السلام عليكم
إلى الأخوة المبرمجين إذا ممكن برمجة اكسبيرت لهذه الطريقة أكون لكم من الشاكرين.
طريقة الدخول من سعر انا احدده سواءً بيع او شراء (فقط للتوضيح البيع او الشراء يكون من مستوى تصحيح 38 او 61 بشرط يكون عند ترند سوف يتم التوضيح بصور بالمرحلة التجريبية)
انا أدخل العقد الأول بلوت 0.05 ويفضل انا أقدر حدد خيار اللوت الأول على كيفي, إذا غير ممكن ليكن 0.05 .
أخذ الربح 100 نقطة ووقف الخسارة 153 . بعد فتح اول صفقة يتم تعليق أمر عكسي مضاعف 0.1 على بعد 50 نقطة بهدف 100 نقطة ووقف خسارة 153 وفي حال تحرك السعر بعكس الأمر الثاني وعاد لنقطة دخول الأمر الأول يتم فتح صفقة بنفس اتجاهه الصفقة الأولى ولكن اللوت 0.15 بهدف 100 ووقف خسارة 153 ,بما يعني انه نحنا رح نمشي مع السعر مضاعفات بدون اغلاق اي صفقة بس المضاعفات هيي بمجموع كل صفقات البيع والشراء يعني اذا نحنا وصلنا لمجموع صفقات شراء 0.2 وبيع 0.1 الصفقة التالية بتكون بيع 0.3 ليكون مجموع البيع 0.4 ضعف مجموع الشراء الذي هو 0.2.
هلأ لحد هون بعتقد مفهوم وممكن التطبيق بس النقطة الأهم هون انه بعد ما نوصل لمجموع عقود الشراء 0.2 والبيع 0.4 الاكسبريت بيكمل نظامي يعني العقد القادم شراء 0.6 بس بنفس الوقت بتتفعل خاصية جديدة لي هيي اغلاق جميع الصفقات وحذف الأمر المعلق عند الدخول بربح 10 نقاط او دولار.
مثال للتوضيح انا دخلت عند تحقق لشروط الموضوعة بين قوسين في بداية الحديث, لنفترض بيع على اليورو دولار عند نقطة 1.0650 لوت 0.05 والهدف 1.0550 ووقف الخسارة 1.0803 وتم وضع امر معلق شراء عند 1.0700 لوت 0.1 بهدف 1.0800 ووقف خسارة 1.0547. تفعل العقد الثاني يتم وضع عقد بيع معلق لوت 0.15 عند 1.0650 بهدف 1.0550 ووقف خسارة 1.0803(نفس عقد البيع الأول).تفعل العقد الثالث يتم وضع أمر معلق شراء لوت 0.3 عند سعر 1.0700 بهدف 1.0800 ووقف خسارة 1.0547( نفس أول عقد شراء).
هنا المهم تفعل العقد الرابع يتم وضع عقد بيع لوت 0.6 عند 1.0650 بهدف 1.0550 ووقف خسارة 1.0803(نفس عقد البيع الأول), وتتفعل خاصية اغلاق الصفقات على ربح 10 نقاط أو دولار او مبلغ انا احدده وحذف الأمر المعلق (المغزى من العملية انه نطلع من المضاعفات الكبيرة لأن ممكن السعر يمشي مع الشراء 60-70-80-90 نقطة ويرجع يعكس فنحنا منستفاد من هالشي ومنطلع ومنبحث عن صفقة جديدة أفضل من المتابعة أكثر). طبعاً في حال لم يصعد ويغلق الصفقات على ربح رح تتفعل صفقة البيع لوت 0.6 عند 1.0650 بهدف 1.0550 ووقف خسارة 1.0803(نفس عقد البيع الأول) وسيتم تعليق أمر شراء لوت 1.2 عند 1.0700 بهدف 1.0800 ووقف خسارة 1.0547( نفس أول عقد شراء). والخاصية لأغلاق الصفقات على ربح معين ستستمر تعمل مع استمرار عمل الطريقة حتى تتفعل وتغلق كل الصفقات وتحذف الأمر المعلق.
يعني ممكن نقول المضاعفات 0.05 - 0.1 - 0.15 - 0.3 - 0.6 - 1.2 - 2.4 - 4.8 -------
الطريقة سيتم العمل عليها على حساب ديمو لمدة مقبولة وسوف ارفق لكم كل الصفقات في جميع مراحلها
علماً انني اعمل على هذه الطريقة على حسابي الحقيقي منذا اكثر من 5 شهور وبالطريقة التي شرحتها ولكن مع اضافة بسيطة هيي انه وقت بيحين وقت تفعيل خاصية اغلاق الصفقات على ربح بسيط لعدم الوصول الى مضاعفات كبيرة انا بختار بين خيارين او اغلق كل الصفقات اذا في فرصة تانية للدخول فيها او بتبع طريقة تخفيف العقود رح وضحها بمثال:
انا بعت 0.05 اشتريت 0.1 ورجعت بعت 0.15 ورجعت اشتريت 0.3 ومشي معي السعر ودخلت بالربح بقوم بأغلاق صفقة ال 0.15 و صفقة 0.3 وببقي على صفقة 0.05 وال 0.1 يعني متل كأني رجعت للمضاعف الأول وطبعاً بغير الأمر المعلق ليصير 0.15. بتمنى يكون الشرح واضح واسف جداً على طول الموضوع. ورح نتابع معاً الطريقة عالديمو ليتم عمل اكسبرت لها اذا ممكن وشكرً.