الموفق والمستعان