السلام عليكم ورحمة الله
اولا احب اشكركم على الموضوع الجميل ده .. وبما انه للمبتدئين فأعتقد ان ده المكان المناسب لأسألتى
- بخصوص شركات التداول .. اللى ليها فروع خارح امريكا زى مالطة و قبرص واللى بتدى روافع اعلى او سبريد اقل.. هل هى تعتبر شركات موثوقة وازاى الواحد يقدر يتأكد من سجل الشركة اللى بيتعامل معاها
-انا حملت منصة تداول ميتا تريدر Fxdd (لسة فى مرحلة التعرف على البرنامج) اول حاجة لفتت نظرى هى حجم الصفقة واللى بيعبر عنها بأرقام (0.01 - 0.02 -0.03 -0.04 -0.05 -1 -2 -3 -4 -5 -6 -7 -8 )
انا اعرف ان فى عقد استاندارد النقطة فيه بـ 10 $ وده اعتقد بنعبر عنه بحجم عقد 1
وبالتالى يبقى العقد الميكرو (النقطة فيه 10 سنت ) نعبر عنه بـ 0.01
ولكن ساعتها يبقى نعبر ازاى عن العقد المنى .. اللى النقطة فيه بـ 1 $ ؟ ولا انا فاهم الموضوع اصلا غلط
- وكذلك السؤال التقليدى ايه انسب مبلغ للبداية ( بعد وقت طويل من التدريب طبعا ) هل 300 $ مثلا تعتبر مبلغ مقبول كبداية.. ولا المفروض يكون اكبر؟
وايه هى افضل الطرق لادارة رأس مال صغير ؟
علما انى هدفى المنظور من الفوركس على المدى القريب يتخلص انى اوصل رأس المال الى حدود 1000 الى 2000 $ و المرحلة التالية ابدأ احصل منه على دخل شهرى فى حدود 200 $
(انا لسة طالب فى الكلية واقصى ما اريده من الحساب حاليا انى احصل على مصروفى الشهرى منه ..ومش طمعان فى اكتر من كده )
هل الأهداف دى يناسبها السكالبنج ولا تنصح بطرق تانية
-اخيرا .. احب اعرف رأيك فى متاجر يعتمد بشكل كامل على توصيات الورش فى فتح صفقاته .. هل ده شىء سىء ولا ممكن تنصح بيه على الأقل كبداية لحين اكتساب خبرة اكبر فى التحليل الفنى
... اتمنالكم دوام التوفيق واسف لو اطلت فى الأسئلة..