يانهار كل ده حصل من امبارح لإنهارده
طب اولا توضيح بسيط انا ياجماعه اولا ماليش اي مصلحة خالص غير خدمة اعضاء المنتدي اللي هنا وكان ممكن بمنتهي البساطة اني اكتب اسم الشركة علي طول واقلكم ادخلوا علي الموقع وسجلوا لكن انا كتب طريقة بتوصلكم لأكثر من بونص واكثر من شركة وربنا يعلم ان مصلحتي الوحيدة هي خدمة الاعضاء اللي هنا واني أرد ولو جزء صغير من الجمايل اللي مغرقانا من يوم ما جيت المنتدي هنا
ثانيا بالنسبة للشروط هي فعلا صعبه جدا جدا ومكنتش متوقعه انها تكون كده وفي وجهة نظري اكتر ناس يستفيدوا من البونص ده هي الناس اللي لسه شغاله علي ديمو او بتدرب علي ديمو يقدروا يعتبروا مدة الشهر ده تدريب ليهم علي حساب حقيقي وبدون اي مخاطره لانهم لو صفروا الحساب مش هتبقي مشكلة غير كده ان تقريبا بعد شهر لو مكملتش الشروط اللي بيتسحب مبلغ البونص بس ليس الا اما الارباح فتقريبا بتدنها موجودة وبتقدر تسحبها
ثالثا في بونص تاني من شركة لايت فوركس بمبلغ 200 دولار وبمجرد ما بتفعل الحساب بتقدر تعمل حساب نوعه لايت بووم وبتستلم فيه 200 دولار بعد ما بتعمل عدد معين من العقود بتقدر تسحب 20 دولار لغاية ما ال 200 دولار يخلصوا اما الارباح فالشركة بتحسبها بطريقة معينة وبتقدر تسحبها برضوا يعني مثلا كل 2 لوت ستاندرد تقريبا بيبقي من حقك تسحب 20 دولار وفي في الصفحة الخاصة بيك علي الموقع عداد بيوضحلك فاضلك كام عقد وتقدر تسحب ال 20 دولار اللي جاية ميزة البونص ده انه البونص مالهوش مده نهائي وغير كده تقدر تشغل عليه الاكسبرتات المشكلة الوحيدة انك علشان تفعل الحساب لازم ترفع مستندات لاثبات الشخصية والعنوان باللغة الانجليزية يعني جواز السفر لوحده مش نافع هي دي المشكلة بس اللي عندهم
واي حاجة جديدة هوصلها مش هتأخر نهائي اني اقولها بإذن الله
مرة اخيرة ياجماعه انا ماليش اي مصلحة اني اعمل موضوع زي ده غير إفادة الاعضاء اللي هنا مش اكتر وكل اللي بطلبه هو الدعاء لي ولأخي محمد ليس إلا
ووفقنا الله وإياكم