في البداية تحياتي لك ولجميع أعضاء المنتدى،وأحب أشكرك على حرصك على إفادة الجميع.
في الحقيقة انا سعيد إني لاقيت حد مهتم بنفس الإستراتجية إللي شغلاني من فترة،تحديدا من يوم ما قرأت مشاركة أخونا السكندري ،وللي كان بيتكلم فيها عن إستراجياته في السكالبينج و منها استراجية الهاي و اللو.الحقيقة أنا أعجبت بيها كاسترتجية لأنها بسيطة!والأهم من بساطتها منطقيتها،لكن عيوبها من وجهة نظري هو
١- قيمة الستوب25pip مقابل البروفيت10pip
٢-ودة الأهم ،إن فكرة الدخول شراء من فوق الهاي أوبيع من تحت اللو بعدد عشرة بيب،أري إنه غير كافي لتأكيد الإختراق أو الكسر.
عشان كدة إبتديت أبحث ف كل الموضيع اللي بتتكلم في إستراجية الهاي واللو ،وعثرت علي واحدة بتعالج أحد العيوب أعلاه !!!. حبيت أعرضها علشان أعرف رأيك و أراء الأخرين حتى يستفيد الجميع،وهي كالتالي؛
ملحوظة هامة(منقول)
مميزات الاستراتيجية
اولا : لها وقت ثابت للدخول وهو بنهاية اليوم وافتتاح يوم جديد
ثانيا : هدف ثابت واستوب ثابت
ثالثا : تصلح على جميع العملات
رابعا : لا تحتاج الى اى مؤشرات معها
خامسا : ليس لها علاقة بالترند
يعنى طالع نازل كسبان
عيوب الاستراتيجية
الاستوب ضعف الهدف ولاكن هنا يأتي السؤال،هل الأفضل ستوب صغير ونسبة ضربه كبيرة أم ستوب كبير ونسبة ضربه صغيرة؟
نأتى للشرح
هنفتح شارت الساعة لأى عملة فى نهاية اليوم وبداية يوم جديد اى الساعة 12 بتوقيت مصر او 1 بتوقيت السعودية
ثم
نقسم الشارت الى ايام
وذلك بالضغط على
Ctrl y
نضع خط افقى على اعلى هاى وعلى اقل لو فى هذا اليوم ونجعله باللون الاحمر
الان نقوم بالعمل على اعلى هاى واقل لوو
نعمل ايه بقى
ركزوا معايا فى المهم بقى
نقوم بوضع خط اعلى خط الهاى ب 30 نقطة و خط اسفل خط الهاى ب 30 نقطة ايضاً
ونجعلهم بلون اخر وليكن اللون الاخضر
نقوم الان بوضع امرين معلقين كالتالى
امر معلق شراء فوق خط الهاى ب30 نقطة اى من الخط الاخضر اللى فوق والاستوب هو الخط الاخضر الاخر
امر معلق بيع تحت خط الهاى ب 30 نقطة اى من الخط الاخضر اللى تحت والاستوب هو الخط الاخضر الاخر
اى استوب البيع هو الشراء واستوب الشراء هو البيع
والهدف بيكون من 20 الى 30 نقطة لايزيد عن ذلك
والعمل على اقل لو
نفس الكلام بالظبط
نقوم بوضع خط اعلى خط اللو ب 30 نقطة و خط اسفل خط اللو ب 30 نقطة ايضاً
ونجعلهم بلون اخر وليكن اللون الاخضر
نقوم الان بوضع امرين معلقين كالتالى
امر معلق شراء فوق خط اللو ب30 نقطة اى من الخط الاخضر اللى فوق والاستوب هو الخط الاخضر الاخر
امر معلق بيع تحت خط اللو ب 30 نقطة اى من الخط الاخضر اللى تحت والاستوب هو الخط الاخضر الاخر
اى استوب البيع هو الشراء واستوب الشراء هو البيع
والهدف بيكون من 20 الى 30 نقطة لايزيد عن ذلك
من الممكن ان يتفعل امرين على الاقل فى مثل هذة الصفقة واحيانا ثلاثة وقليلا الاربعة
كما نرى هنا تفعل امرين وحققوا الهدف
ولو حصل ان الاستراتيجية لم تعمل معاك يوم او اثنين مفيش اى مشكله لانك فى الاخر بتحقق مكسب فى الاخر
وطبعا مفيش استراتيجية تخلو من الخسائر
لاكن المهم ان يكون الناتج ربح فى نهاية الشهر