لو انت مثلا فاتح صفقة ( يعني شاري عملة معينة ) مثلا من السعر 1.5000 على اساس انها هترتفع وقولت للشركة لو السعر وصل 1.5050 خلاص اقفلي الصفقة على الربح ده ( 50 نقطة ) .. طيب لو قدر ربنا والسعر نزل وانت مش موجود قدام الشاشة وفضل ينزل ينزل لغاية لما جالك نداء الهامش ... فاكره ؟؟ ينهار ابيض يعني لما ترجع وتفتح حسابك هتلاقيه اتدمر ... طيب وايه الحل ..؟؟ انت ممكن تقول انا خليني اقول للشركة لو السعر نزل لغاية 1.4950 ( يعني – 50 ) اقفلي الصفقة على الخسارة دي لان انت متوقع
لو السعر وصل للنقطة دي يبقى لسه قدامه مزيد من الهبوط ( هنتعلم ازاي تتوقع الحاجات دي بعدين ) ..
ده بقى اسمه امر وقف الخسارة ..
هنرجع نكمل كلامنا عن المثال اللي كنا بنتكلم فيه في المشاركة القادمة
تحياتي