سؤال عن اسباب الخساره
 

السلام عليكم احبتي في او خارج السوق . من يوافق على ان سيناريو المتاجره بالفوركس هو :
ايداع ثم ارباح ثم تعزيز ثم صفقه بدون ستوب مع مغادرة السعر للمنطقه الى غير رجعه . ثم هدج . ثم رجوع الى البدايه اذا بقي في الحساب ما نبدأ به
وكيف نتخلص من هذا السيناريو المرعب . !!! عن
هل هذا هو ما يحصل ما الجميع .ام اني فقط من يقع في هذا الفخ دائما رغم الخبرة .

رد: سؤال عن اسباب الخساره
 

وعليكم السلام

كلنا والله زيك يااخى هى ممكن تكون نفس الاسباب او اسباب ثانية ويبقى انت بشخصك وبنفسك وبفكرك وبعلمك انت الفيصل للربح من هذا السوق
انصح حضرتك وانصح نفسى بالالتزام التام بطريقة العمل من تحليل صحيح وغير مخلوط باهواء نفسية بالبيع او الشراء لعملة معينة خليك حيادى وغير منحاز .التزم بنقاط الدخول والخروج مهما كانت مغريات وتغيرات الاسعار حتى ولو صبرت على فرص طريقة عملك يوم واثنين .المهم تدخل صح تعزز صح تخرج صح على ربح او خسارة عادى جدا لانك فى البداية لابد ان تلتزم بادراة راس مال تحمى حسابك وتكون مطمئن نفسيا
بمعنى انك بتغلق جميع ابواب القلق والتوتر وضيق النفس .

الهيدج من رايئ الشخصى لا احبة لانة بيوهمك بالامان فيغلق على عقلك التفكير الصحيح للصفقة الصحيحة ما دمت فى امان ويبعدك عن فلترة الصفقات
ابعد عنة وتاجر مع الاتجاة بعد التصحيح ..

واى استفسار انا معاك ان شاء الله

رد: سؤال عن اسباب الخساره
 

شكرا عالنصائح الطيبه . وانا كمان بنصحك نفس الاشي . عل وعسى تزبط معنا وتتحقق احلامنا التي تتهاوى مع نزول وطلوع الشموع اللعينه التي لو تعرف ما الامال والاحلام المعلقه بها لكان حالنا غير الحال .
انا شايفها مثلها مثل اي تجاره لكن ما يحدث مع التاجر في سنوات ممكن ان يحدث معنا في ايام فقط . ربح سريع وخسارة اسرع .
لذا يجب الحذر .

رد: سؤال عن اسباب الخساره
 

اخي الفاضل
ما اعرفه عن التداول الجيد في هذا السوق المرعب كالاتي
الصبر علي فتح الصفقات وعدم التسرع
عدم الطمع
التحليل علي زوج عملات واحد او اثنين علي الاكثر
ادارة رأس مال (صارمة)

رد: سؤال عن اسباب الخساره
 

انت اغتزلت المتاجرة فى اسلوبك وهذا خاطىء

خلينا نعترف ان المهنة دى من اصعب المهن اللى كلمة خبرة فيها صعب انها تقال الا على حد قادر انه يحقق ربح لعدة سنوات.
انت بتقول ايداع اوك -- تعزيز ثم صفقة بدون استوب هدج - الغي تلك الطرق اذا كانت هى اللى تخسرك
ببساطة سبب الخسارة هو الطمع الغالبية تدخل السوق وتتعامل معه على انه مصنع طباعة اموال بالمعنى الحرفي للكلمة - تلاقي واحد رصيده 100$ ويدخل بلوت ونص لوت وواحد رصيده 500 ويدخل ب5 و 10 لوت ده غير اللى يدخل فل مارجن وقت الاخبار واللى يدخل بطرق ملتوية وبالاخر يقول اصل شركة الفوركس كذا وكذا ومسقصدة عبقريتى الفذة .

كل همهم التدبيل وخلاص وتلاقى فى بعض المنتديات مشرفين بيروجوا لتدبيل الحسابات بطريقة كذا وبادارة راس مال كذا وكذا . ده غير مايسمون انفسهم بخبراء الفوركس وقنواتهم وجروباتهم وبيلموا فلوس بالضحك على الناس- ده غير مجموعة على راى شيخ سودانى المستهبلين بتوع اسرار الفوركس واصل السوق له سر عظيم وبلاه بلاه بلاه


انا اعرف تاجر ايطالى متمكن وبقاله سنين بالسوق كان معاه حساب ب1000 دولار كان يدخل اللوت 0.01 اللى هو اقل لوت ويوم ماحصل عنده دراوداون 4% بسبب الاسبريد فى البروكر مش بسببه قفل الحساب عشان 4% بس دراوداون...


المشكلة الاساسية فى المفاهيم الخاطئة اللى موجودة :
1- الخبراء وبعض المشرفين ببعض المنتديات و لا اعرف من جعلهم مشرفين يقولك مستحيل تخسر 10 صفقات ورا بعض ولو خسرت يبقى ده عيب وانك مش متمكن وبلاه بلاه بلاه - اللى اتعلمته من رؤية الخبراء الحقيقيين هو عادى انك تخسر 10 و20 صفقة ورا بعض -- فى واحد شغال باستراتيجية بقاله 5 سنين ومغييرهاش قال انه فى مرة خسر 15 صفقة ورا بعض - انا شخصيا الاسبوع اللى فات خسرت 8 صفقات ورا بعض.
2- الفوركس مش مصنع لطباعة الاموال كفى اوهام.

3- الغالبية تلاقيهم يدوروا على سر الفوركس وعلى تدبيل الحساب بس فى الحقيقة هما ميقدروش يعملوا 10% كل شهر فى الحساب لمدة سنة الغالبية تبص بس للملايين وسر اسرار الفوركس وواحد مبتدىء يدخل يقولك اصل ده لعبة واكيد لها سر وبالنهاية كلهم يخسروا ومتلاقيش حد معاه حساب مستمر.


للاسف انا خسرت شقي عمرى بالسوق علشان ادرك هذه الحقيقة بس الحمد الله محدش بيتعلم ببلاش



بالنهاية الفوركس بقى صالة قمار للغالبية العظمى لا اكثر ولا اقل ايداع وهيدج ومضاعفات وبلاه بلاه بلاه بالنهاية باى باى وخط طول وخط عرض والباذنجان الذى لا يخسر... الغالبية فعليا اصبحت تتعامل معه على انه قمار ايداع ومحاولة تكوين ثروة فى اقل وقت ممكن!!

لدرجة انه بقى بزنس مربح لشركات الفوركس لدرجة انى لقيت اعلان افتح بروكز ب5000 دولار ههههه يعنى مبقاش مجرد اعلانات لشركات الفوركس



بس باختصار الرد على سؤالك انه الكل يتعامل مع الموضوع على انه صالة قمار واواهام الثراء المستحوذة على العقول باختصار لو عايز تكسب توقع انك ممكن تخسر عدد كبير من الصفقات ورا بعض وتعامل على هذا الاساس

رد: سؤال عن اسباب الخساره
 

رد: سؤال عن اسباب الخساره
 

اتفق معك فى اشياء واختلف معك فى اخرى بس مكسل اكتب مقال طويل كالعادة :")
بس عموما صح بعيدا عن مايقال و اللى يقولك جان وباذنجان ونجمة سليمان و اليوت و الهارمونيك وبلاه بلاه بلاه اللى اكتشفته بعد سنين الخبرة انه هذا السوق هو بالظبط نوع من انواع الكازينوهات و القمار الفرق الوحيد فقط هو اعطائك حرية اكبر فى التحكم باموالك- اما من يهللون فاشك ان حد فيهم عنده حساب حقيقي مستمر وتلاقى واحد مبتدء عشان دخل وكسب قرشين و الحظ خدمه يدخل يكلمك عن سر الاسرار ويحسسك ان انتا اللى فاشل :").وبالنهاية السوق يلسعه ويختفى


بعد خسارة شقى عمرى وضعت مبلغ صغير وقررت انى اعمل حساب بسجل مستمر وقررت ان الحساب ده اخر حساب هفتحه فى الفوركس الحمد الله مستمر الى الان --- اما بالنسبة للاحلام الوردية وخلافه و الدخول فى صفقات ورحلة المليون ورحلة التشليون خلاص قررت ارجع لارض الواقع وبما ان السوق هو كازينو بقيت ابدء اسبوعى على اساس انى ممكن اخسر 10 ولا 15 صفقة متتالية .
خلاص نسيت هدف الملايين و المليارات و البنك اللى انا هفتحه :"))) -- كل هدفى المحافظة على حسابي وزيادته حتى ولو 1% بالشهر


بالنسبة للحالة النفسية كنت مثلك فقررت ارمى كل القرف ده وراء ظهري وابتعد عن كل الطرق المجنونة اللى تسبب تلك الحالة النفسية- فشفت احتياجاتى الشخصية وعصرت خبرتى من اجل انشاء نظام وادارة مالية تتناسب مع ظروفي.

وافضل علاج صراحة اثر معى وحقق معى فرق مذهل هو انى اصبحت اضع فى ذهنى ان فى خساير متوالية هتصطدم بيها فبقيت عامل حسابي على 10 ولا 15 صفقة متتالية خسرانة على كل زوج بمفرده... ومثال على كده الاسبوع اللى فات 8 خساير متتالية و الاسبوع ده خسران 3 صفقات متتالية معدل نجاح صفقاتى هو 27% بس الحمد الله قررت اتاجر لاستمتع بعيدا عن النفسية الزفت وبالنهاية الحساب يزيد زيادة بسيطة احسن ما اخسره واودع واقامر واخسر واودع واقامر لان للاسف تلك الدائرة خسرتنى كتير ولو كنت التزمت من البداية واقتنعت بربح بسيط كان زمانى حققت احلام الثروة ولكن النتيجة هى اهدار سنين العمر واللهث وراء الاحلام الزائفة وضياع واهدار اموال كثيرة بلا فائدة. ده غير انى اتعلمت انى يكون عندى سجل اسجل فيه كل نتايجى وصفقاتى وكمان اتعلمت انى ابص للدراوداون ونسبة المخاطرة مش بس يكون هدفى اشوف الارباح وخلاص.

اما بالنسبة لك لو حابب تتاجر فقط من اجل المتعة وانك تبقي ناجح ولو بربح بسيط اوك --- اما لو لم تتعلم الدرس مثلي وتنسي الاحلام الوردية وتدبيلات الحسابات فانا اتفق معك فى ان تترك المجال

رد: سؤال عن اسباب الخساره
 

اخواني الافاضل
مع كامل احترامي للجميع
هذا السوق يحتاج الي دراسة للتحليل الفني ومتابعة قوية للاخبار وتأثيرها علي العملات
ولم اعرف شخص في هذا السوق قام بالتحليل الفني الجيد والمتابعة الجيدة للآخبار بجانب الادارة "الصارمة" لرأس المال ولم ينجح في تحقيق ارباح بعد هذا
هذا السوق يحتاج الي الالتزام والعمل في صمت وصدقوني هناك فرص ربح كثيرة في السوق ولكن تحتاج الي التركيز والصبر وضبط النفس مع الطمع وخلافة
تحياتي لكم جميعا