انا كنت متداوله مبتدأه بشركة islamic trade banc
بالبدايه الشركه طلبت مني اودع 2000 ريال ويعطوني بونص 2000من عندهم
وشفت ارباح 10 و20 دولار و ظ،ظ،ظ دولار وحبيت شغلهم وانهم موثوقين بالتوصيات وضغط علي المدير تبعي احول فلوس زياده عشان اكسب اكثر
وجاتني ارباح بعد ايداع 5000 دولار بمقدار 25000 دولار
وكلما جا له المدير ويضغط علي بالايداع الين ما تسلفت وتدينت وحطيت كل ماوراي ودوني في الحساب على امل اسحب الارباح بسرعه
لكن الحقيرين طلعو شركه وهميه وارباحهم وهميه ويمثلون عليك انك اخطأت بفتح صفقه بحجم عقود كبيره مايتحمله حسابك مع انو هم اللي يعطوك التوصيه
يعني يحملونك خطأ انت ما سويته
ولما يتصفر الحساب يقولون لك احنا انقذنا الحساب ونقلنا الصفقه لغرفة التداول اذا حاب تسترجع الصفقه ادفع مبلغ وقدره 9000 الف دولار
وكلما اطلب طلب سحب يجروني بالكلام افتح صفقات عشان اربح اكثر وكنت على نياتي اطاوعهم
انا الحين خسرانه 70000 ريال مديونه للناس ايش الحل؟!
فيه طريقه استرجع فيها فلوسي ارجوكم افيدوني
مع العلم انه الحوالات كلها تتم الى بنوك محليه
اللي عنده فكره يساعدني انا اعيش صدمه نفسيه كبيره