مزاد البرتغال والعائد المرتفع
 

برغم قدرة البرتغال اليوم على بيع مليار يورو من السندات لكن العائد المرتفع ف عملية البيع اثبت عدم الاقبال على الديون الاوربية
والحمد لله كان العائد المرتفع ضغط سلبى على اليورو

والاسبريد بين سندات المانيا والبرتغال بالتاكيد ارتفع
والمقصود بالاسبريد هو فرق العائد بين نوعين مختلفين من السندات يعنى مثلا سند المانى عشر سنين بعائد 5.5 % وسند برتغالى عشر سنين بعائد 6.15 ، وارتفع عائد السند البرتغالى مثلا ل 6.20 هنا بنقول ان الاسبريد زاد بمعنى فرق العائد ، ولان سندات المانيا هى اقوى وافضل سندات على مستوى العالم فهى تعتبر مؤشر لقوة او ضعف السند المقابل ليها
لو زاد الاسبريد بيضغط على اليورو لو قل بيكون نقطة ايجابية لليورو

يعنى لو اتكتب german - portgual spreed widen دا معناه ان عائد سندات البرتغال ارتفع مقابل الالمانى و دا خبر سلبى لان العائد لما يرتفع دا معناه عمليات بيع للسند وبالتالى عدم نية الاحتفاظ بيه وبالتالى نظرة سلبية من المستثمر للدولة صاحبة السند - ودا ممكن نستخدمه كمؤشر قوى لقدرة اليورو على الصعود او الهبوط

خبر كمثال على كلامى
Portugal FinMin: Current market financing conditions insustainable in long-term

By Gerry Davies || March 16, 2011 at 11:02 GMT
|| 0 comments || Add comment
I think that should be maybe unsustainable. But he’s right…………
EUR/USD down at 1.3930, now far from session low 1.3924.

• Higher yield at auction reflects political uncertainty

اضيف حاجه تانيه صغيره كمؤشر لليورو جت على بالى وهى الايبور Eurobor، ودا هو سعر الاقراض بين البنوك وبنشوفه يوميا على الميتا الساعه 12.00 ظهرا بتوقيت القاهرة بامرا لله

ف حالة ارتفاعه معناه قلة السيولة ف البنوك وبالتالى ارتفاع اليورو نسبيا (( يعنى البنوك ف حاجة الى اليورو لتمويل عجز السيولة عندها وبالتالى بتستلف من البنوك التانية ف نفس الدولة ))
وف حالة انخفاضه بيدل على ان البنوك عندها سيولة كافية واليورو اسعاره ربما لن تصعد كثيرا

ارجو يكون كلامى مفيد لاخوانى الاعضاء

رد: مزاد البرتغال والعائد المرتفع
 

لا حول ولا قوة الا بالله

يا اخوانا اذا كانت مواضيعى تاعباكم اوى كده اوعدكم اخر مرة اكتب ف المنتدى واوفر حرق الدم على نفسى
بصراحه نقله هنا ملوووش اى داعى نهااائيا