السلام عليكم ورحمة الله وبركانه
محتاج مساعدة من الاخوة فى اختيار شركة وساطة ابدأ معاها علشان ده هيكون اول حساب حقيقى اشتغل عليه انا شغال على حساب ديم مع EXNESS وقريت كتير تقييم معظم الشركات فى قسم التقييم ومحتار
هل الافضل اختيار شركة السبريد ثابت ولا متغير ؟؟ وايه الفرق بين الاتنين على الحساب والصفقة؟
بالنسبة للايداع والسحب لشركة الوساطة
من متابعتى لمواضيع الاعضاء ومشاكل السحب والايداع لنا كمقيمين فى مصر وجدت افضل حل انى افتح حساب مع كريدى اجريكول ومعاه انترنت فيزا واحول منه للشركة واسحب عليه الارباح محتاج استفسر عن العمولة اللى هتتخصم منى فى حالة الايداع او السحب؟
الافضل افتح الحساب بالجنيه المصرى ولا الدولار ؟ مع العلم انا عندى حساب مصرى ودولار مع بنك تانى بس كل الناس قالت انه التحويلات منه او عليه مش بتنفع لشركات الفوركس؟
وهل هيبقى الموضوع سهل واقدر اعمل ايداع للشركة او سحب للارباح ان وجدت ان شاء الله بسهولة ؟
يا ريت لو حد اتعامل مع كريدى اجريكول وانترنت فيزا يقولى الخطوات بالظبط
معلش طولت عليكوا
تحياتى