السلام عليكم ... بخصوص فكرتك أقدر بفضل الله تنفيذها بسهولة .... و لكن !!!
لصفقة شراء خسرانه مثلاً ... "ملاحقة الصفقة الخاسرة" أخشى انها تيجى عند مستوى معين علشان تعوض خسارتك و تكسب فتقوم تفتح صفقة فى حال الإرتداد و بعد فتحها السعر يرجع ينزل تانى هيصبح معاك الصفقة الأصلية الخسرانة و كمان صفقة جديدة بلوط أعلى و عند مستوى تانى السعر ارتد ففتحت صفقة شراء لتعويض الصفقتين و لكن السعر مرتفعش برضوا لنقطة أخذ الأرباح و طبعاً الصفقة التالته دى هيكون لوطها أكبر من الإتنين السابقين ... و حصل نفس الكلام أكتر من مره و كل مره بتزود الحمل عليك بزيادة اللوط ... تفتكر الإكويتى بتاعك هيستحمل كام مره تفتح أمر جديد قبل الميرجن ؟!!
هفترض انك معاك فلوس كفاية لأنك تفتح أوامر ملاحقة كتير ... المفروض تاخد فى إعتبارك حاجه واحده بس علشان الإكسبيرت دا يكون ممتاز لك و هوه أن الإكسبيرت يحسب لك عدد النقط الباقية على المرجن و بالتالى عند الوصول لعدد معين ميفتحش صفقة ملاحقة جديدة و يستنى السعر يرفع لغاية ما يوصل لأول نقطة أخذ أرباح خاصة بأخر أمر ملاحقة انت حطيته ... اما لو السعر إستمر للنزول ساعتها مش هيكون فيه أمر ملاحقة جديد يشكل عبئ إضافى و يصغر المسافة اللى حسابك هيتمرجن عندها
و عند حساب عدد النقاط اللى هتتبقى لك على الميرجن تراعى السعر على مدار الشهور السابقة وصل لغاية فين و ان حسابك لازم يستحمل للوصول للنقاط السابقة دى ... و كمان أنصحك جدا ان يكون الرافعة بتاعتك 1:100 أو أقل
انا فى السابق عملت اكسبيرت مشابه فى بعض النقاط بس للأسف أثبت فشله مع المبالغ الصغيرة و أثبت نجاحه مع المبالغ الكبيرة و فكرته عبارة عن:
وضعت فيه اختيارات للتجارة الألية ليقوم بالبيع فقط أو الشراء فقط أو البيع مع الشراء يعنى زى ما تحب
فرضا اخترت التجارة الألية بنظام البيع و الشراء معاً فى الحالة دى اول ما هيشتغل هيفتح امرين بيع و شراء و كل امر فيهم هيحط البروفيت بتاعه بعد 5 نقاط بس
و لما يبعد عن امر منهم مسافة 5 نقاط يفتح امر تانى و يحط الربح برضوا عند النقطة الخامسة ..... و هكذا
فهتلاقى البرنامج ((( بيفرش ))) اوامر طول ما هوه نازل او طالع و فى نفس الوقت ((( بيجنى ))) الأرباح برضوا طول ماهو نازل و طالع بغض النظر عن السوق خالص ان كان نازل او طالع .... و بيزيد المكسب كل ما كان السوق (( متعفرت )) 
.... بس لازم الإكويتى بتاعك بستحمل فرش مسافة كويسه اللى غالبا بيتحرك فيها السوق خلال سنة على الأقل فاتت ... و عند بداية عمل البرنامج و أول شهرين تبتلاقى الإكويتى بينقص شويه و البروفيت بيزيد بالسالب علشان الأوامر اللى سالب عليك لغاية ما توصل للحظة ان السالب دا ثبت عند مقدار معين و الإكويتى هوه اللى بقى يزيد علطول مع مرور الوقت
انا عارف ان ممكن الفكره متكونش واضحه اوى بس عموما دا اكسبيرت زى اللى انت عاوزه تقريبا مع بعض التحسينات اللى هضيفها عليه علشان يمشى مع الفكرة بتاعتك
و بالمناسبة أقدر أعمل الإكسبيرت دا يشتغل مع عدد لا نهائى من العملات لأنى برضوا كنت عامل الإكسبيرت بتاعى يشتغل مع أى عمله أبدأ فيها أمر واحد و البرنامج عليه يكمل المسيرة و يفرش العملة دى و يلم منها إلى ما شاء الله ... المهم يكون الإكويتى كبير و يستحمل و انا بحب اشغل الإكسبيرت دا على حساب سنت مش استاندرد