[QUOTE=podyx;251339]
بسم الله الرحمن الرحيم
مبدأيا كده انا لسه عضو جديد فى المنتدى هنا ودى كمان اول مشاركه ليا
بس منكرش انى كنت كل يوم بفتحه واشوفه من غير ما اسجل
بس اصريت انى اسجل عشان اقولكم على الموضوع ده ... عشان بجد استراتيجيه ولا فى الخيااااااااااال
وهتجربوها بنفسكم وتقولوا ايه الأخبار هنا فى الموضوع وهبقى جاهز لأى سؤال بخصوص الأستراتيجيه اكيد فى اي وقت
نبتدى بقي
ثانيا نشرح بقى 
احم احم
(مبدأيا كده نكبر الصور عشان نشوف كويس فى الشرح .. واللى نظره مساعده ربنا يديله الصحه ... ويكبر برضو الصوره :P )
شوفوا يا جماعه الشارت زي ما كلنا عارفينه بيبقى شكله كده
وبعد ما تحمل الأستراتيجيه على الميتا تريدر هتلاقى الشارت بقى كده
طيب تعالوا نفسر اللى موجود فى الشارت ايه
طبعا دى شموع يبانيه :P
لو نلاحظ فى الصوره هنلاقى اتنين موفينج افريج ماشين مع الموجه بتاعت الشموع ... فى النزول هتلاقى الموفينجات بتتحول لأحمر ... وفى الزبزبه او ثبات الموجه هتلاقيها صفرا .. وفى الطلوع اخضر
هنلاحظ برضو تحت ماكد وعليه مفوينج افريج
وهنلاقى برضو فى الصوره سهم اسود وسهم احمر وسهم ازرق
طيب ما تيجي نجمع المعلومات الحلوه دى مع بعضها ونشوف ايه لزمه كل حاجه فيهم للأستراتيجيه
اولا الموفينج افريجات اللى موجوده زي ما قولنا بتوضحلك الموجه بتاعت الشارت .. واللى هتلاحظوه لما تنزل الأستراتيجيه انهم هيكونوا عاملين زي خطوط مقاومه للهبوط وخطوط دعم للصعود
طيب الماكد والموفينج افريج اللى عليه ده لزمتهم ايه ؟؟
الماكد ده هيأكدلك ان الموجه نازله فعلا ولا طالعه فعلا .... والموفينج اللى عليه بيأكد اكتر الموجه انها نازله او طالعه .. ( اصل ساعات الموجه بعد الصعود تنزل تستعبط شويه وتطلع تكمل صعود تانى )
طيب السهم الأسود ده ايه ؟ ..... ده علامه الكلب الأسود ولما يبقى لفوق يبقى بيقولك ان الموجه طالعه ولما يكون لتحت اكيد ان الموجه نازله
طيب والأسهم الحمرا والزرقه
السهم الأحمر بيقول ان الموجه نازله والأزرق انها طالعه ... طيب ايه الفرق بينه وبين الكلب الأسود .... مش برضو الأتنين بيعملوا نفس الاداء
لأ هناك فرق يا معلم
الكلب الأسود لما يقولك فوق ... حضرتك هتطنش اي سهم احمر يقولك تحت وتستنى السهم الازرق اللى يدعم موقف الكلب الأسود وتطلع معاه ... بس لما يتوافق معاه الوصايا الخمس .. للكلب الأسود
طيب ايه هى الوصايا الخمس للكلب الأسود
نبتدى ونقولهم ( واللى قايل الوصايا دى اللى عامل الأستراتيجيه ذات نفسه وبعد كده هقولكم رأيي عن تجربه )
- العمل فقط بالأستراتيجيه فى مواعيد فتح السوق الأنجليزي لندن ... يعنى من 9 الصبح للساعه 7 بتوقيت مصر
- اتبع اشاره الكلب الأسود فقط لا غير
- انتظر الأشاره المؤكده لأشاره الكلب الأسود سواء كانت حمرا او زرقا ( يعنى لو الكلب قالك فوق يبقى تستنى الأزرق ولو قالك تحت يبقى تستنى الأحمر )
- هنصبر لما الماكد يأكد الأتجاه ويترسم الماكد صاعد لو الأشاره بالصعود او هابط لو الأشاره بالهبوط وطبعا هنستنى كمان الموفينج افريج بتاع الماكد يأكد اتجاه الموجه
- لو الكلب صاعد والأشاره المؤكده صاعده .. هنستنى لحد ما الشموع تقفل فوق الموفينجين المحددين للأتجاه وبعد ما الشمعه تقفل هندخل فى الشمعه اللى بعدها
نشرح بقى القوانين ...
القانون الاولانى مش محتاج شرح
ولا القانون التانى
القانون التالت من الأخر الكلب لو قالك فوق يبقى تستنى الأشاره الزرقه اللى بتقولك فوق زي الكلب ومتتبعش الأشاره الحمرا اللى بتقولك تحت لأنها متعارضه مع الكلب
القانون الرابع : بيقولك لو كل القاونين اللى فاتت دى اتحققت بس الماكد مأكدش الأتجاه يبقى فاكس من الصفقه دى
القانون الخاااااااااااااااااامس واهم قانون وهنحتاج فيه شغل حلو اوى
شوف بقى يا ريس وفوقلي كده وصحح عشان القانون ده اللى هيكسبك واللى هيخسرك
القانون الخامس رغم سهولته لكن فيه ملحقات كتير اوى فيه .. زي ايه
دلوقتى الكلب قال تحت والأشاره المؤكده قالت تحت والماكد نزل والموفينج اللى على الماكد نزل ... طيب ايه تانى ؟؟
نصبر لحد ما تقفل الشمعه تحت الموفينجين اللى على الشارت اللى بيورولنا الأتجاه ماشي ازاى
ايوه هما دول
طيب وبعدين هنسيب الشمع اللى قفلت تحت دى ونستنى الشمعه اللى بعديها تكون هابطه زيها ويكون فتح الشمعه بعد اغلاق الشمعه اللى قبليها ب 2 نقطه
يعنى مثلا الشمعه اللى استنيناها تقفل تحت الموفينجين دى مثلا قفلت على 1.20 .. يبقى نستنى الشمعه اللى بعديها تكون هابطه زيها وابتديت فى النقطه رقم 1.22
طيب لو محصلش كده يبقى كده الأتجاه نازل نزول مؤقت وهيطلع تانى او هيكمل زبزبه ... وانا بسميه ... (الأتجاه بيستعبط شويه )
طيب لو الشمعه دى متحققتش فيها الشروط دى بس الشمعه اللى بعديها اتحقق فيها الشرط ده .. يبقى ادخول يا معلم ودوس المهم تيجي الشمعه الحلوه اللى مستنينها
طيب مثال توضيحي عشان منتوهش
اهه الصوره بتتكلم يا ناس
طبعا الشمعه a وريتنا انها اتقفلت فوق الموفينجين ... والشمعه b قالت انها صاعده زي a وانها زايده نقطتين عنها ... وطبعا هنخوش من اول الشمعه c
اتبعنا الكلب الأسود والأشاره الزرقه المؤكده للكلب الماكد مأكد الموفينج بتاعه مأكد وكمان الشمعه قافله فوق الموفينجين المحددين للأتجاه
يبقى اتكل على الله ..
عارفين الطالعه دى كام نقطه ؟؟
الشمعه c لوحدها 27 نقطه ... ولو حسبنا لأخر شمعه صاعده يبقى مجموع النقاط اللى أخدناها من الليله دى 57 نقطه ..
نتكلم بقى عن انواع الفريمات اللى بتشتغل عليها الأستراتيجيه .... اي فريم يا معلم شغااااااااله زي الفل ... بس متجيش بقي على الفريم الدقيقه وتشتغل عليه ... اكيد لأ ... من اول الفريم ال 15 دقيقه والأستراتيجيه صاروخ ( انا بشتغل على ال15 وزي الفل على الأخر )
وطبعا كل لما الفريم يكبر كل لما الصفقه تكبر وتكبر
نتكلم بقى عن الستوب لوز بتاعنا والتيك بروفيت ... نحددهم ازاى على الأستراتيجيه دى
العبد لله جرب الأستراتيجيه دى اسبوعين .. ومضربتش معايا استوب لوز واحده حتى .. بس ده مش معناها انها خارقه لأ طبعا ... الأخبار بتأثر فيها .. بس مين فينا يعنى مبيحوطش التحليل الأساسي وتأثير الأخبار على الشارتات ؟؟
المهم بنخوش الصفقه يا حلوين على ستوب لوز 20 نقطه .... فى اللى هيقول قليل وفى اللى هيقول كتير ... عن تجربتي الشخصيه هقولك ان اقوى ارتداد عكسي حصلى فى الأستراتيجيه دى كان فقط 9 نقط ورجع الاتجاه زي ما انا والأستراتيجيه كنت متوقعين تانى .. يعنى مضربش الأستوب لوز بتاعى اللى هو ال 20 نقطه
الأستراتيجيه مجربها بنفسي وزي الفل .. فظييييييييعه
طبعا مش عاوز اقولك انك لااااااااااااااازم ولاااااااااابد تستخدم الأستراتيجيه لمده لا تقل عن شهر فى الديمو قبل ما تاخودها معاك على الحساب الحقيقي .. انا عن نفسي لسه منفذتهاش على الحقيقي بس قولت اقولهالكم عشان كلنا نجربها سوا ونستفيد كلنا بيها وننفذها سوا مع بعض ان شاء الله
طيب رايي انا بقى فى الحوار ده والقوانين دى
القوانين كلها هاااااااامه بلا استثناء .. ما عدا اول قانون ده يعنى انا بنفذه اجبارى لأنى مش بقعد على المنصه غير فى الوقت ده بس انا شايف انه مش لازم يعنى لأنى جربته فى وقت غير وقت السوق لأنجليزي وكانت زي الفل وشغاله الأستراتيجيه تمام
ربنا يوفقنا كلنا ويجعله ان شاء الله فى ميزان حسناتى بإذن الله .. وطبعا اي سؤال انا هجاوب عليه
وقبل ما امشي احب اشكر دكتور اسامه اوووووووووووى عشان انا استفدت منه كتير اوى فى مجال الفوركس ده .. ربنا هيجازيك خير ان شاء الله على كل الشرح اللى بتشرحه للناس يا دكتور 
والسلام عليكم ورحمه الله وبركاته
.
بعد جهد وبحث اجد هذه الاستراتيجية هنا ،،، الله يجزاك الخير اخي بس سؤال ما فهمت موضوع النقطتين بين الشموع يعني متى يكون الدخول بالضبط؟؟؟ وشكرا لك