اف اكس ارابيا..الموقع الرائد فى تعليم فوركس Forex

منقول
طيب عشان نحل الموضوع ده و نظبط النقاش فيه

بصي يا بسمه هنتفق ان اى شهاده دوليه ليها طريقتين للحصول عليها

1- يا اما تسافرى بره فى مكان الجامعه بتاعتها او المعهد و تدرسيها هناك فى مكانها

2- انك تدرسيها فى بلدك او فى مكانك دراسه شخصيه بمعنى انك تذاكريها مع نفسك

طبعا احنا بنتكلم فى الحل التاني مش الاول و الحل ده له طريقه واحده ملهاش تاني انك تراسلى المعهد المعتمد دولى نفسه و تشترى منه المواد زي الكتب و السي ديهات و خلافه و تبدأى انتى تذاكرى

و بعد كده تمتحنى و لو نجحنا ان شاء الله يبقى تمام و حصلنا على الشهاده

عشان مش يبقى الكلام كبير التحليل الفنى عامه مجال واسع جدا و له مليون مكان و مقر فى العالم
لكن الاكبر فيهم هى شهاده CFT و CMT

بالنسبه للدراسه بتاعتهم فى معاهد فى مصر و جامعات بتدرسهم منها

الجامعه الامريكيه
المعهد الدولى المصرفي
معهد القوات المسلحه و ده بيدرس اجزاء منهم بس
الجمعيه العربيه للمحللين الفنيين
اكاديميه حورس و الغرفه الدوليه للمحللين الفنيين
و غيرهم كتير بس ده اللى انا فاكره حاليا

كل ده بيساعدك تفهمى المواد كويس و تذاكريها و من بعدها بتتصلى بالمعهد المختص مباشره او عن طريق المكان اللى انتى بتدرسي فيه و على ما اتذكر ان الشهادات ده امتحانها بيون مرتين فى السنه فى شهر 4 و شهر 6 على ما اتذكر لكنى مش متأكد

و بتحجزي فى الامتحان و تدخلى تمتحنى و الف مبروك ان شاء الله

اللى انا اعرفه كمان ان الCMT مستويين مش مستوى واحد و طبعا بتدرسي كل واحد لوحده الاول و تمتحنى فيه و فى النهايه بعد النجاح فى الاتنين تبقى خدتى الشهاده

بالنسبه للاسعار فهى مختلفه من مكان لمكان لكن كام فعليا مش عارف بصراحه كمان المعهد بيكون له مصاريف تسجيل الامتحان

اهم ملحوظه فى الموضوع كله انك عشان توصلى لشهاده من دول هتفضلى كل سنه تمتحنى زي تست بسيط كده مع كل معلومات جديده يعني على طول اوتو ابديت بامتحانات
يعني طول حياتك هتفضلى تذاكرى لو انتى عندك الاستعداد لده توكلى على الله

و خلى بالك ان فى اى وقت لو وقعتى فى امتحان و لا الناس ده حست انك مش متابعه الجديد و مش ملمه بيه باي باي لندن :1 (19):

ده تحذير وجب لاى حد بيفكر فى المجال ده خصوصا فى الكورسات الكبيره و الشهادات الدوليه