السلام عليكم
باذن الله هوجز لحضراتكم والاخوة المستجدين فى الفوركس
اهم العلاقات اللى بتحكم العملات والسلع وشهية او انعدام المخاطرة
نبدأ على بركة الله
************
بداية هنقسم كل العملات والمعادن والبترول الى اقسام //
1 - كندى استرالى نيوزلاندى =====> عملات مرتبطة بالسلع والمعادن والمواد الخام
2- يورو كيبل + كندى استرالى نيوزلاندى =====> عملات عائد مرتفع
3- بترول ====> بيرتفع مع شهية المخاطرة وارتفاع التوظيف والتوسع الصناعى والبياناات الصناعية
4- دهب ===== > ملاذ امن + استثمار
5- الدولار والين والفرنك =====> الملاذ الامن يعنى المستثمر بيلجأ ليهم وقت المشاكل فى الاسواق والتشاؤم وباتالى يرتفعوا
***********************
أول حاجة لازم نعرف يعنى ايه شهية مخاطرة
شهية المخاطرة هى الاقبال على ادوات الاستثمار و الاصول اللى ليها عائد مرتفع
بحيث تحقق ارباح قوية للمستثمر واصحاب الصناديق والشركات العملاقة والبنوك
يعنى باختصار المستثمر شهيته مفتوحة وهيركن على جنب الدولار والين والفرنك لانهم مياكلوش عيش زى بقيت
العملات / طيب يعنى ايه عائد مرتفع !
العملات اللى ليها عائد مرتفع زى اليورو والاسترالى والكندى والنيوزلاندى والكيبل
لان سنداتهم واصولهم المالية ليها عائد مرتفع وبالتالى بيقبل المستثمر عليها لما بيلائى الجو مشجع
جو مشجع زى بيانات قوية خصوصا من امريكا ووخاصة قطاع العقارات اللى هوه رقم واحد فى عالم الاستثمار
**********
إذن لما نلائى الاسترالى بيرتفع ومعاه اليورو والبترول وخلافه "بشكل كبير " نغهم ان هناك شهية مخاطرة
والاحوال كويسة والجو جميل ومفيش مشاكل اقتصادية
لان البترول بيرتفع سعره مع زيادة الطاقة الصناعية و شهية الانتاج والتوسع وانخفاض البطالة
**********
شهية المخاطرة ليها علاقات مع العملات والمعادن
كالتالى :
شهية المخاطرة علاقتها طردية مع العملات المرتبطة بالسلع "عملات الدول اللى بتصدر المواد الخام والدهب والبترول والقمح والفضة والسكر وبقيت المعادن المهمه زى النحاس "
وهى / الكندى ، الاسترالى ، النيوزلاندى
دول اهم تلات عملات بيرتفعوا مع ارتفاع شهية المخاطرة وبينخفضوا بشدة مع سوء البيانات الصناعية وانخفاض شهية المخاطرة وانخفاض بيانات الصين / او اعلان الصين انها هتقلل الاستهلاك المحلى وتتجه لاستيراد المواد الخام بنسبة كبيرة جدا " هبر زى دا بيطير النيوزلاندى والكندى والخروف لفوق "
برضه شهية المخاطرة علاقتها طردية مع اليورو والكيبل
لان اليورو والكيبل العائد منهم اعلى من عائد امتلاك الدولار
كده فهمنا يعنى ايه شهية مخاطرة
************************************************** *****
انخفاض شهية المخاطرة
انخفاض شهية المخاطرة عكس ارتفاع شهية المخاطرة
وقت المشاكل والبيانات السلبية خصوصا البطالة او افلاس بنك او تشديد سياسية الاقراض
او مثلا مسئول فى بنك استقال او تخفيض تقييم دولة مهمه او بنك مهم الخ
كل دى مشاكل بتسبب احجام او تقليل الاحساس بالامان فى السوق ويحصل تشاؤم
وبيحصل التالى //
1- الاسهم بتنخفض لانها اسهم شركات وبنوك وطبيعى الناس تقلق وتبيع اللى فى ايدها من اسهم
2- يرتفع الدولار والين والفرنك اما كل العملات لانها عملات ملاذ امن
3- بيرتفع الدهب لكن مش فى كل الاحول
4- بينخفض البترول لكن ربما يرتفع لو كانت فى مشاكل مرتبطة بمصادر البترول والدول المصدرة
************************
سؤال / ليه الفرنك والدولار والين بيرتفعوا وقت الازمات والمشاكل والتشاؤم !
بامر الله تعالى الاجابة هى /
العملات دى الفائدة عليها ضعيفة جدا وتكاد توصل للصفر عدا الفرنك
كمان العملات دى مرتبطة بدول قوية جدا وبتمثل نسبة كبيرة جدا من الناتج المحلى العالمى
ووقت المشاكل من الافضل بعد امر الله انك تحتفظ بالعملات المذكورة
الامر التالت ان سندات امريكا و اليابان قوية والاكثر انتشارا فى العالم والناس بتلجأ لشراء السندات وقت الازمات
لانها اامن وسيلة استثمار رغم ان عائدها منخفض مقارنة باى وسيلة اخرى
اريح شوية واكمل باذن الله
نكمل على بركة الله
**********
وصلنا ان الدولار والين والفرنك عملات ملاذ امن
دلوئتى ندخل على العلاقات بين العملات والسلع
العلاقة كالتالى //
الدولار الكندى عملة مرتبطة بالسلع زى / البترول والمواد الخام وبعض السلع الراسمالية وتعتبر كندا من اكبر المصدرين
اذن توسع فى الصناعة وشهية مرتفعة وارتفاع فى البترول هيرفع معاه الكندى
*****************
النيوزلاندى والاسترالى
العملتين مرتبطين بالسلع والمواد الخام
لكن الاسترالى مرتبط بالدهب و بشكل قوى جدا وارتفاع الدهب هو ارتفاع له
بجانب كده الاتنين عملات عائد مرتفع وبيحصل لهم هبوط شديد مع اى مشاكل او انخفاض شهية
يعنى المستثمر بيلجأ للعملتين وقت تحسن اجواء السوق + ارتفاع استيراد الصين من المواد الخام ارتفاع مؤشر الصناعة
********************
اليورو والكيبل
عملتين متشابهين فى الظروف ويعتبروا عملات عائد مرتفع ومرتبطين بارتفاع الاسهم بشكل اكبر خصوصا اليورو
ودائما كانت العلاقة بين اليورو ومؤشر S&P طردية
وقت التشاؤم والمخاطر بينخفض اليورو والكيبل قدام الدولار والين والفرنك
لكن مقابل العملات التقاطعية الاخرى بيكون هناك شد وجذب
****************
الين / الفرنك / الدولار
التلات عملات يعتبروا زى ما سبق وقلت الاهم والاقوى وقت المشاكل
لان امتلاكك للعملات دى مش هيكلفك كتير " اقصد الاقتراض من البنوك "
والسبب ان الفائدة على القروض اللى هتاخدها بالين والدولار منخفض بجانب انها عملات دول قوية جدا
والامر الاخير ان سندات الدول دى هى الاقوى والاكثر جذبا والسندات بترتفع بشدددددة وقت الازمات
خصوصا سندات امريكا الاعلى تقييما فى العالم
****************************
البترول
البترول هو الخام الاهم ومرتبط بشهية المخاطرة جدا جدا خصوصا اخبار الصين والتوظيف والصناعة
طبيعى انه يرتفع لما الاجواء تكون كويسة لانها = صناعة وتوسع ومخاطرة وتوسع فى توظيف الافراد = اقبال على البترول
****************
الدهب
الدهب بشكل عام بينخفض مع ارتفاع الشهية لانه معدن ملاذ امن واستثمار
والمستثمر بيتخلى عن الدهب اللى معاه مقابل الاتجاه الى الاسهم والاصول اللى ليها عائد اعلى
ووقت المخاطر بيتجه للدهب لانه اامن وسيلة ضد التضخم والمشاكل
بمعنى ان لو معاك دهب من سنة وواحد معاه فلوس من سنة بنفس قيمة الدهب يومها
دلوئتى الفلوس انخفضت قيمتها كتير جدا والدهب ارتفع كتير جداااااااا
والكسبان هو اللى احتظ بدهب مش باموال نقدية
**************
ارجو من الله عز وجل ان يكون الموضوع مفيد 