بالنسبة للمتاجرة الثنائية الاغلبية بيقولك حرام وانها زيها زي القمار مفيش فرق والبعض بيقول مدام انت بتعتمد على تحليل مش حرام المهم انا مش هاتكلم في الموضوع ده كتير وديه حاجة ترجعلك في الاخر.
بالنسبة بقى للشركات وما ادراك شركات الباينري اوبشن بس بعد لفه كبيرة في الموضوع ده ممكن اقولك ان لحد النهاردة مفيش شركة منهم مسجلة في هيئة رقابية محترمة لأنهم مش معترفين بيها اصلا وباقي الشركات مسجلة في قبرص ده اذا كانت مسجلة اصلا وطبعا سمعة قبرص سبقها ومش محتاجة كلام بعد ما هما لقوا ان قبرص سمعتها كده بقوا يعملوا للشركة فرع تاني في انجلترا او لندن او اي دولة تانية بس مكتب الشركة الرئيسي هاتلقيه في قبرص
ده غير ان لو ناوي تشتغل في الباينري اوبشن فاعرف ان اي شركة هاتتعامل معها (بروكر) يعني لما انت تكسب هو يخسر والعكس وطبعا الموضوع ده مقلق من غير حاجة لاي حد لأن مش من الطبيعي انك تعد تكسب وهو بيخسر ويتفرج عليك