اهلا بكم أخواني أعضاء المنتدي العظيم أف أكس أريبيا
طلب مني أخي و حبيبي في الله الاستاذ فراس علي شرح لطريقتي في المتاجره
و قد طلبت منة فتح هذه الورشة و شرح مشكلتة فيها مع الاستراتيجيات المختلفة باهظة الثمن و دي فعلا مشكلة كلمني عليها كثير من الاعضاء الي بيرسلوني علي الخاص و بيشتكوا فيها من أشتراكهم مع مزودين توصيات بمبالغ طائلة و يفجئوا أن توصياتهم أيضاً بتضرب أستوب
أحب في البداية و قبل أي شئ أوصل لحضراتكم مهما كان مزود التوصيات أو المحلل الي أمامك فهو بشر و غير معصوم من الخطأ و ممكن زي ما توصياتة بتضرب التيك بروفيت فأيضاً ممكن تضرب أستوب لوز لأن سوق الفوركس متغير و أقل خبر ممكن يأثر فية و يقلب السوق ممكن يبقي المحلل شايف السوق صاعد و يبني عليها توصياتة و يفجأ بخبر أو حدث أو كارثة حصلت في بلد معينة قلبت موازين السوق
علشان مطولش علي حضرتكم فعلا و من واقع خبره تعديت سنتين و نصف و أكثر كمان في هذا السوق و عن تجربة لأكسبريتات كثيره و أستراتيجيات كثيره بأمانة لم أجد أفضل من التحليل الكلاسيكي البسيط في أقتناص الفرص
و الي فهمتة من حضرتك يا أستاذ فراس أنك تجيد رسم الترندات و أستخدام الموفينجات و الفيبو و بعض المؤشرات و دة شئ جيد طبعاً أنا حعتمد في شرح طريقتي علي المتداولين الي فهمين أبسط الادوات مثل هذه و لكن الي لسة معندهوش أي خبره أو مش فاهم يعني أية ترندات و فيبو و موفينجات ممكن يرجع للقسم التعليمي و حيلاقي فيها كل شئ عن هذه الادوات و أقربها هو الدروس التعليمية الخاصة بويبنار شهر رمضان الماضي الخاصة بدكتور أسامة طبعاً مش حتلاقوا حد يشرح الادوات دي أحسن منة
بسم الله الرحمن الرحيم
أولا : الادوات المستخدمة و هي :
1- نفتح شارت العملة المراد تحليلها .
2- رسم الترندات علي الشارت من الفريم الكبير إلي الصغير و أخرك فريم الساعة يعني نبدأ برسم الترند من فريم الشهري و نبدأ نظبطة علي فريم الاسبوعي و نشوف بردة لو الاسبوعي فية ترندات ممكن تترسم و لا و نروح علي فريم اليومي و نرسم الترندات علية و نظبط الترندات الي كنا عملينها علي الشهري و الاسبوعي و بعدين نروح علي فريم الاربع ساعات و نشوف في الترندات الي موجودة ممكن نرسمها و بردة نظبط الترندات الي كنا رسمنها قبل كدة علي الشهري و اليومي
3- نقوم بوضع أداه الفيبوناتشي لتحديد نقاط الدعم و المقاومة .
4- نقوم بوضوع موفينجات 55 و 100 و 200 بأعداداتها البسيطة
5- الاستعانة بأحد المؤشرات أميل إلي الاستوكاستيك لمعرفة التشبع المؤشرات فقط لتحديد الاتجاه للصفقة يعني أنت شايف سوق صاعد مثلا و دخلت بعد فشلة في أختراق دعم و المؤشر بيقولك صعود يبقي ندخل
الفريم المستخدم دائماً في التحليل جميع الفريمات لابد من ربطها ببعض لمعرفة أتجاه العملة و السوق و طبعاً يختلف الشارت بحسب أهدافك ( كلما كبر الفريم المستخدم كلما زادت أرباحك )
أميل إلي أستخدام فريم الساعة و الخمس دقائق و حقول بعدين لية خمس دقائق
ثانياً : بعد ما قمنا بما سبق نبدأ نحدد نقاط الدعم القوية و المقاومة القوية علي الزوج و نرسمها بشكل يدوي علي الشارت علشان تكون واضحة أكثر .
ثالثاً : نراقب حركة الزوج مع الموفينجات و خصوصاً لما بتبقي مع مستوي دعم أو مقاومة قوي مثل مستويات الفيبو و بردة نراقب الزوج في تعاملاتة مع الترندات الي كنا رسمنها قبل كدة
رابعاً : بندخل حسب الاغلاق يعني لو المستوي بيشكل مستوي دعم أو مقاومة قوي علي فريم الساعة بنراقب الاغلاق عندة و بنوصي دائماً بأنتظار إغلاق ساعة سواء أسفل أو أعلي علشان ندخل
طيب حترف أزاي الاغلاق الصحيح يعني مثلا في التحليل كاتب ننصح بالدخول شراء من إغلاق ساعة أعلي مستوي كذا ....
يبقي حنراقب إغلاق ساعة عند المستوي الي أشرنا إلية و نشوف الشمعة الجديدة فاتحة فين لو فاتحة فوق المستوي الي أشرنا علية ندخل علي طول لا 
نروح علي شارت الخمس دقائق و ننتظر إغلاق شمعتين و نشوف الشمعة الثانية دي أغلقت فين فوق المستوي الي أشرنا إلية و لا تحتة كدة نبدأ ندخل لو أغلقت أعلي منة ندخل شراء و أي هبوط متحطهوش في دماغك و لو أغلقت أسفل منة يبقي شمعة الساعة دي كانت بتعمل عزم هبوط و حتبقي هبوط طيب لو رجع في كلامة و طلع يبقي نفوت الشمعة دي لان شكلها حتبقي دوجي أو في تذبذب نشوف الشمعة الي بعدها
طيب في حاجة تانية أنت قاعد كتير قدام الشارت و مش بتقدر تتمالك أعصابك و عايز تشتغل و دة طبعاً من الاخطاء الشائعة هو الدخول الكتير علي الشارت نتابع بردة خليك علي فريم الخمس دقائق و تابع من علية إغلاقات الشموع أعلي و أسفل الموفينجات بجد يا جماعة مش حتلاقوا أحسن من الموفينجات في تحديد مناطق الدخول و الخروج
مثلاً : روحنا علي فريم الخمس دقائق و لقينا الزوج بيتداول بين موفينجين طيب حتعمل اية !!
دائماً أي حركة صاعدة أو هابطة قوية ليها إعادة أختبار مثلا الزوج أستمر في صعودة و فجأه لقيناه جية عمل أستوب عند موفينج و أغلق شمعة أسفل منها ننتظر كمان شمعة لقيتها بردة أسفل منها أدخل بيع لأحتمال أعادة الاختبار للمستوي الموفينج الي تحت
دائما الحركة علي الخمس دقائق بتبقي سريعة و الموفينجات تلاقيها قريبة من بعض
أوك : أنت قدام الشارت و لقيت فرصة لدخول شراء علي زوج مثلا و تأكدت من جميع الاغلاقات الي أشرنا إليها قبل كدة و كل شئ صحيح ، ممكن نشوف بردة مؤشر مثلا مثل الاستوكاستيك حتلاقي الاستوكاستيك عاطي إيجابية و بيقولك الشراء صحيح يبقي تمام كل حاجة بتقولك أشتري
طيب لاقيت تقاطع سلبي علي الاستوكاستيك طيب اية الي حيحصل الي حيحصل حيكون تذبذب علي الزوج و دة بردة ممكن تلاحظة لما يبقي الفريمات الكبيره و هي الاصدق عاطية أتجاه للصعود و علي فريم صغير مثل الساعة أو الخمس دقائق عاطي هبوط يبقي أحنا في إعادة أختبار أو تذبذب للزوج مؤقت
تعالي نوضح الكلام الكتير دة من الشارت
دة شارت من اليورو دولار في الساعة 6 مساء بتوقيت القاهره و حنتظر إعادة الاختبار و نشوف الكلام الي أشرنا إلية صح و لا في حاجة غلط
دة الي حصل بعد كدة أعاد الاختبار عند موفينج 55 أنتظرت أغلاق شمعتين أسفل منة السعر نزل
دة بردة شارت الساعة و نشوف سلوك الزوج علية في الفتره الي قلت حينزل و يعمل اعادة أختبار كان الزوج طاير علي فوق و بالرغم من كدة قلنا لازم ينزل بعد أصطدامة بمقاومة عند 1.3520 و إغلاق أسفل المقاومة بشمعتين علي خمس دقائق
الي هي في الرسم دة
يارب أكون وصلت معلومة صحيحة و مفيدة و منتظر أسئلتكم لو حاجة غامضة مش واضحة أو لو حد شايف ممكن يكون في تعديل في حاجة من الي قلته