كل شى مظلم ولكن معاناه معاناه تخبطات فى تخبطات خسائر الى خسائر انا عمرى فى حياتى ماحسيت باالفشل لكن الفوركس فعلا قريب منى فى الحكايه دى تعبت من كل شى لايوجد شى عشوائى ابدا مثل هذه العشوائيه التى نجدها مع هذا السوق زى مايكون الشيطان جالس ومتربع على هذا الكيان الذى يسمى منصه مش فاهم ايه الحكايه معانا باالظبط تقدروا تقولولى ليه كل ماالواحد يدخل الصفقه لازم ولا بد تعكس معاه ويفضل يدعى ياااااااااااااااااااااارب اخر مره والنبى والله معتش هعمل كده تانى وصراخ ووعيل بداخل القلب لاتستطيع ان تصرخها وتنكتم فى قلبك علشان الجيران ميسمعوش بيك ليه بجد كل ماندخل صفقه نلاقيها بتعكس علينا ليه مفيش صفقه كده الواحد يدخلها تتحرك معاه زى ماالكتاب بيقول اللى مجننى ان كل الناس بتدخل تقول نفس الشى هى الناس كلها نحس ولا ايه ولا المجال ده اللى فقر ولا احنا الللى نحس ولا راكبه عفريت ولا ايه ليه لو انتظرنا الربح يستمر ينزل ويعكس علينا ونقول ياريتنا كنا قفلناها على ربح ليه لما بتقفلها نلاقيه يستمر فى الربح ونقول ياريتنا ماكنا قفلنها ليه لما نقفل على خساره نلاقيه يرد تانى وتلاقى الخساره لو كنت سبتها كان زمانك كسبان دلوقتى طب وبعدين ؟؟؟؟؟؟؟؟؟؟؟؟؟؟؟؟؟؟؟؟ هو فيه حاجه غلط ولا ايه انا بقالى اربع سنين عمال اتعلم الشى ده لو كنت بتعلم الطيران كنت زمانى خبير فى الطيران دلوقتى انا ناجح فى كل شى ان اردت ان اتعلمه ومش بيعرف اياس من حاجه لكن البتاع ده بجد مش لاقيله تفسير مش بقول طريقه ناجحه 100/100 ولكن على الاقل 95 % لان انا عارف مفيش حاجه كامله ابدا او على الاقل منخسرش فلوسنا زماااااان لما كان الواحد ينزل يلعب ملك وكتابه كان ساعات بيخسر كل اللى معاه من البلى ولكن ايام برده كان ساعات برده يجى عليه اليوم اللى جيبه يتملى بلى ويكسب كل العيال فى الشارع ويبقى حظه من اللى ملهوش طيب اربع سنين مفيش يوم البليه تلعب مع الواحد يوم هو فيه ايه ؟؟؟؟؟؟؟؟؟؟؟؟؟؟؟ هو ايه النحس ده ده لو المجال ده قايم على الحظ كان جاله الواحد يوم وحظه لعب معاه الا مفيش خالص يعنى ده اصعب من الملك والكتابه اصلا والنبى محدش يدخل يتفزلك ويقولى اداره راس المال والكلام الى بقى يخنق ده جربنا كل حاجه دخلنا النقطه ب5 سنت كمان المشكله مش فى اداره راس مال وبطيخ المشكله ان مفيش طريقه ناجحه ولو صفقه عكست معاك ودخلت تانى وعكست معاك ودخلت تالت وعكست معاك ويومك مش فايت وصفقاتك منيله بطين وعايز حد يرميك من البلكونه وخلاص هتلاقى رصيدك كله بح او نصه برده هتيجى تشتغل تانى يوم غصب عنك هتحاول تعوض اى حاجه من اللى خسرتها وبحط هنا خط ان غصب عنك ماانت مش عايش علشان تاكل عيالك وتخسر حالتنا جاز اصلا وحال العرب كله فاالبتالى بتحاول تعوض خسارتك علشان تحاول تدفع ايجارك وتاكل وتشرب على الاقل ولا هتعيش تشتغل تصرف من جيبك على شغلك المصيبه اللى اكبر ان نادرا ماتاتى المصائب فرادى بتلاقى المصايب نازله بترخ وترجع تانى تلاقى رصيدك بح وترجع تولول انا اللى كبرت اللوت انا اللى ماالتزمتش صدقنى المشكله مش فيك المشكله فى حالنا احنا كعرب وضيقه الحياه علينا يعنى مثلا لو واحد عنده شركه بيدخله فى الشهر مثلا 10000 دولار وبياخد 1000 دولار حاططها فى الفوركس وخسرها مش هيزعل عليها راحت فى داهيه الشهر الجاى هيحط غيرها وهيبقى مزاجه رايق وهيلعب بيها كانه بيلعب بنك الحظ عارفين اللى يضحك ايه بقى ان الالف دى مليون هى كده الدنيا لكن احنا يعينى تلاقى اصلا مرتبك فى الشهر 100 ولا 200 دولار ووراك مليون حاجه عايزه تتعمل بيهم وتدعى وتقول ياااااااااااااااااااارب تلاقى المنصه طلعت لك ورقه من تحتك مكتوبه بااللون الاحمر لقد نفذ رصيدكم برجاء الشحن ومفيش سلفنى وتحاول من تانى ومن تانى ومن تانى وتدخل المنتديات وتسمع اهات الناس وشكاوى الناس وبنبدا من تانى ماهو احنا ماورناش غيره انا عن نفسى لو هتبرع بدمى مش هسيب ابن الشيطان ده ليعصرنى لاااعصره وراه وراه ماهو مفيش بديل عندنا كعرب وادينا صابرين عارفين لما نيجى نفتح باب شقه مش عارفين مفتاحها الا ليه دايما يكون اخر مفتاح هو اللى تلاقيه فتح؟؟ حد يجاوبنى بطريقه علميه هى دى الدنيا دائما اخر المحاولات هى اللى بتنجح وده اللى عامله معانا الفوركس وانا صابر لحد ماتيجى اخر المحاولات وكل يوم بنجرب وبنحاول وبنفشل لكن صدقونى هناك دائما نهايه لكل شى لاتياس ابدا ابدا اسعى لحلمك متقفش ممكن تبقى عند المفتاح قبل الاخير وتياس وترمى كل المفاتيح مع انك كان فاضلك اخر محاوله وتفتح الباب جرب تانى وتانى كن او لاتكون لاتقف انا متاكد ان هتيجى اللحظه وساعتها بس هتفتح الباب وتدخل تستريح من طول السلم وانت طالع