اف اكس ارابيا..الموقع الرائد فى تعليم فوركس Forex - مشاكل الايداع في شركات الفوركس

- - مشاكل الايداع في شركات الفوركس (https://fx-arabia.com/vb/showthread.php?t=33548)

مشاكل الايداع في شركات الفوركس

السلام عليكم

انا لاحظت الفتره الاخيره ناس كتير من داخل تواجه مشاكل في الايداع والسحب من والي شركات الفوركس
طبعا انا عن هتكلم عن مصر فقط
للاسف كتير مننا بيروح البنوك الاجنبية علشان يتعامل معها وصراحة في الفتره الاخيره الرقابة زادت عليها حبتين
المهم بدون مقدمات طويلة
اولا الايداع :
طبعا الايداع عن طريق الحوالة البنكية مكلف جدااا وبياخد مصاريف ووقت كبير طيب ايه الحل ؟
هيكون طبعا بالوسائل الالكترونية الماستر كارد
صراحة انا جربت ماستر كارد البنك الاهلي المصري وكانت في قمة الروعة تقريبا انا عملت بيها اكتر من ايداع وكل ايداع تقريبا بياخد مش اكتر من ساعتين فقط
اولا دي الماستر كارد

http://www.up.lmseh.com/do.php?img=4045

وللمزيد من المعلمومات اضغط هنا

مميزات الكارت
1-تقدر تعمل بيه ايداع في اي شركة فوركس تحبها اوتشتري اي حاجة انته عايزها من الانترنت يعني تعمل بيه كل حاجه
2-الايداع بياخد وقت قد ايه علشان يوصل للشركة ؟ تقريبا لايوجد لان بمجرد انك تضغط ايداع بتم عملية فورية بنقل الاموال من حسابك الي الشركة
3-لاتوجد اي مصاريف للكارت سوي 25 جنية سنويا ودي تقريبا اقل مصاريف علي مستوي البنوك المصرية
4-هل الكارت مرتبط بحساب بنكي يعني لو قررت اعمله لازم يكون عندي حساب في البنك الاهلي ؟ لا الكارت منفصل تماما الامر لا يحتاج سوي صورة البطاقة الشخصية وبعض الاجراءات الروتينية
5-ايه المبلغ اللي اقدر اودعه بيها ؟ تقريبا لايوجد حد انا شخصيا عملت بيها ايداع فوق 10 الالاف في شركة fxdd ,fxsol

طريقة الحصول علي الكارت
1-حضرتك هتتوجه الي احد فروع البنك الاهلي المصري هتقوم بتصوير البطاقة الشخصية 2 صورة
2-هتتوجه الي قسم خدمة العملاء وهتقول للموظف عايز اعمل ماستر كارد انترنت علشان اشتري حاجات من النت لابد من التشديد علي ماستر كارد انترنت
3-هتملا بعض الارواق الروتينة
4-هتنتظر حوالي 10 ايام مش في البنك يعني هترروح :1 (114): وبعد كده هتروح تستلم الماستر كارد بتاعتك
5-طيب كده الماستر كارد فاضية مش فيها اي فلوس هتروح لاي شباك من اللي بيصرفوا الفلوس تقولة عايز اعمل ايداع هنا علي رقم الماستر كارد ده بالمبلغ اللي انته عايز طبعا بالجنيه المصري .
ملاحظة هامة :
الفلوس مش بتتدخل الكارت الا تاني يوم يعني لو عملت ايداع في الكارت بالفلوس المصري هتلاقي الرصيد في الكارت تاني يوم

وبعد كده تقدر تودع اوتشتري اللي انتة عايز من النت في دقائق معدودة

ثانيا السحب :
تقريبا معظم شركات الفوركس المحترمة بتقول ان نفس طريقة الايداع هي نفس طريقة السحب طبعا للاسف ان الكارت ده برده مش تعرف تستقبل عليه اي فلوس
الحل بسيط جدااا
هتفتح حساب بالمصري او بالدولار في اي بنك او البنك الاهلي عادي جدا
هتستقبل عليه اموالك عادي جدااا