تقييمي ليها انها ليست جيدا اطلاقا
اقوى ميزة... الامان
اسوا العيوب..الدعم الفني سئ للغاية وسوء تنفيذ واغلاق الصفقات خصوصا وقت الاخبار والجابات
باختصار سحبت منهم يوم 2 ديسمبر على الماستر اللي اودعت بيه
وانتظرت اسبوعين ولم تصل النقود دخلت عالشات وسالتهم عن سبب التاخير
قالولي هنراجع قسم الحسابات ونرد عليك خلال 24 - 48 ساعة
انتظرت 48 ساعة ولم اجد اي ردود ...اتعصبت ودخلتلهم الشات تاني
بتعجب من سوء مستوى خدمتهم وتجاهلهم العملاء
رد عليا بكل برود واحد اسمه سامح باني كتبلي عنوان بريد اليكتروني
تعجبت وقلتله ايه ده؟؟
قالي ايميل رئيس قسم العملاء عشان تشتكينا !!
امتصيت اول صدمة وحكيتله عن مشكلتي
قالي انت بتبالغ وفي واحد من عندنا تواصل معاك وطلب منك ايصال البنك
قلتله ايصال بنك ايه.؟ ومين اللي تواصل معايا؟ انا مش فاهم حاجة ومحدش تواصل معايا نهائي
قالي في مشكلة من البنك بتاعك واحنا راسلناه ومنتظرين رده
قلتله وطالما الموضوع كده ليه مردتوش عليا ووضحتولي الصورة زي ما قلتو انكم هتردو عليا؟
قالي لو داخل هنا للجدال يبقى ابعت ايميل رسمي لخدمة العملاء واحنا هنرد عليك وممكن الرد يتاخر ل 48 ساعة
قفلت معاه وطبعا زاد غضبي وسخطي من اسلوب تعاملهم معايا وكذب مندوبهم سامح بشان انو في حد تواصل معايا
فتحت شكوى هنا بالمنتدى وبعت ايميل للدعم العربي بشركتهم وطلبت منهم حد يتواصل معايا هاتفيا
اتصل بيا شخص محترم اسمه فيصل
واعتذرلي عن الموقف وقالي ان في مشكلة في البنك الوسيط لانو رفض يحول الفلوس والفلوس رجعت للشركة
وانهم هيعيدو ارسالها مرة تانية وعلينا الانتظار من جديد
ودي كانت تاني صدمة ليا
لانو ده معناه حاجتين ... اول حاجة انهم عارفين انو في مشكلة ومع ذلك لم يوضحو شئ للعملاء وسابوهم قلقانين وتجاهلوهم
تاني حاجة مندوبهم اللي اسمه سامح ده كدب عليا وضللني وقالي ان المشكلة من البنك بتاعي !!!
انتظرت فترة اخرى وكنت اخدت قرار اني هسحب كل فلوسي بعد اللي حصل لكنئ فوجئت ان الفلوس الي سحبتها رجعت لحسابي بالفوريكس تاني !!
دخلت ايميلي لعلي اجد ايميل منهم يفسر لي ما يحدث كالعادة لم اجد شئ
دخلتلهم الشات مرة تانية وهم قالولي اني اطلب فلوسي عن طريق حوالة بنكية
وهم هيحولو الطلب للشئون القانونية ويشوفو هيقبل او يرفض؟
بعت طلب سحب والفلوس وصلت اخيرا من كم يوم
وهم قامو بتحمل مصاريف التحويل اعتقد
يمكن بيحاولو يصلحو الصورة لكن الصورة عندي كانت مظلمة
خصوصا كان بنفس الفترة عندي مشكلة خاصة بتعطل صفقة ضاربة تارجت لاكثر من 25 دقيقة وقت افتتاح السوق
ولم اكن قادر على اغلاقها او تعديل استوب او بروفيت او اي شئ
ولم اتلق منهم ردود مقنعة حيث قالو لي انها امور واردة
تقييمي لهم 1 / 5