|
انا نازل يوم 25 يناير.
السلام عليكم و رحمة الله.
لسنا منتدى سياسى و ليس لنا اى ميول سياسية معينة و لكننا ايضا لسنا مهمشين و لا نتحدث فى وادى و الدنيا فى وادى اخر. بلادنا تحتاجنا بجد غدا يوم 25 يناير. ساترك بيتى و انزل لاعلن غضبى عن حال البلد و هو حق اصيل لى و للجميع. قد اعود او اتاخر و لا اعود لكننى دوما ساظل فخورا اننى حاولت ان اغير من نفسى و من الواقع. انا نازل يوم 25 يناير مع الشباب المكافح اللى نازلين و كل التيارات السياسية اللى نازلة. هل فى حد نازل معايا؟ شباب الفوركسندرانية فى حد حينزل.؟ شباب القاهرة و كل المحافظات. العن الخوف و اعمل شيئا ايجابيا لبلادك. تحياتى للجميع., |
رد: انا نازل يوم 25 يناير.
وانا نازل كلنا نازلين يا اسامة
لان دى بلدنا وهتتغير بايديناا والخوف مش هيجيب اى نتيجة لازم نتحرك كلنا نحو تحقيق الحلم |
رد: انا نازل يوم 25 يناير.
الله يوفقكم ويحميكم
وان شاء الله تتحقق مطالبكم |
رد: انا نازل يوم 25 يناير.
اقتباس:
نسأل الله أن يجعلها انطلاقة للتغيير بسلم ربنا يسهلها في وجوهكم الى التحرير من غطرسة الرئيس و عصابته |
رد: انا نازل يوم 25 يناير.
بتوفيق يا شباب
وان شاءالله سيكون هناك تغيير واضح الله معكم |
رد: انا نازل يوم 25 يناير.
حفظكم الله و اعادكم سالمين غانمين
الى بيوتكم و اعمى عنكم عين كل من اراد اذيتكم , و تعودون بمنه و فضله و قد تحققت كل مطالبكم و زيادة و ارجو ان تطمنونا عنكم كلما تمكنتم من ذلك دعواتنا القلبية لكم بالسلامة |
رد: انا نازل يوم 25 يناير.
وانا نازل كلنا نازلين يا اسامة
|
رد: انا نازل يوم 25 يناير.
ربنا يبارك فيكم جميعا.
ان شاء الله منصورين. اقتباس:
فى ميدان المنشية و محطة مصر و محتمل التغيير كمان فى اى وقت انا و عبد القوى رايحين و اكيد امير مش حيتاخر انا عارف. مين تانى معانا؟ومين حيكش و يخاف؟ |
رد: انا نازل يوم 25 يناير.
ان شاء الله مافي حكومه من اليوم
وقنا واخوكم فى اول المتظاهريين ماهو مافيش حد احسن من حد وشعارنا واحد يسقط الفساد ومحاكمتهم جميعا قبل هروبهم باموال الشعب من نهب طال 30 عام |
رد: انا نازل يوم 25 يناير.
بالتوفيق لكم
ويارب يفرج عنكم وعن جميع المسلمين كل الكرب |
رد: انا نازل يوم 25 يناير.
اتمنى من كل قلبي النجاح للشعب المصري كله لانه يستاهل وشعب كبير |
رد: انا نازل يوم 25 يناير.
أعلن 50 ناشطا بقنا ينتمون لحزبي الكرامة والغد ، و الوطنية للتغيير والجبهة الوطنية للتغيير السلمي ،وحملة البرادعى عن تنظيمهم مظاهرة بالتزامن مع تظاهرات الغضب في الجمهورية .
وقال منظمو التظاهرة "إن نشطاء المحافظة سوف يجتمعون للتظاهر غدا في الثانية ظهرا بميدان الساعة في وسط قنا. وفرضت الأجهزة الأمنية رقابة مشددة على مقاهي الانترنت وطالبت أصحابها بتسجيل بطاقات تحقيق الشخصية لكل المترددين عليها . كما استدعت عددا من النشطاء وتم تحذيرهم من المشاركة في تنظيم أى وقفات احتجاجية. |
رد: انا نازل يوم 25 يناير.
فاكرين البلد سايبه رغم التحزيرات الا ان الصعيد وضعه اقوى بكثير وغضبه بيهز البلد لذلك الرقابه
حجبلكم صور من قنا مباشرا ربنا يعديها على خير |
رد: انا نازل يوم 25 يناير.
اقتباس:
وبكرة الساعه 12 الظهر هيتم الاعلان او قبلها عن المكان ال الناس هتتجمع فيه كلها ان شاء الله وانا معايا ابن خالى كمان وناس تانية ان شاء الله |
رد: انا نازل يوم 25 يناير.
يا رب يعين الشعب كله بكرة ...... ونوصل لكل مطالبنا اللي نازلين علشانها ياااااااااااااااااااا رب كن معنا .. ووفقنا لكل الخير ..، |
رد: انا نازل يوم 25 يناير.
اقتباس:
احنا حنتظاهر لاخر يوم للنظام :1 (72): |
رد: انا نازل يوم 25 يناير.
|
رد: انا نازل يوم 25 يناير.
لو الكاميرون غيرت الشعار والجزائر غلبت كوت ديفوار ومهند ضرب نور بالنار ورشيدة سابت بكار برضه المصريين هايفضلوا أحراااااار |
رد: انا نازل يوم 25 يناير.
فل يتحد شباب مصر و ليقف يدا في يد حتى النهاية..هدفكم واحد العيش الكريم وهدا حق من حقوق الله..فأتمنى من الله ان يأخد بيدكم لاعلاء الديمقراطية و اعطاء دي حق حقه.. واتمنى شباب المغرب و الجزائر و ليبيا ان يحدوا طريق تونس فكل الانظمة هي متشابهة و تتلاقى في نقطة الديكتاتورية..القمع..حرمان الشعب من حقوقه وواجباته..فساد رجال الامن و رجال الدولة وسرقة المال العام..حكومات فاشلة تنهب مال الشعب و تحوله الى ابناك الغرب..اقتصادات متردية نتيجة عدم المسؤلية.. شعارهم دع الكلب جائعا يتبعك.. لابد من الثورة ضد هده الانظمة لاستعادة حقوقنا وكفي من العيش تحت القهر و الظلم.. وتدكروا الثورة الاوربية و انظروا الى نتائجها الان..فالشعوب الاوربية تعيش مرفوعة الرأس.. |
رد: انا نازل يوم 25 يناير.
اقتباس:
موجود اساسى امام منطقة القائد إبراهيم الساعة الثالثة عصرا مركز تجمع للمظاهرات التي ستتطلق عبر الكورنيش من كل الأماكن. بس لازززززززززززم نكون اذكياء امن النظام بينشروا مخبرين وافراد امن وفرق الكارتيه فى الشوارع الجانبية المؤديه لاماكن التظاهر ان كنت ريحين هناك ننسق مع بعض بالتليفون احسن |
رد: انا نازل يوم 25 يناير.
اقتباس:
سؤال هما الاخوان نازلين ولا اجازه بكره |
رد: انا نازل يوم 25 يناير.
اقتباس:
اعتقد ان كل الاماكن حتتغير من اجل خداع الامن المفروض الساعة 12 حيغيروا الاماكن القائد ابراهيم يبقوا كده بيسلمونا لانه ملناش مخرج و المظاهرات سيتم تطويقها. عامة انا حنزل من الساعة 12 الى الساعة 2 و بعد كده من الساعة 7 الى ما شاء الله. و كل يوم نازل ان شاء الله لو فى نزول كل يوم. موفقين يا باشا, |
رد: انا نازل يوم 25 يناير.
اقتباس:
لكن قالوا إن الدعوة للنزول كانت للشعب المصري عامة وبما إن أفراد الإخوان يبقوا أفراد من نسيج الشعب كله يبقى من حق أي إخواني النزول في هذا اليوم بصفته وشخصه مصري وليس إخواني وفي قيادات من الجماعة وخصوصاً المجلس الشعبي البديل .. نازلين .. لكن صراحةً كان نفسي يبقى موقفهم أقوى من كده في اليوم ده ..، |
رد: انا نازل يوم 25 يناير.
اقتباس:
http://felshare3.com/wp-content/uploads/2011/01/008.jpg صرح الدكتور عصام العريان المتحدث الاعلامى باسم جماعة الاخوان المسلمين انهم لم يقرروا بعد المشاركة فى مظاهرات الخامس والعشورن من يناير 2011 المزمع قيامها وان الجماعة الان تقوم بدراسة الموقف ككل بكل ظروفه والتبعات التى سوف تحدث بناءا عليه كذلك صرح ان الجماعة لن ولم تقم من قبل بالتخلف عن اى واجب وطنى وقومى تجاه مصر الا انه يجب دراسه الموقف بالتفصيل وما سوف يترتب عليه من نتائج و ردود افعال كذلك اكد عن ان مشاركة الجماعة فى مثل هذه المظاهرات لا تكون بصفه فرديه وانما باعتبار انها جزء من القوى الوطنية المعبرة عن الشعب |
رد: انا نازل يوم 25 يناير.
سلفيو الإسكندرية : مظاهرات "25 يناير" لا تراعى مصالح البلاد والعباد http://gate.ahram.org.eg/Media/News/...986505-298.jpg أصدرت الجماعة السلفية بالإسكندرية فتوى تؤكد عدم مشروعية المشاركة أو الخروج في المظاهرات التي تمت الدعوة إليها عبر شبكة الإنترنت والتي توافق الاحتفال بعيد الشرطة، المقرر له صباح غد الثلاثاء. ووجه الدكتور ياسر برهامي، أحد رموز الدعوة السلفية بالإسكندرية، خطابه للشباب المنتمين للجماعة السلفية قائلا: "انطلاقًا مِن تمسكنا بديننا وشعورنا بالمسئولية تجاه بلادنا وحرصًا على مصلحتها وتقديمًا وتغليبًا لأمن العباد والبلاد في هذه الفترة العصيبة، وتفويتا لمقاصد الأعداء، التي تهدف إلى نشر الفتن نرى عدم المشاركة في تظاهرات الخامس والعشرين من يناير". أضاف: "نأتمر بما أمرنا الله به من الدعوة إلى الله بالتي هي أحسن وبما لا يعقب مضرة أكبر، وقال إن مشايخ الدعوة السلفية بالإسكندرية جميعهم- بعد تشاورهم- متفقون على ذلك |
رد: انا نازل يوم 25 يناير.
اقتباس:
موقف مخزى بصراحه الناس دى احترفت لعب دور الضحيه وبس اقتباس:
وهيخلصوا دراسه بعد ما الموضوع ينتهى !!!!!!!!!!!!!!!!! على العموم تونس مفيهاش اخوان ونجحوا برضه |
رد: انا نازل يوم 25 يناير.
اقتباس:
ده شيخ ولا مخبر !!!!!!!!!! هو ده من بتوع اطيعوا الله ورسوله و اولى الامر منكم فى فيلم سعاد حسنى ده لسه قتلكنم واحد لو كان سيد بلال يعرف كده كان غير رايه ومكملش معاكوا صدق المتنبى أغاية الدين إن تحفوا شواربكم ****** يا أمة ضحكة من جهلها الأمم . |
رد: انا نازل يوم 25 يناير.
رفضت الطوائف القبطية الثلاث الأرثوذكسية والكاثوليكية والإنجيلية دعوات المشاركة فى المظاهرات والاحتجاجات، التى ينظمها عدد من القوى السياسية غداً. قال الأنبا مرقس، أسقف شبرا الخيمة، رئيس لجنة الإعلام بالمجمع المقدس: «هذه المظاهرات لا نعرف هدفها، ولا نعرف تفاصيلها ومن يقف وراءها». أضاف مرقس أن الكنيسة الأرثوذكسية تطالب أبناءها بعدم الانسياق وراء الدعوات المشاركة فى المظاهرات الداعية إلى التخريب والهدم. من جانبه، دعا القمص عبدالمسيح بسيط، كاهن كنيسة السيدة العذراء الأثرية بمسطرد، مسيحيى مصر والمهجر إلى الاعتكاف يوم 25 يناير للصلاة فى الكنائس أو المنازل ليحفظ الله مصر وشعبها، وعدم المشاركة فى يوم الاحتجاجات والمظاهرات. وبينما رفض القس أندريه زكى، نائب رئيس الطائفة الإنجيلية، تلك الدعوات والمظاهرات بشكل قاطع، قال الأنبا أنطونيوس عزيز، مطران الجيزة للأقباط الكاثوليك: «نرفض تلك المظاهرات، ولا نقبل الخروج على الحاكم إطلاقاً». وأضاف: «نرفض تماماً الانخراط فى تلك الأعمال التى لن تجدى». |
رد: انا نازل يوم 25 يناير.
إذن هناك أراء تؤيد و أراء ترفض و أراء تتحفظ و على الكل احترام الرأى الاخر فإذا كان هناك اراء تدعو للتغيير من خلال التظاهر فهناك اراء اخرى ترى فى التظاهر نوعاً من الضرر اكثر من جلب منفعه و احتمالات استغلال تلك المظاهرات فى اعمال عنف و سلب و نهب و سبب للفتنه و زعزعة امن البلد و من ثم اختلال الاوضاع بصفة عامة و الى الاسوء و لكل الاراء مبرراتها و ينبغى على كل الاطراف احترام الاراء المعارضه هذا اذا ما كان غرض الكل البحث عن الحريات و الديمقراطيه .................... ................................. |
رد: انا نازل يوم 25 يناير.
1 - خلى خيار القبض عليك آخر حاجة .. حاول تجرى و تهرب.. من الذكاء الا تعتقل من الأساس 2 - فى حالة التقفيل عليك ولا يوجد طريقة للهروب، استسلم حتى لا تصاب ويحصلك مكروه 3 - اول ماتركب العربية لازم تفهم حاجة واحدة مهمة جدا .. ان فى جيش برة من المحامين والمنظمات والقنوات الفضائية هاتنقل الخبر وهاتدافع عنك مهما يحصل 4 - بلاش خوف وفزع اهم حاجة ضبط النفس و الهدوء فى الفترة الاولانية 5 - بعد ما يتقبض على شباب تانى ويبقى عددكم معقول ابتدوا قسموا الادوار .. و اختاروا واحد بس هوه اللى يتكلم بإسم المجموعة و يتفاوض مع ظابط الأمن اللى فى العادة بيكون مش عارف يتصرف 6 - جهز رسالة على موبايلاك لجبهة الدفاع عن متظاهرى مصر و اى حد يقدر يوصل صوتك ان تم القبض عليك و ابعتها فوريا اول ماتدخل العربية لانهم هاياخدوا الموبيلات بعدها بشوية 7 - اول ما العربية تتحرك ابتدوا اهتفو من الشبابيك لمصر و الحرية وخبطوا على جدران العربية من كل الجهات .. لو بتدفع تمن انك اتظاهرت يبقى عرف البلد كلها ان كان فى حاجة بتحصل و انت فى السكة 8 - فى الغالب العربية هاتلف على اماكن كتير لحد ما يوصلها تعليمات .. ماتنشغلش العربية رايحة فين لأن اللى برة كلهم عارفين مكانك هايبقى فين و هايتوجهوا عليه قبليك علشان يبتدوا اجراءات الدفاع 9 - فى حالة انك عايز تقضى حاجتك .. فى ازايز او اكياس هاتلاقيها كدة كدة فى العربية .. و الحل الاحسن انك تعملها تحت عقب الباب على برة علشان تقرف الامن اللى قاعدين فى خلفية العربية 10 - نظم الوقت ما بين الهتاف من الشبابيك و مابين الخبط و مابين لحظات الهدوء اثناء التفاوض 11 - لازم وأنت بتتفاوض تفهم الظابط ان كل المنظمات برة عارفة انتوا فين و انكوا اتقبض عليكوا 12 - أكثروا من الغناء الوطنى لرفع المعنويات .. و خصوصا للناس اللى هايتقبض عليها غلط هايبتدوا ينهاروا و دة دور اللى فاهميين يعرفوهم و يفهموهم 13 - فى حالات هايتم فيها إلقاء المقبوض عليهم فى الصحرا مجموعات بعد ما يكونوا اخدوا بطاريات الموبيلات .. فى كل مكان.. هاتلاقى مواصلات ماتقلقش قول للسواقين على الطريق انك كان مقبوض عليك و اطلب منهم انهم يوصلوك 14 - اهم حاجة متفقدش الروح .. اليوم دة سبقه ايام كتير الناس نزلت فيه علشان بلدها و انت مش اقل منهم وتضحيتك مش اقل من تضحيتهم .. خطوة على خطوة هانوصل |
رد: انا نازل يوم 25 يناير.
اقتباس:
عندهم حق هما هيلاقوا فين زى النظام ده ؟؟؟؟؟؟؟؟ |
رد: انا نازل يوم 25 يناير.
اقتباس:
حاضر يا أستاذ سامى مش هكتب مشاركات تانى بس عايز اعرف راى حضرتك الشخصى ضد ولا مع |
رد: انا نازل يوم 25 يناير.
بارك الله فيكم يا شباب ما تقومون به هذا مصداقا لقوله تعالى "حتى يغيروا ما بانفسهم" ولتعلموا ان الحرية لا تمنح ولا تستجدى بل تؤخذ غلابا.تحية قلبية لك عزيزي الدكتور اسامة وتحية خاصة لاخي امير رغم اني لا اعرفه الا اني المس لديه روح وطنية عالية سدد الله خطاكم اجمعين وكما قال سيدنا خالد بن الوليد" فلا نامت اعين الجبناء" |
رد: انا نازل يوم 25 يناير.
ههههه
بالراحة يا شباب, نحن ندافع عن بلادنا و الاخرين ايضا مش عاجبهم الحال. الحقيقة انه اذا استمر الاعتصام لمدة ثلاثة ايام ستجد كثير ممن عارضوا النزول فى البداية خوفا او اختلافا. شكرا لمداخلاتكم |
رد: انا نازل يوم 25 يناير.
اقتباس:
في ناس كتير مش عاوزة تنزل لعدم إيمانها بجدوى النزول لكن لو الموضوع كبر وبدأ يظهر إن الموضوع كبير .. هينزلوا وهيشاركوا وممكن أقوى من الموجودين كمان ..، |
رد: انا نازل يوم 25 يناير.
والله يا دكتور كنت اتمنى ان اكون موجود في مصر هذه الايام
لحتى اشارك معاكو بس على فكرة تعرفوا لو حصل تغير في مصر؟؟ يبقى قولوا على الحكام العرب جميعا يا رحمن يا رحيم |
رد: انا نازل يوم 25 يناير.
اقتباس:
أنا حاسس إني مخنووووووووووووووووووووق ونفسي أعيط .. مش عارف ليه !!!!! |
رد: انا نازل يوم 25 يناير.
بجد كم انا سعيد ان صوتنا و صوت الشباب وصل للجميع اخى اسامة وفى تجاوب كبير جداً من الجميع .
ولم يعد بيننا من يقول " وانا مالي " او " هو انا الى حغير البلد ؟ " او " انا عندى عيال عاوز اربيهم " او بمعني اصح قلو جداً و بقا فى ايجابية وناس بقت تتكلم وكسرت حاجز الخوف . اشكرك كل الشكر معاك يوم 25 بأذن الله . |
رد: انا نازل يوم 25 يناير.
أكيييييييييييييد بعد مصر كل شيء راح احنا معاكم أخي والجزائر كلها معاكم أقولها وأتحمل المسؤولية
|
رد: انا نازل يوم 25 يناير.
اقتباس:
وفر دموعك اخي محمد ليوم هروب الطغاة عندها سنبكي كلنا فرحا ان شاء الله وتذكر ان ثورة تونس عندها اكتر من شهر متواصلة لم يملوا:1 (105): |
| الساعة الآن 01:47 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com