صباح الخير ..
اخي مبدئيا لازم يكون عندك اسلوب متاجرة جميل كنقطة أولية
ثانياً لايوجد شيء اسمه يوم يجتمع فيه كذا زوج ولو كان كله من جماعة اليورو او كله من جماعة الدولار
يعني (eurusd/eurjpy/eurcad...etc) هدول كلهن من جماعة اليورو على سبيل المثال
المهم ؛ مافي اتفاقيات بين الازواج في ايام محددة
بس فكرتك وطريقة تفكيرك اخي كتير مميزة وبحييك لانو في شي متل هيك لفت انتباهك وانا عم اشتغل على هالشغلة من فترة منيحة ورح لخّصلك يلي بعرفو..
بتقدر تعرف ايمت ممكن يصيرو "بعض" الازواج متفقين من خلال دراسة الاندكسات يعني ماتعتبر الازواج كشيء واحد لايتجزأ... الفعل الصح انك تفكك الزوج مثلا يورو دولار لازم تدرس اليورو لوحده والدولار لوحده لو كان الدولار صاعد واليورو آخد مسار جانبي معناها اليورو دولار هابط ... لو كان الدولار هابط واليورو صاعد معناها اليورو دولار صاعد بامتياز وعلى هاد المنوال واتفاق الازواج خليني اضربلك مثال:
اليورو (اندكس) صاعد والكندي هابط والدولار جانبي.. فاكيد اليورو دولار رح يكون صاعد نوعاً ما واليورو كندي رح يكون صاعد بامتياز... وهيك ممكن نوفق بين التحليلات وبعض الازواج بين بعضها البعض
بس في ملاحظتين الاولى انو عملة الين ارتباطها مع العملات عجيب لحد الان ماقدرت افهمه بمعنى انو الين لما بيهبط لازم اليورو ين يصعد ولكن على الشارت يورو ين بيهبط وهي النقطة عم اشتغل عليها حالياً ممكن ارجع فيدك لما الاقي نقطة الارتباط لذلك لا تعمل تحليل اندكسات مع ازواج الين الا لما تفهم العلاقة
النقطة التانية هي انو لازم يكون معك بالفعل اسلوب مريح ولازم تكون عندك خبرة يعني لو كنت عم تشتغل على فريم صغير لازم تحلل اندكسات وازواج بفترة قصيرة ما تاخد وقت كتير وهون لازم انتا تتدرب قبل ما تدخل للمتاجرة الحقيقية
ومثال اخير عن الاختلاف
خلينا نقول انو اليورو اخد اتجاه جانبي بينما الدولار صعد بالوقت يلي عملة الكندي هبطت ف على الشارت رح نشوف انو اليورو دولار هابط بينما اليورو كندي صاعد
بالتوفيق..