فى الفوركس قانون واحد فقط "لا تلومن إلا نفسك"
انا فى رأيى اللى مش متمكن من نفسه فى الفوركس يبقى مايعتمدش عليه
بغض النظر عن انه يكون مصدر دخلك الاساسى او بجانبه شغل
اول غلطة مكانش ينفع تسيب شغلك و دراستك
تانى غلطة انك اتعاملت مع الفوركس بعدم احترام
لان مافيش اى انسان عنده خبرة او عاقل يفتح صفقة بـ 5 ستاندارد على اليورو استرالى لانها عملة عنيفة
ثالث غلطة انك جاى تسئل على المشورة بعد غرق السفينة
عشان تكون مقنع مع نفسك قبل الغير
انت مثلا او غيرك بيشتغل فى وظيفة بيقبض مثلا 2000 او 3 او 4 او 5 الخ الخ
لما تدخل فى عملة زى اليورو استرالى و دى طبعا عملة بالنسبالها لو عملت 200 نقطة فى اليوم فا ده شئ طبيعى بص على تاريخها و شوف حركتها العنيفة
لما تدخل ب 5 لوت ستاندارد يبقى انت طماع
و طبعا حجم الصفقة ده بيوضح سبب خسارتك فى المضاربات السابقة
مافيش حاجة اسمها استوب لوز فى الفوركس دى اداة مالهاش اى قيمة
عشان تشتغل فى الفوركس لازم يكون معاك محفظة على الاقل 10000 دولار و تضارب ب2% بالكتير و تعمل مضاعفات فى حال الخسارة بس طبعا مضاعفات مش كميات عنيفة
و ماتشتغلش غير فى اكتر العملات ذبذبة زى اليورو دولار و الاسترلينى
انما يورو ين و استرلينى ين و يورو استرالى و غيرهم دى عملات لو قفشت اتجاه مش هاتسيبه غير بالطبلة البلدى
انا شخصيا الفوركس هو مصدر دخلى الوحيد و هو العمل الوحيد اللى حققت عليه كل حاجة فى حياتى
خصوصا بعد ماتجوزت مستحيل افكر افتح 5 لوت فى عملة او حتى 1 لوت
و صدقنى عشان هاتسمع كلام كتير من ناس ماعندهاش خبرة
لو مش معاك 10000 تفتح بيهم محفظة يبقى دورلك على عمل تانى