اشرحلك على الشارت ده بتاع usd/cad
مثلا فتحنا صفقة شراء من سعر1.0373 وعايزين الهدف يبقى 30 نقطة بالظبط عند 1.0403
والستوب بتاعنا 30 نقطة يعنى عند 1.0343
طيب دلوقتى لو احنا عايزين السعر يقفل بالظبط عند 1.0403 يبقى لازم نطرح السبريد من السعر ده فلو افترضناا ان الدولار كندى السبريد بتاعه 4 نقط يبقى نطرح الاربعة من التارجت اللى هو المفروض 1.0403 يبقى هنحط الهدف للصفقة عند1.0403-4= 1.0399
كده الصفقة هتقفل عند السعر ده بالظبط 1.0403
طيب لو انتا معملتش كده يعنى لو انتا حددت الهدف عند 1.0403 بدون طرح الاسبريد؟
يبقى الصفقة مش هتقفل عند السعر ده الا فوق منه باربع نقط يعنى هتقفل اما السعر هيوصل الى 1.0403+4=1.0407
طيب انتا اكيد لاحظت حاجة
دلوقتى لو انا طرحت السبريد من الهدف 1.0403 كده مش هاخد ال30 نقطة اللى انا عايزهم هيبقوا 30-4=26 نقطة
هيبقى قدامك حاجة من الاتنين
انك تسيب الهدف زى ماهو عند 1.0403 وفى الحالة دى الصفق هتقفل عند سعر 1.0407
او الحل التانى
انك تقوم بتعديل نقاط الدخول ازاى؟
دلوقتى انتا طرحت 4 نقط من السعر ده1.0403 وحطيت هدفك عند 1.0399 عشان الصفقة تقفل بالضبط عند سعر 1.0403
يبقى الحل عشان تعوض ال4 نقط وبدل ماتجيب 26 نقطة تجيب 30 نقطة انك تطرح 4 نقط برضه من سعر الدخول اللى هو 1.0373
يعنى نقطة دخولك هتبقى 1.0373-4=1.0369
كده بقى اما تحسبها هتلاقى نفسك جايب 30 نقطة
1.0369-1.0399=30 نقطة
وطبعا الستوب هيبقى زى ماهو من غير ماتضيف او تنقص سبريد يعنى اما السعر هيوصل للستوب هيقفل عادى من غير مشاكل
وبرضه تعمل العكس فى البيع
ملكش دعوة بالستوب وبدل ماتطرح الاستوب من الهدف هتزوده على الهدف
(الا انى زى مااشرت قريت قبل كده ان فى بعض الازواج بيتم عكس الوضع فيها وبدل مايتم اضافة وطرح السبريد من الهدف بيتم اضافة وطرح السبريد من الستوب وعلى مااعتقد ان الزوج
USDCHF ده منهم)
والله اعلم