[Mr.Forexawy]

بسم الله الرحمن الرحيم

انا كنت كاتب قى التوقيع بتاعى انتظروا اقوى التوصيات الشهر القادم بس طبعا محدش كان متابعنى علشان انا مش ليا مشاركات كتيرة فى المنتدى و مش معروف اوى و لكن الشهر بدا اهو الحمد لله و جه الوقت اللى اعمل فيه موضوع للتوصيات دى
التوصيات اقل ما يقال عليها انها فوق فوق الخياااال و الحمد لله الواحد كسب منها بشكل يخوف و هكتب النتايج فى المشاركة القادمة علشان تشوفوا بنفسكم
بس قبل النتايج لابد من كتابة النظام المتبع فى هذا الموضوع باذن الله...علشان انا شوفت مواضيع كتيرة فى منتديات بيحدث فيها نقاط سلبية كتيرة فا عايزين نتجنبها هنا
انا هعمل النظام دا فى شكل سؤال و جواب علشان اريح ناس كتيرة هتستفسر عن حاجات معينة فى التوصيات دى :

1_هل يمكن مناقشة التوصيات فنيا
الموضوع دا مرفوض رفضا باتا ... اى حد بيتبع توصيات فى العالم لازم يبقى على يقين من جواه انه مش عارف يتاجر بنفسه فا بيمشى ورا التوصيات فكونك دخلت توصيات فا دا معناه انك مش راضى بالارباح اللى بتحققها بنفسك ... فا متجيش بقى تناقش التوصيات فنيا سواء بوضع توصيات اخرى فى الموضوع او حث الاعضاء على عدم دخول بعض الصفقات

2_هل يمكن اجابة اى استفسار يطرح فى الموضوع من اى عضو
الموضوع دا مرفوض ... اللى عايز يستفسر عن اى حاجة فا يسئلنى انا و هجاوبه و ميخدش اى اجابة من حد اخر لعدم اللغبطة ... مثل السؤال عن الصفقة هل معلقة ام فورية .. هل الصفقة اغلقت ام مازالت مفتوحة ؟

3_هل يوجد ميعاد ثابت لوضع التوصيات
لا يوجد للاسف ميعاد ثابت لوضع التوصيات

4_هل يجب ادارة راس المال
طبعا لابد من ادارة راس المال و انا بنبه كمان مرة على ادارة راس المال علشان فى ناس كتيرة لما هتشوف النتايج هتقول من جواها ماشاء الله مفيش شهر اغلق على خسارة و اقل شهر اغلق على ربح 1300 نقطة فا مفيش خسارة بقى و مش لازم ادارة راس المال
احب اقول للناس اللى هتفكر كدة انتوا مش تعرفوا نظام التوصيات دى لذلك من واجبى ان اوضحها للجميع علشان كل واحد يدير راس ماله بشكل سليم ... اغلب التوصيات اللى بتبقى موجودة فى اى حتة بتبقى مكونه من ثلاث مناطق و هم نقطة دخول الصفقة و نقطة وقف الخسارة و نقطة اخذ الربح
لكن التوصيات اللى انا هحطها مختلفه عن كدة...واحد هيقولى ازاى؟؟ هقوله بتبقى مكونة مبدئيا من نقطتين فقط و هم نقطة الدخول و نقطة وقف الخسارة... اما بالنسبة لنقطة اخذ الربح و هى اهم نقطة فا بتبقى متحركة على حسب السوق
مثال : امر شراء مثلا لليور دولار عند 1.3800 ووقف خسارة عند 1.3750 ... بعد مرور مدة معينة على الصفقة مثل انتهاء اليوم مثلا او الوصول سعر معين فاذا كانت الصفقة محققة عدد نقاط معين فيتم تحريك وقف الخسارة لنقطة الدخول بحيث لو الصفقة عكست فا مش تغلق على خسارة و دا بيبقى اهم شئ فى التوصيات و هو تجنب الخساير قبل التفكير فى المكسب ... و بعد مرور مدة معينة فلنفرض ان السعر وصل الى 1.3900 فيتم تحريك وقف الخسارة الى 1.3850 يعنى لو الصفقة عكست شوية فا الواحد هيبقى كسبان 50 نقطة و هكذا و طبعا مش شرط انتظار الصفقات الى ان تنعكس لاخذ الربح و انما يوجد صفقات كتيرة تغلق عند سعر معين دون ان تنعكس و طبعا اللى بيحدد دا اللى حاطط التوصيات مش انا
يعنى من الاخر كدة لازم تتابع الموضوع فى المنتدى هنا كل شوية و تعرف اخر اخبار كل صفقة ... لان الصفقات كل شوية بيتغير ارقام وقف خسارتها .. دى طبعا نقطة مرهقة بس معلش الواحد ممكن يستحمل علشان الربح الكبير انشاء الله

5_وقف الخسارة بيكون فى الغالب اد ايه فى اغلب الصفقات
وقف الخسارة يا جماعة مش ثابت و بيبقى مش اقل من 30 نقطة و مش اكثر عن 90 نقطة فى كل صفقة

6_الربح فى كل صفقة بيبقى فى حدود اد ايه
طبعا دا برضوا مش ثابت بس زى ما وضحت قبل كدة المهم عند الناس دى هو تجنب الخسارة اولا ثم الربح ثانيا علشان كدة فى صفقات بتقفل عند نقطة الدخول زى مثلا ان صفقة تحقق 50 نقطة و بعد كدة تعكس بعد ما نكون حركنا وقف الخسارة الى نقطة الدخول
يعنى الربح بيبدا من اول صفر و انت طالع ... بس اكتر صفقة حققت ربح كان 750 نقطة و دى كانت صفقة gbpaud و كانت مدتها اسبوع بالظبت
يعنى من الاخر كدة اكثر خسارة لا تكون اكثر من 90 نقطة الا فى حالة اننا دخلنا التوصية من نقطة دخول متاخرة ... اما بالنسبة للربح فا هو مفتوووح و انا اللى بقول امتى ناخذ الربح طبعا لما يوصل لى من خلال الموصى

7_هل يوجد ازواج معينة فى التوصيات
التوصيات فى كل الازواج بس للامانة اكتر ازواج شغالين عليها هما اربعة ازواج كالاتى:
eurjpy gbpaud gbpcad usdjpy

8_ما هو عدد الصفقات المبرمة فى اخر كل شهر تقريبا
طبعا دا مش ثابت بس اقل حاجة 4 صفقات فى كل زوج ... و اكتر عدد صفقات يتم فتحه بيبقى من 10 الى 12 صفقة فى كل زوج
يعنى مثلا ممكن usdjpy يبقى 8 صفقات فى الشهر كله و gbpaud 7 صفقات و gbpcad 10 صفقات و eurjpy 9 صفقات
يعنى لو حسبناها بالتقريب كدة ممكن نقول ان اخر الشهر هنبقى نفذنا فى حدود من 25 الى 40 صفقة

9_هل يمكن تطبيق بعض التوصيات دون تطبيق الاخر
بالطبع لا لا لا ... يا تنفذ التوصيات كلها يا اما انا مش مسئول و لا تلومن الا نفسك ... علشان الصفقات بتشيل بعضها يعنى حصل قبل كدة انه فى زوج واحد و كان الاسترلينى 5 صفقات ورا بعض ضربوا الاستوب و كان السوف فى حالة تذبذب و الصفقة السادسة تم تحقيق 400 نقطة و بعد كدة مثلا تضرب صفقة و بعد كدة صفقة بعدها تجيب 200 نقطة و هكذا
فا لازم تطبق الصفقات كلها فى كل الازواج
طب هل ينفع تمسك زوج واحد بس ؟ انا لا افضل ذلك بالرغم من انه الحمد لله محصلش انه فى اخر اى شهر اغلق اى زوج على خسارة ... بس ممكن تلاقى اخر الشهر الزوج اللى انت اخترته محققش غير 50 نقطة و دا انا مش بعتبره ربح ... و حصلت شهر فبراير دا كان فى تذبذب فى السوق جامد و زوج usdjpy و زوج gbpcad لم يحققوا ربح غير 120 نقطة فقط على عكس gbpaud و eurjpy الذين حققوا 1480 نقطة
فا طبعا اللى كان مختار زوج معين يتبع توصياته فا خسر كتيير اكيد

10_ماذا افعل اذا رايت التوصية متاخرا
لو حصل ان انا حطيت التوصية و انت شوفتها بعد كدة متاخر فاذا كانت الصفقة عاكسة بخسارة و لكنها لم تضرب وقف الخسارة بعد فيمكنك الدخول فيها و ذلك يكون فى صالحك علشان ساعتها الاستوب هيبقى اقل من اللى كان محدد من البداية
اما اذا كانت محققة ربح فا دا بيبقى راجع لاختيارك على حسب ادارتك لراس المال...علشان ساعتها الاستوب لوس هيبقى كبير عن المحدد

11_ماذا اذا ضربت الصفقة عندى ستوب و لم تضرب عند باقى الاعضاء
المشكلة دى خطيرة جدا يا جماعة و انا بنبه اهو علشان شوفتها بتعمل مشاكل فى منتديات كثيرة ... و هى ان كل واحد فينا بيتاجر فى شركة معينة عكس الشخص الاخر و كل شركة ليها بروكر خاص بيها و اسبريد خاص بيها ... يعنى الاسبريد ممكن يبقى عند ناس 4 نقاط و عند ناس تانية 15 نقطة مما ينتج عنه حدوث لغبطة عند بعض الاعضاء فى نقطة دخول الصفقة و وقف خسارتها.. و نفضل بقى فى الموضوع نتخانق مين قفلت الصفقة عنده على خسارة و مين لسه الصفقة مفتوحة عنده و لم تغلق مما يؤثر على مصداقية الموضوع
علشان كدة يا جماعة لازم نوحد البروكر بتاعنا و دا من خلال اننا كلنا يبقى عندنا منصة لشركة معينة نتابع عليها السعر لمنع حدوث لغبطة و الشركة دى هى شركة fxdd و دى اللى انا شغال عليها و اسبريد ثاااااابت ( يعنى اللى شغال فى شركات تانية يا ريت بس يبقى ينزل منصة fxdd لمتابعة فرق السعر بينه و بين الشركة دى )
انا شغال على fxdd و مش قابلت مشاكل فى التوصيات الحمد لله .. و انا مش بقول ان الشركات التانية وحشه علشان محدش يقول انى بعمل دعاية الفكرة بس كلها اننا كلنا نبقى متابعين سعر فى شركة واحده فقط

12_هل يمكن زيادة الاستوب لوس او اخذ الربح عن المحدد فى التوصية
دا راجع لمزاج كل واحد و على مسئوليته و لكن نصيحتى ليكم ممكن تزودوا الاستوب لوس 5 او 10 نقاط عن المحدد علشان فى صفقات بيبقى الاستوب بتاعها مثلا 80 نقطة و تعكس هى 84 و ترجع تجيب ربح كبير بعد كدة
يعنى من الاخر يبقى فى مرونة فى الصفقات و تحديد نقاطها

13_هل كل الاوامر فورية ام يوجد اوامر معلقة
بعض الاوامر فورية و الاخر معلق .. و لكن الغالبية فورية
و انا هبقى اكتب جنب كل صفقة نوع الامر منعا لحدوث اللغبطة علشان لاحظت فى مواضيع عدم كتابة نوع الامر و عقبال ما العضو يدخل يسئل و يتاكد فا الصفقة بتكون ضاعت منه

14_ما مصدر هذه التوصيات
التوصيات دى للامانة مش انا صاحبها ... و انما اصحابها هم مجموعة اشخاص اجانب بيقوموا بتدريب الناس كيفية المتاجرة فى سوق الفوركس و مش ليهم موقع للاسف
واحد هيقولى اما انت بتجيب التوصيات ازاى انا بصراحة ليا صديق فيهم كنت خدمتوا قبل كدة فى موضوع خارج الفوركس تماما و بقينا اصدقاء .. و فى مرة جبتله سيره الفوركس و عرفت انه خبرة فى المجال دا و قديم بكتير عنى و من ساعتها و هو بيرسل لى التوصيات عبر الايميل
و الخبر الحلو انه قالى انه قريبا انشاء الله هيبقى ليهم موقع يحطوا فيه التوصيات و تتبعت عبر الموبايل فى رسايل بس اكيد هتبقى باشتراك شهرى
بس محدش يقلق انا هجيب ليكم التوصيات هنا فى المنتدى لحد ما يبقوا يعملوا الموقع و ساعتها اللى يفضل يكمل معانا فى المنتدى هنا فا ينور اما اللى وقته لا يسمح بانه كل شوية يفتح المنتدى علشان يشوف التوصيات فا يبقى يروح يتصرف معاهم بقى فى الموقع مليش انا دعوة

15_نقطة اخيرة هااامة جدا علشان منخالفش قوانين المنتدى هنا ... علشان انا شوفت مواضيع بيحصل فيها خلافات
ممنوع حد ييجى يسئلنى على ايميلى الخاص او الاسكاى بى او اسم الموقع بتاع التوصيات علشان دا مخالف لقوانين المنتدى


16_هو انت ليه كاتب كل الكلام دا و واجع راسنا من الصبح
علشان يا جماعة الكلام اللى انا بقالى ساعتين بكتبه دا هينفع ناس كتير اوى و خصوصا فى ادارة راس المال ... علشان من خلال الكلام اللى فوق دا الواحد اخذ فكرة شاملة عن التوصيات و طريقتها و عددها و حجم خسارتها و خصوصا ان التوصيات تطبق بشكل مختلف كما ذكرنا
و تانى نقطة علشان يبقى فى نظام فى الموضوع و عدم مخالفة القوانين فى المنتدى لتجنب المشاكل و انشاء الله الادارة تتواصل معانا فى اى شئ
و اتمنى ان الموضوع دا يبقى اكبر موضوع توصيات فى المنتدى انشاء الله و نربح منه لحد ما نشبع انشاء الله .. قولوا امين
و مستنى ردودكم وتقيمكم للموضوع و استفسارتكم .. دا لو فى حاجة انا مش قولتها اصلا
النتايج فى المشاركة القادمة

[Mr.Forexawy]

بسم الله الرحمن الرحيم

انا كنت كاتب قى التوقيع بتاعى انتظروا اقوى التوصيات الشهر القادم بس طبعا محدش كان متابعنى علشان انا مش ليا مشاركات كتيرة فى المنتدى و مش معروف اوى و لكن الشهر بدا اهو الحمد لله و جه الوقت اللى اعمل فيه موضوع للتوصيات دى
التوصيات اقل ما يقال عليها انها فوق فوق الخياااال و الحمد لله الواحد كسب منها بشكل يخوف و هكتب النتايج فى المشاركة القادمة علشان تشوفوا بنفسكم
بس قبل النتايج لابد من كتابة النظام المتبع فى هذا الموضوع باذن الله...علشان انا شوفت مواضيع كتيرة فى منتديات بيحدث فيها نقاط سلبية كتيرة فا عايزين نتجنبها هنا
انا هعمل النظام دا فى شكل سؤال و جواب علشان اريح ناس كتيرة هتستفسر عن حاجات معينة فى التوصيات دى :

1_هل يمكن مناقشة التوصيات فنيا
الموضوع دا مرفوض رفضا باتا ... اى حد بيتبع توصيات فى العالم لازم يبقى على يقين من جواه انه مش عارف يتاجر بنفسه فا بيمشى ورا التوصيات فكونك دخلت توصيات فا دا معناه انك مش راضى بالارباح اللى بتحققها بنفسك ... فا متجيش بقى تناقش التوصيات فنيا سواء بوضع توصيات اخرى فى الموضوع او حث الاعضاء على عدم دخول بعض الصفقات

2_هل يمكن اجابة اى استفسار يطرح فى الموضوع من اى عضو
الموضوع دا مرفوض ... اللى عايز يستفسر عن اى حاجة فا يسئلنى انا و هجاوبه و ميخدش اى اجابة من حد اخر لعدم اللغبطة ... مثل السؤال عن الصفقة هل معلقة ام فورية .. هل الصفقة اغلقت ام مازالت مفتوحة ؟

3_هل يوجد ميعاد ثابت لوضع التوصيات
لا يوجد للاسف ميعاد ثابت لوضع التوصيات

4_هل يجب ادارة راس المال
طبعا لابد من ادارة راس المال و انا بنبه كمان مرة على ادارة راس المال علشان فى ناس كتيرة لما هتشوف النتايج هتقول من جواها ماشاء الله مفيش شهر اغلق على خسارة و اقل شهر اغلق على ربح 1300 نقطة فا مفيش خسارة بقى و مش لازم ادارة راس المال
احب اقول للناس اللى هتفكر كدة انتوا مش تعرفوا نظام التوصيات دى لذلك من واجبى ان اوضحها للجميع علشان كل واحد يدير راس ماله بشكل سليم ... اغلب التوصيات اللى بتبقى موجودة فى اى حتة بتبقى مكونه من ثلاث مناطق و هم نقطة دخول الصفقة و نقطة وقف الخسارة و نقطة اخذ الربح
لكن التوصيات اللى انا هحطها مختلفه عن كدة...واحد هيقولى ازاى؟؟ هقوله بتبقى مكونة مبدئيا من نقطتين فقط و هم نقطة الدخول و نقطة وقف الخسارة... اما بالنسبة لنقطة اخذ الربح و هى اهم نقطة فا بتبقى متحركة على حسب السوق
مثال : امر شراء مثلا لليور دولار عند 1.3800 ووقف خسارة عند 1.3750 ... بعد مرور مدة معينة على الصفقة مثل انتهاء اليوم مثلا او الوصول سعر معين فاذا كانت الصفقة محققة عدد نقاط معين فيتم تحريك وقف الخسارة لنقطة الدخول بحيث لو الصفقة عكست فا مش تغلق على خسارة و دا بيبقى اهم شئ فى التوصيات و هو تجنب الخساير قبل التفكير فى المكسب ... و بعد مرور مدة معينة فلنفرض ان السعر وصل الى 1.3900 فيتم تحريك وقف الخسارة الى 1.3850 يعنى لو الصفقة عكست شوية فا الواحد هيبقى كسبان 50 نقطة و هكذا و طبعا مش شرط انتظار الصفقات الى ان تنعكس لاخذ الربح و انما يوجد صفقات كتيرة تغلق عند سعر معين دون ان تنعكس و طبعا اللى بيحدد دا اللى حاطط التوصيات مش انا
يعنى من الاخر كدة لازم تتابع الموضوع فى المنتدى هنا كل شوية و تعرف اخر اخبار كل صفقة ... لان الصفقات كل شوية بيتغير ارقام وقف خسارتها .. دى طبعا نقطة مرهقة بس معلش الواحد ممكن يستحمل علشان الربح الكبير انشاء الله

5_وقف الخسارة بيكون فى الغالب اد ايه فى اغلب الصفقات
وقف الخسارة يا جماعة مش ثابت و بيبقى مش اقل من 30 نقطة و مش اكثر عن 90 نقطة فى كل صفقة

6_الربح فى كل صفقة بيبقى فى حدود اد ايه
طبعا دا برضوا مش ثابت بس زى ما وضحت قبل كدة المهم عند الناس دى هو تجنب الخسارة اولا ثم الربح ثانيا علشان كدة فى صفقات بتقفل عند نقطة الدخول زى مثلا ان صفقة تحقق 50 نقطة و بعد كدة تعكس بعد ما نكون حركنا وقف الخسارة الى نقطة الدخول
يعنى الربح بيبدا من اول صفر و انت طالع ... بس اكتر صفقة حققت ربح كان 750 نقطة و دى كانت صفقة gbpaud و كانت مدتها اسبوع بالظبت
يعنى من الاخر كدة اكثر خسارة لا تكون اكثر من 90 نقطة الا فى حالة اننا دخلنا التوصية من نقطة دخول متاخرة ... اما بالنسبة للربح فا هو مفتوووح و انا اللى بقول امتى ناخذ الربح طبعا لما يوصل لى من خلال الموصى

7_هل يوجد ازواج معينة فى التوصيات
التوصيات فى كل الازواج بس للامانة اكتر ازواج شغالين عليها هما اربعة ازواج كالاتى:
eurjpy gbpaud gbpcad usdjpy

8_ما هو عدد الصفقات المبرمة فى اخر كل شهر تقريبا
طبعا دا مش ثابت بس اقل حاجة 4 صفقات فى كل زوج ... و اكتر عدد صفقات يتم فتحه بيبقى من 10 الى 12 صفقة فى كل زوج
يعنى مثلا ممكن usdjpy يبقى 8 صفقات فى الشهر كله و gbpaud 7 صفقات و gbpcad 10 صفقات و eurjpy 9 صفقات
يعنى لو حسبناها بالتقريب كدة ممكن نقول ان اخر الشهر هنبقى نفذنا فى حدود من 25 الى 40 صفقة

9_هل يمكن تطبيق بعض التوصيات دون تطبيق الاخر
بالطبع لا لا لا ... يا تنفذ التوصيات كلها يا اما انا مش مسئول و لا تلومن الا نفسك ... علشان الصفقات بتشيل بعضها يعنى حصل قبل كدة انه فى زوج واحد و كان الاسترلينى 5 صفقات ورا بعض ضربوا الاستوب و كان السوف فى حالة تذبذب و الصفقة السادسة تم تحقيق 400 نقطة و بعد كدة مثلا تضرب صفقة و بعد كدة صفقة بعدها تجيب 200 نقطة و هكذا
فا لازم تطبق الصفقات كلها فى كل الازواج
طب هل ينفع تمسك زوج واحد بس ؟ انا لا افضل ذلك بالرغم من انه الحمد لله محصلش انه فى اخر اى شهر اغلق اى زوج على خسارة ... بس ممكن تلاقى اخر الشهر الزوج اللى انت اخترته محققش غير 50 نقطة و دا انا مش بعتبره ربح ... و حصلت شهر فبراير دا كان فى تذبذب فى السوق جامد و زوج usdjpy و زوج gbpcad لم يحققوا ربح غير 120 نقطة فقط على عكس gbpaud و eurjpy الذين حققوا 1480 نقطة
فا طبعا اللى كان مختار زوج معين يتبع توصياته فا خسر كتيير اكيد

10_ماذا افعل اذا رايت التوصية متاخرا
لو حصل ان انا حطيت التوصية و انت شوفتها بعد كدة متاخر فاذا كانت الصفقة عاكسة بخسارة و لكنها لم تضرب وقف الخسارة بعد فيمكنك الدخول فيها و ذلك يكون فى صالحك علشان ساعتها الاستوب هيبقى اقل من اللى كان محدد من البداية
اما اذا كانت محققة ربح فا دا بيبقى راجع لاختيارك على حسب ادارتك لراس المال...علشان ساعتها الاستوب لوس هيبقى كبير عن المحدد

11_ماذا اذا ضربت الصفقة عندى ستوب و لم تضرب عند باقى الاعضاء
المشكلة دى خطيرة جدا يا جماعة و انا بنبه اهو علشان شوفتها بتعمل مشاكل فى منتديات كثيرة ... و هى ان كل واحد فينا بيتاجر فى شركة معينة عكس الشخص الاخر و كل شركة ليها بروكر خاص بيها و اسبريد خاص بيها ... يعنى الاسبريد ممكن يبقى عند ناس 4 نقاط و عند ناس تانية 15 نقطة مما ينتج عنه حدوث لغبطة عند بعض الاعضاء فى نقطة دخول الصفقة و وقف خسارتها.. و نفضل بقى فى الموضوع نتخانق مين قفلت الصفقة عنده على خسارة و مين لسه الصفقة مفتوحة عنده و لم تغلق مما يؤثر على مصداقية الموضوع
علشان كدة يا جماعة لازم نوحد البروكر بتاعنا و دا من خلال اننا كلنا يبقى عندنا منصة لشركة معينة نتابع عليها السعر لمنع حدوث لغبطة و الشركة دى هى شركة fxdd و دى اللى انا شغال عليها و اسبريد ثاااااابت ( يعنى اللى شغال فى شركات تانية يا ريت بس يبقى ينزل منصة fxdd لمتابعة فرق السعر بينه و بين الشركة دى )
انا شغال على fxdd و مش قابلت مشاكل فى التوصيات الحمد لله .. و انا مش بقول ان الشركات التانية وحشه علشان محدش يقول انى بعمل دعاية الفكرة بس كلها اننا كلنا نبقى متابعين سعر فى شركة واحده فقط

12_هل يمكن زيادة الاستوب لوس او اخذ الربح عن المحدد فى التوصية
دا راجع لمزاج كل واحد و على مسئوليته و لكن نصيحتى ليكم ممكن تزودوا الاستوب لوس 5 او 10 نقاط عن المحدد علشان فى صفقات بيبقى الاستوب بتاعها مثلا 80 نقطة و تعكس هى 84 و ترجع تجيب ربح كبير بعد كدة
يعنى من الاخر يبقى فى مرونة فى الصفقات و تحديد نقاطها

13_هل كل الاوامر فورية ام يوجد اوامر معلقة
بعض الاوامر فورية و الاخر معلق .. و لكن الغالبية فورية
و انا هبقى اكتب جنب كل صفقة نوع الامر منعا لحدوث اللغبطة علشان لاحظت فى مواضيع عدم كتابة نوع الامر و عقبال ما العضو يدخل يسئل و يتاكد فا الصفقة بتكون ضاعت منه

14_ما مصدر هذه التوصيات
التوصيات دى للامانة مش انا صاحبها ... و انما اصحابها هم مجموعة اشخاص اجانب بيقوموا بتدريب الناس كيفية المتاجرة فى سوق الفوركس و مش ليهم موقع للاسف
واحد هيقولى اما انت بتجيب التوصيات ازاى انا بصراحة ليا صديق فيهم كنت خدمتوا قبل كدة فى موضوع خارج الفوركس تماما و بقينا اصدقاء .. و فى مرة جبتله سيره الفوركس و عرفت انه خبرة فى المجال دا و قديم بكتير عنى و من ساعتها و هو بيرسل لى التوصيات عبر الايميل
و الخبر الحلو انه قالى انه قريبا انشاء الله هيبقى ليهم موقع يحطوا فيه التوصيات و تتبعت عبر الموبايل فى رسايل بس اكيد هتبقى باشتراك شهرى
بس محدش يقلق انا هجيب ليكم التوصيات هنا فى المنتدى لحد ما يبقوا يعملوا الموقع و ساعتها اللى يفضل يكمل معانا فى المنتدى هنا فا ينور اما اللى وقته لا يسمح بانه كل شوية يفتح المنتدى علشان يشوف التوصيات فا يبقى يروح يتصرف معاهم بقى فى الموقع مليش انا دعوة

15_نقطة اخيرة هااامة جدا علشان منخالفش قوانين المنتدى هنا ... علشان انا شوفت مواضيع بيحصل فيها خلافات
ممنوع حد ييجى يسئلنى على ايميلى الخاص او الاسكاى بى او اسم الموقع بتاع التوصيات علشان دا مخالف لقوانين المنتدى


16_هو انت ليه كاتب كل الكلام دا و واجع راسنا من الصبح
علشان يا جماعة الكلام اللى انا بقالى ساعتين بكتبه دا هينفع ناس كتير اوى و خصوصا فى ادارة راس المال ... علشان من خلال الكلام اللى فوق دا الواحد اخذ فكرة شاملة عن التوصيات و طريقتها و عددها و حجم خسارتها و خصوصا ان التوصيات تطبق بشكل مختلف كما ذكرنا
و تانى نقطة علشان يبقى فى نظام فى الموضوع و عدم مخالفة القوانين فى المنتدى لتجنب المشاكل و انشاء الله الادارة تتواصل معانا فى اى شئ
و اتمنى ان الموضوع دا يبقى اكبر موضوع توصيات فى المنتدى انشاء الله و نربح منه لحد ما نشبع انشاء الله .. قولوا امين
و مستنى ردودكم وتقيمكم للموضوع و استفسارتكم .. دا لو فى حاجة انا مش قولتها اصلا
النتايج فى المشاركة القادمة