السلام عليكم ورحمه الله وبركاته
رسالتى دى لكل من اخى مانجر واخى الدكتور اسامه
انا سأتكلم عن تجربتى الشخصيه فقط ولا اتكلم عن لسان غيرى
تجربتى يا دكتور اسامه مع اخى مانجر ملخصها هى ان هذا الرجل ( مانجر ) كان ومازال صادقا معى حتى الان والله يعلم مافى الغيب وما يوجد فى المستقبل ولا يعلمه احد فقد يتغير اى شخص منا فى اى وقت ( فقلوب العباد بين اصبعين من اصابع الله يقلبهما كيفما يشاء) .... فانا لا اضمن ان اكون فى المستقبل كما انا الان ولا اضمن هذا لاحد ولا احد يضمنه لنفسه ايضا لكن عندما نحكم على الاشخاص فاننا كا قلت انت يا دكتور لا ندخل فى نفوس الناس لنعلم الحقيقه وانما نتبع الافعال والاقوال الصادره منهم لنحكم عليهم... وبهذا نقتضى برسولنا الكريم صل الله عليه وسلم عندما كان المسلمون فى غزوه عندما هم احد الصحابه بقتل مشرك فقال هذا المشرك ( اشهد ان لا اله الا الله وان محمد رسول الله ) خوفا من الموت فقط وليس ايمانا منه فقتله الصحابى فعندما علم الرسول صل الله عليه وسلم غضب وقال للصحابى فيما معناه اننا لا ندخل فى نفوس العباد فبما انه قال الشهاده فما كان يجب عليك قتله لانه اصبح مسلما .... هى دى سماحة دينا الحنيف ...والقصد اننا نحكم على مانجر من تصرفاته وافعاله واقواله اما النيه لا يعلمها الا الله فعندما يظهر منه ما عكس ذلك يكون التصرف لك فى هذا الوقت اما حتى الان الرجل اراه جيد وكريم فى معلوماته ولا يبخل عن الاعضاء بشئ ولم يطلب من احد اداره حسابه ( على حد علمى ) فانا اعتقد انى اول واحد تواصل مع مانجر على الخاص والرجل كان امامه فرصه ذهبيه انه يعرض على اداره حساب مثلا او توصيه مقابل فلوس لكنه لم يفعل وانما نصحنى بالابتعاد المؤقت عن السوق وترتيب اوراقى من جديد لكى اعود عودة قويه للسوق باذن الله قريبا .....يكفينى الاستشهاد بموقف يدل على خبره الرجل فعلا وهو عندما سألته عن ( الاوردر فلو) افادنى واعطانى كتاب لاحتراف الاوردر فلو مع العلم .....انى سألت اكتر من مره الاداره ولم يفيدنى احد لان تقريبا لا يعلم عنه الكثير فى المنتدى ومعظم من يعرفه يعرفه اسما فقط لا غير طلبت مره تانيه من الاداره اى معلومات احترافيه عن الالادورد فلو فاعطانى معاذ لينك لموضوع لاحد الاعضاء فى المنتدى عن الاوردر فلو لكن يؤسفنى انى اقول ان صاحب الموضوع نفسه لا يعلم شئ عنه ودا كان ظاهر جدا لانه كان بيستخدم مؤشر للاوردر فلو وكان بيتعامل معاه ( ألف به دعوم ومقاومات) شغل تالته ابتدائى الترم التانى يعنى
... دا بالنسبه لمانجر .
اما بالنسبه ليك يا دكتور فلك الفضل بعد الله سبحانه وتعالى فى انى ابلور معلوماتى فى الفوركس واضعها موضع التنفيذ وليس النظريات والقرأه فقط ودورك لا ينكره احد
لكن انا زعلنى جدا ان يحصل شد وجذب بينك وبين مانجر
ليه مانتبعش مبدأ win- win situation علشان كلنا نكسب ونستفيد
انت ليك حق اداره المنتدى بالطريقه التى تراها مناسبه ولك خبره كبيره فى السوق
لكن لو تفتكر معايا كده يا دكتور كان فى واحد هنا من زمان اسمه حكيم من الجزائر وكان خبير فى البرمجه وكان عامل شغل عالى جدا جدا فى المنتدى وكان قالب الدنيا وكان عضو فى الاداره وكان اضافه للمنتدى قويه انا كنت مسميه ( ترزى اكسبرتات واسكربتات)
بيعمل اى حاجه ممكن حد يحلم بيها ولا يتخيلها ماكانش فى حاجه بتقف قدامه تقريبا ولما مشى اكيد كلنا افتقضناه مع العلم انى لم يكن لى كلام مباشر معه لكن شغله بيتكلم عنه
خلينا نعمل كده مع مانجر ( وانا لا افرض رأى عليك يا دكتور ولا على مانجر ) وعدم الموافقه على مبادرتى من اى طرف لا تقلل من شأن الطرف التانى نهائيا
ليه مانخليش مانجر جزء من الاداره ( وخلينى صريح معاك يا دكتور انا ارى ان المنتدى محتاج اضافه قويه وضخ دماء جديده ) انا بدأت اصاب بالملل وانا اعتذر انى بقول كده لكن بجد تقريبا مافيش علم جديد ولا فكر جديد بشكل قوى يعنى وغالبا بدخل اشوف موضوع مانجر او بعض المواضيع اخرى لو كان يوجد بها شئ جديد ومفيد .....انا ارى ان المنتدى يفقد رونقه وجاذبيته ببطئ وانا حزين على كده بجد
زى ماقولت من قبل ليه مانستخدمش مبدأ win-win situation ويبقى المنتدى ومانجر شركاء فى النجاح ليه تعتبروا بعض خصوم وانداد اذا كان فى بينكم شئ مشترك وكبير وهو ( تعليم الاخرين وافادتهم لوجه الله ) بدون مقابل او اداره حسابات
ودا يمكن تقنينه بسهوله لانجاح المبادره دى عن طريق
ان مانجر يعمل دروس خصوصيه لعضوين او تلاته مثلا على شرط ان يكون تحت رعايه ورقابه المنتدى يعنى مثلا مانجر اختار عضوين بشكل عشوائى مثلا وقرر انه هيعمل معاهم ويبينار خاص مش عام فيه اعضاء كتير ويكون معاهم واحد من الاداره حاضر الدرس ويسجله ويعرضه على الاداره لضمان عدم تجاوز من الاعضاء او من مانجر بخصوص اداره الحسابات او استبداله بويبينار عام ومفتوح التسجيل فيه للناس كلها وبرده يكون باشراف ورعايه المنتدى ودا اللى يحدده الاعضاء هل هم يحبوا ويبينار خاص باتنين تلاته كل اسبوع مثلا ولا ويبينار عام للناس كلها ونوضح مميزات كل نوع من الاتنين ونسيب الاختيار للاعضاء
ويتم كتابه تنويه وتحذير واضح وصريح من الاداره بعدم تحملها مسئوليه اداره حساب لاى احد بدون الرجوع للاداره ومادام الحساب يتم اداره بدون الرجوع لاداره المنتدى فالاداره بالتالى غير مسؤله والمسئوليه تقع كامله على صاحب الحساب ولا يتم مسائله الاداره عن خسائر او ارباح ويتم الاقرار بكده من مانجر ويبقى شبه عقد للاتفاق ووضع الخطوط العريضه فى التعامل بين الاداره ومانجر وبناءا عليه يكون على مانجر عرض اى طلب اداره حساب يصل اليه من اى عضو فى المنتدى على الاداره والنقاش فيه واخذ القرار اما بالموافقه او لا وبكده يبقى احنا ضمنا حقوق الناس كلها من اول العضو وصولا للاداره مرورا بمانجر
واذا سمحتم لى لو اردتم تصفيه الخلاف وايضاح وجه نظر كل طرف للطرف الاخر على الخاص يسعدنى انى استضيفكم انتوا الاتنين على الاسكايب الخاص بى وان اكون حلقه الوصل بينكم
ملحوظه : انا كتبت مبادرتى على العام لان كلاكما يا دكتور ويا مانجر ارتضى ان يكون الخلاف فى العلن فوجب ان يكون الصلح فى العلن ايضا وان تكون مبادرة علانية اما الجميع
ملحوظه 2 : عندى فكره ولا اعلم ان كانت كويسه ولا لاء لو افترضنا ان مانجر اختار اكتر عضوين بيخسروا وقدر معاهم انه يحولهم لمتاجرين ناجحين ويتم كتابه موضوع وتدعيمه بفيلم يصور اجزاء من مشوارهم من الفشل حتى النجاح وعرضها على اليوتيوب والفيس وغيرها من وسائل الاعلام بيتهيألى هتكون فرصه قويه جدا جدا للمنتدى واضافه قويه للمنتدى ليعلن للجميع عن تميزه بادارته وباعضائه فكلاهما جسد واحد وكلاهما شركاء فى النجاح بدل الويبينار العام اللى بيكون فرح دا هيبقى خاص على اتنين تلاته مهمته يعالج مشاكلهم و قصورهم مش مجرد كلام ونظريات بدون اصلاح العيب الموجود فى المتاجر نفسه ويتم تدعيمه بويبينارات عامه برده لكن الخاص هيكون اقوى وكل شهر مثلا يتم اختيار تلاته للخاص ونشوف بيتحسنوا ولا لاء ...مجرد فكره
تقبلوا تحياتى وارجو انى كلامى يكون خفيف عليكم واسف على الاطاله