|
استراتيجية فوركس سيستم كامل (ملخص)
كان فى موضوع امبارح اكتب كان حلو جدااااااا بتاع انت ممكن تعمل كام فى الشهر ولذلك انا قررت انا اضع موضوع هو احقاقا للحق ليس فكرتى ولكن هى فكره دكتور جمال مع افكار للدكتور اسامه الذين اكن لهم كل احترام وهم اساتذتى فارجو منهم ان ياذنوا لى بسرد بعضا من شرحهم فى نظام كامل متكامل واتحدى اى احد بيه
بسم الله توكلنا على الله |
رد: اقوى نظام كامل فى تاريخ الفوركس
أكيييييييييييد هى مهنة يعتمد عليها
واذا لم تكن هذه مهنة أمال ايه اللى هاتبقى مهنة؟؟ انا مش هاكلمك عن كم مليار وتريليون واسماء كده ماعرفهاش بيتم التداول بيها كل يوم ولا هاكلمك عن ان دى مهنة البنوك والصناديق والدول و و انما هاكلمك عن حاجة واحدة بس وهى ان اى سوق تانى بيصل لحاجة اسمها التشبّع سيبك من التفكير الضيق هاقول لك على مثل حلو اذا واحد بيبيع مناديل مثلا فى الاتوبيس ممكن جدا يكون راس ماله 10 جنية فقط فى اول يوم ولما يبعهم يبقى معاه 20 على آخر اليوم (عمل دبل فى يوم أحسن من الفوركس ههههههه) ممكن المثل ده فى الحياة الواقعية؟؟ ممكن جدا جدا طيب تانى يوم هايبدأ براس مال 20 ونفس القصة اخر اليوم بقوا 40 بس لحد امتى؟؟؟ هل ممكن لما يكون راس ماله 1000 جنية فقط يقدر يبيع مناديل بال 1000 كلهم فى يوم؟؟ طبعا لا ليه؟؟ عشان السوق تشبّع طيب لو كان راس ماله مليون؟؟ وكذلك فى اى حاجة تانية ايا كانت انما الفوركس اللى معاه 500 دولار زى اللى معاه 20 مليون اللى هايفرق فقط هو اللوت يارب تكون الفكرة وصلت أما أنا فكنت شغال فى افضل الاماكن وأرقاها فى مجالى ومع كل ده سيبت المجال بالكامل وتفرغت للفوركس فقط وبقالى كده 8 سنين ولله الحمد ومتزوج وعندى أولاد كمان عشان اذا كنت فاكرنى واخدها هواية هههههه فطبعاااااااااا واكييييييييييد مهنة ولكن ... عشان تبقى فاهم اذا ماكنتش شاااااااااااطر وشاطر جدا مش هاتعرف تعمل ده وللاسف كم من الناس الموجودين بيقول ويقول ويفتى، ولكنه شغل اضافى وجانبى طبعا مع احترامى للكل انما الجانبى حاجة والاساسى ومصدر اكل عيشة حاجة تانية خالص |
رد: اقوى نظام كامل فى تاريخ الفوركس
|
رد: اقوى نظام كامل فى تاريخ الفوركس
ما هى أهم الأساسيات فى الفوركس؟ هى كما اتفق الجميع، سواء عرب أم أجانب، مبتدىء أم خبير، هى الدعوم والمقاومات ده مافيهوش شك فما هى الدعوم والمقاومات كده سريعاً؟ الدعم: هو منطقة سعرية لم يستطع السعر أن يتخطاها هبوطاً فى فترة من الفترات يعنى ايه الكلام ده؟ يعنى السعر فضل نازل نازل نازل وماحدش بيقوله رايح فين ولا عارفين نوقفه http://forumimages.arabictraderllc.n...ilies/asvc.jpg لحد لما وصل لمنطقة معينة وابتدى يظهر ناس توقفه عند حده سواء بقى يمشى بالعرض، أو يرتد صعود مباشر، المهم المنطقة اللى قدرت توقفه دى تسمى بمنطقة الدعم وبالعكس تماما لما يكون السعر طالع طالع لحد لما يقف أو يرتد نزولا تبقى دى منطقة مقاومة وطبعا من المعروف ان الدعم لما يتكسر (يتكسر يعنى السعر يقدر ينزل زيادة ويخترقه لتحت) بيتقلب لمقاومة وهكذا المقاومة لما تتكسر تصبح دعم كل ده كلام جميل بس قديم!!! وكل الناس عارفاه بالفعل كل الناس عارفاه، ولكن مين اللى شغال بيه؟؟؟ كله عاوز الحاجات اللى شكلها حلو وتزغلل فى الشارت، أو مؤشر يديله صوت يقوم من النوم ويدخل وهو مغمض http://forumimages.arabictraderllc.n...milies/016.gif المهم ولكن اختلف الجميع فى كيفية تحديد هذه الدعوم والمقاومات فمنهم اللى قال اللى بالعرض افضل (بالعرض يعنى خط أفقى)، ومنهم قال اللى بالجنب (اللى هو خط الترند) وتفنّنوا فيه، وطلع فيه مقولات كتير (خليك مع الترند، اجعل الترند صديقك،Trend is my friend، مش عارف لو عاكست الترند هايحصلك ايه) ولكن... ازاى نرسم الترند؟؟ |
رد: اقوى نظام كامل فى تاريخ الفوركس
تفنن الناس فى كيفية رسم الترند وكل واحد يدافع عن اسلوبه ان هو ده الصح والباقى غلط، ويجيب من الشارت اللى يدعم كلامه، ولكن التانى بيعمل نفس الكلام، وما شاء الله الشارت مليان لده ولده فمنهم اللى بيرسمه على قاعين أو قمتين كفاية، ومنهم اللى بيقول لا لازم 3 قيعان أو 3 قمم حتى نعترف بإن ده ترند (انا لا مع ده ولا مع ده انا محايد) ومنهم اللى بيقول لازم نرسم خط الترند على الهاى او اللو للشموع، وأى اختراق للترند ولو بنقطة لابد من تعديل رسم الترند على الشكل الجديد ومنهم اللى بيرسم على الكلوز ولا يعترف بالهاى واللو تماما حتى لو اخترق الترند فيكون الترند سليما والمشكلة الكبرى فين بقى؟؟ لما الصفقة تكسب يبقى ده العادى والترند تمام، ولما تخسر (طبعا بيبان بعدها) يقولك انت مش راسم الترند على القمم والقيعان مظبوط، ودى كده الرسمة الصح، طيب مانا ساعتها ماكنتش عارف انه هايعمل قاع مثلا اقل وعشان كده المقولة المشهورة (ما أسهل ان تكون محللاً بعد الحدث) فكيفية رسم الترند بالطريقة السليمة ليس متاحاً للجميع، وعشان كده الناس اتجهت للمؤشرات اللى بترسم الترند لوحدها (ولا تعليق) وطلع من هنا كمية استراتيجيات كتير زى الشغل على الارتداد أو الشغل على الاختراق فقط ولما كثر موضوع الاختراق الوهمى (كما يسمونه) عمل مؤشرات مساعده للترند لفضح الاختراق الوهمى مثل توليفة موفينج او استوك او آر اس آى وغيره من المساعدات وفيه اللى ساب ده كله واشتغل دعوم ومقاومات على شكل دوائر أو بيضاوى كل ده كويس على فكرة ومش غلط بالمناسبة، مافيش حاجة اسمها غلط فى الفوركس، كله كويس، وبيمشى، ولكن المهم هو هايمشى امتى (فى التذبذب ولا الترند)؟؟ ولفترة اد ايه (كل وقت وله نظامه)؟؟ فأنا مش باقول على اى حاجة غلط، كل واحد وله طريقته المهم انه يكون بيقدر يكسب بيها معظم الوقت نرجع تانى للأساسيات الدعوم والمقاومات اللى انبثق منها الترند فيه ناس بتحب تتعامل معاها كخطوط افقية فقط ولا تتعامل مع الترند المائل (ومنهم أساتذة أجانب)، فيرسم خط من نقطة الدعم بالعرض وخط من نقطة المقاومة ويتعامل مع السعر من حيث الارتداد أو الاختراق زيه زى الترند العادى ولو تبص لأصل المواضيع كلها هاتلاقى ان الدعوم والمقاومات أو بمعنى آخر القيعان والقمم هم أصل كل شىء يعنى جان اللى مدوخ الناس بحركاته السحرية واللولبية كل اللى بيحاول يعمله انه يتنبأ بالقمة القادمة أو القاع القادم من خلال السابق اليوت ونظرياته واسلوب العدّ اللى اختلف فيه الكثيرون، ما هو الا نفس الشىء، فالموجة اللى بتجرى ورا الموجة عبارة عن قمة أو قاع وغيره من فايبوناتشى، وفايبوناتشى اكستنشن والنسب الذهبية لإيجاد القمة القادمة أو القاع المحتمل ومنها انبثق الهارمونيك بأشكاله ليتوقع نفس الشىء يبقى الفكرة واحدة ولكن كل واحد بيختار حسب شخصيته يعنى فيه ناس بتحب الغموض والكلكعة ومعادلات سحرية وجان (مع الاحترام للكل) بس القصة ابسط بكثيييييير وعلى فكرة قبل ما حد من المؤيدين للحاجات دى يهاجمنى ، انا دارس اليوت كويس اوى اوى وعارف جان وناقشت واحد كان عامل كتاب عن جان وبيبيعه ب 110$ وطلعت له حاجات فى معادلاته غلط لدرجة انه ماكانش مصدق فأنا مش معترض عليهم، والا ماكنتش اديتهم من وقتى كل ده حتى احترفهم بس الفكرة فين؟؟ نرجع تانى نقول، لما يكون الفوركس هو مصدر اكل عيشك وفاتح بيتك بيكون همّك الأول والأخير هو الربح (بس بجد مش زى ما البعض بيدّعى) عشان كده مش مهتم بالحركات اللولبية والمستخبية، المهم الربببححححح فلما تلاقى انك ممكن تحقق الهدف المطلوب وبدون وجع راس واستعراض حاجات غريبة وعجيبة لجذب الانتباه، فأكيد انت مش هاتعذب نفسك هههههه المهم وده بجد المهم ويمكن أهم من الموضوع الأساسى يا ريت يا إخوانى تاخدوا كلامى ده على محمل من الجديّة إوعى تخلّى حد يدير لك حسابك مهماً كان ولا حتى أنا وادينى باقولها بالبنط العرييييييييض ومش هاقبل اى حد ولا على الخاص ولا على العام وبكل صراحة اسأل نفسك أولا اذا بالفعل اللى هايديرلك حسابك بيربح الأرباح اللى قالك عليها هايدير حسابك لييييييييييييييييييييه؟؟؟؟؟؟؟؟؟؟؟؟؟ يعنى بقى بعد ما ربنا فتح عليه باسلوب بيعرف يتاجر بيه لنفسه لدرجة انه تفرّغ من عمله واشتغل فوركس (مش بيقلّب عيشه بحاجة جانبية) يرجع يخلّى حد يحاسبه تانى ويراجع وراه وفين ده وليه ده، ويرجع تااااانى زى الشغل القديم (ده اذا كان هايشتغل بما يرضى الله)؟؟؟؟ انما هو عامل حسابه انها فلوس زيادة، جابت أرباح هايقاسمك فيها، خسرت ربنا يعوض عليك بقى انا هاعمل لك ايه انت اللى نحس ههههههههه وانا عارف انه هايطلع واحد يقولى ماهو ممكن يكون عارف طريقة حلوة بس مافيش راس مال، أو فيه بس قليل وهو مستعجل صدقنى لو 100$ وماظنش ان المبلغ ده مش موجود، واستراتيجيته حلوة هايعمل منه اى راس مال كان بيحلم بيه بس الصبر فتااااااااانى اوعى تدى حسابك لحد مهما برهن لك على شطارته، ومش هاقول لك ورّالك ريبورت مضروب لا، ده لو اشتغل كل صفقاته قدامك لايف امال ايه؟؟ إتعلّم واشتغل انت بنفسك قال الإمام على بن أبى طالب ما حَكّ جلدك مثل ظِفرك فتوَلَّ أنت أمر نفسك طيب ما عرفتش؟؟ يبقى مش مجالك، ومش كل الناس تنفع تبقى دكاترة وجراحين مع انهم بياخدوا مئات الآلاف فى ساعتين جراحة، بس انت مش منهم ومش شغلتك، ولاعب الكرة اللى بالملايين، ماكانش حد غلب، وهو مين مابيعرفش يلعب كورة؟؟ أظن انا المرة دى طولت عليكم بجد ده اذا كنتم لسه بتقرأوا اساسا وماسيبتوش الموضوع ومشيتم |
رد: اقوى نظام كامل فى تاريخ الفوركس
ما هو سوق الفوركس؟ الحركة التى يسميها بعض الناس بال (عشوائية) انما هى فى منتهى الانتظام والتكامل المتناهى لمن يستطيع الإلمام بها فأنا أشبهها مثل التروس المتشابكة والمختلفة الأقطار (أنا حاسس ان انا متكتّف فى اللغة الفصحى دى بس نحاول نكمّل http://forumimages.arabictraderllc.n...ies/boxing.gif) فعندما ندير الترس الكبير لفّة واحدة يدور الترس الأصغر منه مثلا 4 لفّات حتى تكتمل الدورة الواحدة للترس الكبير وبالتالى يدور الترس الثالث وهو الأصغر من الثانى والمتصل به حوالى 40 دورة كاملة خلال هذه الدورة الواحدة للترس الأكبر ويارب اكون استطعت اوضح فكرتى فعندما نقول مثلا أن زوج كذا سيصعد 500 نقطة على الشارت اليومى (الترس الكبير مثلا) فمن الممكن أن يهبط أولاً السعر 50 نقطةعلى فريم ال 4 ساعات قبل ان يرتد صعودا 200 نقطة وثم يهبط 50 آخرين ثم يصعد وهكذا حتى يصل لل 500 نقطة وهى هدف الشارت اليومى وخلال هذه الحركة على مستوى 4 ساعات والتى نلاحظ انها بدأت بالهبوط أولاً، نجد على شارت الساعة انه كان هناك هبوطاً سابقاً وكل الاشارات تدل على استكمال الهبوط (وكمان بالتأكيد مع الفريم الأكبر منه وهو ال 4 ساعات يدل على هبوط بسيط) وبذلك نأتى للمحصلة من يدخل على فريم الساعة متسدلاً على الاتجاه بفريم ال 4 ساعات يقول ان حاليا هبوط (وهو صحيح) واذا دخل بيع يكسب 50 نقطة (اللى قلنا عليهم سابقا) والذى يدخل شراء على فريم ال 4 ساعات مستدلاً باليومى للإتجاه فهو محق، وسيكسب 200 نقطة ولكن بعد ارتداد 50 نقطة أولاً وهكذا فخلال ما يكون الترس الأكبر اتجاهه لأعلى يكون الاصغر منه اوقاتاً لأعلى وأوقاتاً لأسفل، والاصغر منه اعلى وأسفل بصورة أسرع وهكذا حتى تكتمل الدورة ومن هنا يأتى التذبذب وكل ما سبق هو اساس فكرة اليوت والموجات، وغيره من الناس اللى مجرد فسروا السوق فى كلام منمّق وليس اختراع، انما هى مجموعة ملاحظات من تصرّف السعر وصاغوها فى اسلوبهم فقط ولذلك ينصح كل الخبراء بالسوق الابتعاد عن الفريمات الصغيرة لشدّة التذبذب ولعدم وضوح الاتجاه، وطبعا سمعنا ان كلما زدنا فى الفريم كلما تكون العملة اكثر طوعاً واحتراماً وأقل تأثراً بالمتغيرات كالأخبار وغيره ولكن... الفريم الكبير يكون هدفه كبير صحيح ولكن استوب كبير ايضا بالنسبة للأصغر منه ففى المثل السابق من يدخل على فريم الساعة يكون هدفه 50 نقطة واستوب 20 نقطة فقط أما من يدخل على ال 4 ساعات فاذا وضع نفس الاستوب يكون وصل له مع الارتداد 50 نقطة، فلابد ان يرتفع الاستوب وليكن 100 نقطة وبذلك لابد ان يرتفع الهدف فيصبح 250 نقطة وكذلك اليومى لمن سيحاول أخذ ال 500 نقطة كلهم، فلن يضع استوب 20 ولا 50 فيسجد نفسه يستخدم استوب كبير للوصول للهدف الكبير طيب اى الفريمات افضل؟؟ انت الذى يحدد ذلك حسب عدة أشياء منها - تفرّغك للفوركس: من الممكن ان تكون متابع جيد ووظيفتك هى الفوركس فبذلك ليس لديك مشكلة فى هذه النقطة، ولكن من الممكن ان تكون لديك وظيفة أخرى وليس لديك متسع من الوقت الا ساعة يوميا مثلا فبالتالى لن يستقيم معك فريم الساعة ولا ال 4 ساعات، وهكذا - العامل الثانى هو رأس المال: فليس من الممكن ان يتم العمل على فريم يومى براس مال 200$ مثلا، المقصود كلما كبُر راس المال زادت الصلاحية للفريمات الكبيرة (ولكن ليس بالضرورة العمل عليها) انما اصبح متاحاً العمل على الفريم الكبير نعود ثانيةً الى السؤال ما هو الفوركس؟؟ السوق شىء من اثنين لا ثالث لهما اما تذبذب (عرضى) أو اتجاه واضح (ترند) وطبعا المقصود بالاتجاه سواء صاعد ام هابط المهم انه اتجاه واضح المعالم وكل الذى ينفع مع اوقات التذبذب يفشل مع الترند والعكس صحيح فعلى سبيل المثال لا الحصر مؤشرات التشبع وهى مثل آر إس آى، واستوكاستيك، وسى سى آى، وغيرهم تصلح تماما مع التذبذب حيث تُظهر متى سيرتد السعر وهل هو فى مرحلة تشبع بيع ام تشبع شراء ولكنها مدمّرة فى اوقات الترند حيث انها تتشبع تماما (شراء مثلا) فيبيع المتاجر، ثم يكمل السعر صعودا ضارباً بالمؤشر عرض الحائط، فيبدأ المؤشر بتعديل نفسه ويهبط خلال ما السعر يرتفع لكى يستعيد المؤشر عزيمته، ثم يرتفع المؤشر مرة أخرى حتى مراحل التشبع فيبيع المتاجر مرة اخرى ظاناً ان السعر اكتفى.... ولكن هيهات، فيظل السعر فى الاتجاه حتى يأتى على كامل الحساب ومن هذه المؤشرات أيضاً البولنجر باندز فعند الاتجاه يلمس السعر الحد العلوى عدة مرات فى كل مرة يبيع المتاجر ويرتفع السعر ليلمس الحد العلوى مرة اخرى وهكذا ومن هنا انبثقت استراتيجيات عديدة كلها للتحايل على هذا الوضع فمنهم من قال البيع لا يكون الا باغلاق شمعة فوق الحد العلوى للبولنجر وليس ملامسته او الذى اتجه الى الشراء عند تشبع المؤشرات بالشراء (أى العكس)، وبالفعل يكسب بهذه الاستراتيجية ويفتح لها الورشة بل ويتجه البعض انه اكتشف السر وكيف كان يتلاعب السوق بنا ولكن كل ما هناك انه كان فى فترة الترند فكان عند تشبع المؤشر شراء يشترى ويصعد السعر (على عكس اخونا السابق من يستخدم المؤشر مظبوط) ولكن أول ما يهدأ السوق ويعود لطبيعته فيصبح المؤشر فعّالاً يجد المتاجر نفسه يشترى من اعلى نقطة ويبيع من اقل نقطة أما النظام الآخر فهو الترند ونجد المؤشرات التى تتوافق معه على سيبل المثال لا الحصر أيضاً الموفنج افريدج، الايشيموكو، المومينتوم وهكذا فلنأخذ الموفنج كمثال استراتيجية تقول البيع عند اغلاق شمعة تحت موفنج كذا والشراء عند الاغلاق فوقه جميل جدا فى فترة الترند فعند الاغلاق فوقه (أيا كان رقم الموفنج، ولو كان رقمك المفضّل او حتى رقم تليفونك) سيستمر السعر فى الصعود، ليس بسبب الموفنج والاغلاق فوقه، ولكن بسبب انه ترند صاعد، وستكون المكاسب كبيرة (هذا اذا صبر المتاجر على الأرباح) ولكن نجد انه فى وقت التذبذب من الممكن ان تغلق شمعة فوق الموفنج فيشترى المتاجر والشمعة التى تليها تغلق تحته فيغلق الشراء على خسارة ويبيع، وبعد شمعتين بالعرض تغلق شمعة فوق الموفنج فيحتار المتاجر ومن هنا ظهرت عدة اساليب للتحايل على هذا السيناريو أيضا فمنهم المضاعفات (وما أدراك ما المضاعفات) فيقول فى كل مرة يتذبذب السعر ندخل بضعف عدد اللوت السابق فى الاتجاه المعاكس وهكذا الى ان يفرجها ربنا ويمشى السعر بعيدا عن الموفنج يعوّض كل الخسائر السابقة ومنهم من قال ان موفنج واحد لا يكفى بل هو تقاطع 2 موفنج لتأكيد الدخول (ونفس النتيجة الحتميّة للأسف) ومنهم من عمل توليفة من 3 او 4 موفنج والله انا رأيت بعينى استراتيجية تعتمد على 16 موفنج مختلفين لدرجة ان السعر لما يعد يُرى بالعين المجردة (بس ألوانها عجبتنى) كلللللللللل هذا ما أسمّيه بالتحايل الموضوع وااااااضح هناك وقت للتذبذب ومؤشرات لهذا الوقت لاتنفع مع غيره فلا تستعملها بالعافية وهناك وقت للترند ومؤشرات تنفع معاه فلا تستعملها مع غيره يبقى السرّ!! وهو كيفية معرفة الوقت الحالى ترند ولا تذبذب حتى نعمل بالطريقة المثلى له واذا عرفت... فكم ستطول هذه المدة حتى نغير الاستراتيجية؟؟ وهذا ليس سراً، انما فكرة التروس السابقة، مع فكرة الظلام السابقة أيضا فحاول أن تجمّع كل ما سبق من خبرات سوياً حتى ترى الصورة أوضح |
رد: اقوى نظام كامل فى تاريخ الفوركس
ملاحظه:انا ماحددتش 4 لفات انا قلت مثلا، ولا 40
الفكرة هى عند ادارة الترس الأكبر يلف الترس الاصغر عدد لفات اكتر وده الطبيعى فى اى حاجة اما موضوع تمسك اول اللفة فمش هاتتمسك http://forumimages.arabictraderllc.n...milies/016.gif ليه؟ عشان لما نقول ان دى اول اللفة على ال 4 ساعات مثلا هاتلاقى ان دى ثلاثة أرباع اللفة على اليومى ولو انتظرت تكملة اللفة على اليومى هاتكون فى منتصف اللفة الشهرية وهكذا يارب تكون فكرتى وصلتك امال ايه الحل؟ الحل انك تقدر تدخل مع اللفات، بمعنى تنصبغ بالحركة وتكون انت العملة حتى ترى ما الذى تنوى عمله وترى ما لا يراه الآخرون بس ده محتاج ممارسة |
رد: اقوى نظام كامل فى تاريخ الفوركس
بالنسبة لموضوع عدد اللفات او الزمن بتاعها هو غير محدد
والا ماكانش حد غلب فاذا كان الزمن مثلا لفة كل 3 ايام استنى يومين وآجى آخد لفة http://forumimages.arabictraderllc.n...eeth_smile.gif وكذلك بالنسبة للعدد انما الفكرة فين؟ فى اكتمال الحركة يعنى ايه الكلام ده!!! يعنى المثل اللى ذكرناه سابقا عن ان الهدف اليومى مثلا 500 نقطة، فهنا اكتمال الحركة يدور حول ال 500 (مش لازم بالظبط) انما اكتمال اللفة على اليومى بالوصول لل 500، وبالتالى على ال 4 ساعات ممكن ينزل ويطلع بس الاتجاه الاساسى صعود فيبقى مقدار الهبوط أقل من المقدار الصعود حتى يصل الى ال 500 فيبدأ فى حالة من تغيير المسار سواء يمشى بالعرض شوية او يبتدى ترند هابط وهنا فيه كذا نقطة أولا نعرف منين ان الحركة انتهت؟ بيبان على العملة انها انهكت من الصعود على جميع الفريمات، زى الرياضى لما بيجيب آخره من التعب، بيكون هو أرهق وأداؤه بيقل (خلى بالك انه لسه بيؤدى ولكن ليس بنفس الكفاءة) ولو بصينا على العضلات من الداخل (دى الفريمات الاقل) نجدها فى حالة ارهاق وعلى وشك التمزّق و غيره وغيره من العلامات ده المثل اللى بيودينا الى نظام (الدايفرجنس) وهو التعب والارهاق الداخلى حتى مع الاستمرار فى العطاء ولكن يدل على وجود قصور سيُحدث تراجع بعد قليل فنجد ان السعر يواصل صعوده مع وجود اشارة للدايفرجنس للهبوط وده دليل تعب العملة من الصعود وبداية اكتفائها معلش انا عارف انى باجرى شوية والناس المبتدئة مش هاتعرف تلاحق ايه الدايفرجنس وباقى الحاجات بس الموضوع ده خارج الشرح ثانيا طيب احنا عرفنا منين من الأول ان على اليومى هايمشى 500 نقطة؟؟ ده بيبان من خلال الفريم الأكبر وخلى بالك القصة مش بالمللى كده وخاصة فى التنبؤات البعيدة يعنى ممكن نقول هايمشى على اليومى 500 نقطة، ولكن السوق عمل حاجات خلال الفترة الحالية تؤدى الى ان كده اكتفى بالصعود بعد 400 نقطة مثلا واعطى اشارات بالهبوط، فلابد نكون طيّعين مع السوق مش جامدين، وتاخدنا الكرامة لا انا قلت انه هايتحرك 500 يبقى لسه فاضل له 100، الكلام ده فى سوق الخميس http://forumimages.arabictraderllc.n...ilies/asvc.jpg انما السوق ده ممكن يفرم أى حد يعاند معاه وده يخلينا نأكد على المتابعة مع تغيرات السوق يعنى مش نحط التارجت واستوب ونسيبه ونمشى (ده اذا كنا مسيطرين على الناحية النفسية) ولكن نتابع انا فى مرة السوق وصل حتى قبل التارجت بنقطة واحدة، وحلف 100 يمين ماهو جايبها، لحد لما قفلتها يدوى على اقل من التارجت المحدد ب 5 نقاط لما اعطى اشارات تغير الاتجاه، ولو كنت مش متابع كان ضرب الاستوب بعد الوصول الى 99% من الهدف بتاعى (بالذمة ده عقل؟؟) ومن هنا تظهر نظريات انا شخصيا لا احبذها (ولكنها تنفع مع الغير متابع) فمثلا اللى يقول حط الهدف بتاعك أقل من الهدف الأصلى ب 10 نقاط (ده على اساس اللى حصل معايا كده فيلعب على المضمون) طيب ماهو ممكن يعمل نفس الموضوع وييجى قبل ال 10 نقاط بنقطة، وبعدين اذا كان الهدف انت حاسبه صح ليه تخسر فى كل صفقة 10 نقاط؟؟ او اللى يعمل تريلنج استوب، فبعد ما تكون الصفقة لصالحه 50 نقطة مثلا فتقفل على الدخول ويخرج ب صفر، والأدهى انها ترجع تكمل للهدف بعد ما تخرجه، وكل ده وهو مش متابع |
رد: اقوى نظام كامل فى تاريخ الفوركس
هانقدر نحدد ونعرف امتى بالظبط يكون الترند وامتى يكون التذبذب وامتى نكون فى السوق وامتى بنتعد عنه
عشان دى نقطة فى منتهى الأهمية مش لازم نكون محددين شكل السوق طول الوقت وزى ما فيه واحد أجنبى قال فى المورس بتاعه، اذا ماكنتش واثق فى الصفقة بتاعتك 100% ماتدخلهاش احسن فهانقدر نعرف امتى ندخل وامتى ننتظر حتى تتضح الصورة |
رد: اقوى نظام كامل فى تاريخ الفوركس
فباذن الله مع اكتمال الموضوع هايبان حاجات كتير اوى
وصدقونى هاخليكم تشتغلوا بإيديكم وتطلعوا فرص لايف مافيهاش نقاش يعنى مافيهاش رسم الترند غلط ولا ان اليوم ده عشان آخر الشهر فبيمشى عشوائى ولا ولا ولا وصدقونى هاتعرفوا اتجاه الخبر قبل صدوره يمكن مش كتير هايصدق النقطة الأخيرة دى بس هانشوف والتجربة خير دليل خلى بالك، انا مش باقول ان انا اللى هاقول لكم لا انتم اللى هاتعرفوا الحاجات دى وهاتنزلوا الفرص هنا بنفسكم ان شاء الله تعالى |
رد: اقوى نظام كامل فى تاريخ الفوركس
اليوت، جان، ستيف وغيرهم الكثير ممن اشتهروا فى هذا المجال، هم عبارة عن ايه؟؟
هم مش منزلين من السما، دول ناس عادى جدا زيى وزيك، اكيد لما ابتدوا مجال الفوركس ماكانوش عارفين حاجة وشوية شوية تطوروا، وكان عندهم أفكار كانت غريبة شوية فى زمانهم لحد لما اثبتت جدارة فانتشرت وبقت أسماء معروفة ولهم تلاميذ وبقت طرقهم تدرّس ليه الناس حاسة ان مافيش تانى خلاص هم دول وبس؟ ماتحاول وتجرب يمكن تكون واحد منهم، ويمكن تكون أفضل منهم، العرب هم أساس كل العلوم الفكرة كلها فى رأيى تتلخص فى قوة الملاحظة والمتابعة وحسن التفكير وجودة التحليل (ولا أقصد التحليل الفنى، ولكن التحليل عموما) السعر هو الأساس ومن كتر متابعته تنتج الأساليب زى أشكال الشموع دول شوية يابانيين قعدوا قدام الشارت ولاحظوا حاجات من كتر متابعتهم لقوا لما بتتكون شمعة (سموها بعد كده شوتنج استار) بينعكس السعر وبينزل طيب بذمتك كام شوتنج استار بتحصل والسعر بيكمل صعود كتير كمان بعدها؟ وحتى استيف نيسون (ده الراجل اللى ترجم ونشر موضوع الشموع اليابانية وليه كتب كتير فى المجال ده) فى كورساته بيقول ان لما بنلاقى أى شكل من أشكال الشموع بيكون مجرد دليل أو يرجّح احتمالية انعكاس الترند مش لازم ينعكس بالفعل، وكمان لازم من تأكيده بحاجات تانية (اللى هى كانت الدعوم والمقاومات الأفقية) يعنى تاااااااانى هى دى الأساس طيب لما نلاحظ حاجات على الشارت ومن اسلوب تحرك السعر برضة، بس تخلينا نقدر ناخد الاتجاه من أوله قدر الإمكان مش ده كويس؟ لما نقدر نتوصّل (سوا) الى ان الأخبار ماتفرقش معانا ونتاجر فى أيام الأخبار عادى بل ونستفيد من قوة اتجاه الخبر مش ده جميل؟؟ أنا عاوز أسأل سؤال، لما بلاش نتاجر وقت الأخبار (وما أكثرها) ، وبلاش طبعا يومى الخميس والجمعة لما فيهم من احداث وقوة تحركات تعصف بالحسابات، وساعات بلاش يوم الاثنين عشان ده اول الاسبوع ولا يقل خطورة عن الخميس والجمعة، وبالتأكيد نستبعد أول وآخر كل شهر عشان تقفيل الشهر (اذا كنا مابندخلش فى نهاية الاسبوع هاندخل فى نهاية الشهر؟ دى حاجة بالعقل حتى)، ونستبعد آخر شهر فى السنة (تقفيل ميزانية دول بقى وخروج ناس كتير من السوق لتسييل فلوس قبل الأجازات وحاجات كتير تانية انا مش عارفها) ده طبعا غير الأجازات الرسمية خلال السنة حلو جدا الشغلانة اللى بتشتغل يوم الاربعاء 21 مارس (ده لو انت فاضى وما بتحتفلش بعيد الأم) ويوم الثلاثاء 11 سبتمبر (ربنا يجعل كلامنا خفيف عليهم) وبسسسسس والباقى اجازات لصعوبة السوق http://forumimages.arabictraderllc.n.../Emoticon1.jpg بالذمة ده كلام؟؟ امال داخل الفوركس ليه فلما نقدر نشتغل كل الايام (اللى فيها فرص طبعا) وفى اى وقت مش فترات معينة (عند اكتمال الفرصة) وباقى الأعضاء هاتنزلوا فرص هنا انا متأكد باذن الله بس يارب ساعتها تفتكرونى مش تاخدوا الموضوع وتبقوا مليونيرات وماحدش يعبّرنى |
رد: اقوى نظام كامل فى تاريخ الفوركس
بسم الله الرحمن الرحيم
نبدأ التطبيق العملى أولافيه خطوط منقطة بالطول ودى ذات اهمية قصوى دى بتسمى (Period Separator) يعنى فاصل لكل فترة لو انت على فريم الساعة بيكون الفاصل ده كل يوم (بتوقيت البرنامج بتاعك) ولو نقلت على فريم ال 4 ساعات بيكون الفاصل ده كل اسبوع ولو انتقلت لليومى هايكون الفاصل كل شهر اما لو انت فى مدرجات الدرجة التالتة هايكون الفاصل اعلانى دى حاجات بدائية جدا ولكن بالفعل الناس سألونى فيها ولكن مهم شرحها عشان هانستخدمها بعد شوية نيجى بقى للمهم عاوزين تركيز من فضلكم فيه اداة فى البرنامج اسمها Linear Regression Channel ودى المسئولة عن رسم قناة على عدد شموع معينة طيب ولو الأداة دى مش موجودة عند فى التوول بار؟ نعمل الاتى ندوس بالماوس الزرار اليمين على أداة رسم خط الترند ونختار من القائمة اللى هاتطلع Customize ونختار من اللستة على الشمال الأداة اللى قلنا عليها وندوس Insert هانلاقيها بقدرة قادر بقت على اليمين وندوس اوك كده الأداة بقت موجودة عندنا على طول فى التوول بار لحد كده فيه أى استفسار؟؟ |
رد: اقوى نظام كامل فى تاريخ الفوركس
جميل الأداة دى بقى بتعمل ايه؟ دى بترسم قناة اوتوماتيك على الشموع اللى انت بتحددها يعنى ببساطة بتعمل حاجة شبه الترند على متوسط الشموع اللى انت بتختارها فى فترة معينة طيب ايه الفايدة؟ أولا انت مش بترسم الترند بإيدك فلا مجال للخطأ، أو انى أقولك بعد شوية لأ دانت راسم على قمتين مش صح، ولا الترند مش ماشى على الذيول مظبوط ثانيا دى بتعمل قناة يعنى مش ترند بس لا، دة كأنه ترند من فوق ومن تحت، فبتدى فرصة يا اما تتداول داخل القناة على الارتدادات، او تتداول على كسر القناة اما من فوق أو من تحت طيب كل ده كويس تعالى بقى نستخدمها أولا هانخلينا على عملة واحد وفريم واحد مبدئيا لما نخلص سوا تبقى تغير اللى انت عاوزه هانختار عملة الكيبل (الباوند دولار) وفريم الساعة ثانيا نختار الأداة من التوول بار (ماهى بقت موجودة خلاص) وتيجى على اليوم اللى قبل اللى انت عاوز تختبره وتعمل دراج (يعنى تدوس بالماوس وتشد من غير ماتسيب) من اول اليوم لحد آخره (من الشمال لليمين) وطبعا انت معاك الفواصل يعنى هاتسهل لك كل حاجة |
رد: اقوى نظام كامل فى تاريخ الفوركس
مثال لو انت عاوز تختبر اللى حصل النهاردة مثلا (النهاردة 14 يوليو) هاتيجى على امبارح (13 يوليو) وترسم بالأداة من أوله لحد آخره (من الفاصل للفاصل) وياريت نكون مستخدمين برنامج متوافق مع توقيت مصر (جرينتش +2) عشان ده اللى انا شغال عليه الوقتى لأن لو اختلف التوقيت هاتختلف الشموع خلال الفواصل فهايختلف شكل القناة والله اعلم هايحصل ايه تانى طيب تمام نعمل دبل كليك (ندوس مرتين) على خط المنتصف فى الخطوط اللى اترسمت بالأداة عشان يتم الاختيار وندوس يمين بالماوس ونختار Properties او الخواص ومنها نختار الاتى من التاب الأول هانسيب الاسم زى ماهو مش فارقة ونختار اللون Indigo أو أى لون يعجبك بس انا باقول عشان توحيد الشارت فى الفرص بعد كده ان شاء الله وتعلّم صح على الاختيار Draw as Background وده بيخلى الخطوط المرسومة تظهر على شكل مستطيل ملون بدلا من خطوط فارغة وبعدين تنقل على التاب التانى واسمه Parameters وتعلّم صح على Ray وده بيخلى الخطوط ممتدة مش لحد آخر اليوم وخلاص وأخيرا تروح على التاب التالت واسمه Visualization وتشيل علامة الصح من على Show on All Timeframes وتحط صح على H1 وبكده يظهر اللون فى فريم الساعة فقط عشان الباقى له نظام تانى وتدوس اوك وبالهنا والشفا طيب هل لحد كده فيه أى استفسار قبل مانكمل؟!! |
رد: اقوى نظام كامل فى تاريخ الفوركس
|
رد: اقوى نظام كامل فى تاريخ الفوركس
الحمد لله كده تمام نبتدى المرحلة التانية طبعا مش هانكرر هنا خطوات وضع الأداة عشان خلاص هى موجودة هانعمل نفس اللى عملناه من رسم بالأداة انما المرة دى هايكون من اليوم اللى قبل اللى قبله (يعنى فى المثل بتاعنا من اول يوم 12 يوليو) نختار الأداة ونعمل دراج (خلاص عرفناها من قبل كده) من فاصل بداية اول امبارح (12 يوليو) لحد نهاية امبارح (13 يوليو ) يعنى نهاية الخطوط واحدة اللى هى بداية يوم التجربة اللى هو النهاردة كمثال ولكن بداياتهم مختلفة، واحدة تحتوى شموع يوم، والتانية تحتوى شموع يومين هانيجى بقى على التانية (الجديدة) ونعمل دبل كليك ونعمل نفس الخطوات السابقى تماما بس كل الفكرة اننا هانغير اللون فقط ونجعله لون MidnightBlue اللى هو جنب اللى فات على طول وبالتالى تكون النتيجة الصورة زى دى من هنا هانتظر الاخوان يوصلوا للمرحلة دى عشان نكمل شرح بدل ما نكمل والناس تتوه مننا |
رد: اقوى نظام كامل فى تاريخ الفوركس
|
رد: اقوى نظام كامل فى تاريخ الفوركس
|
رد: اقوى نظام كامل فى تاريخ الفوركس
ازاى نخلى القناه الثالثه شفافه هنلغى امر draw object من porperites وهنخليها باللون الاصفر ونرسم من اول يوم 11 يوليو لغايه اخر يوم او فاصل لل 13 يوليو
|
رد: اقوى نظام كامل فى تاريخ الفوركس
تمام جدا جدا كده
تعالى نشوف بقى هى الأداة واحدة ولكن يختلف شكلها باختلاف الشموع التى تحتويها ومن هنا تيجى اختلافات الاستخدام يعنى لما نلاقى شكل زى الكيبل النهاردة مثلا (اللى هو موجود قدامكم) من قبل ما اليوم يبتدى خالص خلى بالك ان الأداة مرسومة على شموع امبارح وأول امبارح يعنى أولا مافيهاش غلط فى الرسم ده اوتوماتيك ثانيا تحديد لليوم الجديد ومن قبل ما يبتدى يعنى مش خلال اليوم ثالثا امتداد الرسم بيرسم ملامح اليوم الجديد |
رد: اقوى نظام كامل فى تاريخ الفوركس
لاحظ الاتى
: هتلاقى اول لما السعر راح لمستوى القناه الثاله الى فوق عمل شمعه بيعيه اسمها الابتلاع البيعى وده بيدل على السلوك السعرى الى لسه هندخل عليه ولمس طرف قنوات اليومين فتقوم داخل بيييييييييييع ده جزء الارتداد ولسه معايا ياما هتشوف وتشوف بأذن الله |
رد: اقوى نظام كامل فى تاريخ الفوركس
|
رد: اقوى نظام كامل فى تاريخ الفوركس
مثال امس للتطبيق:
زى ما قدامنا فى الشارت تخيل ان مافيش شموع لسه امبارح بس فيه امتداد الألوان هانقول على بتاع امبارح اللى يحتوى يوم واحد بس انديجو و اللى يحتوى يومين (الأزرق) عشان نقدر نتابع مع بعض الانديجو والأزرق بيتخذوا عدة أشكال مع بعض (كل يوم بيومه) وكمان عدة تخانات (سواء عريض أو رفيع) وكمان عدة اتجاهات (فوق وتحت وبالعرض) وكل توليفة ولها التعامل الخاص بتاعها هانلاقى امبارح عبارة عن ان الانديجو متوسط السمك ومتجه لأعلى والأزرق عريض (تخين) وماشى بالعرض شوية او للاسفل شويه الحالة اللى زى دى لما السعر يخرج من الازرق يبقى هايطلع فى الغالب لحد لما يلمس حد الانديجو العلوى او بنسبة غالبة منه فيكون الدخول شراء من بعد اغلاق شمعة كسر الحد العلوى للازرق والتارجت نقول تقريبا 80% من المسافة بين الازرق والحد العلوى للانديجو (ده لحد لما نعرف ازاى ان السوق اكتفى كما قلنا سابقا) والمثال كما فى الصورة وزى مانتم شايفين بعد ما كسر رجع عمل اعادة اختبار زى اى ترند وطلع بعدها وطلع اكثر من التارجت الى قولنا عيه بكثيييييييييييير |
رد: اقوى نظام كامل فى تاريخ الفوركس
|
رد: اقوى نظام كامل فى تاريخ الفوركس
http://fx-arabia.com/vb/uploaded/2329_11310644104.gif
امثله اخرى للباك تست ووللانماط الاخرى من القنوات وكل نمط له تعامله الخاص |
رد: اقوى نظام كامل فى تاريخ الفوركس
لازم تعرف الأدوات اللى فى ايدك كويس اوى وامكانياتها قبل ما تستعملها
عشان تقدر تستعملها صح، وبكامل طاقتها، وعشان تتلافى عيوبها، وتبعد عن أضرارها.. مش كده ولا ايه الأداة اللى معانا دى عبارة عن ايه؟ عبارة عن ترند داخلى (بداخل الشموع) وبعدين معمول خط بنفس زاويته علوى وخط تانى بنفس زاويته سفلى، يبعدا عنه بمقدار أكبر بعد لذيول الشموع عن الخط الترند الأصلى نفهم ايه من الرغى الكتير ده؟ ان الأساسى فى الموضوع هو الخط الوسطانى لأنه هو ده الترند بتاعنا وعشان كده اذا فضل السعر يلمس ويتراجع ومش قادر يكسر خط المنتصف بيعكس خلى بالك ان الموضوع عبارة عن توليفة من الحاجات مش مجرد خرج تقوم تشترى او تبيع فيه حاجة مهمة عاوز اقولها النهاردة ازاى نوصل بالثقة فى الصفقة قبل الدخول حتى نصل الى 100% عشان نقدر ندخلها مافيش حاجة اسمها 100% أمال ايه؟ مش هاندخل ولا صفقة؟؟ لا انما فيه حاجة اسمها الثقة المتراكمة بمعنى لما السعر كسر الأحمر مثلا لفوق ده بيدينا ثقة انه (احتمال) يكمل طلوع، وكمان (احتمال) يصل للحد العلوى الأزرق بس هل تكفى كمية الاحتمالات دى عشان ادخل الصفقة؟؟ طبعا لا امال نعمل ايه؟ مثلا الاحتمالات دى خليتنا واثقين بنسبة 30% ان الاتجاه صعود طيب ده لسه كتير اوى فاضل 70% ندخل على الفريم الأكبر عشان نعرف احنا فين من الخريطة (ده هايتشرح بالتفصيل فى مشاركة تانية النهاردة برضة باذن الله) فلو كان الفريم الأكبر يؤكد الصعود زادت النسبة مثلا ل60% لسه فاضل 40 (اخلص بقى امال هاندخل امتى؟) لما نلاقى سلوك السعر (وده أهم حاجة فى الفوركس وهو ده القائم عليه اى استراتيجيات او ملاحظات، انت اساسا بتلاحظ سلوك السعر، وكل اللى بنعمله ده ناتج عن ملاحظات لسلوك السعر، فماتخليش الملاحظات تحجب رؤيتك لسلوك السعر الأصلى) بمعنى، لما مثلا يكون الكسر بقوة فده دليل على انه مكمل بقوة باذن الله حتى لو عمل اعادة اختبار انما لما يكون السعر ما بيتدلع زى الكسر اللى عمله الكيبل النهاردة مش هادخل الا لما تكون فيه اشارة تأكيدية يعنى مثلا رجع عمل اختبار ورد بقوة شوية نزل شوية لحد ما خبط فى دعم سابق او مقاومه سابقه عمل شكل شمعة من بتوع الصعوداو الهبوط (هامر محترمة ولا بيرسينج ولا بولش انلجلفينج او شوتنج ستار او دارك كلود كافر او بيرش انجلفينج ) المهم يكون فيه تأكيد من سلوك السعر نفسهمثلا وصلنا كده لل 90% فاضل حاجة بسيطة ويمكن الاستغناء عنها (احنا وصلنا ل 90 بلاش طمع) ودى هايكون شرحها قداااام شوية بعد ما نتمكن من الأداة دى عشان مانتوهش، كمان ممكن نقدر نشتغل من غيرها (بس هاتتقال برضة ماهو كل شيج انكشفن وبان) المهم عاوزين الرزانة عاوزين يبقوا الاخوان هاديين وراسيين فى الدخول نقطة الدخول لما بتكون صح بتريح المتاجر ويقدر يقسّم على السوق براحته انما لما بتكون غلط والعياذ بالله بيبقى مش عارف يعمل ايه هل يعزز؟ هل يقفل على خسارة بسيطة؟ ولا يعمل هيدج ويستنى؟ وطول ماهو قاعد يلوم نفسه ايه اللى دخلنى، ويلوم اللى عامل الموضوع (اللى هو انا) وفى الآخر يلوم الفوركس انه نصب ادخل صح حتى لو تستنى كذا يوم من غير متاجرة (انا عارف ان ده صعب للمدمنين) فحاول تسيطر على شعورك وادخل من نقطة صح واحد زمان كان بيقولى حكمه "انا باستنى السوق لما يتحايل عليا عشان ادخل" |
رد: اقوى نظام كامل فى تاريخ الفوركس
طيب عاوزين بقى نعمل شغلانة تانية هانجيب شارت ال 4 ساعات (كيبل طبعا احنا مثبتين عليه) وبعدين نعمل نفس اللى عملناه فى شارت الساعة بنفس الأداة ونفس الألوان بس مع تغيير حاجتين أولا انك تختار فى خانة Visualization انها تظهر على ال 4 ساعات يعنى تعمل صح على خانة 4H وثانيا هانرسم برضة بنفس المنطق على الفواصل ولكن الاختلاف هو قيمة الفواصل اللى هاتشير المرة دى الى اسبوع واسبوعين بدلا من يوم ويومين وفى الحالة دى هانرسم الكلام ده مرة فى الاسبوع عشان نحدد ايه اللى هايحصل خلال الاسبوع ده باذن الله وبناء عليه نقدر نحدد هانعمل ايه على مستوى الساعة يعنى رسمنا على ال 4 ساعات مع بداية يوم الاثنين الرسمة بتاعتنا وبعدين لقينا السعر عند حد القناة السفلى مثلا على ال 4 ساعات وروحنا على الساعة لقيناه بعد شوية عمل كسر للأحمر لفوق بقوة يبقى انت عاوز ايه تانى عشان تدخل؟ على الحد السفلى لل 4 ساعات (يعنى اسبوع بحاله شرا) و كسر على الساعة الأحمر يعنى شرا برضة، والكسر كان بقوة او اعادة اختبار ارتدت بسرعة، يعنى سلوك سعرى موجب يبقى تدخل انت كمان بقوة وانت مستريح الضمير ههههه تاخد ربحك وتحمد ربنا وبعدين تقفل الشارت وبعدين تيجى تفرحنا هنا، وبعدين تقفل الكمبيوتر، وبعدين تقوم تشوف حياتك بقى انا مش هاقولك تعمل ايه فى كل حاجة يبقى دة كده يورينا الشكل الاسبوعى ممكن يبقى عامل ازاى والتفاصيل الدقيقة مع شارت الساعة |
رد: اقوى نظام كامل فى تاريخ الفوركس
http://fx-arabia.com/vb/uploaded/2329_11310701195.gif
صوره توضيحيه للشكل الذى اتكلم عنه على فريم الاربع ساعات |
رد: اقوى نظام كامل فى تاريخ الفوركس
مثال عملى12-7 (بس اعملوا شارت ال 4 ساعات الأول عشان تتابعوا معايا) ده شكل الكيبل على ال 4 ساعات عشان يوضح شكل الاسبوع اللى جاى هايحصل ايه هانلاقى انه اول الاسبوع مابتدى نزل شوية صغيرة لحد لما لمس الحد السفلى للاصفر تمام؟ وبعدين راح طالع بقوة وعمل شمعة بيرسينج باترن (مش مهم تكون عارف فى الشموع اوى) المهم انه ارتد لما لمس الحد السفلى للاصفر كل ده احنا مالناش دعوة كل ده فى انتظار الصفقة الصح بلاش ايدك تاكلك نقوم داخلين على شارت الساعة بقى بتاعنا |
رد: اقوى نظام كامل فى تاريخ الفوركس
حصل ايه؟
هتلاقى الاصفر والازرق كانوا فوق بعض تقريبا والسعر كسرهم لتحت وهو راح يختبرهم دخلت بيييييع لحد ملاقيت عند دعم قناه الانديجو وقفته وبان على السعر انه انهك وده هشرحها بعدين المهم خدنا مكسبنا فى البيع ولو كنت بصيت على الاربع ساعات هتعرف انه ده الحد السفلى للاصفر يعنى انت قافل صفقتك بالظبط هناك ماتنسوش موضوع التروس الى اتقال فى الاول المهم فى شمعه الساعه 16 اول لما كسرت الانديجو لفوق ودخلت جوه القناتين الازرق والاصفر وكانت على الاربع ساعات عامله سلوك سعرى ممتاز اسمه بيرسينج باترن عند دعم القناه الاصفر لثلاث اسابيع مستنى ايه تانى علشان تشترى وصلت ولا لسه انظر الصوره الى فوق وانت هتفتح فمك من الاندهاش جاى تانى :1 (35):هههههههه |
رد: اقوى نظام كامل فى تاريخ الفوركس
ومن هنا تبقى قادر تتابع موضوع التروس المتداخلة قدر الامكان من خلال معرفتك الاسبوع هايحصل فيه ايه، وللدقة من خلال الساعة على اليوم هايحصل فيه ايه والأداة دى ولا هاتغلط وانت بترسمها، ولا بتعيد رسم نفسها مع السعر )عشان هى بتترسم على سعر قديم مش متغيرة مع الجديد) ، وبترسملك طريقك لقدام وممكن كمان تعيد نفس اللى عملناه على الشارت اليومى بنفس الشكل وده عشان تقدر تحدد الشهر ده هايكون نظامه ايه عامة، قبل ماتدخل فى التروس الأصغر طبعا اكبر من كده يبقى افترا بقى، مش معقول عاوز تعمله على شارت الاسبوعى عشان تعرف السنة اللى جاية هايحصل ايه ههههههه ده كان اقصى آمال الناس انها تعرف الشمعة بتاعت الساعة اللى جاية طالعة ولا نازلة وعملوا 100 مؤشر و 100 موضوع لده فلما يكون اقل حاجة عندك انك تعرف يوم بحاله هايحصل ايه (قدر الامكان طبعا عشان ده غيب، انما محاولات) فحلو اوى اوى اوى وتحمد ربنا على نعمته |
رد: اقوى نظام كامل فى تاريخ الفوركس
ملحوظه هامه
: انا مش بابص على موضوع النماذج والراس ولا الكتاف ولا حتى الرجلين انما باعمل ادارة راس مال صاااااارمة ودى لسه ماتكلمناش فيها خالص وماتنساش خط المنتصف بتاع الاربع ساعات والديلى مهمين جداااااا عاوزين نتقل شوية ومش اى ارتداد يهزنا طالما عارفين الاتجاه الصحيح قدر الامكان انا بالنسبالى موضوع ادارة راس المال لا يقل اهمية عن اختيار نقطة الدخول ابدا ولسه ماتكلمناش فيه خالص وهتكلم فيها فى المشاركه الى جايه ان شاء الله |
رد: اقوى نظام كامل فى تاريخ الفوركس
ادارة راس المال
الموضوع ده لا يقل اهمية عن الاستراتيجية بل هو جزء لا يتجزّأ منها أنا عن نفسى وكل واحد يشتغل بلإسلوب اللى يريحه، انا مجرد باشرح اسلوبى ومابالزمش بيه حد فلنفترض ان راس مالك 25000 دولار (خمسة وعشرين الف عشان اللخبطة فى الاصفار) فانا بادخل بلوت واحد بس استاندرد يعنى 10 لوت مينى يعنى لوت 1 مينى لكل 2500 دولار يعنى لوت 1 مايكرو لكل 250 دولار انا حاسس انى فى فرح هههه وكمان مش بادخل باللوت كله الا اذا كانت الصفقة جايبة نسبة 100% انما انا بادخل كل صفقة حسب نسبة نجاحها (ومانصحش حد يعمل كده الا لو كان متمكن او حسابه كبير، يفضّل الانتظار حتى تكتمل كل الشروط) فانا ال 100% بتاعتى بادخل زى ماتفقنا ب 10 عقود مينى لكل 25 الف او 10 عقود مايكرو لكل 2500 دولار |
رد: اقوى نظام كامل فى تاريخ الفوركس
مثال عملى على اداره رأس المال يوم 24 يونيو :
نرسم قناه اليوم على 23 يونيو واليومين من حد 22 يونيو الى 23 يونيو والثلاث ايام من حد 21 يونيو الى حد 23 يونيو يبقى كده عندنا ثلاث قنوات هنلاقى ايه الى حصل يوم 24 يونيو تم كسر القناه اليوم واليومين الساعه 5 فجراااا بتوقيت اف اكس دى دى دخلت شراء بس بقد ايه هى ده القصه دخلت ب 10 % من المفروض ادخل بيه مش من الحساب يعنى لو على 25000 دولار دخلت ب دولار المهم السعر عكس عليا 60 بيب استنيت عند حد القناه الزرقاء ودخلت ب 4 دولار يبقى الى انا داخل بيه كله 5% من راس المال المهم كنت شارى العقد الاول 1.6019 وعززت ب 4 عقود عند 1.5955 وقفلت الصفقات عند 1.6032 يبقى فى ال4 عقود =73 بيب *4دولار =292 دولار +10دولار للعقد الاول = حوالى 302 دولار فى اليوم وايه جايين على نفسنا قوى ومادخلناش بكل عقودنا وعلى رأى دكتوره نظيفه الصوره مابتكدبش http://fx-arabia.com/vb/uploaded/2329_11310708572.gif |
رد: اقوى نظام كامل فى تاريخ الفوركس
الحاجة التانية لو انت خوفت من التريدة
أو بانت اشارات هبوط او اى حاجة تانية يكفيك ان السعر يطلع 8 نقاط فقط عشان تقفل الكل على صفر ده لو انت مش عاوز الصفقة دى 8 نقاط اما لو نزل تانى مثلا فهاشترى ال 5 لوت اللى فاضلين عشان ابقى مجموع كللللللل اللى عملته 1 لوت استاندرد لكل 25 الف دولار منتهى ادارة راس المال طيب واحد هايقولى ان كده الموضوع مش هايبقى جايب همّه كنسبة وتناسب لا نحسبها خلينا انك ما بتاخدش غير الصفقات ال 100% بس يعنى مش بتلقّط رزقك من هنا ومن هنا هل مش هاتلاقى صفقتين بس 100% فى الاسبوع؟ ده بدون اى تلقيط هاتلاقى اكتر من كده بكتييييير ممكن واحدة واتنين فى اليوم مش فى الاسبوع انما خلينا هم 2 فى الاسبوع كل واحدة تاخدلك 100 نقطة انما هانقول 100 نقطة فى صفقتين يعنى 200 نقطة فى الاسبووووووووع (خليها علينا) يعنى حوالى 800 نقطة فى الشهر (ده لو كان كل الشهور 4 اسابيع بس انما برضة خليها علينا) لما تكون داخل ب عقد مينى لكل 2500 دولار يعنى النقطة بدولار يبقى فى الشهر مكسب 800 دولار من أصل 2500 يعنى اكتر من التلت كل شهر (ده واحنا جايين على نفسنا كتير) ومع ذلك قمة الأمان عشان انت داخل من نقطة المفروض 100% عشان تدخل بالعقد كله فهل بعد ال 100% هايرجع عليك 2500 نقطة؟؟؟؟ فانا مش هاحسبهالك فى السنة كام عشان ماتتخضش ولا هادخل الأرباح فى دورة راس المال عشان مايغماش عليك انما هاقولك على حاجة صغيرة البنك لو انت حاطط فيه بالمصرى بيديلك نسبة 7% فى السنة (ياخى عيب اوى اللى يقول المكسب كده قليل احنا بنقول حوالى 40% فى الشهرررر) اما لو حاطط بالدولار بتاخد ما شاء الله نسبة 1.75% فى السنننننة يعنى لو حطيتهم فى الدولاب هاتفتح اخر السنة هاتلاقيهم زادوا عن كده وممكن التعزيز (اللى هو التبريد عشان ماحدش يزعل منى) بلوت تانى ده اذا ارتد عليك تانى اكتر وده مابيحصلش الا اذا انت داخل غلط خالص من الأول ومع دخولك غلط ادارة راس المال ممكن تطلعك من الورطة دى عموما اى استفسار انا فى الخدمة بس بلاش هجوم عشان انا باقول كل اللى عندى ولو انت مش عاجبك اللى انا باعمله مافيش اى مشكلة ممكن تشوف موضوع تانى او حتى تفتح موضوع تفيدنا باللى انت بتعمله انما هجوم ليه؟؟ انا ما خسرتكش حاجة |
رد: اقوى نظام كامل فى تاريخ الفوركس
ملحوظات الدكتور جمال :
وبالنسبة للاستوب للأسف بتعارض مع كل الناس وماباشتغلش باستوب ابدا وماتتعبوش نفسكم وتقنعونى ان الاستوب بيعمل وبيعمل وبيحمى الحساب و و مع ادارة راس المال الصارمة ونقط الدخول القوية اللى فى الغالب مع اتجاه الترند انت مش محتاج استوب ابدا ومهما هاقوك مش هاقنعك ومهما هاتقول مش هاتقنعنى ولكن... بيننا الاستراتيجية انا عدّى عليا ايام فى منتهى الصعوبة فلّست فيها بنوك وشركات ومحلات فول كمان زى الفترة من أول شهر 8 سنة 2008 شوف الاستراتيجية اللى انا شرحتهالكم عاملة فى الفترة دى ايه الفترة السودا على العالم كله، تقريبا كانت افضل الفترات بتكسب حتى لو انت مش عاوز عشان بتدخل مع الترند غصب عنك والسعر ايامها كان بيمشى بال 500 نقطة فى الساعة (فاكرها انا الساعة دى) واحد صاحبى كان شغال معايا وكان معايا ساعتها على التليفون والله بقى مش عاااااارف يقفل الصفقة مش عارف وكل ما يدوس يقولوا السعر اتحرك كان نفسه يقفل الصفقة على 60 نقطة ومش عارف وبيقى يقول على التليفون طب كده كفاية عاوز اقفل والبرنامج مش راضى لحد لما قفلها على 300 بالعافية لما السعر هدى شوية ههههههههههههههه والله بيكسب وهو مش قاصده المهم انها فى اصعب الفترات كانت تمام بس حضراتكم جررررربوا ماتحكموش وخلاص اما الهدف فانا قلت امبارح اول ما بالاقى ان السعر كده اكتفى هاتقولى طيب مانا مش هاعرف دى هاقولك حاجتين اول حاجة دى هاتيجى بالخبرة وكتر الممارسة على موضوع التروس وانتم بقى عندكم شكل التروس من الاكبر للاصغر اهو والحاجة التانية هى انك بتكون كسبان كده كده فأصبحت مشكلتك الوقتى انك عاوز تقفل على اكبر مكسب، مش انك تكسب او حتى تحافظ على راس مالك يعنى واحدة واحدة بلاش طمع هو يا اما السوق يخرب بيتنا يا اما احنا نخرب بيته؟ ههههه قريت فى موضوع مش هاقول اسمه عشان لسه مفتوح كذا واحد بيرد بيقوا انك لو عرفت تحافظ على راس مالك بس فى السوق الصعب ده يبقى انت كده كويس اوى اوى طيب ياخى انت داخل ليه؟ مانت تقدر تحافظ عليه فى جيبك داخل الفوركس الخطير ده عشان ربنا يكرمك وتقدر تحافظ على راس مالك او ممكن يضيع منك؟ حاجة غرييييييييييييبة جددددددددددا معلش انا مش باحب اتكلم عن حد بس رد استفزنى جدا وخصوصا انه من كذا واحد |
رد: اقوى نظام كامل فى تاريخ الفوركس
هتختلف شكا القناه عندما تكون على منصه اخرى بسبب فارق التوقيت نأتى الى الخطوه الثانيه نذهب الى tools ثم نعمل كليك يمين ثم customize ثم نضغط على اداه linear regression channel ثم close
|
رد: اقوى نظام كامل فى تاريخ الفوركس
هتلاقى الاداه بقت موجوده فى ال tools بس كل الى المطلوب بقه انك هتسحب القناه من الفاصل للفاصل لقناه اليوم على تشارت الساعه الى لونها انديجو لو شكلها بالشكل الى هتشوفه فى الصوره الى جايه تبقى ماشى مظبوط
http://fx-arabia.com/vb/uploaded/2329_11310731533.gif |
رد: اقوى نظام كامل فى تاريخ الفوركس
بعد ماترسم الاداه تعمل كليك يمين عليها وتختار linear regression channel properites ثم
تغير لونها الى انديجو ثم تذهب وتعلم صح على draw object as background ثم تذهب الى parameters ثم تعلم صح علىray ثم تذهب الى visulization ثم تلغى صح الى موجوده فى show all time frames وتعلم صح على h1 |
رد: اقوى نظام كامل فى تاريخ الفوركس
نمط الحيران الى هو موجود انهارده اتفرج عليه يوم 1 يونيو عمل ايه
http://fx-arabia.com/vb/uploaded/2329_11310734302.gif |
| الساعة الآن 11:20 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com