ياريت حضرتك تكمل هنا عشان يكون فيه تفاعل ، يس يصراحة أسلوبك في الشرح ممتاز
أنا عندي تحليل بناءاً علي فهمي لشرح حضرتك وهو تحليل للسياسة النقدية في مصر أرجو منك تقييمه ؟؟؟؟
مصر عاوزه تعمل توسع في الاقتصاد و ونتيجة لنقص في الاحتياطي الاجنبي اللازم لاستيراد 80% من الاستهلاك وتسديد الديون وخلافه عشان كده بدل ما تخفض سعر الفايدة عشان تزود الاقراض وتوسع الاقتصاد لا ده زودت سعر الفايدة علي الجنيه عشان الناس تروح تفك ودايعها بالعملات الاجنبية وتحطها بالجنيه فالدوله تأخد الدولارات وتوفرها في البنوك فالفجوة بين المعروض من الدولار والمطلوب منه للاستيراد تقل فيستقر سعر الجنيه امام الدولار ، فالسياسة التوسعية غير قائمة علي تسهيل الاقراض ولكنها قايمة علي الاستثمارات الاجنبية يعني أموال جايه من بره بعملات أجنبية تيجي تغذي الاقتصاد وتزود الانتاج وتقلل البطالة (المؤتمر الاقتصادي ) ، والمفروض أنه مع زيادة الانتاج يقل استهلاك الدولار في الاستيراد وبالتالي تزداد خزينة الدولة من الدولارات ويقل التضخم ويزداد ثقة المودعين في الجنيه لحد نقطه معينه يحدث التوازن المطلوب لعودة سعر الفايدة الي القيم الطبيعية ، وتقدر الدولة تتجكم في زيادة قيمة عملاتها من تاني . أرجو أن حضرتك تعلق علي تحليلي .