المساعد الشخصي الرقمي

مشاهدة النسخة كاملة : مناقشة تحديد افطار ارابيا الرمضانى..القاهرة سبتمبر 2010


مدير الموقع
13-08-2010, 03:01 PM
السلام عليكم و رحمة الله و بركاته.,
الاخوة الكرام اعضاء منتدى اف اكس ارابيا.,
ان شاء الله سنتقابل سويا فى افطار اف اكس ارابيا الرمضانى و الذى يحتوى على الكثير من المفاجأت الضخمة التى اعددناها خصيصا لكم.,
ياريت الاخوة هنا من القاهرة يقترحوا مكان كويس للافطار و يكون فى وسط البلد او قريبا من القطار او الموقف للاخوة القادمين من كل مكان
ويكون مكان نضيف و حد يتبرع و يحجزه لنا بعد ما نتفق.,
برضه ياريت نحدد الموعد المناسب هنا و كافيه يكون قريب من المطعم و شياكة.,
فى انتظار اراء القاهراوية الجدعان.,
الله كريم.,

م.أحمد مقدادي
13-08-2010, 03:04 PM
كل عام وانتم بخير
وفرص رائعة يقدمها اف اكس ارابيا للتعارف بين الاعضاء الكرام
بالتوفيق ان شاء الله
وعقبال اللقاء في الاردن

محمد نوارج
13-08-2010, 03:04 PM
أول واحد يسجل حضور إن شاء الله ..،

معاذ عودات
13-08-2010, 03:05 PM
ما شاءالله
مع ارابيا خليك مصحصح
لن تتوقف المفاجااات
وخلي الاردنيه يموتو من الجوع :1 (31):

مدير الموقع
13-08-2010, 03:08 PM
حنبقى نبعت لكم فطاركم لحد عندكم..,
او نيجى نفطر معاكم :)
تحياتى يا هانتوور.

محمد نوارج
13-08-2010, 03:10 PM
طالما حضرتك فضلتها سبتمبر أنا أقترح أول سبت ف سبتمبر .،

emad1171
13-08-2010, 03:18 PM
[QUOTE=صياد الفوركس;38119]ما شاءالله
مع ارابيا خليك مصحصح
لن تتوقف المفاجااات
وخلي الاردنيه يموتو من الجوع :1 (31):
[/QUOT
هههههههههههه
شد حيلك وبلش نظم يا باشا واحنا مستعدين

معاذ عودات
13-08-2010, 03:26 PM
[QUOTE=صياد الفوركس;38119]ما شاءالله
مع ارابيا خليك مصحصح
لن تتوقف المفاجااات
وخلي الاردنيه يموتو من الجوع :1 (31):

[/QUOT
هههههههههههه
شد حيلك وبلش نظم يا باشا واحنا مستعدين

ههههههههه طيب ليش بتضحك؟

ان شاءالله يا عماد برمضان رح يكون في سهره اردنيه
رح اتفق مع الدكتور يوديلي
10 فراخ
5 بط
ونعمل علهم احلى فطور :1 (82):

seragsamy
13-08-2010, 04:32 PM
تسجيل حضور بإذن الله تعالى

darkoon2001
13-08-2010, 05:13 PM
الله عليك يا دكتور هوا دا الكلام
تنورو القاهره والله وانا هستنا تشريفكو دى الدنيا تنور اليوم دا مخصوص
وهحاول اختارلكو مكان يكون من احسن الاماكن
تحياتى وتنورونا والله:)

محمد نوارج
13-08-2010, 05:16 PM
الله عليك يا دكتور هوا دا الكلام
تنورو القاهره والله وانا هستنا تشريفكو دى الدنيا تنور اليوم دا مخصوص
وهحاول اختارلكو مكان يكون من احسن الاماكن
تحياتى وتنورونا والله:)

يلا يا غالي ..

عاوزين مكان كده عسل زيك ..،

المسلم أمره لله
13-08-2010, 05:46 PM
مبروك عليكم
و أحسن شيء هو اللقاء بالأحبة
مبروك عليكم و تسلم يا دكتور أسامة على أفكارك الطيبة
بالتوفيق للجميع

مصطفي عماشة
13-08-2010, 05:49 PM
لي طلب وحيد :)
الفطار يكون بعد يوم 15 رمضان ..علشان اكون سلمت الجيش واكون فاضي واتعرف علي ناس نفسي من زمان اتعرف عليها :)

M10000
13-08-2010, 06:31 PM
لي طلب وحيد :)
الفطار يكون بعد يوم 15 رمضان ..علشان اكون سلمت الجيش واكون فاضي واتعرف علي ناس نفسي من زمان اتعرف عليها :)

ان شاء الله يا درش الميعاد هيكون فى شهر سبتمبر يعنى بعد 15 رمضان عشان أشوفك بقا:1 (77):

Samy
13-08-2010, 06:49 PM
طيب ما تخليها يوم أحد يا نوارج الله يعمر بيتك

بالايمان و التقوى
و برضه بالبط و الحمام و الفراخ

مصطفي عماشة
13-08-2010, 06:50 PM
ان شاء الله يا درش الميعاد هيكون فى شهر سبتمبر يعنى بعد 15 رمضان عشان أشوفك بقا:1 (77):
شرف ليا يامحمد والله .. ومنتظره بفارغ الصبر

طيب ما تخليها يوم أحد يا نوارج الله يعمر بيتك


بالايمان و التقوى

و برضه بالبط و الحمام و الفراخ

ولو مش يوم احد او محمود .. نعمل واحد تاني يوماحد مخصوص ليك .. وبيكون ببيتي والله :)

محمد نوارج
13-08-2010, 06:52 PM
اللي تشوفه يا مستر ..

..،

Samy
13-08-2010, 06:54 PM
شرف ليا يامحمد والله .. ومنتظره بفارغ الصبر



ولو مش يوم احد او محمود .. نعمل واحد تاني يوماحد مخصوص ليك .. وبيكون ببيتي والله :)



الله يكرمك يا درش يا رب

targetegy
13-08-2010, 07:08 PM
انتوا تنوروا القاهره كلها والله

فيه كافيه كده عند جامعه عين شمس فى مول الزعفران
بوجوار المترو ممكن نتفق معاهم ايه رايكم
انا راى دة كافيه كويس وعلى ادنا
صباحكم ذى الفل
وهجلكم واجيب معايا
زيكووووووووووووووووووووووووووووووووووووووووو ابنى
3 شهور
هتولوا عروسه معاكم وانتم جايين من بحرى بقى
هههههههههههههه

Dr.SeMSeM
13-08-2010, 11:33 PM
اخيرا جايين للقاهرة مش مصدق نفسي .عالعموم أنا حفكر في مكان وأرد عليكم بس جمب المترو دي مفيش حاجات حلوة احنا ممكن نخليها على النيل إيه رايكم

م.أحمد مقدادي
13-08-2010, 11:37 PM
اخيرا جايين للقاهرة مش مصدق نفسي .عالعموم أنا حفكر في مكان وأرد عليكم بس جمب المترو دي مفيش حاجات حلوة احنا ممكن نخليها على النيل إيه رايكم


اهلا يا اسلام
اخبارك يا باشا
منورنا والله
:1 (77):
,.,

مدير الموقع
14-08-2010, 01:20 AM
اخيرا جايين للقاهرة مش مصدق نفسي .عالعموم أنا حفكر في مكان وأرد عليكم بس جمب المترو دي مفيش حاجات حلوة احنا ممكن نخليها على النيل إيه رايكم


انتوا تنوروا القاهره كلها والله

فيه كافيه كده عند جامعه عين شمس فى مول الزعفران
بوجوار المترو ممكن نتفق معاهم ايه رايكم
انا راى دة كافيه كويس وعلى ادنا
صباحكم ذى الفل
وهجلكم واجيب معايا
زيكووووووووووووووووووووووووووووووووووووووووو ابنى
3 شهور
هتولوا عروسه معاكم وانتم جايين من بحرى بقى
هههههههههههههه


اه ياريت يا جماعة تكون فى وسط البلد عين شمس بعيدة جدا
حاجة كده على النيل و يكون مطعم و كافيه و يشيل عدد كويس,
ياريت تعرفولنا برضه الاسعار كام لان الكل معزوم ان شاء الله و مش عايز اجى اغسل صحون اخر اليوم :)
فى انتظار التحديثات :)
الله كريم.,

wambasic
14-08-2010, 02:04 AM
مينفعش تعملو الفطار فى السعودية :1 (77): وعلى حسابى يا شباب بس تنورونى

محمد نوارج
14-08-2010, 12:32 PM
مينفعش تعملو الفطار فى السعودية :1 (77): وعلى حسابى يا شباب بس تنورونى

إن شاء الله لما يوصل عدد الأعضاء السعوديين في المنتدى لعدد كافي ..

هنكون موجودين بفعاليات في السعودية ..

..،

معاذ عودات
14-08-2010, 01:00 PM
مينفعش تعملو الفطار فى السعودية :1 (77): وعلى حسابى يا شباب بس تنورونى

شو رأيك تيجي انت على الاردن ؟
لانو المره الجاي بالاردن ان شاءالله :1 (31):
ولن اقبل بغير هذا الكلام
جهزلي امورك يا دكتور

فوريكس مان
14-08-2010, 01:25 PM
طب ما تعملوا فى اسكندرية
واهو من القاهرة لاسكندرية كام كيلو يعنى مش كتير
" فردة كعب "
والاماكن متعدوش بقى هتحتاروا تعملوا فين :1 (77):

مدير الموقع
14-08-2010, 01:28 PM
احنا اقمنا لقائنا الشهرى فى الاسكندرية الشهر الماضى و احنا ان شاء الله كل شهر سنتواجد فى محافظة لنزور اهلها الكرام الطيبين.
طبعا لدينا تكتل كبير من القاهرة هنا و ان شاء الله نحضر مفاجأت كبيرة,
الاردن بقى خلينا فى شهر مايو القادم يا هانتر مع المعرض نقيم اجتماع ارابيا هناك ان شاء الله,
السعودية حر نااااار يا عم!
فى انتظار الشباب القاهراوى الجدعان لايجاد مكان مناسب.
الله كريم.,

targetegy
14-08-2010, 02:23 PM
فيه جنب السرايا اللى على كورنيش النيل فيه كازينو كويس وبردوا فى حدود المعدود
والاسعار كويسه
بالنسبه ليه احنا ناخد فيه الشرب بس
الاكل نجيبه من بره احسن
وعلى النيل وهتبقى جميله وعلى قدنا
المشروبات هناك فى متناول الجميع
الاكل مجربتوش بصراحه
بس الاكل مقدور عليه عندنا اماكن كتيره نجيب منها

Dr.SeMSeM
14-08-2010, 05:08 PM
اه ياريت يا جماعة تكون فى وسط البلد عين شمس بعيدة جدا
حاجة كده على النيل و يكون مطعم و كافيه و يشيل عدد كويس,
ياريت تعرفولنا برضه الاسعار كام لان الكل معزوم ان شاء الله و مش عايز اجى اغسل صحون اخر اليوم :)
فى انتظار التحديثات :)
الله كريم.,
إنت اللي عازم يا باشا ولا عزومة من اللي هي كل واحد على حسابه
مينفعش تعملو الفطار فى السعودية :1 (77): وعلى حسابى يا شباب بس تنورونى
ماشي بس الفيزا ورايح جاي عليك .

أنا جه في بالي دلوقتي مكان جامد قوي واسعاره حلوة على النيل بس هو على كورنيش المعادي مش بعيد برضه يعني , إن شاء الله أروح كده اخطف رجلي أشوف نظام الاسعار إيه

Rivnile
16-08-2010, 05:32 PM
اه ياريت يا جماعة تكون فى وسط البلد عين شمس بعيدة جدا
حاجة كده على النيل و يكون مطعم و كافيه و يشيل عدد كويس,
ياريت تعرفولنا برضه الاسعار كام لان الكل معزوم ان شاء الله و مش عايز اجى اغسل صحون اخر اليوم :)
فى انتظار التحديثات :)
الله كريم.,
كل عام وانتم بخير
وربنا يتقبل منا ومنكم صالح الاعمال
طبعا مش محتاج انى اقول ان القاهرة هاتنور بأعضاء ارابيا من سائر المحافظات وخاصة الفوركسنداراباوية
بما انى ما ليش فى الافطارات خارج البيوت ، اضطريت اسأل بعض الاصدقاء عن مكان
وكان الرد
لو عايزين مكان كويس فى وسط البلد واسعاره ( معقولة ) يبقى جاد اللى فى 26 يوليو
اما بالنسبة للمطاعم على النيل فهى نوعين
نوع بتاع النقابات والمهن ، وده محتاج عضوية
والنوع التانى زى تشيليز وفرايدايز وده محتاج فلوس
طبعا ده رأى واحد مش خبير ومستنيين اراء الخبراء

مدير الموقع
16-08-2010, 06:38 PM
طيب لو جاد كويس ماشى
مفيش مطعم كده فى وسط البلد يكون بيقدم لحوم و مشويات يبقى حد مشهور مثلا!
ايه القاهرة مفيهاش محلات اكل ولا ايه؟
فين شباب القاهرة!!

محمد نوارج
16-08-2010, 06:53 PM
طيب لو جاد كويس ماشى
مفيش مطعم كده فى وسط البلد يكون بيقدم لحوم و مشويات يبقى حد مشهور مثلا!
ايه القاهرة مفيهاش محلات اكل ولا ايه؟
فين شباب القاهرة!!

دي قاهرة المعز يا جدعان ..

مفيش فيها محل مشهور في وسط البلد ؟!!

إزاي؟!!

فين داركون كان بيقول هيظبطنا لما نروحله هناك ؟!

hossambebo
16-08-2010, 07:02 PM
شبابنا الغالى ......
بصوا بقة يا جدعان فى محلات اكل وفى اماكن شيك تحبوا تاكلوا ولا تتكيفوا
اولا : محلات الاكل ..... ممكن البرنس فى امبابة بيعمل اكل وطواجن وكل ما تتمناة.......بيبو فى شارع الجسر قريب من الكورنيش .......
ثانيا : محلات الاماكن الشيك ....ممكن فى مركب النيل كريستل او دار القمر على الكورنيش فى النيل ....
كلوا على حسب الميزانية عايزين تفتحوا الموضوع ولا على قدة كدة فى اللزيز
شوفوا تحبوا اية واحنا نرتب سوا

Dr.SeMSeM
17-08-2010, 01:59 AM
طيب لو جاد كويس ماشى
مفيش مطعم كده فى وسط البلد يكون بيقدم لحوم و مشويات يبقى حد مشهور مثلا!
ايه القاهرة مفيهاش محلات اكل ولا ايه؟
فين شباب القاهرة!!
عالعموم جاد كويس ومتخفش يا باشا عنده مشويات وكل حاجة .
ثانيا أنا قلتلكم عندي مكان جامد وعال نيل على طول ومن غير نقابات ولا كارنيهات واسعاره حلوة وعنده كل حاجة بس إن شاء الله حروح اسأل بس أنا فعلا مش فاضي ,
لو عايزين حاجة جامدة احنا ممكن نجيب الأكل فاست فود من أي حتة وناخد مركب في النيل إيه رايكم .

مدير الموقع
20-08-2010, 02:25 PM
طيب انا شايف جاد اقتراح كويس..
فى وسط البلد و محل له اسمه و سمعته..
موافقين ولا ايه يا شباب عشان لو كده نحدد التوقيت و نكتب موضوع جديد عشان الناس تسجل.,
تحياتى يا غاليين.
الله كريم,

Haiman hanna
20-08-2010, 02:39 PM
طيب انا شايف جاد اقتراح كويس..
فى وسط البلد و محل له اسمه و سمعته..
موافقين ولا ايه يا شباب عشان لو كده نحدد التوقيت و نكتب موضوع جديد عشان الناس تسجل.,
تحياتى يا غاليين.
الله كريم,

معك يا كبير ان شاء الله :1 (72):

emanyahia
20-08-2010, 03:00 PM
جاد مش حلو او على الاقل ما ينفعش في الصيام ممكن نخليه اي مكان زي الي قال عليهم الاخ حسام بيبو مكان فيه اكل جامد ينفع مع الصيام و مش لازم يكون غالي

مدير الموقع
20-08-2010, 03:25 PM
شبابنا الغالى ......
بصوا بقة يا جدعان فى محلات اكل وفى اماكن شيك تحبوا تاكلوا ولا تتكيفوا
اولا : محلات الاكل ..... ممكن البرنس فى امبابة بيعمل اكل وطواجن وكل ما تتمناة.......بيبو فى شارع الجسر قريب من الكورنيش .......
ثانيا : محلات الاماكن الشيك ....ممكن فى مركب النيل كريستل او دار القمر على الكورنيش فى النيل ....
كلوا على حسب الميزانية عايزين تفتحوا الموضوع ولا على قدة كدة فى اللزيز
شوفوا تحبوا اية واحنا نرتب سوا

عايزين محل فى النضيف برضه و يكون فى مكان سهل الوصول اليه
لو فى خريطة او عنوان نقدر نوصله يا غالى..,
انا معرفش ولا بيبو ولا البرنس بس ياريت شباب القاهرة يعمل تصويت عليه.

معك يا كبير ان شاء الله :1 (72):


اهو انت الكبير :)

جاد مش حلو او على الاقل ما ينفعش في الصيام ممكن نخليه اي مكان زي الي قال عليهم الاخ حسام بيبو مكان فيه اكل جامد ينفع مع الصيام و مش لازم يكون غالي

خلاص مفيش مشكلة موافق على اى فيهم بس صوتوا على مين الافضل ويكون مكان كويس و نضيف و اقرب للكورنيش و المواصلات للناس اللى حتجيى من السفر,
تحياتى يا حلوين.
الله كريم,

ProPips
21-08-2010, 01:20 AM
السلام عليكم و رحمة الله و بركاته ,,,

طيب شوفوا المواقع دي تصفحوها ممكن لو حد يعرف او يفتكر مطعم منهم او جربه و شايفه مناسب يبقي مناسب
عموما وسط البلد ما بقاش فيها مطاعم كويسة اخرهم كان جروبي زمان و بالنسبة للقريب من الكورنيش هيبفي في المراكب و الباقي موجود في المعادي او مصر الجديدة او مدينة نصر لكن مواصلاتهم متعبة و خصوصا في رمضان :

Otlob - Search Results
(http://www.otlob.com/SearchResult.aspx?City=58)

ط¯ظ„ظٹظ„ ط§ظ„ظ…ط·ط§ط¹ظ… - Masrawy Restaurants
(http://www.masrawy.com/restaurant_list/restaurantlisting.aspx?ref=home)

ده من منتدي أخر لكن تقرير كويس جدا و مصور فيه بالفعل اشهر المطاعم :
أهم التقارير المصورة لإشهر مطاعم القاهرة ....... متجدد!!! - موقع و منتدى الفراشة النسائي (http://alfrasha.maktoob.com/alfrasha128/thread1270767/)

http://www.yellowpages.com.eg/search/UmVzdGF1cmFudF8xXzEzXyBfMF8gXyBfIF8gX19DYWlyb18=/search.html

تحياتي :)

مدير الموقع
21-08-2010, 02:14 AM
احنا مش عايزين نعمل سيرش!
احنا عايزين حاجة مجربة و مضمونة و نضيفة!
القاهراوية باعونا ولا ايه؟

ابراهيم امين
21-08-2010, 03:00 AM
يا دكتور خلى الافطار عندنا فى اسكندرية على الاقل قاطعين على كل المطاعم اللى عندنا و كمان القاهرة نارررررررررر الايام دى

Rivnile
21-08-2010, 08:37 PM
احنا مش عايزين نعمل سيرش!
احنا عايزين حاجة مجربة و مضمونة و نضيفة!
القاهراوية باعونا ولا ايه؟
يا دكتور مافيش بيع ولا حاجه
المشكلة ان الصيام لما بيدخل على حاجات تانية زى التلوث والزحمة والحر اللى القاهرة مشهورة بيهم بيخلى الواحد مفرهد ومخه مسافر
انا شخصيا مابخرجش فى رمضان الا للشديد القوى .. وبالنسبة لى اى اكل مش بيفرق ولا المكان هايفرق طالما هانشوف الناس الجميلة ونتعرف عليها.
واى مكان هايتفق عليه الاعضاء انا موافق عليه
تحياتى يا كبير

mo7amed333
22-08-2010, 12:06 AM
عندى اقتراح دكتور اسامة ممكن نعمل تصويت على تاجيل الافطار الى بعد العيد

hossambebo
22-08-2010, 02:44 AM
انا شايف كدة ان الناس مقلقا ....يا جماعة دة مفيش فى مصر اكثر من المطاعم والكيفيهات .... هى الناس بتعمل حاجة فى حياتها غير الاكل......اية رايكو نفطر فى مركب فى النيل الرحلة تقريبا بتكون ساعتين وتكلفة الفرد بتكون فى حدود 200 جنية .....(ساعتين بس وننزل من المركب ).....الشباب اللى فى القاهرة كام واحد علشان نرتب ناخد الناس اللى جاية فى المواصلات والا الناس اللى فى اسكندرية ترتب وتجيى فى عربيات مع بعض
وعايزين نعرف تقريبا كام واحد ممكن يجوا علشان الاماكن والحجوزات بتبقا من قبلها ....لو فى اى معلومات يا ريت تتكيب علشان نبقى عارفين اية اللى ممكن نعملة

المحب للخير
22-08-2010, 03:20 AM
عندى اقتراح دكتور اسامة ممكن نعمل تصويت على تاجيل الافطار الى بعد العيد
فعلا نظرا لظروف الجو والصيام ورمضان بيبقه خنقه فى الخروج أؤيد هذا الاقتراح .

م.نادر فريد
24-08-2010, 07:48 AM
أية الجديد يا شباب .... هناكل وللا لأ هههههههههههه

مدير الموقع
29-08-2010, 05:04 AM
عندى اقتراح دكتور اسامة ممكن نعمل تصويت على تاجيل الافطار الى بعد العيد

انا موافق بتاجيله لبعد العيد لان فى اكتر من اخ بعتلى نفس النقطة او اعتذر عن عدم امكانية حضوره,
عامة احنا عاملين افطار فى اسكندرية للى عايز يشرفنا برضه.,
تحياتى يا غاليين,

مصطفي عماشة
29-08-2010, 12:19 PM
انا موافق بتاجيله لبعد العيد لان فى اكتر من اخ بعتلى نفس النقطة او اعتذر عن عدم امكانية حضوره,
عامة احنا عاملين افطار فى اسكندرية للى عايز يشرفنا برضه.,
تحياتى يا غاليين,
هتأجله بعد رمضان ونصوم يوم مخصوص علشان نعملفطار جماعي يعني :D

مدير الموقع
29-08-2010, 12:27 PM
صوم يا درش
اهو ثواب برضه :)