هلا يالغالى
الخدمه دى باختصار انك بتاخد رقم لحسابك وباسورد ورقم تلفون اول ما تتصل بالتلفون وتدخل رقمك حسابك والباسورد يمكنك عمل الاتى من التلفون
اولا لو عندك حساب بالمصرى وحساب بالدولار حساب توفير او حساب جارى تحول الفلوس من اى حساب براحتك فى نفس الوقت وكمان لو ليك فلوس جاتلك بالدولار من بره بالتلفون تحول الفلوس لمصرى فى فيزا بتاعت الصراف الالى وتروح تسحبهم من اى ماكينه
ثانيا لو عندك اى عميل فى البنك نفسه وضفته عندك فى الفونا ممكن بالتلفون تحول اى فلوس من حسابك لحسابه
ثالثا البنك دا فيزا بتاعت السحب من ماكينات الصراف الالى مش بتشتغل على الانترنت وبالتالى انتى بتطلع اتنين واحدهه للنت فقط والتانيه للمشتريات وماكينات الصراف , يعنى لو انتى عايز تحط فلوس فى فيزا النت بالتلفون تحول فلوسك من حسابك العادى لحساب فيزا النت ودا بياخد يوين عمل دا الكلام الرسمى بتاع نشره البنك لكن كل ما بعملها بالنهار فى نفس اليوم الساعه 2 باليل بتكون الفلوس اتحولت فى فيزا النت للعلم فيزا النت ليها حد اقسى فى اليوم وهو 7 الاف لو انتى عايز ترفع اللمت عادى روح للفرع وهما يرفعهولك انا رافع اللمت اكتر من مره لفوق الخمسين الف والبنك متعاون جدا هما عاملين اللمت علشان لو اتسرقت منك الفيزا محدش يقدر ي اخد منها اكتر من 7 الاف اما لو انتى عايز ترفع اكتر من 7 براحتك
كل الخدمات اللى فوق دى متاحه من 9 صباحا ل6 مساء فى ايام العمل يعنى منغير الجمعه والسبت
رابعا فى اى وقت فى اى يوم ممكن تتصل تعرف جميع ارصدتك فى كل حساباتك مصرى توفير او مصرى جارى او دولار او نت وتعرف فى حوالات جات مفيش حوالات فى عمليات تمت مفيش عملييات كله يعنى
اخيرا تكلفه الخدمه لو عميل عادى بتكون 7 جنيه فى الشهر لو عميل صفوه بتكون مجانا