بعيداً عن الطريقة. الشارت القادم بيقولك إن فيه في الباوند دولار بيع كبير قادم علي فريم اليومي بس عن نفسي هستني المؤشر الكبير يطلع للمنطقة الموجبة و أبيع فيه بالنسبة لليورو دولار ده ترند و قولنا علي المؤشر الصغير لو طلع للموجب و ده حصل فتعمل أمر بيع دلوقتي مباشر و الثاني لو طلع تاني. يعني كل 30 أو 40 نقطة تبيع طول ما المؤشر الصغير في الموجب. بالنسبة للكندي دولار. معانا أمر شراء فيه من الأسبوع اللي فات و هنحط أمر كمان طول ما المؤشر الكبير في المنطقة السالبة بس من المنطقة اللي جاية في الشارت. مع ملاحظة إن في منطقة ثالثة عند 1.2990 بس مفيش أمر ثالث هنحطه لأني أشم رائحة فخ. بالنسبة للأسترالي دولار و النيوزلندي دولار المؤشر بيقول شراء بس مش هنشتري هنستني لما يطلع للموجب عشان نبيع و ده لسببين. أولاً التحليل علي اليومي بتاعهم متناقض بيقول شراء في الأسترالي و بيع في النيوزلندي. ثانياً المؤشر الكبير في النيوزلندي داخل بقوة فمعناه أنه هيمكث في المنطقة السالبة يومين أو ثلاثة عشان كده الأزواج دي لو هدخل فيها هبيع و السعر دلوقتي مش في مستويات بيع. عذراً للتأخر في رفع شارتات اليوم.