حاجات زى دى كانت بتحصل معايا انا شخصيا فى البداية وماكنتش فاهم فى ايه
وعلى فكرة ده بيحصل مع شركات كبيرة ومعروفة
الشركات تقدر تميز بسهولة العميل الى فاهم هو بيعمل ايه من الى بيعجن وخلاص
وعندهم سياسات للتعامل فى كل الحالات ومع كل أنواع العملاء
والميتاتريدر للأسف بيساعد الشركات تعمل مايحلو لها فى اموال الناس
ولو واحد مبتدئ ممكن ببساطة يتقاله من الشركة ماحدث كان بسبب بطء سرعة الأنترنت لديك
والشركة غير مسئولة بتعويض العميل فى مثل هذه الحالة كما تنص الاتفاقية الموقعة من طرفك
وفى لحظة هايطلعولوا الشرط الى بيقول كدة وهايسب ويلعن فى الشركة وهايقتنع
الحاجات دى مرت علينا كتير وياجماعة نصيحة لأى حد قبل ماتدخل شركة أقرأ الأتفاقية كويس
ولو بالانجليزى ترجمها واقراها وأستفسر عن أى شرط تحس انه غريب وأسأل الناس المجربة
وابتعد فورا عن الشركات المشبوهة
وانهاردة ببساطة لو كتبنا اسم اى شركة على جوجل هتظهر بلاويها فى ثانية
وربنا يسترها على الجميع