|
افضل البنوك
بسم الله الرحمن الرحيم
انا حبيت اكتب عن موضوع افضل البنوك اللى ممكن نتعامل معاها عشان كل واحد منا يكتب عن البنك اللى بيتعامل معاه وايه هى مميزاته وعيوبه فى التحويل من والى والموضوع دا كنا اتكلمنا فيه مع الدكتور اسامه فى اجتماع يوم الجمعه وياريت يكون الموضوع فعلا مفيد للاعضاء انا هتكلم عن بنك مصر اللى بتعامل معاه هو مصاريف التحويل فيه 15 دولار بس فى بعد كدا واللى اكتشفته ان فى 25 دولار بيتخصمه من الرصيد وكنت فاكر ان دا مصاريف التحويل بس لما حضرت ندوة fxdd فى معرض ترند عرفت ان دا بسبب ان بيبقى التحويل مش مباشر وان فى بنك وسيط بيقوم بالتحويل وان ال 25 دولار دول عمولته عن التحويل بس ان لسه ما جربتش داخل جربت جارج بس:1 (31): ياريت كل واحد منا يتكلم عن البنك بتاعه اسف على الاطاله |
رد: افضل البنوك
أولاً وقبل كل شيء .. احذروا الوقوع في شبهة الربا .. ( الفوائد ) ثم بعد ذلك نتحدث عن البنوك .. --------------------------------------- أنا أتعامل مع البنك الأهلي المصري وهو بالنسبة لي رائع وخصوصاً خدمة العملاء فيه .. وأفضله لأن بينه وبين بنك JP MORGAN الأمريكي والذي تتعامل معه معظم الشركات الأمريكية للفوركس بينه وبين هذا البنك تسهيلات السويفت كود أي تسهيلات في التحويل وهذا يساعد جداً في عملية الإيداع والسحب وحتى الآن في عملية الإيداع لم أستخدم الـ WIRE TRANSFERE واستخدمت الماستر إنترنت كارد وهذه لا يكون عليها عمولة تحويل .. أما في السحب فكان الخصم 25 دولار فقط .. أرجو اكون أفدت في الموضوع بشيء ما ..، |
رد: افضل البنوك
اقتباس:
السلام على الجميع موضوع مفيد حتى انا لسه مفتحتش حساب حقيقى فى الفوركس وكنت بفكر افتح حساب فى اى بنك وسؤالى لمحمد نوارج انا اروح البنك الأهلى افتح حساب بالدولار وبعدين اطلع عليه ماستر انترنت كارد مظبوط كده؟ انا لسه مبتدئ فى موضوع الفوركس والحمدلله بنستفيد كتير من الأخوة الأفاضل المحبين للعلم تعلمة وتعليمه وسؤال تانى للأخ محمد انت منين فى دمياط؟ |
رد: افضل البنوك
اقتباس:
لكن من الأفضل فتح حساب بالدولار لأنك هتحتاجه عند سحب الأرباح فتح الحساب يكون ب 500 دولار .. لكن ممكن تسحب منهم 480 مثلا بعد ما تفتح الحساب وتسحب عليه أرباحك وتسيب 20 دولار لجعل الحساب مستمر .. أنا من رأس البر ..، |
رد: افضل البنوك
اقتباس:
على العموم استنانى انا هركب المعدية وجايلك :1 (72): انا من عزبة البرج اهلا بيك اخ محمد |
رد: افضل البنوك
اقتباس:
لا .. كده لازم نشوف بعض بقى ونتعرف على بعض أكتر ..، |
رد: افضل البنوك
ليا الشرف ياغالى
وربنا يوفق للخير دايما والمنتدى هنا فيه جو جميل من المحبة بين اعضائه للأمام دائما |
رد: افضل البنوك
موضوع رائع البنك الذي اتعامل معه : بنك القاهره عمان رسوم التحويل : 19 دولار على ما اظن طبعا بنك رائع ويسهل علينا كثيرا ولا ارى اي عيوب عليه |
رد: افضل البنوك
اتعامل مع البنك الاهلى المصرى لكون زوجتى ووالد زوجتى يعملان فى البنك
و تعاملت سابقا مع بنك مصر و CIB و سيتى بنك ارخص مصاريف للارسال اعتقد بنك القاهرة بناء على نقاشنا فى لقاء الاسكندرية اما ارخص مصاريف استلام اموال فهى للبنك الاهلى المصرى بلا منازع حيث ان قيمة العمولة هى 15$ على اى مبلغ تستلمه سواء اكان 100$ او 10000$ دولار المصاريف ثابتة. تحياتى ابوحميد :) |
رد: افضل البنوك
فى الاول احب اشكر كل اللى اهتم بالموضوع :1 (77):
معنى كدا ان البنك الاهلى المصرى يعتبر من افضل البنوك اللى الواحد ممكن يتعامل معاها بس هو فى تعاملات اسلاميه زى بنك مصر ولا ايه نظامه ودى وتقديرى للجميع :) |
رد: افضل البنوك
اقتباس:
لكن ممكن تطلب وانت بتفتح الحساب إنه يكون بدون فوايد .. يعني ده يرجعلك .. وحساب موفق إن شاء الله ..، |
رد: افضل البنوك
أنا فاتح في بنـك NSGB وبنـك CIB وكل بنك ليه مميزات وعيوب بس بنقول البنك سئ لما تكون العيوب اكتر من المميزات وتكون كمان عيوب مؤثرة ،، NSGB سئ جدا
أولاً NSGB : 1- خدمـة عملاء عاليـة بس في النهاية النتيجة سيئـة بمعني انهم يستقبلوك حلو اوي اوي بس أهي دقني لو عرفت تطلعهم غلطانييـن ولا تطلع اصلا بنتيجة من الموضوع اللي انت رايح علشانـه 2- خدمة الإنترنت البنكي في قمــة السـوء 3- في رسوم التحويل والإستقبال لم أستخدمه للنظر للحالتين السابقتين لأني كنت فاتح فيه قبل ما اتعمق في الفوركس وافتح حساب حقيقي وبسبب النقطتين اللي فوق فتحت حساب في CIB ثانياً : بنك CIB 1- خدمة عملاء جيدة والنتيجة فعـالة يعني لو في مشكلة رايح علشانها غالباً بتتحل 2- خدمة الإنترنت البنكي جميلة جدا جدا ما شاء الله وممكن تستعملها في أي حاجة يعني لو ركزت فيها مش هتحتاج البنك تروحـه لأي حاجة الا لو فيه مشكلة ما 3- فيه امكانية فتح حسابات بالدولار للشباب حتي سـن 26 سنـة واقل مصاريف لفتح حساب الشباب 200 دولار فقط ومش بياخدوا أي مصاريف شهرية او مصاريف لما حسابك بيعدي عليه شهر وهو مش فيه الحد الأدني للحساب 4- نيجي لنقطة الحوالات البنكية ،، في الإرسال سرعـة فائقة علي الرغم من انهم بيرسلوها عن طريق بنك وسيط تقريباً يعني انا اتعاملت مع اكتر من شركة في الفوركس ولما كنت بحول من البنك كانت بتوصل تاني يوم بليل وفي مرتين وصلت في نفس اليوم بليل بس مصاريف الإرسال غالبا عالية ( 55 دولار تقريبا في اخر حوالة ارسلتها ) الله اعلم لم استعمل بنوك تانية في استقبال الحوالات بقا بتاخد وقت يعني حوالي 4 او 5 ايام وبيتخصم 50 دولار بالظبط 5- لما بتعمل إيداع في حسـابك بالدولار بتستني يومين لحد ما الفلوس تظهر في الحساب واعتقد ده حاجة سيئة بس معرفش موجودة في بنوك تانية ولا لأ عموما اتمني اكون أفدت أي حد عايز يفتح حساب واظنني اتكلمت عن البنك عموما والنقاط اللي تهمنا فيه أكيد في مميزات وعيوب تانية بس دول المهميـن جدا بالنسبة للتعامل البنكي ،، لأن لما هفتح حساب في بنك أكيد مش هيكون علشان الفوركس وبس أكيد هيكون لكل استخداماتي الماليـة فلازم نبص للمميزات والعيوب اللي هتكون موجودة في اللي محتاجينـه.... آسف علي الإطالـة وتمنياتي للجميع بالتوفيق |
رد: افضل البنوك
اقتباس:
اشكرك اخى محمد بصراحه تفاصيل وشرح ممتاز :1 (105): ودى وتقديرى |
رد: افضل البنوك
السلام عليكم ورحمة الله وبركاته الموضوع دة اخر مشاركة فيه كانت من سنة 2010 ياريت لو الناس البتسحب ارباح لها من خلال شركات الفوركس توضحلنا الايام دى اية المتاح والاقل مصاريف عند السحب وشكراً |
| الساعة الآن 11:29 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com