اقتباس:
المشاركة الأصلية كتبت بواسطة forexeagle
سبحان الله من شويه قلت على كلامي كلام سليم رجعت دلوقتي تقول العكس ليه 
لا يا برنس أنت قولت فعلوا الديفيشن وجربوا وأنا قولت سليم ... نجرب ولو الشركة فعلت أمرى بنفس الأسعار المطلوبة فى أوقات اللى مفيهاش فولاتيليتى يبقى تمام ووقت الفولاتيليتى والأخبار مافيش مانع من الريكوت فهو غصب عننا جميعا ممكن يحصل ( أو فى حالتنا ممكن يفعل من سعر مختلف قليلا بمقدار الديفيشن ) مفيش مشكلة ... لكن أن تكون طبيعة الأمور هى انه عندنا ديفيشن علطول هى دى المشكلة خصوصا فى أوقات تكون الفولاتيليتى مش عالية والسوق نايم أصلا .
تمام يا استاذي كده بدينا نقرب شويه طيب حضرتك مع نظام الماكسيمم ديفشيبن وقت السوق اللي فيه حركه سريع طيب انت عنمدك طريقه تقدر تعرف بيها السوق كمان دقيقتين هيبقى حركه سريعه فتقوم مستخدم الخاصيه دي ؟ ولا الافضل كوقايه وحمايه ليك تستخدم الخاصيه دي على طول عشان تحمي نفسك من اي حركه مفاجئه ؟ طبعا في حركات وجابات واسعار مفاجئه بتحصل اقربها لما تدخل البنك المركزي الياباني من كم يوم وحرك السوق فجأه ومن دون سابق انذار مئات النقاط وقتها لو جيت تنفذ اوردر من غير خاصيه الماكسيمم ديفيشين كان وضعك هيبقى صعب لكن في ظل الخاصيه الجديده هتحميك دايما من اي غدر من السوق .gif)
اقتباس:
المشاركة الأصلية كتبت بواسطة forexeagle
عموما ياباشا بم انك مهندس برمجه وليك خبره في الامور دي ممكن تجاوبني على السؤال ده
انت بتقول ان الماكس ديفيشنت والخاصيه دي يعني متعرفش ايه لزمته ( نعم لا أعرف لازما له فى سوق ينقصه الفولاتيليتى ... سوق يتحرك بالكاد ... لماذا نحتاج السليبج ؟ أجبنى انت الأن) مع ان انا شرحت فايدتها انها بتحمي العميل من تحرك السوق المفاجئ ( مفاجئ فى سوق نائم .... 5-6 مرات مفاجئ فى سوق نائم كلامك سليم فى حالة الحركات المفاجأة ولكن ليس والسوق بالكاد يتحرك) بتنبيه ان السعر اتحرك واتغير قبل ماتتفعل الصفقه بتاعته
طيب ممكن حضرتك يابشمهندس تقولي طالما من وجهه نظرك ملهاش لزمه الخاصيه دي طيب شركه عالميه المصنعه والمالكه للبرنامج metaquotes عملت الخاصيه دي ليه مؤخرا ؟ هل الشركه عملتها عشان تستخدمها شركات الفوركس في الاضرار بعملاءها اللي هم مستفيدين ببرنامج الشركه يعني مالكه الشركه سمعتها كده هتنضر !!!
طالما بقه الخاصيه دي مضره وملهاش لزمه يبقى الافضل اننا نقاطع بقه برنامج الميتا تريدر اللي بيعمل خواص للشركات عشان تتلاعب بالاسعار والعملاء 
هنا انا حاسس نفس شعورك أنى بكلم واحد بيفهم وعامل نفسه مش فاهم ...علشان وقت الأخبار مثلا ... وعلشان لو أنت مصمم تبيع أو تشترى أن كان التغير اللحظى للسعر محدد برنج معين من البيبات ... الميتاكوت عاملة الخاصية دى علشان أستعملها او لأ بمزاجى أنا مش بمزاج بوسطن ... مش كل صفقاتى ألزق الديفيشن المفروض أنت كدا فهمت ... تانى ننفخ فى القربة أحنا مش معترضين ولا زعلانيين من الناس الشغالة بالديفيشن .... أنا معترض أنك تفرض عليا ان كل شغلى يكون بالديفيشن غصب عنى وبردو تقول لى جرب ..... طيب رد عليا أنا محتاج الديفيشن لية فى سوق الفولاتيليتى بتاعتة منخفضة .... فى الوقت ده انا مش محتاجها لكن ممكن اقول لسعادتك أنت محتاجها لية ....بالنسبة لى مفيش غير سبب واحد أن أنت أصلا معندكش سيولة تنفذ ولازم تنفذها عن طريق الغير مثلا وتطلع لك بكوميشن من الريكوت وتنفذ اوامرى فى لحظة مش ثانية لأ لحظة لو بيبيع نزل السعر نقطتين عن السعر اللى جايلك ولو بيشترى اطلع نقطتين .
منتظر تعليقك ياباشا
تعليقي هو نفس تعليقي الاخير ان مينفعش احدد وقت استخدم خاصيه ماكسيمم ديفيشين لان ببساطه متقدرش تعرف امتى هيحصل حركات عنيفه وسريعه لو عندك طريقه ياريت تقولها
بالنسبه لشركه بوسطن بتعتمد على الخاصيه دي حمايه منها لعملاءها وكتر خيرها مفروض بدل مانشكرها نقوم نقول هيه بتفرض علينا بمزاجها مع انها حاجه متاثرش بيك بشكل سلبي يعني بالعكس دي هتحميك وملهاش اي تاثير في تداولك سواء في طريقتك او في التنفيذ وياريت تثبتو ان ليها تاثير سلبي وكلام عملي مش كلام من غير اثبات وكمان المفروض استاذ اسامه الوكيل والمعرف بالشركه كان يدرس نظام الشركه ويتعرف عليه ويفهمه الاول وبعدها يقوم يطرحه على العملاء بتوعه مش ييجي يهاجم الشركه وهو اصلا جاهل بنظام الشركه يبقى مين اللي غلطان ؟ في النهايه انا مش عايز اتحدث عن شركات بعينها لكن انا اضطريت لكده وخلاصه كلامي ان نظام الشركه اللي بتتبع تفعيل خاصيه ماكسيمم ديفيشن ماتاثرش على الاسعار ولا تدين الشركه ولا يكون سب وعيب ضد العميل واللي عنده اثبات عملي ياريت يقوله .
اقتباس:
المشاركة الأصلية كتبت بواسطة forexeagle
حبيبي واخويا نادر انا كلامي واضح وشرحت خاصيه الماكس ديفشين اكتر من 3 مرات وطريقه عملها واسلوب التعامل معها ..
انا هوضحهالك باسلوب تاني يمكن تكون كده توصل وتبقى مفهومه اكتر
أرجوك ...أرجوك بلاش الديفيشن من اول مشاركة كلنا بنقول لك عارفينها وفاهمينها والله .
طيب ما ممكن الشركه تستغل ده ودايما تقوم بتاخير الطلب نقطتين ؟ 
هقولك ايوا ممكن لكن ياحبيبي الجزء التاني من كلامي فين اللي هو متعلق بالجورنال ؟
الجورنال لزمته ايه ياجماعه ؟ مش بيبين اذا كان فيه تاخير في التنفيذ سواء تاخير في الاسعار او في التوقيت ؟؟ معنى كده نقدر نحكم على الشركه ونشوف هل هيه بتستغل دايما وبتتلاعب في فرق الماكس ديفشن , ولو حصل الكلام ده انت من حقك تطالب الشركه تعويض وتقاضيها ان لزم الامر وده شئ معروف ويبقى انت معاك ادله ضد الشركه .
باختصار كده مش معنى انت سمحت بفرق نقطتين ان الشركه هتستغل ده , لا طبعا انت تشوف صفقاتك في الجورنال ولو لقيت الشركه بتستعبط دايما وبتاخر في الاسعار يبقى دي شركه تستحق التشهير بيها ونقول عليها نصابه
طيب بردو السؤال تانى من ناحية اخرى .... الناس اللى عمالة تصرخ دى من الريكوت مثل أخونا باريس لو كان مفعل ديفيشن 3 نقاط هل كانت كل الأوردارات ( لاحظ الراجل بيصرخ من كتر الريكوت ) هل كانت كل الأوردارات الخاصة به ستتفعل من السعر المطلوب أم كان سيحدث له ديفيشن ... بالمنطق كانت كل هذة الأوردرات ستنفذ بالديفيشن وليس من السعر المطلوب ... أحنا بنلف وندور علشان نثبت لسعادتك بطريقة اللى تقنعك انت مع انه الطبيعى لو الراجل عامل ديفيشن هتتنفذ الأوردرات دى كلها لكن من سعر مختلف ...لأ أنت عاوزه يرجع يعيد تانى كل اللى عامله علشان انت عاوز الجورنال ..... وبردوا مش قولت لى أشتكى لأى جهة ... قول لنا كلنا مستنيين نسمع باريس يشتكى لأى جهة الأن؟
عشان كده قلت لاستاذ اسامه ان يعمل الكلام ده على حسابه الحقيقي في الشركه عشان يعرف الحقيقه بعينه بدل مايتقال كلام عابر ملهوش اي اساس من الصحه ومفيش دليل عليه
لا يا استاذي الفاضل لو الاخ باريس كان مفعل الماكسيمم ديفيشن مكنش هيحصل اعاده تسعير او اي مشكله عارف الدليل ايه ؟ الدليل انه جرب على حساب ديمو ومشيت معاه كويس ومحصلش مشاكل , والدليل كمان ان مفيش حد اشتكى غيره من الموضوع ده ومفعل الماكسيمم ديفيشن واتحداك حد يثبت الكلام ده واتحدى الاستاذ اسامه انه يتاجر على حسابه الحقيقي ويثبت في تقرير الجورنال ان فيه فروق اسعار وسليبيج وانا مستعد لاي مقابل اذا حد اثبت عكس كلامي , وانا بقول واكرر ياجماعه لو حد في اي شركه لقى فروق تسعير في الجورنال للصفقه في الطلب والتنفيذ لازم يبلغ الشركه ويطلب تعويض او يقاضي الشركه
مقاضاه الشركه من خلال المواقع تقدر تخش الموقع المسجله فيها الشركه وتشوف كيفيه امكان مقاضاه الشركه ومراسله المنظمه في هذا الشان
-- تعليقي باللون الازرق ---