في نقطة مهمه عايز اوضحهالكم يا شباب في تحليل الين
فاكرين من فتره كان الاستاذ محمد طارق على ما اظن سال عن علاقات البورصات المحلية بالعملات
وكنا شرحنا علاقة ال nekkei 255 و topix وقولنا ان الموضوع يعتمد على عمليات العرض والطلب في الاول وفي الاخر ولكن شهية المخاطره لو اتت في البورصات المحلية لليابان الين بينخفض ولكن لو الموضوع زال تأثيره واصبحت البورصات المحلية لليابانيين غير آمنه وبالتالي سوق السندات غير آمن ، ساعتها اليابانيين بيشتروا الين لانهم بيعتبروه الملاذ الآمن ليهم .
عشان كدا في فيديو علاقات ازواج العملات ، لو حد حضره معايا ، كنت ذكرت ان الين الياباني يسير في معظم الاوقات عكس البورصه اليابانية المحلية
طيب عارفين ليه انا دخلت شراء للين عكس التيار !!! اولاً لان البيانات الصادره من اليابان توحي بالفعل بتحسن اقتصادي وان السياسات التحفيزيه بالفعل تأتي بثمارها
بس النقطة الأهم ان ال nekkei 225 قفل على خساره
معناه ان الطلب على الأسهم في البورصه قل
معناه ان شهية المخاطره قلت
معناه ان هيبقى في توجه للين على المدى القصير