حبيبى انتى بتتكلم فى شى غير الواقع . انا مصرى . سعر صرف الدولار الرسمى غير متواجد على الاطلاق فى اى مكان حتى البنوك نفسها . عندما اقوم بطلب سحب لى ياتينى بالدولار . واضطر لبيعه للبنك لكى استلم ارباحى بالمصرى . ولو طلبته بالدولار زى ما جاينى فى التحويل البنك بقلك مفيش نجيبلك منين . ولا تقلى حد ادنى ولا حد اقصى وفى البنوك مش موجود لا بسعر رسمى ولا بسعر غير رسمى . انا اقلك اذا كنت عايز كميه كبيره بحيث الفرق بين السعر اللى هتدفعه لشركه الصرافه والسعر الرسمى اللى بياخده منى البنك . يغطى تكاليف سفر ل لنلدن او سوسرا . انا موافق اديك ياعم اديك بالسعر الرسمى . وهسلمك الفلوس فى اى بنك اتش اس بى سى فى دوله من الدول اللى قلتهالك . شوف واحسب الفرق بين السعر الرسمى وبين افضل سعر وصلتله فى مكاتب الصرافه . لو لقيته يغطى تكاليف السفريه كلمنى . يبقى الواحد استفاد برحله اوربيه اهو افضل ما الواحد مجبور يبيع للبنك . وانتى هتاخده هناك فى البنك فى اى فرع يعجبك وتعمله تحويل لاى شركه فوركس تعجبك
اما تاخد مصرى بالسعر الرسمى . فى الوقت الراهن انسى . ربما يغير الله من حال الى حال .
نصيحه اخويه
لو اضطريت تاخد دولارات من مكتب صرافه . قله انا هستلم منك فى البنك والبنك اللى يعدلك الفلوس .لو رفض سيبك منه . امان يعنى لانى فى دولارات كتير مضروبه وفى اكتر مش مضروب بس داخل البلد غير شرعى . اثار وخلافه . امن نفسك ياغالى
تانى حاجه لو هتاخد كميه من مكتب صرافه . فاصل معاه زى ما بتفاصل مع بتوع الطماطم والخيار بالزبط . يعنى مثلا تروح شركه العالميه يقلك 7.8 قله انا لسه جاى من شركه الاطباء وقالى 7.6 . يقلك يارجل روح هات منهم سيبه وقله سلام قبل انتى متطلع من عنده هيكون رانن على شركه الاطباء روحلهم وقلهم انا جاى من عند العالميه وقلهم هيدونى على سعر 7.4 . هما اصلا حراميه وسوق سوده ومش بيثقو فى بعض وبيضربو فى بعض . انتى اطلع منهم باى حاجه .