والله مابعرف يا اخي مو استعراض والله يشهد اني بشوف حالي اصغر حدا بالمجال بس يعني بالمجال رح قلك انو الحركة كانت طبيعية بس نحنا متعودين نقرٱ الشارت بالعكس مع احترامي للجميع.. صحيح في حركة جنونية بس كـ مسار اتجاه كانت الحركات طبيعية .. بقصد بالمسار يعني لو كنت داخل على اغلب الازواج اللي ذكرتهن حضرتك كان ممكن تدخل بشكل صحيح بس لو قريت الشارت بشكل صحيح وانا مالي من متابعين التحليل الاساسي عم احكي تحليل فني سادة...
واكيد ماعم احكي فلسفة بس بتفهم الشارت صح رح يمشي السعر معك صح.. لو فهمت الشارت غلط رح تشوف اللون الاحمر معبي الدنيا (ان شاء الله مابتشوفو ابدا وتبقى صفقاتك خضر)
النقطة التانية اخي باعتبار كم شخص بمحيطي المجتمعي بيتعاطى مع موضوع النجوم على اساس انها حقيقة فانا بلاقي كلامك تابع لواقع كتير اشخاص سواء بمصر الحبيبة او بسوريا بلدي او بكل مكان في ناس ممكن تصدق الابراج والنجوم وهيك امور... بس اخي ؛ مخلوق من مخلوقات الله ماشي على مساره الكوني.. خليه بحاله لا هو بأثر عليك ولا انتا بتأثر عليه خلينا نشوف الدنيا عقلانية اكتر رح نستفيد اكتر .. اكيد كلامك على عيني وراسي وفي ناس مقتنعة بكلامك لانو بطبيعة الحال مقتنعة بمبدأ كلامك ..ولكن يعني افترض اذا صار خطأ بمواقع النجوم وقلك المنجم اقعد ببيتك ..رح تقعد؟ ..وقيسها في كل المراحل على كل المستويات ولو حتى تجارة صغيرة وخسرت فيها على عيني وراسي.. دور على سبب خسارتك وااله رح يكرمك ... بينما لو سكرت محلك التجاري كرمال العذراء والمريخ ومابعرف مين ..يعني اكيد مارح تعرف وين اغلاطك..
طبعا انا ماعم قلك روح افتح صفقات يمين بشمال.. لا مختصر كلامي **اعقلها وتوكل**
وبعدين عندك رب تعتمد عليه ..اكيد مارح يضرك استخير ربك وهو رح يدلك للطريق الاقرب والاسهل والاحسن باذن الله