المساعد الشخصي الرقمي

مشاهدة النسخة كاملة : شكر وتقدير ل FXDD واف اكس ارابيا

engcu90
27-10-2010, 07:20 PM
السلام عليكم

انا فى رمضان كسبت بونص 100$ من FXDD من احدى مسابقات منتدى اف اكس ارابيا
وكسبت ايضاً بونص 100$ من بوسطن ميرشانت من مسابقة فى منتدى تانى
الكلام ده كان فى شهر 8، حصلت على البونص فى الشركتين فى وقت واحد تقريبا

بونص FXDD:
الحمد لله حققت ارباح ولحد الان سحبت 500$
ودى الاستاتمنت اللى تثبت كلامى
http://img832.imageshack.us/img832/1283/fxdd.png

مع ملاحظة فى كل سحب بيتم خصم 3$ فقط عمولة البنك(NSGB)..يعنى فى السحب الاولى وصلى 254$ و فى السحب التانى وصلى 250$
والدكتور اسامة احب اشكره شكر خاص جدا على مساعدته ليا عند فتح حسابى البنكى..بعتله اكتر من 10 رسائل خاصة استفسر منه ومتأخرش خالص فى الرد وجاوبنى على كل استفساراتى لحد ما الفلوس وصلت لحسابى فى البنك
اذن بعد تعب شهرين فى المتاجرة سحبت 500$ الحمد لله

نيجى بقى لبونص بوسطن ميرشانت(ضحك على الدقون)
انا تاجرت بالبونص وحققت ارباح ايضا للاسف..يارتنى كنت خسرت ولا تعبت فى الحساب ده
فى البداية حققت ارباح 67$ فقولت اسحبهم على الويب مونى(بنك الكترونى) ... راح ردوا عليا ان لازم اعمل شرط 5 لوت استاندرد قبل السحب!!!
حساب ب 100$ يعنى المتاجرة ب 10 سنت
اذن مطلوب منى اعمل 500 صفقة ب 10 سنت قبل ما اقدر اسحب حاجة من الحساب..!!
يعنى بيقولولك ابقى قابلنى لو سحبت
لكن انا الحمد لله برضه تاجرت شهرين فى الحساب وحققت 300$ تقريبا
وبعدها حسب انا عملت كام لوت لقيتنى عملت لوت واحد فقط.!!
وبما انى بازهق جدا لما افضل اتاجر وماسحبش روحت فتحت صفقات بحجم ال 4 لوت الباقيين عشان اخلص من الشرط ده
ودى استاتمنت تثبت كلامى
http://img4.imageshack.us/img4/6753/bmfn.png

فضلت افتح واقفل صفقات على اليورو دولار ورا بعض لحد ما خلصت شرط ال 5 لوت..خسرت طبعا الاسبريد حوالى 80 دولار
المهم برضه الحساب فى الاخر كان فيه ارباح 107$ قولت اسحبهم بقى
وقدمت طلب سحب على الاليرت باى(بنك الكترونى)
جالى رد ان مينفعش اسحب على الاليرت ولازم اسحب من خلال تحويل بنكى.!!
وعمولة التحويل البنكى 50$ يعنى نص اللى اسحبه
يعنى مش كفاية شرط ال 5 لوت لا كمان مطلوب منى احقق ارباح على الاقل 500$ عشان اعرف اتحمل العمولة الكبيرة دى والسحب يكون ليه قيمة على اساس انى سوبر مان يعنى
عشان كده انا عامل الموضوع ده عشان احذر اى حد من انه يشترك فى اى مسابقة برعاية بوسطن لانك هتعمل زيى وتتعب على الفاضى شهرين وبرضه مش هتعرف تسحب حاجة
وحتى لو عملت ارباح 500$ ولا حاجة اكيد هيطلعوا بحجة تانى
بجد حسبى الله ونعم الوكيل فى التعب ده
تغور الشركة والبونص بتاعها اذا كانت هتحط شروط تعجيزية كده
شركة سيئة جدا ومش عاوزين يدفعوا فلوس لحد
على عكس شركة اف اكس دى دى العملاقة
عشان كده بقول شكرا جدا جدا FXDD
واللى يهاجم اف اكس دى دى بعد كده ويدافع عن بوسطن يبقى - سورى ف الكلمة - مبيفهمش
محمد نوارج
27-10-2010, 07:27 PM
وده يأكد إن قرار الدكتور بفسخ التعاقد مع بوسطن كان سليم

ومن أجل صالح العملاء !!
engcu90
27-10-2010, 07:31 PM
وده يأكد إن قرار الدكتور بفسخ التعاقد مع بوسطن كان سليم

ومن أجل صالح العملاء !!



فعلا القرار ده كان سليم جدا جدا جدا ولازم نشكر دكتور اسامة انه عمل كده
unknown
27-10-2010, 07:35 PM
فرق مابين السماء والارض
معاذ عودات
27-10-2010, 07:37 PM
السلام عليكم
طبعا او شي
الف مبروك الارباح وان شاءالله تضل دائمه عليك
وهذا اهم شي

ثاني شي
هذا ما عودتنا عليه اف اكس دي دي
صدق امانه ... الخ

وندعو جميع الاخوة الابتعاد عن الشركات التي فيها لبس ولو 1%
ابراهيم امين
27-10-2010, 07:50 PM
الف مبروك عليك و هناك فرق بين الشركتين انا كنت فاتح مع بوسطن بصراحة و شوفت منهم الويل لحد ما حسابى اتصفر معاهم
المسلم أمره لله
27-10-2010, 07:50 PM
أهلا ياباشا
مبروك عليك ياباشا
بالنسبة للدكتور أسامة مش حتلاقي زي في اي منتدى
انسان خدوم بمعنى الكلمة جزاه الله كل خير
و مش حتلاقي ناس زي الناس الحلوة هنا في المنتدى في أي مكان
و ألف شكر لكل من يساهم و لو بكلمة شكر للرقي بالمنتدى
و اف اكس أرابيا رقم 1 عربيا و عالميا
m.youssif
27-10-2010, 08:00 PM
ألف مبروك يا اخي
مدير الموقع
27-10-2010, 10:20 PM
اخى الكريم حسن.
بداية اود ان اشكرك على فتحك الموضوع و على تقبلك ان تهاجم ممن له مصالح ان لا تظهر هذه الحقائق و هى شجاعة اتمنى ان تكون فينا كلنا كعرب..
مبروك عليك البونص و يتربى فى عزك و ان شاء الله تضاعفه اضعافا و اضعافا كمان.
صراحة حاجة تفرح لما تلاقى حد استفاد من مسابقات اف اكس ارابيا.
على فكرة حسن عمل الحاجة اللى محدش غيره عملها و انه ترجم كتاب بشكل رائع و هو الوحيد اللى اتقن عمله فى هذه المسابقة.
فعلا ان الله لا يضيع اجر من اتقن عمله.

مبروك عليك يا غالى و ان شاء الله المزيد و بالنسبة لبوسطن راسل دعمهم الفنى و اطلبهم مونى بوكرز او اليرت باى و لو مرضوش يبقى استعوض ربنا هو عنده العوض..
الله كريم.,
engcu90
27-10-2010, 11:23 PM
اخى الكريم حسن.
بداية اود ان اشكرك على فتحك الموضوع و على تقبلك ان تهاجم ممن له مصالح ان لا تظهر هذه الحقائق و هى شجاعة اتمنى ان تكون فينا كلنا كعرب..
مبروك عليك البونص و يتربى فى عزك و ان شاء الله تضاعفه اضعافا و اضعافا كمان.
صراحة حاجة تفرح لما تلاقى حد استفاد من مسابقات اف اكس ارابيا.
على فكرة حسن عمل الحاجة اللى محدش غيره عملها و انه ترجم كتاب بشكل رائع و هو الوحيد اللى اتقن عمله فى هذه المسابقة.
فعلا ان الله لا يضيع اجر من اتقن عمله.

مبروك عليك يا غالى و ان شاء الله المزيد و بالنسبة لبوسطن راسل دعمهم الفنى و اطلبهم مونى بوكرز او اليرت باى و لو مرضوش يبقى استعوض ربنا هو عنده العوض..
الله كريم.,

نورت الموضوع والله يا دكتور
بس انا كنت قربت انسى اسم حسن ده :]
على النت اى حد بيشوف اسمى كده hassan بيقراه حسان مش عارف ليه ف بقى اسمى ع النت حسان :D
انا هاجرب تانى ابعت طلب السحب عن طريق مونى بوكرز لعل وعسى
وشكرا جدا يا دكتور اسامة والى الامام دائما ان شاء الله

والله يبارك فيكوا يا جماعة :)
forexeagle
27-10-2010, 11:47 PM
مبروك عليك سحب الارباح ولو انك قدرت تسحب من افكسديدي لانك حققت ارباح اعلى من بوسطن ولو كنت حققت نفس الارباح في بوسطن كنت قدرت تسحب عشان عموله تحويل البنوك واعتقد ان الشرط اللي بتتكلم عنه في الشركتين كانو زي بعض يعني مفيش اختلاف والفكره بس انك حققت ارباح اعلى في افكسديدي فعرفت تسحب منها
وشركه بوسطن ميرشنت عشان مسجله ومرخصه في اكثر من جهه قامت بتعويض احد العملاء الاسبوع اللي فات بمبلغ كبير مش بسيط يعني 7520 دولار ودي صوره من التعويض

http://img28.imageshack.us/img28/8418/cre.png
engcu90
28-10-2010, 12:02 AM
مبروك عليك سحب الارباح ولو انك قدرت تسحب من افكسديدي لانك حققت ارباح اعلى من بوسطن ولو كنت حققت نفس الارباح في بوسطن كنت قدرت تسحب عشان عموله تحويل البنوك واعتقد ان الشرط اللي بتتكلم عنه في الشركتين كانو زي بعض يعني مفيش اختلاف والفكره بس انك حققت ارباح اعلى في افكسديدي فعرفت تسحب منها
وشركه بوسطن ميرشنت عشان مسجله ومرخصه في اكثر من جهه قامت بتعويض احد العملاء الاسبوع اللي فات بمبلغ كبير مش بسيط يعني 7520 دولار ودي صوره من التعويض

http://img28.imageshack.us/img28/8418/cre.png





ازاى الاتنين زى بعض؟ حضرتك اقرا الموضوع تانى كويس
اف اكس دى دى تقدر منها تسحب الارباح من غير اى شروط يعنى حتى لو كنت طلبت سحب 107$ كانوا هيوصلوا زى ما هما مش يتخصم منهم 50 دولار وكمان بعد تنفيذ شرط 5 عقود..!!
ويعم لو الشركات المرخصة بتعمل كده مش عاوزها
FXDD
28-10-2010, 03:58 PM
الاخوه الكرام
تحيه طيبه وبعد
اود ان اتوجه بالشكر للعميل الفاضل الذي فتح الموضوع في المنتدي و هذا يدل علي نبل الخلق و العرفان بالجميل و هي امور اصبحت نادره في هذا العصر.:)
كما وضحت من قبل كثيرا فنحن نوفر للعميل اكبر فرص النجاح في الفوركس و لا نتصيد له الاخطاء و لا نصمم برامجنا و عروضنا حتي يكون الهدف منها خساره العميل مثل البعض و لكننا نحاول ان نكون عادلين الي اكثر درجه مع تثقيف العميل بقواعد السوق الصحيحه و كما قلت دائما ليس كل ما يلمع ذهبا.

مع تحياتي
امجد عطيه
مدير القسم العربي
اف اكس دي دي
مدير الموقع
29-10-2010, 02:42 AM
شكرا شكرا اخى الفاضل امجد.
هذا بالفعل ما لمسته من الشركة انها بالفعل الوحيدة التى تبحث عن كيف يربح العميل.
ان شاء الله اف اكس دى دى و اف اكس ارابيا الى القمة :)
الله كريم,
forexeagle
29-10-2010, 04:44 AM
ده فائده التسجيل في المنظمات الرقابيه لو اي شركه تلاعبت تقدر تاخد حقك منها رسمي والشركه تعمل الف حساب قبل انها تفكر تعمل اي حاجه خطأ وسبق وقولت ان شركه FXDD غير مسجله ولو حصل اي مشكله مع العميل مش هيقدر ياخد حقه منها الا لو الشركه اتعطفت معاه بمزاجها وأنا بحذر من التعامل مع أي شركه غير مسجله وياريت المشرفين ميمسحوش الكلام ده لو عندهم ذره شفافيه لان قبل كده كتبت الكلام ده في موضوع اخر واتمسح
م.أحمد مقدادي
29-10-2010, 04:57 AM
ده فائده التسجيل في المنظمات الرقابيه لو اي شركه تلاعبت تقدر تاخد حقك منها رسمي والشركه تعمل الف حساب قبل انها تفكر تعمل اي حاجه خطأ وسبق وقولت ان شركه FXDD غير مسجله ولو حصل اي مشكله مع العميل مش هيقدر ياخد حقه منها الا لو الشركه اتعطفت معاه بمزاجها وأنا بحذر من التعامل مع أي شركه غير مسجله وياريت المشرفين ميمسحوش الكلام ده لو عندهم ذره شفافيه لان قبل كده كتبت الكلام ده في موضوع اخر واتمسح


اتحداك ان تكون قد كتبت نفس الكلام ودون تجريح
واتمسح زي ما حضرتك زعمت
:)
forexeagle
29-10-2010, 05:02 AM
اتحداك ان تكون قد كتبت نفس الكلام ودون تجريح
واتمسح زي ما حضرتك زعمت
:)
ياباشا انا مش محتاج اكذب وسبق كتبت عن شركه افكسديدي في مشاركتي في موضوع تاني انها غير مسجله وتم التعديل على المشاركه

ده الموضوع

شكر وتقدير ل FXDD واف اكس ارابيا (http://fx-arabia.com/vb/showthread.php?t=3873)
م.أحمد مقدادي
29-10-2010, 05:06 AM
ياباشا انا مش محتاج اكذب وسبق كتبت عن شركه افكسديدي في مشاركتي في موضوع تاني انها غير مسجله وتم التعديل على المشاركه

ده الموضوع

شكر وتقدير ل FXDD واف اكس ارابيا (http://fx-arabia.com/vb/showthread.php?t=3873)

طيب انت متأكد اولاً انها مش مسجلة


http://fx-arabia.com/vb/uploaded/244_01288317662.png
forexeagle
29-10-2010, 05:10 AM
طيب انت متأكد اولاً انها مش مسجلة


http://fx-arabia.com/vb/uploaded/244_01288317662.png



ده تسجيل في الـ NFA وكل تعاملات الوكلاء والعملاء العرب أو اللي متاح لهم في حسابتهم نظام الهيدج ورافعه اكتر من 100 بيتم فتح حسابتهم في فرع الشركه بمالطا يعني خارج مظله الـ NFA يعني لو حصلت مشكله معاك في حسابك مينفعش تروح تشتكي الشركه في الـ NFA , يبقى الشركه تعتبر غير مسجله بالنسبه لنا :)
م.أحمد مقدادي
29-10-2010, 05:14 AM
ده تسجيل في الـ NFA وكل تعاملات الوكلاء والعملاء العرب أو اللي متاح لهم في حسابتهم نظام الهيدج ورافعه اكتر من 100 بيتم فتح حسابتهم في فرع الشركه بمالطا يعني خارج مظله الـ NFA يعني لو حصلت مشكله معاك في حسابك مينفعش تروح تشتكي الشركه في الـ NFA , يبقى الشركه تعتبر غير مسجله بالنسبه لنا :)

وهل تم فتح فرع مالطا الا بناء على رغبة من لا يريدون الهيدج وغيره
والعرب يقدروا يسجلوا تحت فرع امريكا عادي جدا على فكرة
ولنفرض يا باشا ان الخوف موجود
لو ليك حساب معاهم وحصل اي مشكلة الدكتور يجيبلك حقك ان شاء الله
وجود الدكتور بالنسبة لي اكبر تسجيل للشركة
وعلى فكرة
انا لسه عند كلامي
اتحداك انه تم مسح اي شي من كلامك
لاني كنت وقت نزول مشاركتك
ومازالت كما هي
:)
forexeagle
29-10-2010, 05:36 AM
وهل تم فتح فرع مالطا الا بناء على رغبة من لا يريدون الهيدج وغيره
والعرب يقدروا يسجلوا تحت فرع امريكا عادي جدا على فكرة
ولنفرض يا باشا ان الخوف موجود
لو ليك حساب معاهم وحصل اي مشكلة الدكتور يجيبلك حقك ان شاء الله
وجود الدكتور بالنسبة لي اكبر تسجيل للشركة
وعلى فكرة
انا لسه عند كلامي
اتحداك انه تم مسح اي شي من كلامك
لاني كنت وقت نزول مشاركتك
ومازالت كما هي
:)

احنا بنتكلم عن قوانين شركات وتسجيل رسمي يعطي للشركه مصداقيه وضمان حقيقي , وحديثنا ان التعامل معها ليس تحت مظله جهه رقابيه , هل الدكتور جهه رقابيه ؟ ولايوجد أي شخص يستطيع تعويض ما تقوم به الشركه من نصب يعني لو فرضا افكسديدي نصبت وقفلت او بلاش كده ممكن تفلس وتشهر افلاسها وده شئ محتمل لاي شركه في عالم المال زي ماسمعنا ان بنوك افلست وقفلت وبنوك عالميه ... هل لو حصل ده الدكتور هيعوض اموال الناس ويرد لكل واحد ماخسره من الشركه ؟

كان حدث كده لما افلست شركه ريفكو عام 2004 كان وكلاءها عوضو العملاء لكن محصلش ده , الشئ الوحيد اللي يضمن حقك في الشركه انها تكون مسجله وكمان يعطيك حمايه وانطباع عن الشركه وتنبؤ قبل انها تقوم بافلاس او نصب , ازاي الكلام ده ؟؟

كمثال ان شركه جين كابتال وقعت في غرامه ومخالفه ده يعطيني كعميل معها انطباع وتصور عن الشركه ان فيها خلل ما او امور خفيه وقد تكون هذه بدايه لافلاسها او احتيالها بشكل كامل على عملاءها بالتالي انا اسحب فلوسي منها واشوف شركه تانيه وده فائده المنظمات الرقابيه انها تكشف وتدقق وتتحرى عن الشركات اللي تحت منها وتظهر مخالفاتها عشان العميل ياخد باله , هل يستطيع الدكتور القيام بهذه الامور ؟

مع اعتذاري للجميع

الناس كانت تطالب FXDD في التسجيل خارج امريكا مثلا في الـ FSA ووقتها لم تكن مسجله في اي منظمه خارج او داخل امريكا وقامت فجأه باعلان تسجيلها في ال NFA وستقوم بعمل فرع في اوروبا وبعدها اعلنت ان الفرع في مالطا ده اللي حصل تقريبا يعني تسجيل ال NFA لم يفيدنا كعرب او غير امريكي

كمان ليه مش تسجل في ال FSA زي ماعملت باقي شركات الامريكيه مثل افكسول وافكسم وغيرهم وليه اختارت مالطا وهي بلد محدوفه وقوانينها ضعيفه ومعروف عنها بلد المهربين وتجاره الغير مشروعه والمافيا ...طبعا مش قاصد مافيا الفوركس مشرفنا :1 (31):

أنا اقسم لك أن تم التعديل على مشاركتي في الموضوع الذي اشرت له :1 (110):
محمد شلبى
29-10-2010, 06:32 AM
الف مبروووك الاربح يا غالى
وخليك مع اف اكس دى دى تكسب وكفايه بس ان الدكتور اسامه وكيل ليهم دا شهاده احسن من كل الشهدات
Samy
29-10-2010, 07:47 AM
اخى الفاضل
انه ليس دفاعاً عن شركة أحسنت التعامل معنا من يومنا الاول بها كعملاء
و لكن الامر سهل و الاختيار سهل أيضاً و المفاضلة بين الشركات لإنتقاء أفضلها

اذا كنت تخشى التعامل بفرع مالطا
دعك منه و تعامل بفرع امريكا و تحت المظلة الرقابيه بقيودها و لوائحها

و اذا كنت ترتاب من اف اكس دى دى كلها فهناك العديد و العديد
من الشركات الكبيرة كدى دى و ربما اكبر و افضل منها فلتختر ما يروق لك
و يتواءم مع متطلباتك و شروطك للمتاجرة عن طريقها

و لكنى الى الان لم أرى من دى دى ما يريبنى
بالعكس
و إلا وقفت فى الصف خلفك مندداً بها
و فى كل الاحوال تحذيرك أمر محمود بالفعل و تشكر عليه فعلينا أن نتناصح
و يدل كلانا الاخر على ما يراه أنه الافضل و الاصوب

و الاختلاف لا يمكن ان يفسد للود قضيه
forexeagle
29-10-2010, 08:35 AM
اخى الفاضل
انه ليس دفاعاً عن شركة أحسنت التعامل معنا من يومنا الاول بها كعملاء
و لكن الامر سهل و الاختيار سهل أيضاً و المفاضلة بين الشركات لإنتقاء أفضلها

اذا كنت تخشى التعامل بفرع مالطا
دعك منه و تعامل بفرع امريكا و تحت المظلة الرقابيه بقيودها و لوائحها

و اذا كنت ترتاب من اف اكس دى دى كلها فهناك العديد و العديد
من الشركات الكبيرة كدى دى و ربما اكبر و افضل منها فلتختر ما يروق لك
و يتواءم مع متطلباتك و شروطك للمتاجرة عن طريقها

و لكنى الى الان لم أرى من دى دى ما يريبنى
بالعكس
و إلا وقفت فى الصف خلفك مندداً بها
و فى كل الاحوال تحذيرك أمر محمود بالفعل و تشكر عليه فعلينا أن نتناصح
و يدل كلانا الاخر على ما يراه أنه الافضل و الاصوب

و الاختلاف لا يمكن ان يفسد للود قضيه



كلامك صحيح أخي الكريم لكن من باب الحرص على اموال عملاءكم هل لديكم اي ضمان في حاله افلاس شركه افكسديدي باسترجاع اموال العملاء ؟ هل يوجد تأمين على أموال العملاء لشركه افكسديدي ؟ هل لو في حال لو قامت افكسديدي بالتلاعب في الرافعه الماليه مثل شركه جين كابتال هل يمكن رفع قضيه ضدها مثل الذي حدث مع جين كابتال ؟

(مع العلم ان شركه جين كابتال لم تقم بذلك فارجو التحري من الخبر جيدا ومعرفه المعلومات والحقيقه كامله )

انا في اعتقادي ان كل شركات الفوركس المسجله والغير مسجله حدث لها مشاكل او على الاقل المعروفه لنا فكلها حدثت لديهم مشاكل مع العملاء وهذا امر طبيعي لان لايوجد شئ كامل في الدنيا فالكمال لله وحده ولكن يجب ان يكون هناك رقيب يقوم بمراقبه هذه الامور وهنا مربط الفرس وسبب وجود المنظمات والهيئات الرقابيه ويجب ان نكون تحت مظلتها .
مدير الموقع
29-10-2010, 11:51 AM
ايداعات اموال العملاء فى شركة اف اكس دى دى تقع فى حسابات منفلصة تماما Segregated account يعنى لو الشركة فلست بكرة الصبح اموال العملاء ملهاش دعوة..
شركة اف اكس دى دى مرخصة فى مالطا فى MFSA و هى هيئة رقابية معتمدة كما انها سمحت بفتح حسابات مفصولة للعملاء فى بنك جى بى مورجان امريكا فى حين رفضت FSA ان تعطى هذه الخاصية للشركة مما دعاها للتسجيل فى منظمة MFSA
على اى اساس انت تقول ما تقوله ؟
هل لديك ادلة على ما تقول.
ردك حذف لانه كلام مرسل يفتقد الى دليل واحد و يمكننى طلب عرض اوراق تثبت قانونية الشركة و تسجيلها فى مالطا و MFSA و ان حسابات العملاء مفصولة.
اعتقد انك قادم من اجل الهجوم و فقط و تنادى بالتسجيل رغم انك عارف ان فى ناس كتيييير بتدعى التسجيل و هم مش مسجلين بدون ذكر اسماء.
تحياتى.
مدير الموقع
29-10-2010, 12:06 PM
احنا بنتكلم عن قوانين شركات وتسجيل رسمي يعطي للشركه مصداقيه وضمان حقيقي , وحديثنا ان التعامل معها ليس تحت مظله جهه رقابيه , هل الدكتور جهه رقابيه ؟ ولايوجد أي شخص يستطيع تعويض ما تقوم به الشركه من نصب يعني لو فرضا افكسديدي نصبت وقفلت او بلاش كده ممكن تفلس وتشهر افلاسها وده شئ محتمل لاي شركه في عالم المال زي ماسمعنا ان بنوك افلست وقفلت وبنوك عالميه ... هل لو حصل ده الدكتور هيعوض اموال الناس ويرد لكل واحد ماخسره من الشركه ؟

كان حدث كده لما افلست شركه ريفكو عام 2004 كان وكلاءها عوضو العملاء لكن محصلش ده , الشئ الوحيد اللي يضمن حقك في الشركه انها تكون مسجله وكمان يعطيك حمايه وانطباع عن الشركه وتنبؤ قبل انها تقوم بافلاس او نصب , ازاي الكلام ده ؟؟

كمثال ان شركه جين كابتال وقعت في غرامه ومخالفه ده يعطيني كعميل معها انطباع وتصور عن الشركه ان فيها خلل ما او امور خفيه وقد تكون هذه بدايه لافلاسها او احتيالها بشكل كامل على عملاءها بالتالي انا اسحب فلوسي منها واشوف شركه تانيه وده فائده المنظمات الرقابيه انها تكشف وتدقق وتتحرى عن الشركات اللي تحت منها وتظهر مخالفاتها عشان العميل ياخد باله , هل يستطيع الدكتور القيام بهذه الامور ؟

مع اعتذاري للجميع

الناس كانت تطالب FXDD في التسجيل خارج امريكا مثلا في الـ FSA ووقتها لم تكن مسجله في اي منظمه خارج او داخل امريكا وقامت فجأه باعلان تسجيلها في ال NFA وستقوم بعمل فرع في اوروبا وبعدها اعلنت ان الفرع في مالطا ده اللي حصل تقريبا يعني تسجيل ال NFA لم يفيدنا كعرب او غير امريكي

كمان ليه مش تسجل في ال FSA زي ماعملت باقي شركات الامريكيه مثل افكسول وافكسم وغيرهم وليه اختارت مالطا وهي بلد محدوفه وقوانينها ضعيفه ومعروف عنها بلد المهربين وتجاره الغير مشروعه والمافيا ...طبعا مش قاصد مافيا الفوركس مشرفنا :1 (31):

أنا اقسم لك أن تم التعديل على مشاركتي في الموضوع الذي اشرت له :1 (110):

اشمعنى FSA ?
ماذا تعرف عن FSA كى تقول ان FSA هى الهيئة الاكبر فى اوروبا؟
الا تعلم ان FSA تتيح التسجيل لشركات قبرص ايضا و هم خارج المملكة المتحدة؟
هل هذا سيضع شركات قبرص فى المقدمة لانها مسجلة مع FSA ??
دولة مالطا دولة كاملة العضوية فى الاتحاد الاوروبى و تخضع للقوانين الاوروبية و فى اوروبا مفيش خيار و فاقوس الصح بيمشى على الكل و الغلط بيتحاسب امام الكل.

هل ترى هناك منظمات اخرى غير FSA يمكن لاى شركة مثلا التسجيل فيها ام ان المعلومات لا تصل الى مع ابعد من ذلك؟
اتمنى الردود تكون بمنطقية حتى لا نعود و نلف فى نفس الدائرة المفرغة السابقة.
ثانيا الموضوع خاص بجين كابيتال ليه تتكلم عن شركة اخرى فى الموضوع و ده مش بنحبه فى قوانين ارابيا؟
يمكنك ان تكتب فى الموضوع الاخر عن عميل لا يمت لادارة المنتدى باى صلة و قال رأيه بصراحة فى شركة اف اكس دى دى و شركة اخرى لا اريد ذكر اسماء فى موضوع جين كابيتال هنا.
تحياتى لك.
و جمعة موفقة عليك.
المسلم أمره لله
29-10-2010, 02:27 PM
ده فائده التسجيل في المنظمات الرقابيه لو اي شركه تلاعبت تقدر تاخد حقك منها رسمي والشركه تعمل الف حساب قبل انها تفكر تعمل اي حاجه خطأ وسبق وقولت ان شركه FXDD غير مسجله ولو حصل اي مشكله مع العميل مش هيقدر ياخد حقه منها الا لو الشركه اتعطفت معاه بمزاجها وأنا بحذر من التعامل مع أي شركه غير مسجله وياريت المشرفين ميمسحوش الكلام ده لو عندهم ذره شفافيه لان قبل كده كتبت الكلام ده في موضوع اخر واتمسح

أهلا بك أخي الكريم معنا منور
لكن أخي الكريم لولا الشفاشية و المصداقية الموجودة في المنتدى لما وضع الموضوع هنا
و لولا الشفافية و المصداقية يا أخي لحذفت عضويتك
يعني ممكن تكتب ما تريد و تبدي رأيك بكل بساطة و ان تم حذف موضوعك أو تعليقك يحق لك التكلم عن الشفافية و المصداقية و لكن الكتابة في حدود قوانين المنتدى و من غير مس لأي شخص.
لهذا لا يليق التكلم عن الشفافية من الوهلة الأولى
forexeagle
29-10-2010, 04:14 PM
ايداعات اموال العملاء فى شركة اف اكس دى دى تقع فى حسابات منفلصة تماما Segregated account يعنى لو الشركة فلست بكرة الصبح اموال العملاء ملهاش دعوة..
شركة اف اكس دى دى مرخصة فى مالطا فى MFSA و هى هيئة رقابية معتمدة كما انها سمحت بفتح حسابات مفصولة للعملاء فى بنك جى بى مورجان امريكا فى حين رفضت FSA ان تعطى هذه الخاصية للشركة مما دعاها للتسجيل فى منظمة MFSA
على اى اساس انت تقول ما تقوله ؟
هل لديك ادلة على ما تقول.
ردك حذف لانه كلام مرسل يفتقد الى دليل واحد و يمكننى طلب عرض اوراق تثبت قانونية الشركة و تسجيلها فى مالطا و MFSA و ان حسابات العملاء مفصولة.
اعتقد انك قادم من اجل الهجوم و فقط و تنادى بالتسجيل رغم انك عارف ان فى ناس كتيييير بتدعى التسجيل و هم مش مسجلين بدون ذكر اسماء.
تحياتى.



اشمعنى FSA ?
ماذا تعرف عن FSA كى تقول ان FSA هى الهيئة الاكبر فى اوروبا؟
الا تعلم ان FSA تتيح التسجيل لشركات قبرص ايضا و هم خارج المملكة المتحدة؟
هل هذا سيضع شركات قبرص فى المقدمة لانها مسجلة مع FSA ??
دولة مالطا دولة كاملة العضوية فى الاتحاد الاوروبى و تخضع للقوانين الاوروبية و فى اوروبا مفيش خيار و فاقوس الصح بيمشى على الكل و الغلط بيتحاسب امام الكل.

هل ترى هناك منظمات اخرى غير FSA يمكن لاى شركة مثلا التسجيل فيها ام ان المعلومات لا تصل الى مع ابعد من ذلك؟
اتمنى الردود تكون بمنطقية حتى لا نعود و نلف فى نفس الدائرة المفرغة السابقة.
ثانيا الموضوع خاص بجين كابيتال ليه تتكلم عن شركة اخرى فى الموضوع و ده مش بنحبه فى قوانين ارابيا؟
يمكنك ان تكتب فى الموضوع الاخر عن عميل لا يمت لادارة المنتدى باى صلة و قال رأيه بصراحة فى شركة اف اكس دى دى و شركة اخرى لا اريد ذكر اسماء فى موضوع جين كابيتال هنا.
تحياتى لك.
و جمعة موفقة عليك.

حضرتك دلوقتي بتقول ان حسابات العملاء للشركه فرع مالطا منفصله عن حساب الشركه , طيب ازاي وكل اموال العملاء والشركه في حسابها في امريكا , وده حضرتك اللي ذكرته , يبقى دور المنظمه الرقابي على حساب الشركه مش موجود وانا عارف الكلام ده وتأكد اني سالت عن اي كلام انا بقوله ومتأكد منه كويس , وانت بعظمه لسانك قلت ان اموال العملاء في امريكا والهيئه الرقابيه في مالطا طيب لو الشركه افلست او ضحكت علينا وخدت فلوسنا هتقدر حكومه مالطه ومنظمه مالطا تقول يا امريكا رجعو فلوس الشركه دي لعملاءها ؟ او لو عميل اشتكى الشركه وال MFSA حكمت لصالح العميل بتعويض مليون دولار وافكسديدي مش عجبها الحكم ده سعتها هتقدر MFSA تسحب من حساب افكسديدي المليون وتديهم للعميل ؟ اكيد طبعا كلام ميدخلش دماغ حد .

القانون قانون مفيش حاجه اسمها MFSA وافقت تبقى الفلوس في حساب بامريكا يعني المنظمه ملهاش قوانين وكل شركه تشتغل بمزاجها معروف ان اي جهه رقابيه محترمه زي ال FSA و NFA ليها قوانين صارمه بالذات اموال المودعين وعملاء الشركه لازم تكون تحت سلطه المنظمه عشان تقدر تمارس دورها الرقابي

على فكره أنا حاولت اتصل بمنظمه MFSA كذا مره اسال عن الشركه مش راضيين اعرف عنها اي معلومات عشان سالتهم سؤال واحد بس هل اموال العملاء منفصله عن اموال الشركه مش بلاقي منهم استجابه مره يسبوني على الويتنج ومره يحولوني لاكتر من موظف ومره يقوله ارجع اتصل بكره ومره قالولي معلش ده وقت بريك الغداء ارجع اتصل بعد ساعه :1 (82):

على فكره عندي تسجيلات صوتيه للكلام اللي قلته عن المنظمه ممكن ارفعالك لو عايز او جرب واتصل بيهم بنفسك

ومش محتاج اقولك الفرق بين MFSA و FSA كفايه ان مش اي شركه تقدر تسجل في ال FSA الشركات الكبرى هيه اللي تقدر تسجل في ال FSA :)



همسه لمافيا الفوركس : شفت انت ظلمتني ازاي :1 (87):
م.أحمد مقدادي
29-10-2010, 04:19 PM
همسه لمافيا الفوركس : شفت انت ظلمتني ازاي :1 (87):


ظلمتك؟
طيب انا اسف
مع اني ما ظلمتك
بس انا عندي سؤال
برأيك ونصيحة لاخوك الغلبان مافيا الفوركس
مين افضل
اف اكس دي دي ولا بوسطن؟؟
علشان اعرف اختار
:1 (72):
معاذ عودات
29-10-2010, 04:23 PM
ظلمتك؟
طيب انا اسف
مع اني ما ظلمتك
بس انا عندي سؤال
برأيك ونصيحة لاخوك الغلبان مافيا الفوركس
مين افضل
اف اكس دي دي ولا بوسطن؟؟
علشان اعرف اختار
:1 (72):

ممممم اجاوبك ؟؟:1 (31):

شكر وتقدير ل FXDD واف اكس ارابيا (http://fx-arabia.com/vb/showthread.php?t=3873)

انت جاوبني!!
forexeagle
29-10-2010, 06:21 PM
ظلمتك؟
طيب انا اسف
مع اني ما ظلمتك
بس انا عندي سؤال
برأيك ونصيحة لاخوك الغلبان مافيا الفوركس
مين افضل
اف اكس دي دي ولا بوسطن؟؟
علشان اعرف اختار
:1 (72):



ممممم اجاوبك ؟؟:1 (31):

شكر وتقدير ل FXDD واف اكس ارابيا (http://fx-arabia.com/vb/showthread.php?t=3873)

انت جاوبني!!

حصل خير يامافيا انا مش قصدي المعنى ده لكن انك تشكك في كلامي وانا بقولك ان مشاركتي اتمسحت وكان معايا حق وفعلا ده اللي حصل

المووهم

بالنسبه لسؤالك مين افضل FXDD أم BMFN اعتقد لايوجد مقارنه بينهم افكسديدي غير مسجله تحت مظله قويه تخضع لقوانين تصب في صالح العميل بل مسجله في هيئه محليه بمالطا بينما بوسطن ميرشنت مسجله في اكتر من 3 هيئات رقابيه فمينفعش اقارن بين الشركتين لان بوسطن تتميز عن الاخرى بهذه الميزه وايضا خاضعه لقوانين ولوائح مختلفه .فضلا عن المميزات الاخرى للشركه من حيث السبريد والرافعه وبرامج التداول ووسائل السحب العديده ..

بالنسبه لأخ صاحب الموضوع انا عرفت ان مشكلته اتحلت وقدر يسحب الارباح من حساب المسابقه من غير اي مشاكل وكان فيه سوء تفاهم على حد ماقريت في منتدى المركز العربي اللي هو :

هناك شرط لسحب الارباح ويجب السحب بحواله بنكيه وكان الاخ صاحب الموضوع يريد السحب للبنوك الالكترونيه وليس بحواله بنكيه ونظرا لان شركه بوسطن تحت قوانين الهيئه التابعه لها فلايمكن السحب لوسيله اخرى مختلفه عن وسيله التي تم الايداع بها وهذا شئ معروف ومطبق في جميع الشركات بسبب عمليات غسيل الاموال وده قانون مفروض على الشركه والشركه في النهايه طلبت من العميل عمل اي ايداع من حسابه في الموني بوكرز وتم السحب بالنهايه يعني الموضوع اصلا مكنش ليه اي سبب داعي وممكن صاحب الموضوع يقولنا ايه اللي حصل معاه ويظهر الموضوع بشكل كامل وده اللي اتمناه .

وعلى فكره كان متاح من قبل سحب العمولات والبونص للاي بنك الكتروني ولكن الشركه تلقت انذار من الهيئه الرقابيه بعدم جواز السحب للبنوك الالكترونيه طالما لم يتم الايداع منها والشركه ابلغت وكلاءها وموظفيها بذلك وانا كنت بسحب عادي للموني بوكرز لكن الشركه طلبت عمل ايداع اولا وقمت بذلك حتى استطيع اسحب للموني بوكرز



هو ده سبب المشكله التي واجهها صاحب الموضوع
forexeagle
29-10-2010, 06:28 PM
أنا بصراحه اعيب على المشرفين واداره المنتدى انها تناولت هذا الموضوع لصالحكم وصالح شركه افكسديدي اللي منتدى وكيل ليها كان الاجدر ان تقومو بالبحث والتقصي وارسال ايميل مثلا للشركه او للمنتدى الاخر لمعرفه راي الطرف الاخر كما قمتم مع احدى الشركات الذي قام احد الاعضاء باعطاء دلائل انها اسرائيليه ورغم ذلك قام الاخ اسامه بارسال ايميل للشركه لمعرفه ردهم

لماذا لم يقوم الاخ اسامه بارسال ايميل لبوسطن يعرف ايه الاسباب وايه ردهم ؟

يجب توفر شفافيه في كل الامورر وعدم الحكم قبل معرفه الراي الاخر

زي ماقام مافيا الفوركس بالتشكيك في كلامي بردو ان مشاركتي متمسحتش كان الاجدر يتاكد ويسال المشرفين لكن حصل خير واتمنى يكون فيه موضوعيه في النقاش وشجاعه في الحكم والا يكون مشاركتنا هباء لاقيمه له
م.أحمد مقدادي
29-10-2010, 06:32 PM
أنا بصراحه اعيب على المشرفين واداره المنتدى انها تناولت هذا الموضوع لصالحكم وصالح شركه افكسديدي اللي منتدى وكيل ليها كان الاجدر ان تقومو بالبحث والتقصي وارسال ايميل مثلا للشركه او للمنتدى الاخر لمعرفه راي الطرف الاخر كما قمتم مع احدى الشركات الذي قام احد الاعضاء باعطاء دلائل انها اسرائيليه ورغم ذلك قام الاخ اسامه بارسال ايميل للشركه لمعرفه ردهم

لماذا لم يقوم الاخ اسامه بارسال ايميل لبوسطن يعرف ايه الاسباب وايه ردهم ؟

يجب توفر شفافيه في كل الامورر وعدم الحكم قبل معرفه الراي الاخر

زي ماقام مافيا الفوركس بالتشكيك في كلامي بردو ان مشاركتي متمسحتش كان الاجدر يتاكد ويسال المشرفين لكن حصل خير واتمنى يكون فيه موضوعيه في النقاش وشجاعه في الحكم والا يكون مشاركتنا هباء لاقيمه له


اعتقد هنا ينتهي سقف الحرية

انت بتعيب على الدكتور انه بيقول الحق وهو وكيل لشركة اف اكس دي دي
وانت وكيل لبوسطن ومصرحلك تدافع عنها
عمري ما شفت واحد اشتكى من شركة دي دي
وشوف البلاوي اللي في النت
عن بوسطن
ياخي ريح الناس وقول
انك وكيل ليهم
خلي الموضوع شفاف
مش انت طالبت بالشفافية
وسألتك لما الدكتور الغى التعاقد مع بوسطن ان كنت وكيل لهم فتهربت وانا اعرف بل متأكد انك وكيل لهم
ومعي الدليل
ومدونتك على النت موجودة يا محمد باشا

واعتقد كافيه
paris1
29-10-2010, 06:54 PM
مبروك عليك سحب الارباح ولو انك قدرت تسحب من افكسديدي لانك حققت ارباح اعلى من بوسطن ولو كنت حققت نفس الارباح في بوسطن كنت قدرت تسحب عشان عموله تحويل البنوك واعتقد ان الشرط اللي بتتكلم عنه في الشركتين كانو زي بعض يعني مفيش اختلاف والفكره بس انك حققت ارباح اعلى في افكسديدي فعرفت تسحب منها
وشركه بوسطن ميرشنت عشان مسجله ومرخصه في اكثر من جهه قامت بتعويض احد العملاء الاسبوع اللي فات بمبلغ كبير مش بسيط يعني 7520 دولار ودي صوره من التعويض

http://img28.imageshack.us/img28/8418/cre.png





لدى تعليق بسيط عن قامت بتعويض احد العملاء الاسبوع اللي فات بمبلغ كبير مش بسيط يعني 7520 دولار ودي صوره من التعويض
وطبعا لى المصداقية لما لم تدكر انك انت هو هدا العميل الدى عوضته الشركة ههههههههه يعنى لى المصداقية اكتر انت شخص مشكوك فى امره ولا توجد لديك اي مصداقية اما شركة بوسطن طلعت ولا نزلت تبقى شركة نصابة بعد التجربة المريرة معها والله انك شخص اسمحلى على الكلمة ...........

http://fx-arabia.com/vb/uploaded/411_01288367486.jpg

طب حد عاقل يصدق حكاية التعويض دى لى واحد ايبى لى الشركة وعمال يدافع عنها حتى لو كانت بصور او وتائق طبعا دى ممكن تكون العمولة الخاصة به فقط تم تغير المسميات ومش بعيد يطلع الف حساب وفيه متل هده الخزعبلات لى تمويه الاعضاء والناس الشرفاء وفى نفس الوقت لى عمل دعاية لى الشركة النصابة دى بعد ما اصبحت سمعتها فى الحضيض
forexeagle
29-10-2010, 07:10 PM
اعتقد هنا ينتهي سقف الحرية

انت بتعيب على الدكتور انه بيقول الحق وهو وكيل لشركة اف اكس دي دي
وانت وكيل لبوسطن ومصرحلك تدافع عنها
عمري ما شفت واحد اشتكى من شركة دي دي
وشوف البلاوي اللي في النت
عن بوسطن
ياخي ريح الناس وقول
انك وكيل ليهم
خلي الموضوع شفاف
مش انت طالبت بالشفافية
وسألتك لما الدكتور الغى التعاقد مع بوسطن ان كنت وكيل لهم فتهربت وانا اعرف بل متأكد انك وكيل لهم
ومعي الدليل
ومدونتك على النت موجودة يا محمد باشا

واعتقد كافيه


ايه المشكله اني وكيل لبوسطن ولا غيرها ؟

ايوا انا يشرفني اكون وكيلا لها وعميل لها قبل ما اكون وكيل

ياريت تتكلم بادله بتقول ان فيه شكاوي عن الشركه ياريت تورينا بعض منها عشان لو كده ناخد بالنا ومش نتعامل معاها تاني

انا كتبت رد عن شركه جين كابتال في الموضوع التاني وقولت عنها كلام كويس مش معنى كده اني وكيل ليها بردو لكن الحق حق ومفيش احسن من الحق :)




لدى تعليق بسيط عن قامت بتعويض احد العملاء الاسبوع اللي فات بمبلغ كبير مش بسيط يعني 7520 دولار ودي صوره من التعويض
وطبعا لى المصداقية لما لم تدكر انك انت هو هدا العميل الدى عوضته الشركة ههههههههه يعنى لى المصداقية اكتر انت شخص مشكوك فى امره ولا توجد لديك اي مصداقية اما شركة بوسطن طلعت ولا نزلت تبقى شركة نصابة بعد التجربة المريرة معها والله انك شخص اسمحلى على الكلمة ...........

http://fx-arabia.com/vb/uploaded/411_01288367486.jpg

طب حد عاقل يصدق حكاية التعويض دى لى واحد ايبى لى الشركة وعمال يدافع عنها حتى لو كانت بصور او وتائق طبعا دى ممكن تكون العمولة الخاصة به فقط تم تغير المسميات ومش بعيد يطلع الف حساب وفيه متل هده الخزعبلات لى تمويه الاعضاء والناس الشرفاء وفى نفس الوقت لى عمل دعاية لى الشركة النصابة دى بعد ما اصبحت سمعتها فى الحضيض

كويس انك حطيت صوره من مشاركتي في المركز العربي

لو لاحظت ان قولت سبب التعويض عطل حصل في الشركه وده وارد في اي شركه يحصل مثل هذه الاعطال ومخبتش ولا جملت في الشركه زي ماناس بتعمل

وانا والعميل واحد مفيش فرق ياباشا المهم الشركه عوضتني انا مش بس هو لانه عميلي برده وكان واجب علي اقف معاه فاعتبرت ده تعويض ليا بردو :)

المهم تم التعويض وذكرت الاسباب بوضوح علنا من غير اي تجميل او حذف من اداره المركز العربي
م.أحمد مقدادي
29-10-2010, 07:13 PM
ايه المشكله اني وكيل لبوسطن ولا غيرها ؟

ايوا انا يشرفني اكون وكيلا لها وعميل لها قبل ما اكون وكيل

ياريت تتكلم بادله بتقول ان فيه شكاوي عن الشركه ياريت تورينا بعض منها عشان لو كده ناخد بالنا ومش نتعامل معاها تاني

انا كتبت رد عن شركه جين كابتال في الموضوع التاني وقولت عنها كلام كويس مش معنى كده اني وكيل ليها بردو لكن الحق حق ومفيش احسن من الحق :)



سلملي على الشفافية

:1 (87)::1 (87)::1 (87)::1 (87)::1 (87)::1 (87)::1 (87):
سعد الهاجري
29-10-2010, 07:16 PM
الموضوع خرج عن مداره

مجرد رأي
بسبب ان لا يتطور الموضوع اقترح اغلاق الموضوع ودمتم احبائنا
forexeagle
29-10-2010, 07:22 PM
الموضوع خرج عن مداره

مجرد رأي
بسبب ان لا يتطور الموضوع اقترح اغلاق الموضوع ودمتم احبائنا

اخي سعد أنا رايي نجيب حكم دولي يحكم بنا :1 (31):

ياريت تحكم انت مش هنلاقي احسن منك تكون حكم وانت قدها ياباشا طلع الحاجونه وتوكل على الله وانا راضي بحكمك :1 (46):

بجد ياريت تقول رايك فانا اعرف ان لك خبره طويله :)
paris1
29-10-2010, 07:24 PM
هنا يتضح لى الاعضاء الكرام وكل الزوار ان حبينا المحامى الى بيدافع عن الشركات النصابة ليس سوى وكيل لها وبيحاول انقاد ماء وجه هده الشركات النصابة طب هل فيه اي شخص عاقل راح يصدق كلامك دا اولا دخلت علينا بحيلة ان شخص تم تعويضه بمبلغ كبير عشان تدافع عن الشركة النصابة دى الى اسمها بوسطن وطلع بالاخير انو مفيش اي شخص تم تعويضه والشخص دا هو انت هههههه طب حد عاقل يصدق الكلام دا او يتق فى اي كلام تقولو بعد كدا لى الاسف عشان شوية دولارات عمولة الى بتاخدها من الشركة بتدافع عنها وحكاية التعويض دى فقط نوع من الدعاية الرخيصة لا غير وسبحان الله لا نجدك الا فى حالة الدفاع عن الشركات النصابة حسبي الله ونعم الوكيل فيك
forexeagle
29-10-2010, 07:34 PM
هنا يتضح لى الاعضاء الكرام وكل الزوار ان حبينا المحامى الى بيدافع عن الشركات النصابة ليس سوى وكيل لها وبيحاول انقاد ماء وجه هده الشركات النصابة طب هل فيه اي شخص عاقل راح يصدق كلامك دا اولا دخلت علينا بحيلة ان شخص تم تعويضه بمبلغ كبير عشان تدافع عن الشركة النصابة دى الى اسمها بوسطن وطلع بالاخير انو مفيش اي شخص تم تعويضه والشخص دا هو انت هههههه طب حد عاقل يصدق الكلام دا او يتق فى اي كلام تقولو بعد كدا لى الاسف عشان شوية دولارات عمولة الى بتاخدها من الشركة بتدافع عنها وحكاية التعويض دى فقط نوع من الدعاية الرخيصة لا غير وسبحان الله لا نجدك الا فى حالة الدفاع عن الشركات النصابة حسبي الله ونعم الوكيل فيك

دي مش اول مره الشركه تعوض فيها عميل قبل كده عوضت عميلين لها في منتدى برامج نت لو تحب اجبلك لينك الموضوع واحطهولك

الدكتور اسامه بردو بيرد وبيدافع عن شركته هل ده بالتالي يطبق عليه نفس كلامك؟

والعميل ده مش انا وانا قلت الكلام ده هنا واعتبرت التعويض لي بردو لاني وكيل والعميل تبعي يعني لما الشركه تعوض عميل ليا وده صديق عزيز عليا يبقى بمثابه تعويض ليا ايضا وكل الوكلاء كده لما بتقوم الشركه بتعويض عميل الوكيل بيكون مبسوط وفرحان زي العميل بالظبط وبيتفاخر بهذا الشئ وياريت الكلام يتاخد زي ما انا بقوله وبلاش التطاول في الكلام واحترم الناس والمنتدى اللي بتشارك فيه
paris1
29-10-2010, 07:44 PM
دي مش اول مره الشركه تعوض فيها عميل قبل كده عوضت عميلين لها في منتدى برامج نت لو تحب اجبلك لينك الموضوع واحطهولك

الدكتور اسامه بردو بيرد وبيدافع عن شركته هل ده بالتالي يطبق عليه نفس كلامك؟

والعميل ده مش انا وانا قلت الكلام ده هنا واعتبرت التعويض لي بردو لاني وكيل والعميل تبعي يعني لما الشركه تعوض عميل ليا وده صديق عزيز عليا يبقى بمثابه تعويض ليا ايضا وكل الوكلاء كده لما بتقوم الشركه بتعويض عميل الوكيل بيكون مبسوط وفرحان زي العميل بالظبط وبيتفاخر بهذا الشئ وياريت الكلام يتاخد زي ما انا بقوله وبلاش التطاول في الكلام واحترم الناس والمنتدى اللي بتشارك فيه


الدكتور اسامة لو بيدافع عن الشركة الراعي لها فدا من حقو وهو بيعمل الدعاية بالمكان المناسب لى هو المنتدى الخاص به وفى نفس الوقت الشركة الى بيعمل لها الدعاية او بيدافع عنها تستحق دلك ولم ارى عن الشركة التى يدافع عنها او يمدحها اي سوء او اي احد اشتكى منها قبل كدا وفى حالة ما كان خطاء ما يتم تعويض الشخص بسرعة اما شركة بوسطن فعكس دلك روح اعمل بحت فى google وشوف كم واحد بيشكتى من الشركة النصابة دى وبما انه انت وكيل لها كما اعترفت اخيرا فليس لك الحق بدافع عنها هنا ويكفيك ان تدافع عنها بالمنتدى الخاص بك او مدونتك اما الدعاية فلها مكانها الخاص الى هو بانر اعلانى وحتى هدا لن يسمح به الدكتور لشركات النصابة لدلك ياريت تاخد بعضك وتخليك فى مكانك وتحترم نفسك شوية والحمد الله انو الكل عرف الان حكاية التعويض الخيالي دا ومين صاحب الفكرة الدعائية دى
معاذ عودات
29-10-2010, 07:45 PM
اخي سعد أنا رايي نجيب حكم دولي يحكم بنا :1 (31):

ياريت تحكم انت مش هنلاقي احسن منك تكون حكم وانت قدها ياباشا طلع الحاجونه وتوكل على الله وانا راضي بحكمك :1 (46):

بجد ياريت تقول رايك فانا اعرف ان لك خبره طويله :)

السلام عليكم
اخي لا حكم دولي ولا حكم محلي
الموضوع وما فيه
انت وكيل لشركتك واحنا وكلاء لشركتنا
وبوعدك ما رح نيجي عليك نقلك بدنا مصارينا من دي دي لانها افلست
يا اخي كل واحد يروح لمصلحته
forexeagle
29-10-2010, 07:52 PM
الدكتور اسامة لو بيدافع عن الشركة الراعي لها فدا من حقو وهو بيعمل الدعاية بالمكان المناسب لى هو المنتدى الخاص به وفى نفس الوقت الشركة الى بيعمل لها الدعاية او بيدافع عنها تستحق دلك ولم ارى عن الشركة التى يدافع عنها او يمدحها اي سوء او اي احد اشتكى منها قبل كدا وفى حالة ما كان خطاء ما يتم تعويض الشخص بسرعة اما شركة بوسطن فعكس دلك روح اعمل بحت فى google وشوف كم واحد بيشكتى من الشركة النصابة دى وبما انه انت وكيل لها كما اعترفت اخيرا فليس لك الحق بدافع عنها هنا ويكفيك ان تدافع عنها بالمنتدى الخاص بك او مدونتك اما الدعاية فلها مكانها الخاص الى هو بانر اعلانى وحتى هدا لن يسمح به الدكتور لشركات النصابة لدلك ياريت تاخد بعضك وتخليك فى مكانك وتحترم نفسك شوية والحمد الله انو الكل عرف الان حكاية التعويض الخيالي دا ومين صاحب الفكرة الدعائية دى

هههههههههههههه

على فكره اخ مافيا الفوركس زي ما قال ان تم سؤالي اني وكيل ام لا قبل كده وانا مجوبتش فعلا سعتها عشان ميتقلش اني بعمل دعايه

وعشان احترامي للمنتدى والقوانين معملتش اي دعايه وبتكلم كاني عميل بالظبط ومش فتحت موضوع مثلا عن بوسطن ولا قلت ان فيه بونص ولا قلت اي كلام دعائي خالص وياريت للمره المليون متقلش كلام وخلاص هات دليل معاك

ياريت تعمل سيرش وتجيب حد بيشتكي على الشركه زي مابتقول مش ترمى كلام وخلاص
forexeagle
29-10-2010, 07:56 PM
السلام عليكم
اخي لا حكم دولي ولا حكم محلي
الموضوع وما فيه
انت وكيل لشركتك واحنا وكلاء لشركتنا
وبوعدك ما رح نيجي عليك نقلك بدنا مصارينا من دي دي لانها افلست
يا اخي كل واحد يروح لمصلحته

وعليكم السلام ورحمه الله وبركاته

طيب تمام
لكن ليه المكيال بمكيالين
ليه على طول جبتو الخطأ في شركه بوسطن رغم ان العميل خد فلوسه وكان حصل سوء تفاهم ومش كلفتو نفسكم تراسلوها زي ماعملتو مع الشركات اليهوديه ؟؟

ليه انعدمت الشفافيه مع بوسطن وابديتم الشفافيه والتعاون مع شركات تانيه عليها اصابع اشتباه انها اسرائيليه :(

كنت اتمنى يكون فيه مصداقيه في جميع الامور
paris1
29-10-2010, 08:05 PM
طب غنرو بعيد ليه ما لسا فيه الموضوع الخاص بالشركة الدى يتب تلاعبها بالاسعار واعادة تسعير بالمنتدى و طبعا زي زي ما حنا عارفين مين الى بيدافع عن متل هده الشركات مفيش حد غير حبيبا المحامى الى هو ايبى لها انت حسبي الله ونعم الوكيل فيك

اعلان:الغاء التعاقد مع شركة بوسطن ميرشنت فايننشيال (http://www.fx-arabia.com/vb/t3099.html)

تلاعب بالاسعار فى شركة بوسطن (http://www.fx-arabia.com/vb/t2849.html)
م.أحمد مقدادي
29-10-2010, 08:05 PM
الاخوة الاعزاء اعضاء منتدانا الحبيب

تم اغلاق الموضوع بعد ان تبين لكم وبكل وضوح شفافية شركة اف اكس دي دي
وتعاملها الرائع مع عمليات السحب من البونص
بعكس بعض الشركات الاخرى

ونظرا لتحول الموضوع ساحة للمنازعات حول شركة بوسطن التي الغينا تعاقدنا معها اصلا بعد الاشكالات التي حصلت عليها
وبعد ما حصل منها في حق اعضاءنا الاحباء

تم اغلاق الموضوع ونشكر الاخ الفاضل صاحبه على كرم اخلاقة في عرض ما حصل معه وشكره لشركة اف اكس دي دي التي نعتبرها من افضل الشركات الحالية ان لم تكن افضلها شاء البعض ام لم يشاء


لكم كل التقدير
مدير الموقع
29-10-2010, 08:32 PM
السلام عليكم.
الاخ الفاضل.
لقد تحدثنا فى نفس الدائرة المفرغة مسبقا عن مدى مصداقية بوسطن,نحن لم نتعرض الى شركة بوسطن لما اتفتح الموضوع و قد تكلمنا عن شركتنا التى تعاملنا معها.
كما اننا لا نهرع الى منتديات اخرى لنصطاد اى موضوع عن اى شركة لندخل و نقحم شركات اخرى و نشهر بها لاننا نعف عن هذا العمل الرخيص المبتذل.
لقد تحدث الاخ صاحب الموضوع عن مشكلته و بدلا من ان تدافع عن الشركة التى انت وكيلها رحت تشهر بالشركة التى ارضت العميل بالفعل!
كما ان موضوع مفتوح عن شركة اخرى دخلت و جبت سيرة اف اكس دى دى فى الموضوع و هى لا ليها فى التور و لا فى الطحين من الموضوع و هو اسلوب رخيص جدا و مبتذل للغاية.
بالنسبة لى اعف كثيرا ان اقف امامك كوكيلين لنعدد مساوئ شركات سواء انا او انت تراها بعينيك.
لن اتحدث عن بوسطن و لن اوجه لها اى اتهامات فهذا انظف لنا :)
بالنسبة للتسجيل الذى تحدثت عنه ان الشركات الكبرى فقط هى من تسجل فى FSA فلا اعلم من اين احضرته و هل هذا بداعى الهجوم فقط و خلاص فعلى الرغم من ان شركتك الكبيرة ليست مسجلة ايضا فى FSA ??
اما عن ان شركة FXDD غير مسجلة و غير مرخصة و ان بوسطن مرخصة فى 3 جهات رقابية مرفق عقود تسجيل شركة FXDD فى فرع اوروبا ليكون الرد بالادلة.
كما مرفق كيفية فصل حسابات العملاء عن الشركة

اما الهيئات المسجلة فيها بوسطن فادعوك لابراز ما يفيد التسجيل فيها كما ادعوك ايضا ان تعطينى لينك واحد فقط يمكن للعميل ان يشتكى منه.
اتفقنا! واحد فقط!
و يرجى مراجعة الموضوع الماضى عن تسجيل بوسطن.

اعلان:الغاء التعاقد مع شركة بوسطن ميرشنت فايننشيال (http://www.fx-arabia.com/vb/t3099.html)

لن اقوم مرة اخرى بالتحدث عن شركة بوسطن الا فى حالة رد و تعقيب على اتهامات جديدة لاننا نعمل فى نظافة و بقانون و لسنا فاتحين مكاتب تحت مسمى اخر للالتفاف على قوانين.

نقطة اخيرة بالنسبة لمالطا و MFSA عشان اشرح لك.كل العمليات و التنفيذ يتم فى امريكا و السحب و الايداع من امريكا يعنى فرع امريكا المراقب من قبل NFA يجب عليه ان يورد عملياته و تقاريره للمنظمة و الذى فيه ايضا تنفيذ عملاء مالطا و هذا يعنى ان الشركة تخضع لرقابة NFA على كل العمليات التى تنفذ سواء فرع مالطا او امريكا و لكن الشكاوى من فرع مالطا تذهب الى مالطا.

الشيئ الاخر ايضا ان الشركة و مديرى الشركة مسجلين فى NFA كافراد يمكن تقديم شكوى ضدهم و للاسف لن تجد ذلك فى شركات كثيرة.
صراحة الموضوع حقير جدا ان يكون مواجهة بين اثنين وكلاء و نحن كارابيا نرقى تماما من ذلك فقط قمت بالرد عليك.
ان كان لديك رد مقنع بصور يرجى مراسلتى على الخاص لفتح الموضوع و لكن ان كانت الردود مثل السابقة فخلى الموضوع مقفول احسن عشان احنا منتدى نضيف :)

الله كريم.,