الفضل لله أولا ومن بعده مجهودات حضرتك والاخوة الأعضاء
وسامحنى سهرتك أمبارح وتعبتك معايا
بالنسبة للشركة وأختيارى ليها يرجع إلى عدة أسباب
أولا أنا قررت أفتح حساب وأودع وأخد position
كل ده قبل مالسوق يقفل يوم الجمعة بربع ساعة
لأنى حسيت مع نهاية اليوم انى فى جاب هايكون لفوق
وأنا كنت عاوز أغامر بمبلغ بسيط لو ضاع مش زعلان عليه
وبالتالى كان ليا شوية مواصفات معينة لتنفيذ الخطة
1-دورت على أكبر رافعة علشان بأقل مبلغ أخد أعلى لوت
وبالتالى الحساب يكون متعلق فى 10 بيب بالكتير
2-دورت على أكبر بونص علشان أكبر حجم ايداعى على قد ما أقدر ويخدمنى فى تعلية العقد
3-عاوز البونص يكون بيستخدم لدعم المراكز المفتوحة
4-دورت على إيداع وقتى لأن فاضل 10 دقايق والسوق يقفل
5-دورت على شركة الأسبريد فيها مش بيعلى وقت الاغلاق والافتتاح والرافعة مش بتقل وقت الاغلاق والافتتاح برده
6-دورت على شركة يكون فيها بجانب كل ماسبق ستوب أوت % قليل جدا كنسبة من المارجن
وبالتالى مع الفلترة ماكانش اودامى غير اف اكس جلورى
شركة جديدة والمفروض تكون خايفة على سمعتها حتى ولو مش مسجلة
رافعة 1:3000
بونص 50% على الايداع
يستخدم البونص لحماية المراكز المفتوحة
إيداع فى نفس الوقت من الليبرتى
البونص بينزل مع الايداع
كان فاضل دقائق على اغلاق السوق والأسبريد مازال متحرك وبيلعب فى نقطتين فقط
الأستوب أوت 30% فقط
ولاحظ حضرتك كل ده تم فى دقائق تعد على أصابع اليد
ولو حضرتك أو أى حد من الأعضاء وجد شركة مسجلة وموثوقة بالمواصفات السابقة أرجو ألا يحرمنا من الأقتراحات
وعلى فكرة مش شرط زى ماهو شائع أن الشركات الجديدة أو الغير مسجلة تكون مش تمام
لأنى تعاملت مع بعض الشركات الجديدة فى السوق وكانت أفضل من الشركات القديمة وأخرهم ورلد وايد ماركت
وهو ده السبب انى غامرت مع جلورى وماكنتش قلقان منهم لحد ماحصل الى حصل
شكرا جزيلا
وبالتوفيق للجميع