استاذي الفاضل ابراهيم
اولا احب اشكرك لسعة افقك وعلمك الواسع
واحب اقول لحضرتك ان انا متابع الموضوع بأهمية من اول ما بدأ
وقريه كويس جدا بس انا حبيت اعرض وجهة نظري
ولو حضرتك رجعت لاول الموضوع هتلاقيني سألت سؤال مرتين
ومحدش جاوبني عليه وانا سألت لحد معرفت الاجابةمن اشخاص اخرون
ثانيا وضع الاموال في البنوك اصبح ضرورة من ضروريات العصر
نظرا للخوف من السرقات وتحويل الاموال للخارج في حالة التجارة
وعشان اهلك يعرفوا فلوسك فين في حالة الموت وغيره كثير من الاسباب
انت ليه مصمم علي انك تفسر الاية دي بالطريقة دي
تعاونوا علي البر و التقوي ولا تعاونوا علي الاثم والعدوان
الاية ديه مالها ومال الموضوع انا مش بعاون البنك علي الاثم
بالعكس انا اتفقت مع البنك ان فلوسي متدخلش في المعملات الربوية
ولكن هو منفذش كلامي والله اعلم البنك بيدخلها ولا لأ
يبقي هو يشيل الوزر والذنب وانا فلوسي حلال 100%
وانا رافض المعملات الربوية بقلبي ولساني ويدي باني كاتب عقد مع البنك علي كدة
والعقد شريعة المتعاقدين
يعني نفترض ان انا محتاج فلوس اعالج بيها ابني رحت رهنت حتة ارض واتفقت مع الراجل ميزرعش الارض طبقا لشرع الله
راح الراجل اللي رهنتلوا الارض زرعها لحد مرجعتلوا الفلوس وده يخالف شرع الله
كدة مين يشيل الذنب انا ولا الراجل التاني ولا احنا الاتنين
علي ما اعتقد ان هو اللي يتحمل الوزر والله اعلم
وبعد كدة هو شرط في العقد اللي انا كاتبه مع الشركة انه
انه مش هيحسبها الا في حالة الاستخدام السئ
وانا لو استخدمتوا الاستخدام السئ اللي هو قصدو عليه
يبقي انا خالفت العقد وارتكبت ذنب واستاهل
استاذ ابراهيم انت ليه مش عايز تقتنع بتطور العصر وان احنا لازم نواكب هذا التطور
تعرف ان فيه تفسيرات لبعض الاحاديث والقرأن اتغيرت نتيجة الاكتشافات العلمية
والعلم اثبت ان ربنا كان يقصد المعني اللي موجود دلوقتي
مش المعني اللي ليه اكتر من 10 قرون
يعني لازم الفتوات تتطور مع تطور العصر
وهذا اجتهاد شخصي مني ربنا هيديني اجره حتي لو كنت غلطان فيه
وربنا يهدينا جميعا الي الصواب
انا فعلا يمكن اكون عايز احلل الفوركس واموال البنوك باي طريقة
بس انا والله لو تيقنت انه حرام لمنعت نفسي عنهم بقوة
تقبل تحياتي