انهارده وبعد عذاب وشقاء وتعب من خنقة مواصلات قاهرة المعز ...... رحت فرع بلوم مصر اللي في العباسيه ... و دخلت علي خدمة العملاء بقلب جامد قلت للموظفه عايز افتح حساب قالتلي تحت امرك ... قلتلها عايز اطلع ديبيت كارد علي الحساب قالتلي تحت امرك قلتلها عايز الديبيت كارد تكون مفعله علي النت .... تنحت وكاني قلتلها حاجه عيب او حاجه حرام ... دقيقه كدا وقالتلي اعتقد انه مفيش حاجه كدا يفندم قلتلها ازاي بس انا جي عليكم وعارف انه ينفع وفي غيري عامل الموضوع دا كتير يعني انا مش جي وخلاص دي حاجه عاديه جدا المهم قعدت تسال الموظفين حواليها وقالتلي اعتقد انه مش هينفع يا فندم قلتلها انا لسا مكلم الكول سنتر وانا جي وقالولي ينفع طبعا انا مكلمتش الكول سنتر ولا حاجه ... المهم جاتلي المديره بتاعتهم وقالتلي اامر يا فندم قلتلها نفس الكلام قالتلي احنا بنفعلها بس مش من هنا بتتفعل من المركز الرئيسي ومش لكل حته انت بتحدد الاماكن اللي هتستخدمها فيها قلتلها لا انا اللي اعرفه انها بتتفعل لاي حاجه عادي .... وعشان اوفر علي حضرتك انا هستخدمها في الفوركس يعني لازم تتفعل يا ايما الحساب كله ملوش لازمه عندي ... المهم قعدت تلف وتدور حوالين نفسها ورعت وقالتلي خلاص احنا ممكن نفعلها لاي حتي بس حضرتك هتمضي علي تعهد انك انت المسئول والبنك لا يتحمل اي مسئوليه ... اظاهر انهم فعلا بيخافو جدا من موضوع القرصنه دا .... المهم قلتلها مفيش مشكله ومليت بيناتي واستلمت كارت كدا عليه رقم الحساب ووردت المبلغ طبعا حساب توفير مش جاري زي ما قال ابو حميد .... المهم انى مشيت متغاظ جدا لان بعد ما خلصت كل حاجه الموظفه قالتلي تعالي بعد اسبوع تستلم الديبيت قلتلها طيب ليه اسبوع مش كتير قالتلي عشان نشوف موضوع التفعيل دا .... قلتلها يعني هاجي الاقيها متفعله قالتلي ربنا يسهل هنجرب !!!!!! بالزمه مش حاجه تغيظ ..... بجد موظفين تعبانين مله انا مش فاهم اذاي موظفه في البنك ومش عارفه كل الخدمات اللي بيقدمها انا لولا ان الاستاذ SHAWIS لسا كلطعها قريب وخلاص اشتغلت معاه في الفوركس كنت قلت انا رحت بنك غلط .......... انت ايه رايك يا احمد باشا ياتري هروح الاقيها متفعله ولا هيحرقولي دمي وهيعصبوني وهتنرفز عليهم خصوصا انى هستني اسبوع واني بروح مشوار بعيد + زحمة القاهرة وخنقة المواصلات والشوارع الزحمه ؟ وهل لو فيه شك انها متتفعلش ممكن اتصل بالكول سنتر قبل ما اروح يعني انهارده او بكره واشتكي الفرع مقدما