 |
 |
|
 |
|
اصدقائي يا هلا بيكوا مرة اخري يتجدد لقائنا حول دراسة واحتراف علم التحليل الاساسي ..
وبعد انت تعرفنا في الحلقة السابقة التضخم وماهو واسبابه وتأثيرة علي العملة وازاي البنوك المركزية والحكومات بــ تواجهه
بقي لنا التعرفة علي المؤشرات الخاصة لقياس نسبة التضخم وكيف تقاس هذه النسبة تعالو بينا نبداء مع اول مؤشر لقياس نسبة التضخم وهو
مؤشر اسعار المستهلكين (مؤشر اسعار المستهلك ) Consumer prices index = كونسامر برايذ إندكس
وهذا المؤشر هو من افضل المؤشرات لقياس نسبة التضخم والاكثر انتشارا بين الاقتصاديين
وهو يقيس مجموع متوسط ( رينج ) اسعار من السلع والمنتجات والخدمات التي يستهلكها الافراد في حياتهم بمعني ( اي حاجة يستخدمها او يستهلكها المواطن في الدولة ويدفع فيها مال )
زي ايه مثلا :- اقولك
السلع الغذائية ( المأكولات ) الحاجات اللي بنكلها مثل = سعر الالبان واللحمة والقهوة والشاي ( وحط بقي اي حاجة بتتاكل تحت هذا المؤشر )
الملابس ( اللبس ) ما هي الحاجت اللي بنلبسها = لبس سواء رجالي حريمي اطفال دهب ومجوهرات ( كلها حاجات تتلبس )
كمان وسائل النقل = زي اسعار العربيات اسعار تذاكر الطيران سعر البترول (الوقود المشغل للسيارت والطيرات وي وي ) وخد بالك المقصود هنا بسعر السيارات هو السيارات الجديدة
وسائل الترفيه ( الحاجات الرفاهية ) شغل الدلع يعني = تليفزيون و تليفون و كلب اليف او قطة اليفو او او او حاجات رياضية......... وعيش بقي
الطب والرعايات الطبية = اسعار الادوية والاطباء واسعار المستشفيات ( يعني المستشفي مثلا بتاخد كام في الليلة او العملية ) او سعر العلاج كام هكذا
التعليم = مصاريف مدارس وكتب وجمعات ( طبعا من غير دروس خصوصية )
الاتصالات = سعر التليفونات والانترنت والتليفزيون ( والمقصود هنا تكلفة الارسال والاستقبال ) مش سعر التليفون والتليفزيون لان دول من وسائل الترفيه
كمان الخدمات المقدمة = زي الحلاقين ومراكز عناية البشرة والاسنان والقهاوي والسجاير والذي منه
شايفين ياجماعة قد ايه فعلا الناس اللي بتمشي علي الكلام ده بيكون عندهم صورة دقيقة جدا من اسعار الدولة وازي يعرفو انه في تضخم ولا لاء عشان كدا فعلا يستحقو النجاح
كيف يتم قياس او حسب نسبة التضخم :-
عن طريق المعادلة الاتيه :-
بس كدا يطرح ده من ده ويقسمة علي ده وتطلع النسبة في الاخر 1او 3 او 4.5 % علي حسب ومنها تقدر تعرف الاقتصاد بيرتفع ولا لاء
نكتفي بهذا المؤشر والقدر اليوم ودمتم سالمين وانتظر المؤشر القادم والاشد شوقا ( مؤشر اسعار المنتجين )
معلومة هنا مهمة ( في بعض الاوقات يتم ازالة اسعار الاكل والبترول من هذا المؤشر عشان هما بيتغيرو بسرعة عالية ويبقي اسم المؤشر )
Core CPI
عشان لو اتي هذا الاسم في يوم من الايام في الاجندة الاقتصادية اليومية تبقي عارف ده مؤشر ايه
بالتوفيق |
|
 |
|
 |
بسم الله الرحمن الرحيم
مرة اخر اهلا ومرحبا بكم في لقائنا المتجدد حول احتراف التحليل الاساسي
لازلنا ضمن حلقة التضخم وكيفية قياس نسبة التضخم وكيف تقاس وموعدنا اليوم مع ثاني مؤشر لقياس نسبة التضخم وهو
مؤشر اسعار المنتجين PPI (Producer price index بروداسر برايذ إندكس
وهو مؤشر من اسمه باين انه بيقيس تغيرات اسعار المنتجين والمصنعين
يتكون المؤشر من
القيمة النقدية للسلع المنتجه ( السلع التي تم الانهاء من تصنيعها جاهزة للتوزيع ) اسعارها ايه
وكمان السلع التي لم تنتج ( اللي لسة شغالين فيها وبينتجوها ولسة ما تفنشتش )( ما اخدتش الفينش النهائي )
والمواد الخام ( لان هي دي المواد التي يعتمد عليها المصنعين في الانتاج ) ( بدون مواد خام لا يوجد انتاج )
المؤشر ده مهم جدا وكمان ليه الاسبقية لقياس نسبة التضخم لان بناء عليه يتم تحديد اسعار المستهلك في المستقبل
بمعني ان احنا لو بنركز في الكلام شوية هنلاقي انه مؤشر اسعار المنتجين مرتبط بمؤشر اسعار المستهلكين لان المنتج هو اللي بيحدد سعر الاستهلاك بالتالي هذا المؤشر يعتبر اهم من مؤشر اسعار المستهلكين وله قيمة اهمية اكبر
وطبعا كما ذكرنا سابقا احيانا يتم ازالة اسعار الغذاء والبترول منه عشان هما بيتقلبو بشكل سريع جدا وهايبقي اسمه Core PPI
ونكتفي بهذا القدر اليوم وفي انتظار الدرس القادم واللي من رآي انه اشق و اشوق الدروس وهو
الناتج المحلي الاجمالي GDP